بسم الله الرحمن الرحيم
أيها القارئ الكريم لقد لفت نظري كثيرا موضوع كثر فيه الكلام واللغط وكل من له ومن ليس له يفتي فيه على صفحات الجرائد وشاشات التلفاز
وإني ألتمس العذر من الفتيات الاتي لم يجعل الله لهن شريك حياة وقد بلغن ما يسميه بعض المتعجرفين سن العنوسة
مع أني لن أعرض رأيي أولا حتى لا يتأثر البعض به ويتبعني فيه واعدا إياكم بحل ربما لن يخطر للبعض على بال وربما يكون الحل مثار جدل واسع في هذا المنتدى
أريد أن أطرح سؤالا واحدا إن صح التعبير عنه


برأيكم ما هي الأسباب الحقيقية للعنوسة (على حد قول العامة) ؟

اهلا اهلا من تانى استاذ عقاد
لقد طرحت مشكلة من الصعب حلها او القضاء عليها ولكننا سنحاول ان نوضح بعض الامور
اعتقد أن تفشى البطالة فى مصر يعتبر احد الأسباب الرئيسية لظهور ظاهرة العنوسة وانتشارها بعد عجز الشباب عن العمل وبالتالى عجزهم عن إنشاء أسرة وإعالة زوجة وأبناء وهو ما أدى إلى عزوف الشباب عن الزواج
والآن يوجد جيل بأكمله من المصريين يمكن أن نطلق عليه جيل أبناء التامين والمعاشات وأعنى بهم هؤلاء المصريين الذين عبر الكثيرون منهم الثلاثين من العمر ومازالوا بدون عمل ويعيشون على معاشات ذويهم ( ترى ماذا سيفعلون بعد وفاة ذويهم وقطع تلك المعاشات عنهم ؟؟؟؟هم قنبلة مؤجلة يعلم الله وحده أثار انفجارها فى القادم من الأيام وحتما ستنفجر )
المشكلة اصعب مما تتخيل ولها فروع كثيرة وانعطافات كبيرة
تأتى أزمة الإسكان والارتفاع الرهيب فى أسعار الشقق كثاني أهم الأسباب بعد أن عجز الشباب عن توفير سكن الزوجية وبالتالي عزفوا عن الزواج
ثم ياتى الارتفاع الرهيب والمستمر فى أسعار الأثاث والأجهزة الكهربائية مما أدى إلى ليس فقط عزوف الشباب عن الزواج بل أيضا إلى فشل الكثير من مشاريع الزواج التى كانت قد سارت خطوات ولكنها انهارت تحت وطأة ارتفاع الأسعار
والسؤال الذى يطرح نفسة الان
ماهو الحل؟؟
البعض يقترح تعدد الزوجات
وانا رغم اعترافى ان هذا الحل شرعى وحلال إلا انه ليس هو الحل
لاننا اتفقنا ان بطالة الشباب هو اهم واكبر مشكلات العنوسة فمن اين سيتزوج الشاب اكثر من واحده اذا كان قد عجز عن الزواج بالاولى؟
وحتى لو قررنا ان تعدد الزوجات هو الحل ,,, فهو حل للفتيات فقط ,, طيب والشباب ايه مصيرهم
انا ارى ان الحل الوحيد هو التبسيط وعدم المغالاة فى طلبات الزواج والمهور والاثاث والتأثيث وما الى ذلك
هذا من ناحية اهل العروسة
وعلى الدولة عامل كبير طبعا لايمكن ان نتجاهلة وهو توفر فرص عمل ( شريفة) للشباب واقصد بكلمة شريفة اى تغنى او تستر الشاب وتؤهلة الى فتح بيت وان يعيش حياة كريمة غير مهينة
وعلى العروسة ايضا عامل مهم وهو ان لا تنظر لفرح بنت الجيران وعلى الى عريس بنت خالتها ولا فستان بنت عمتها
ولا تنظر الا لظروف عريسها وان لا ترهقه بطلبات قد تؤدى بالمشروع الى الفشل برمته
الموضوع طبعا كبير جدا ولكنى اخاف الاطالة وانتظر الردود حتى نرى ماذا حققنا من نتائج
والسلام خير الختام,,,

شكرا لك استاذى الفاضل على إثارة هذا الموضوع الشائك

فأقول ومن وجهة نظرى دون مرجعية لدراسات أو غيره

السبب يكمن فى

1- البطالة ............... التى ينتج عنها

2- الفقر ................ واحتكار البعض للمادة وظهور نوع من الصراع الطبقى

3- و ارتفاع تكاليف الزواج ، ومحاولة الأب إيجاد فرص زواج مناسبة لآبنته

و بالتالى فكل شاب يخشى أن يقدم على الزواج خشية الرفض وعدم القبول _ وإن كان هناك البعض سيرحب _

لكن تصبح الفجوة موجودة بين كل من الطرفين الشاب وأسرة الزوجة

واترك المجال للإخوة الكرام فليتفضلوا





فلن يقدم أى شاب
3-

يا شباب نريد المشاركة فى هذا الموضوع
22 مشاهدة و2 مشاركه فقط ؟؟
عايزين نشوف رأيكم فى هذه المشكلة

Originally posted by بورسعيدى@Dec 21 2005, 03:17 AM
اهلا اهلا من تانى استاذ عقاد
لقد طرحت مشكلة من الصعب حلها او القضاء عليها ولكننا سنحاول ان نوضح بعض الامور
اعتقد أن تفشى البطالة فى مصر يعتبر احد الأسباب الرئيسية لظهور ظاهرة العنوسة وانتشارها بعد عجز الشباب عن العمل وبالتالى عجزهم عن إنشاء أسرة وإعالة زوجة وأبناء وهو ما أدى إلى عزوف الشباب عن الزواج
والآن يوجد جيل بأكمله من المصريين يمكن أن نطلق عليه جيل أبناء التامين والمعاشات وأعنى بهم هؤلاء المصريين الذين عبر الكثيرون منهم الثلاثين من العمر ومازالوا بدون عمل ويعيشون على معاشات ذويهم ( ترى ماذا سيفعلون بعد وفاة ذويهم وقطع تلك المعاشات عنهم ؟؟؟؟هم قنبلة مؤجلة يعلم الله وحده أثار انفجارها فى القادم من الأيام وحتما ستنفجر )
المشكلة اصعب مما تتخيل ولها فروع كثيرة وانعطافات كبيرة
تأتى أزمة الإسكان والارتفاع الرهيب فى أسعار الشقق كثاني أهم الأسباب بعد أن عجز الشباب عن توفير سكن الزوجية وبالتالي عزفوا عن الزواج
ثم ياتى الارتفاع الرهيب والمستمر فى أسعار الأثاث والأجهزة الكهربائية مما أدى إلى ليس فقط عزوف الشباب عن الزواج بل أيضا إلى فشل الكثير من مشاريع الزواج التى كانت قد سارت خطوات ولكنها انهارت تحت وطأة ارتفاع الأسعار
والسؤال الذى يطرح نفسة الان
ماهو الحل؟؟
البعض يقترح تعدد الزوجات
وانا رغم اعترافى ان هذا الحل شرعى وحلال إلا انه ليس هو الحل
لاننا اتفقنا ان بطالة الشباب هو اهم واكبر مشكلات العنوسة فمن اين سيتزوج الشاب اكثر من واحده اذا كان قد عجز عن الزواج بالاولى؟
وحتى لو قررنا ان تعدد الزوجات هو الحل ,,, فهو حل للفتيات فقط* ,, طيب والشباب ايه مصيرهم
انا ارى ان الحل الوحيد هو التبسيط وعدم المغالاة* فى طلبات الزواج والمهور والاثاث والتأثيث وما الى ذلك
هذا من ناحية اهل العروسة
وعلى الدولة عامل كبير طبعا لايمكن ان نتجاهلة وهو توفر فرص عمل ( شريفة) للشباب واقصد بكلمة شريفة اى تغنى او تستر الشاب وتؤهلة الى فتح بيت وان يعيش حياة كريمة غير مهينة
وعلى العروسة ايضا عامل مهم وهو ان لا تنظر لفرح بنت الجيران وعلى الى عريس بنت خالتها ولا فستان بنت عمتها
ولا تنظر الا لظروف عريسها وان لا ترهقه بطلبات قد تؤدى بالمشروع الى الفشل برمته
الموضوع طبعا كبير جدا ولكنى اخاف الاطالة وانتظر الردود حتى نرى ماذا حققنا من نتائج
والسلام خير الختام,,,
59555


لا تعليق بعد هذا الكلام الرائع لانه بالفعل صحيح 100%

عدم تحمل المسؤليه

طبعا الآن من الطبعي أن أقدم الحل الذي أراه صوابا


المشكلة تكمن في تعطيل الشرع
محتاجة إلى شرح صح؟

السلام عليكم و رحمة الله و بركاته
هذه المشكلة تعد من أخطر المشاكل التي تواجهها الأمة العربية بأسرها و هي أخطر مم يتصور البعض بمئات المرات
(هذا بيان بخطورتها) فمثلاً :-
1- منذ الأزل كانت توجد شقق للأفعال القبيحة من كان يدخلها و من كان يستطيع النظر نحوها حتى
إنها فئة معينة و معروفة في المجتمع حينئذ
أما الآن و بفضل ما يجري حولنا فقد أصبح هذا المجال مفتوحاً للجميع
ولا تجد من يقول للشاب احترس
أو حاذر
أو إياك
الكل يحاول إقناع نفسه أن الشاب من حقه فعل هذا
حسناً
2- اللص(لماذا يسرق؟)
هل هذا هو العمل الأسهل
لا أظن
و لا داعي لذكر هذه الأمثلة الأن
فنحن على دراية على الأقل بخطورة هذه المشكلة
و لا يدري أحد المدى لخطورتها إلا الله
المهم
الحل
لا أعتقد أنه يوجد حل
كلا أنا لا أحبط من يقرأ بل هناك حلول عدة
و أرى أن يناقش أحدهم ما كتب و من ثم نبدأ في عرض الحلول كلنا أحدنا تلو الآخر

تعطيل الشرع معناه إهمال تعدد الزوجات والقول بأن الرجل إذا تزوج بثانية فإنه حتما يكره الأولى أو أنه شهواني يرضي غريزته فحسب



ولا زال لدي بقية للكلام

الشباب اتوا ليتحدثوا
بسم الله الرحمن الرحيم
فى الحقيقة هى مشكلة طالما دارت بذهنى اسبابها و هى كما تفضل الاساتذة الكبار واوضحوا
اذن الاسباب معلومة
فما الحل يا ترى ؟؟؟؟؟؟؟؟؟
الحل هو القضاء على الاسباب
1- القضاء على البطالة
2- القضاء على مشكلة ارتفاع اسعار الشقق
3- القضاء على مشكلة المغالاة فى المهور
وتلك هى المشاكل الرئيسية
اذن المشكلة الان تكمن فى كيفية القضاء على الاسباب المؤدية للعنوسة
واعتقد ان الحلول العملية على ارضنا مصر تكاد تكون مستحيلة
ولكن دعونا نتكلم للمحاولة
1- القضاء على البطالة كثر الحديث عنه واظن الحلول كثيرة ومعروفة للكثير ومنها المشروعات الصغيرة والقروض ايضا
ولكن هناك حل هو الانسب فى نظرى وهو الاهتمام اولا واخيرا بالفنيين او الحرفيين وانشاء مدارس كثيرة للدبلومات الفنية
وكفانا اهتمام بالثانوية العامة التى لم نجنى من وراءها الا المشاكل الواحدة تلو الاخرى
فبمجرد تخرج الشاب من الجامعة لن يجد اى عمل وحتى لو وجد فان دراسته تعتمد على الناحية النظرية فقط اما الناحية التطبيقية فلا توجد
فالمشكلة الرئيسية للبطالة يا اساتذتى تكمن فى الثانوية العامة ولا عجب فى ذلك فهمومها و كوارثها اكثر بكثير من فوائدها
2- اما بالنسبة للشقق فهى مشكلة معضلة ولها حل وحيد وهو خلق مجتمعات جديدة والهروب من العاصمة ولكن هذا يتطلب جهد ومال
صعب على حكومتنا الكريمة توفيره لانها تهتم اولا واخيرا باقناع الناس انها تعمل على ذلك ولكنه كلام على ورق
3- تعتبر تلك المشكلة هى ابسط المشاكل وهى المغالاة فى المهور
وقد حل رسولنا العظيم تلك المشكلة فى جملة بسيطة غاية فى الجمال وقال ( اذا اتاكم من تردون دينه وخلقة فزوجوه )
فالرسول عليه الصلاة والسلام لم يذكر ابدا المال وركز كل التركيز على الدين والخلق
فالرجاء كل الرجاء من الاباء عدم المغالاة فقد يكون الزوج ثرى ولكنه عاصى وقد يظلم ابنتك ويدمر حياتها
وكما تقول جدتى احنا بنشترى راجل فلا داعى اطلاقا ان يكون الزوج ثرى ولكننا نتفق على ان يكون معه ما يكفل حياة متوسطة او اقل من ذلك
ولا تنسى ان الله هو الرازق العليم باحوال عباده
ما كتيته يداى كان مجرد رأى فانا مجرد شاب يهتم بمشاكل وطنه
وشكرا يا استاذ عمرو على مواضيعك الجميلة فانك حقا نموذج للمسلم العاقل

اذا اتاكم من ترضون دينه وخلقه فزوجوه إلا تفعلوا تكن فتنة في الأرض وفساد كبير)

انيشتاين كلامه جميل

هناك أسباب كثير أنتم قدمتوها لكن هناك سبب أخر وهو عمل المرأه والزوج فى بيت واحد
وذلك أحد أسباب الطبقيه فى المجتمع وظهور الفروق الأقتصاديه ففى حين نجد رجل وزوجته يعملان نجد رجل وزوجته نفس التقديرنفس التخصص نفس سنة التخرج لا يعملان أو نجد أحدهما يعمل والأخر لا . والنتيجه هناك من يمتلك أكثر من ثمن الشئ والأخر لايمتلك .
والعدل أنه عند زواج المرأه التى تعمل من رجل يعمل يتم تخيرهم فيترك أحدهم وظيفته ليعمل به أحد العاطلين عن العمل ويبحث هو عن أى عمل حر. وقد تقول وما علاقة ذلك بما بالموضوع . العلاقه ياسيدى هى أن الباحث عن الزواج اليوم يبحث عن واحدة تعمل كى تساعده فى المعيشه والتغلب على الطبقيه أو واحده غنيه يرث من أهلها . ولكن إذا طبقت دول به نسبة بطاله خانقه مثل مصر ذلك قتأكد أن الطبقيه سوف تقل بنسبه ما صحيح ليست كبيره . كما أن الشباب لن يتهافتوا وراء الموظفه ويتركوا الباقى . ومن ناحيه أخرى عندما تتزوج الأخت العاطله بالأخ العاطل على الدوله أن تقدم لأحدهم عمل (الزوج مثلا" )يناسبه حسب مؤهله.

والله عارف كله حينتقد هذا الكلام لأن مش على مرارتكم

فين بقية الموضوع؟؟؟؟؟؟؟؟؟؟؟؟؟؟؟؟؟؟؟

هما دلوقتي بيسافروا علي امل انهم يرجعوا بالفلوس
بس بقي بتعجبهم العيشه هناك ياعدوا بقي يجمعوا اكبر قدر من الفلوس
دا في تفكيرهم وبعدين يرجعوا يلاقوا العيشه بقيت غاليه
فبيفضلوا انهم مش يتجوزا والكلام ده بجانب الكلام التاني اللي زمايلي قالوه

اسباب العنوسة تتلخص كما قال الاستاذ عمرو في البعد عن الدين

لو أن الأهالي يسرو وعملو بحديث النبي " إذا جاءكم من ترضون دينه وخلقه فزوجوه... إن لم تفعلوا تكن فتنة في الأرضص وفساد كبير "
وهذا هو الواقع المر الذي تسبب في ذلك

اسباب العنوسة تتلخص كما قال الاستاذ عمرو في البعد عن الدين

لو أن الأهالي يسرو وعملو بحديث النبي " إذا جاءكم من ترضون دينه وخلقه فزوجوه... إن لم تفعلوا تكن فتنة في الأرض وفساد كبير "
وهذا هو الواقع المر الذي تسبب في ذلك

برايك ما هي اسباب العنوسة وما سبل التخلص منها وهل نحمل الثقافة السبب ام الاقتصاد ام المجتمع بتخلفه ام الحضارة بتقدمها ماهو السبب هل الحنين الى الماضي ام الشوق الى المستقبل
جمعت المعلومات التالية من مجلة لها و مجلة سيدتي وجريدة الرياض ومن موقع المدونة المغربية العربي وموقع الاعلامية الكويتية حليمة بولند و صحيفة "لاستامبا" الإيطالية
العنوسة باتت ظاهرة خطيرة تهدد المجتمع ولأسباب مختلفة وإن كان معظمها يرجع لطبيعة البلد وعادات وتقاليد وطبائع وثقافة أهله.
وتشير الأرقام إلي أن نسبة العنوسة بلغت 30% في قطر ونفس النسبة أو تزيد في الإمارات.
وتكشف الأرقام عن تنامي ظاهرة العنوسة في مصر حيث أعلن الجهاز المركزي للتعبئة والإحصاء عدد المصريين الذين بلغوا الثالثة والثلاثين ولم يتزوجوا بعد بلغ 8 ملايين و963 ألفاً منهم نحو 4 ملايين امرأة.
أما عدد الذين بلغوا سن الزواج ولم يتزوجوا فقد تخطي الـ 13 مليون. وفي الكويت اقتربت نسبة العنوسة من 30% حسب إحصاءات رسمية وقد بدأ الشباب الكويتي يتردد في الإقدام على الزواج نظراً للأعباء الاقتصادية التي تترتب عليه.
وفي السعودية؛ أكدت إحصائيات صادرة عن وزارة التخطيط أن ظاهرة العنوسة امتدت لتشمل حوالي الثلث من الفتيات السعوديات في سن الزواج وأن عدد اللاتي تجاوزن سن الثلاثين بلغ مليون و529 فتاة.
نشرت صحيفة "لاستامبا" الإيطالية في عددها أمس الأول دراسة بعنوان: "الفتيات العربيات والبحث عن زوج" شملت جوانب عدة من حياة الفتاة العربية بصفة عامة.
وأوضحت أن نسبة الفتيات بالوطن العربي اللاتي تقدمت بهن سن الزواج في ارتفاع مطرد مقارنة بالعشر سنوات الماضية، مشيرة إلى الزيادة الكبيرة في عدد العوانس ببعض الدول العربية كالسعودية والكويت واليمن وليبيا والتي وصلت النسبة بها إلى 30%، وفق ما جاء في الدراسة.
ولفتت الدراسة إلى أن مصر التي يوجد بها نحو 35 مليون امرأة من أصل عدد السكان البالغ 75 مليون نسمة، زادت بها أعداد الفتيات غير المتزوجات نتيجة ارتفاع البطالة بين الرجال، وتزايد الأعباء المادية لتوفير وتجهيز مسكن الزواج، فضلاً عن ارتفاع نسبة التعليم الجامعي بين الفتيات


وقدرت الدراسة، عدد الفتيات اللاتي لم يتزوجن في المرحلة العمرية من 18 إلى 20 عامًا بنحو مليوني فتاة، ومن 20 إلى 25 يقارب المليون ومائة ألف فتاة ومن 25 إلى 30 يصل إلى نحو 800 ألف فتاة، ومن 30 إلى ما فوق يزيد على نحو 400 ألف فتاة وسيدة، هن من الفاقدات لأزواجهن والمطلقات، حسب صحيفة المصريون الإلكترونية.
وأضافت أن نسبة غير المتزوجات في مصر تصل إلى نحو أربعة ملايين فتاة وسيدة، مشيرة إلى لجوء الفتيات المصريات إلى تقديم أنفسهن للزواج عبر شبكة الإنترنت بوضع صورهن وأعمارهن والشروط المتوافرة لديهن ومواصفات الشخص المتقدم للزواج.
وأكدت أن هناك نسبة أخرى تعلن عن نفسها من خلال الصحف وبعض مكاتب الزواج في مصر، وتوقعت أن تزيد نسبة الفتيات غير المتزوجات خلال الخمس سنوات القادمة لتصبح ما بين 50 إلى 55%، وهو رقم قد يرعب المواطن المصري وبخاصة من ينجب فتيات، وفق ما جاء في الدراسة.
وقد تحولت العنوسة إلى وضع اجتماعي خطير يثير قلق الكثيرين وذلك ما تعكسه العديد من جدران المنازل التي صارت نموذجاً للوحدة والعزلة والاكتئاب
ولنا أن نتساءل لماذا تقع معظم فتياتنا فريسة للعنوسة علي الرغم من أنهن يعشن في مجتمع الفحولة أبرز سماته؟ وهل غلاء المهور والمبالغة في الطلبات التي يعجز كثير من الشباب عن تلبيتها السبب الأول في تنامي هذه الظاهرة أم أن المفاهيم والتقاليد البالية التي عفا عليها الزمن والتي تمنع الزواج إلا من الأقارب أو الأهل تلعب دوراً في هذا الخصوص؟.
وتقول د. حمدة السليطي مديرة وحدة التخطيط التربوي والمتابعة إن هناك عدة أسباب وراء تأخر سن الزواج أو العنوسة أولها الوعي المجتمعي، ففي السابق كانت الفتاة تتزوج في سن صغيرة ولكن الآن تكمل تعليمها أصبح هناك وعي مجتمعي حيث أصبح للفتاة فرصة أكبر للنضج من أجل بناء أسرة متكاملة وتكوين بيت وأن تقوم على تربية الأجيال. والأسر الآن تعطي فتياتها فرصة أكبر لأن تكون ناجحة بما فيه الكفاية لتعمل على بناء أسرة جديدة متماسكة.
والسبب الثاني هو الارتقاء بالتعليم حيث إن معظم الفتيات ينتظرن إلى حين إكمال الدراسة الجامعية، والبعض يطمح للدراسات العليا، فالدراسة أصبحت سلاحاً ذا حدين حيث إنها تزيد فرصة الزواج وتقلله بنفس الوقت حيث إن التعليم يوسع تطلعات الفتاة ويغير نظرتها ورؤيتها للزواج ولبناء الأسرة.
وانتقدت بشدة غلاء المهور والمبالغة في تكاليف وترتيبات الزواج وطالبت أولياء الأمور بتيسير الزواج وعدم تكليف الشاب بشكل مبالغ فيه.
من جهة أخرى طالبت بإنشاء صندوق للزواج أسوة بالدول العربية يساعد الشباب في سن الزواج.
كما طالبت بإجراء دراسات تشخيصية للواقع المحلي والعمل على نشر الوعي بين الأسر والشباب.
بحث وصياغة محمود أغيورلي

ماهو السبب الرئيسي للعنوسة برايك؟؟؟؟

بليز عاوزه ردود كويسه متكونش خارجه

ظاهرة العنوسة ظاهرة موجودة أصلاً منذ أكثر من 60 عاماً (ونلاحظ ذلك في الأفلام القديمة التي كانت تناقشها بشكل كوميدي مثل فيلم إبن حميدو وهكذا) ولم تحل أو يقضى عليها نهائياً منذ ذلك الوقت ولكنها بالعكس تتزايد عاماً بعد عام إلى أن أصبحت أمر عادي وبدأ السن المفروض للزواج يتغير بالزيادة عام تلو الأخر فكان من وقت قريب سن الفتاة للزواج حوالي 18 عام وتغير إلى 20 ثم إلى 25 والآن أصبح السن 30 وتلك الظاهرة نحن من نساعد على نموها وذلك لأسباب عديدة

الأسباب من وجهة نظري تتلخص في

1- أسباب تفرضها الفتاة وأسرتها
**وهي المغالاه في المهر (فكل فتاة تريد أن تفتخر بين أفراد أسرتها أنها الأكثر مهراً )
**وأيضاً الشبكة التي تتكون من كذا وكذا وكذا وبمبلغ كذااااا (بالرغم من أن هناك الكثير من الأسر الآن يتنازلوا عن الشبكة ويكتفوا بدبلة وخاتم فقط وذلك أمر إيجابي لمعاصرة الوقت الحالي)
**إصرار الأسر على أن إمتلاك العريس لشقة قبل الإرتباط وبالطبع الشقق الآن وصلت لأسعار تفوق الخيال ولا يستطيع الشاب أن يمتلك في تلك الظروف شقة إلا إذا كان والده هو من ساعده على ذلك
**مرتب الشاب يجب أن يكون في وظيفة حكومية أو مرتب لا يقل عن كذا أو يمتلك مبلغ من المال يضمن لإبنته أن تعيش في مستوى مالي معين
**وأيضاً عند تأسيس منزل الزوجية يجب ألا يقل الفرش عن ما يماثلها من فرش بنات عائلتها وحبذا أن يفوق في المقدار والجمال
من من الشباب الذي يتحمل تلك الأعباء ليتقدم لفتاة في ذلك الوقت وبكل تلك الطلبات

2- أسباب يفرضها الشاب
طبعاً الشاب كمان عنده طلبات لازم تتوافر في الفتاة التي سوف تكون شريكة حياته
**وتتمثل في أن تكون على قدر عالى من الجمال (يعني ميقلش عن جمال نانسي عجرم أو هيفاءأو المذيعات اللبنانيات) وطبعا الكثير من الفتيات على قدر متوسط بالنسبة لهذا الجمال ولكي تصل الفتاة لذلك القدر يجب أن تتجه لعمليات التجميل
**الحسب والنسب يعني كثير من الشباب يتجهون للإرتباط من بنت فلان أو قريبة فلان وذلك للتباهي أنه على نسب بفلان الفلاني

3- أسباب يفرضها المجتمع
**المجتمع يفرض على الشاب أن يتناسى أمر الزواج لمدة 30 عام أو إلى الأبد نظراً لإرتفاع اسعار السلع الأساسية والتي لا يستطيع أي منزل الإستغناء عنها
**وأيضاً شعار وظيفة واحدة لا تكفي يعني الشاب بمجرد أن يرتبط إلا ويبحث عن وظيفة أخرى ليكفى حاجات أسرته الأساسية من علاج ومأكل وملبس وتعليم أبناء
**ولو تنازلت أسرة الفتاة عن أمر الشقة فلكي يسكن الشاب في شقة إيجار فيجب عليه أن يمتلك ضعف مرتبه فقط لسداد إيجار الشقة الشهري

بعد كل تلك الأسباب التي قد تكون أقل بكثير من الأسباب الفعلية للقضاء على العنوسة أو لتكوين الشاب والفتاة منزل متواضع يستطيع أن يتخطى الظروف القاسية التي تفرضها عليه الحياة
كيف يفكر الشاب في الإرتباط إلا أن يكون شاب فدائي أو يملك المقومات التي تساعده على تلبية كل آمال وأحلام الفتاة ؟

والحل في إيدينا هو العمل بقول رسول الله صلى الله عليه وسلم "إذا أتاكم من ترضون دينه وخلقه فزوجوه"
وحديث أخر "تنكح المرأة لأربع لمالها ولحسبها ولجمالها ولدينها فاظفر بذات الدين تربت يداك" صدق رسول الله صلى الله عليه وسلم

ويجب علينا التنازل عن الكثير من الأمور المادية للقضاء على تلك الظاهرة
أعتذر للإطالة وشكراً على الموضوع يا ymym
وتقبلي مروري

كلامك حقيقي يا hg ميرسي علي مرورك وطبعا تشرفني

السب بكل بساطه
اولا البنات بقو كتييييييييييييييييييييييييييييييييييير
والاهم يقه
المبالغه فى الطلبات
وضعف مستوى الشباب المادى

ههههههههههههههههههههههههههه

لأ حلوه البنات كتروا دي هههههههه


لأ هو فعلا الاسباب التانيه هي اللي اصح جايز فعلا تكون ممكن البنات كترو نورتني بجد

انا اعتقد اسباب العنوسة هى الفقر وكثرة طلبات البنات
ربنا يهديهم ويعقولوا علشان ميعنسوش
اشكرك على التوبيك
في رعاية الله

ههههههههههههههههههههههههههه

لأ حلوه البنات كتروا دي هههههههه


لأ هو فعلا الاسباب التانيه هي اللي اصح جايز فعلا تكون ممكن البنات كترو نورتني بجد

الموضوع منور بصحابه والله

بصى حضرتك
اولا شكرا لموضوعك
وثانيا هقول وجهة نظرى

انا من وجهة نظرى السبب هو تغير ثقافة المجتمع للاسف للاسوا مش للاحسن
لان الثقافة هى ثقافة فكر وعقل مش ثقافة مادة
للاسف كان زمان متطلبات الزواج بسيطة وسهلة
انما اليوم متطلبات الزواج محبطة بالرغم من المشاكل الاقتصادية اصلا
ازاى
كنتى ممكن تلاقى الاسرة تسكن فى بيت عيلة - تلاقى اكتر من اسرة انما الوقتى كل واحدة ومش بس واحدة عشان متزعليش وواحد بردوا
عاوز شقة - لا وايه شقة خمس اوض مش 2 وصالة - لا وايه 2 حمام و............
مع ان تكلفة السكن او المبانى اصبحت غالية
* واذا لقيتى الشقة يبقى تعالى بقا غسالة فوووووووووول اوتماتيك مش طعمية ولا غسالة من المدورة ( هههههههههههه)
وتلاجة متكنش ايديال باب واحد
واشى واشى وكمبيوتر وماكينة خياطة وفرن بوتجاز ( ربنا يرحمنا)
الناس نسيت اهم حاجة مطلوبة لدوام العشرة وهى القبول والدين والارتياح والتكافىء الثقافى واصبحت تبص لحاجة واحدة الماديات
تلاقى واحدة معاها دكتوراه تتجوز دبلوم تجارة( دى انا اعرف حالة كدا)
هتقولى مش متدين اقولك وماله ماهو التدين مطلوب صح بس اصل التكافىء الثقافى الى حد ما ميجبش مشاكل بعد كدا
انما لو اشاكلوا بعد كدا ممكن تقوله يا ابو دبلوم ( مثلا يعنى) يبقى ليه اصلا نتحط فى الموقف دا من الاصل
يخربيت الفلوس وسنينها ومع احترامى لاصحاب الدبلومات ( ابدا مش بقلل من شانهم)
ما فىه ناس معاها دكتورهات ( كل حاجة بقت كتير اليومين دول وفيه حاجات كتير مبقتش لها لازمة غير المنظرة!!!!!!!!!!!!) معلش دى وجهة نظرى ونحترم اراء الاخرين
لان من وجهة نظرى اللى معاه دكتوراه دا المفروض انه باستمرار مثلا يضيف كتير للعلم
انما كام واحد بيضيف كتير مثلا
اصبح كتير بيدور على اسم ومنظرة ( بردوا ربنا يرحمنا)
الكلام دا تلاقيه عندنا اكتر من بره
برا يمكن بتوع شغل شوية ودماغهم شغال على طول واصلا مبيدوروش عالمنظرة زينا كدا ( متاسف اقصد زى كتير مننا - لحد يزعل ولا حاجة)
* حته الدين والاخلاق دى مهمة قوى قوى قوى
لان لو مكنتش موجودة تلاقى نتائج خطيرة زى ما حضرتك قلتى

اكتر من 4.5 مليون فتاه فى مصر فوق 35 سنة متجوزتش لحد الوقتى حسب معلوماتى اللى قرتها ( حاجة تزعل والله)
وكذلك اكتر من 3.5 مليون شاب نفس الحكاية

مش بس كدا شوفى الامر من كدا
النهاردا انا قرأت فى موقع مصراوى ان عدد المطلقات فى مصر 2.5 مليون سيدة( ربنا يستر) حاجة تزعل وتحسر
وان كتير منهم جوازه لم يدم الا شهور بسيطة وكتير معاه اطفال
دا كله لان الاختيار كان خاطىء ولان النية اصلا زى الزفت من الاول
لان كتير من البنات اليومين دول مع احترامى اصبحت تتمنى الحصول على لقب سيدة او مدام وخلاص
حتى لو عاشت فى نكد طول عمرها بعد كدا وبناء عليه
تلاقى البنات او كتير منهم عشان مععمش مش عارفين يعملوا ايه فى نفسهم وطريقة لبسهم الزفت الماكياج الهباب اللى بيخلى شكلهم زى البلياتشو!!!!!!!!!!
مش بس البنات دى الامهات ايضا كتير منهم بتساعد بناتها على كدا طعما فى الحصول على عريس متريش او حتى مش متريش - آهى جوازة والسلام بدل من القعدة جمب امها
يخربيت الجواز وسنينه اذا كان غلط او مبنى على غلط من الاول ( معلش دى وجهة نظرى)

اخيرا عاوز اقول لكل ام ولكل بنت ان الجواز دا رزق لو البنت كانت مسلمه الموضوع لربنا ومحترمة ومؤدبة ومهذبة والله هيجيلها رزقها اللى يناسبها لحد عندها
بس لما تيجى نخلينا واقعيين وبلاش تشدد عشان ربنا ميخدش مننا النعمة ونرجع نندم طوووووووووووووول العمر!!!!!!!!!!!!!!!!!!

فى اوربا مثلا شوفوا الاخلاقيات عامله ازاى زى ما بنقرا او بنسمع كتير منها زى الزفت
بس عندهم حاجات حلوة زى مثلا فى بداية الزواج تلاقى الاسرة فى سكن اوضتين وصالة او حتى اوضة وصالة
ولما تكبر الاسرة شوية يتنقلوا لمكان اكبر
مش بس كدا تلاقى البيت شياكة كدا
يعنى ميجبوش صالون كبير والاوضة صغيرة
او سفرة كبيرة ويحطوا النيش فى اوضة النوم او نص الكراسى مع الصالون !!!!!!!!!!!!!! ( ربنا يرحمنا)

اخيرا انا متاسف لطريقة تعليقى لان انا والله بزعل على الحال كدا
محدش يزعل منى انا بقول وجهة نظرى وطبعا احترم اراء الاخرين
وكله ياخد من كلامه ويرد الا حضرة النبى صلى الله عليه وسلم
ربنا يارب يكرم كل البنات بالازواج الصالحين وبردوا الشباب بعرايس زى الفل وصالحات عشان يكونوا اسر نافعة وصالحة
وربنا يحفظ بلدنا ( مصر) أمنا كلنا من كل مكروه
ومش عاوزين نبص لغيرنا فى المشكله دى لان ثقافتنا مثلا تختلف عن ثقافة الدول الاخرى لان مثلا فى انحلال اخلاقى فى دول باوربا انما عندنا الحمد لله بناتنا بخير وشبابنا بخير ( بس ينقصنا القناعة والعمل واتقان العمل وتسليم الامور لله دون تواكل - اكرر دون تواكل لان الحياة مش وردية او مش بتكون وردية على طووووووووووووووووووول)

تحياتى لحضرتك
واحترامى وتقديرى للجميع

برده انا رايي مش هيختلف كتير عن اراء كل اللي ردوا

فعلا الاهل بقوا مزودينها جدااااااااااااااااااااااااااا ويعدوا يطلبوا في حاجات كان جالهم مصباح علاء الدين ومصدقوا

ويخلوا اللي جاي يتجوز ده يكره الدنيا باللي فيها واللي عايز يتجوزها كمان ......

واللي بيدايقني اكتر ان الام تعد تقارن بنتها ببنت خالتها وبنت صاحبتها وحاجات كتير كده....

مش عارفة انا شايفة ان الاهل يخفوها ع الشباب شوية عشان الحياة تمشي.....

وميرسي ليكي يا قمر ع موضوعك الهايل جداااااااااااااااااااااا

احاول مرغيش و لو مرة ...
الخلاصة .. المشكلة اقتصادية بحتة

احاول مرغيش و لو مرة ...
الخلاصة .. المشكلة اقتصادية بحتة
اختلف معاك على الاطلاق ( متاسف يعنى - دى وجهة نظرى)
احنا الوقتى احسن حال اقتصاديا من زمان (غالبيتنا اقصد)
ولكن كانت الحياة بسيطة والمتطلبات بسيطة ومفيش تعقيد

امممممممممم ازيك عاملين ايه هي ردودكم الي حد ما مقنعه

انا قعدت افكر لم نزلت الموضوع ده لقيت ان في عينه من البنات عاوزه عريس متريش ومعاه فلوس ويقدر يسعدها فبالتالي تلاقي فرصه جوازهم قليله تلاقي عينه من البنات عاوزين واحد محترم ومتدين وابن حلاال وهما كويسين وبيبقوا عاوزين يعيشوا في سلام بس مش قادرين يلاقوا برضه واحد كويس فبالتالي هتلاقي فرصه جوازهم قليله برضه الي حد ما

عينه تالته بنات بيبقوا مش كويسين يعني مفيش عندهم حياء ولا اخلاق دول هيلاقوا ازاي فبالتالي مش هيتجوزوا ولو اتجوزا هيتجوزا عينتهم يعني جواز فاشل بمعني اصح فهتلاقي ان نسبه كبيره قوي منهم او مننا من البنات فرضه الجواز بتاعتهم بتقل
ده بالنسبه للبنات
بالنسبه للاولاد متعرفش هما بيفكروا فعلا في ايه

جزء منهم هتلاقيه عاوز يتجوز واحده زي نانسي هيفاء ودول اللي بيتجوزا البنات الوحشين

جزء تاني اللي هما مش عارفين يلاقوا البنت المحترمه الكويسه والجزء ده خطير جدا فعلا بيصعبوا عليا لان مشكلتهم مش عارفين يلاقوا بعض كويس موجودين بس مش عارفين يلاقوا بعض كويس

نسبه تالته اللي هما كويسين وبيبقوا محترمين بس علي قدهم فييجوا الاهل يطالبوهم بكذا وكذا وكذا
فيمشوا
ده اللي انا استنتجته وفهمته من الاجرايد واللي بشوفه اصلا بس في جزء كبير جدا بيبقوا طالبين بنت حلال وبنات طالبين ابن حلال بس مش لاقيين بعض وتلاقي واحده تقولك انا متقدملي عريس فافي مبيمشيش غير بكلام مامته

وولد يقولك البنت دي مش كويسه وما الي ذلك يعني ده رايي برضه

وشكرا لكل اللي رد

شاب عاطل قاعد فى البيت منين يتجوز
حكومة الحمد لله رفعت سن الزواج للبنات 18 سنة علشان تخفف شوية من الزواج وتزود العنوسة شوية
الاب عاوز يأمن مستقبل بنتة عاوز شقة عاوز شبكة عاوز مهر عاوز موأخر صداق حلو مش كبير علشان لو طلقت بنتة يسجنك
عاوز فرح كبير فى نادى عظيم يغنى فية عمرو بية دياب وترقص دينا فية وياريت لو نانسى عجرم يبقى احسن علشان معارفى من كبار البلد

أسباب العنوسة هى

نحن جميعاً

يعنى المجتمع كله ...

هههههههههههههه
عسل يابت يايميم مواضيعك خفيفة ولزيزة

بس عارفة ساعات بفكر واخيرا توصت واخيرا

الى ان دى علامة من علامات يوم القيامة

وان دة بسبب ابتعادنا عن ديننا وبسبب عدم تنظيم الاسرة فى الارياف

وحاجات تيييييييييييييييييييييير اوووووووووووووووى

ما هي اسباب العنوسة وما سبل التخلص منها


طمع العروسة وامها
بنتى مش اقل من بنت خالتها
زى ما عرسها جبلها خلاط 4 قطع بنتى يجلها :d

بس انا تخيلت انها ناتجة عن ان عدد مواليد البنات 3 اضعاف عدد مواليد الولاد

بس انا تخيلت انها ناتجة عن ان عدد مواليد البنات 3 اضعاف عدد مواليد الولاد




لا نسبة ايه بس
بسبب الخلاط

لا نسبة ايه بس
بسبب الخلاط


خلاص يبقى الخلاط عليا:022yb4:
لو ده سبب العنوسه
هههه

حلو اوى الموضوع ymymym

هههههه .. قولى إنك بتتكلمى جد :d
السؤال ده جالى فى إمتحان دراسات ميدانية كان عليه 5 درجات تقريباً
كتبت أكتر من اللى فى الكتاب و المراقب لقيته بيقولى يا بنتى كفاية أنا زعلتلك :p
هههههه
بصى يا ستى هقولك عليهم لانهم شاملين حاجات كتير
1.الجمال : كل شاب بيبقى نفسه مراته دى تبقى أجمل واحدة فى الدنيا .. على رأى دكتور فتحى عايز تعرف خطبتك لما تكبر هيبقى شكلها إزاى بص لمامتها :p.. المهم يعنى شباب كتير بيدوروا على الجمال أول حاجة و لو ماكنش أول حاجة فا لازم يكون تانى أو تالت حاجة .. و يا عينى على الغلابة التانيين لازم يعنسوا مش بإيديهم
2.الظروف الإقتصادية : طبعاً الشاب فى أول حياته يجيب شقة و عفش و مهر وشبكة و هدايا للعروسة و أم العروسة وخالة العروسة و جارة العروسة و مراة البواب اللى فى عمارة العروسة و الحاجات الفاضية دى عايزله سرقة بنك محترم .. و طبعاً أهل العروسة عايزينها تعيش فى أحسن حال ( على أساس إن الخلاط بتاع إسلام هو اللى هيعيشها أحسن من بنت خالتها ;) ) .. فا الشاب مش بيلاقى نفسه قادر على كل المصاريف دى فا بيفضل يكون نفسه لغاية ما يطلع على المعاش و يفكر بعد كده يتأهل :d فا بتزيد العنوسة
3.نفور الشباب من الزواج : ارتفاع مصاريف الزواج و غلاء المهور و مطالب العروسة فا بيريح دماغه ويعيش فى العزوبة أحسنله
4.الخوف من الفشل : تقعد واحدة صاحبتك معاكى وتفضل تحكيلك خالتها خلعت جوزها و عمتها قتلت جوزها و عيالها بيبيعوا مناديل فى الاشارات و جارتها قطعت جوزها حتت و كيسته و فجأة تلاقى صويت فى العمارة تبصى تلاقى واحد طلق مراته ورماها هى والعيال فى الشارع إيه نتيجة كل ده طبعاً هتقوليلى الست وعيالها هيجى يباتوا عندكم لغاية ما يطلع الصبح لا يا هانم نتيجة كل ده إنك هتتعقدى من الجواز و هتفضلى تعيشى من غير جواز أحسن ما تتجوزى و تفشل الحكاية
5.لإقبال الفتاة على التعليم : نقطة هبلة أوى كل اللى فيها إن فى بنات بيفضلوا حياة التعليم عن الزواج أو بمعنى تانى إنهم بيندمجوا فى التعليم لغاية ما يصحوا ويلاقوا قطر الجواز فاتهم فا يستنوا اللى بعديه يجى مايجيش يجى مايجيش يروحوا مكملين حياتهم فى التعليم و خلاص

بس كده .. :bosyht9:

شكراً يا هانم على الموضوع

السلام عليكم
انا بقول ان دا يرجع لاسباب يااااااااااااااااااامة
مش حذكر منها الى ثلاثة فقط
1. الابتعااااااد عن الاسلام وقيم الدين بس اوضح هل يا ايام الرسول كان فى كدا
يعنى العفش من دمياط والدهب بالحاجة كذا والى والى والى ...... الخ هو الرسول ال اية تنكح المراة لاربع حسبها ونسبها وجمالها ودينها فزفر بذات الدين تربت يداك
صدق ارسول الكريم
02 متنسوش القنوات والمواقع الاباحية وبيوت ال.......؟ مع احترامى للجميع يبقا اتجوز لية بقااااااااا؟؟
03 ما بردة اهل العروسة هما السبب يعنى اية يبصو لفلوس الراجل وال اية الراجل ميعبهوش الا جيبو
لالالالالالالالالالا طبعا انا مش مع المثال الخاطا دا الى مش بعترف بية خااااالص
لا كن فى اسباب تانية كتيييييييييييير جدااااا
انا اقتصرت الانى لو اتكلمت بجد حفتح كفاااااااية كدا
وبلاش فضايح اللهم استرها معانا يارب
شكرااااااااااا
دى وجهة نظرى
تقبل تحياتى

شاب عاطل قاعد فى البيت منين يتجوز
حكومة الحمد لله رفعت سن الزواج للبنات 18 سنة علشان تخفف شوية من الزواج وتزود العنوسة شوية
الاب عاوز يأمن مستقبل بنتة عاوز شقة عاوز شبكة عاوز مهر عاوز موأخر صداق حلو مش كبير علشان لو طلقت بنتة يسجنك
عاوز فرح كبير فى نادى عظيم يغنى فية عمرو بية دياب وترقص دينا فية وياريت لو نانسى عجرم يبقى احسن علشان معارفى من كبار البلد



مع احترامي الكبير لحضرتك بس فيها ايه لما البنت يبقي سن ججوازها من 18 انا شايفه انه الصح
بحيث انها تكون قادره عليانها تتحمل مسؤوليه بيت كامل وزوج وعيال وما الي ذلك اكل وشرب وتنظيف وووووووو

هي الحاجات دي علي ما اظن يعني خصوصيه حاجات قليله
اما الاسباب الكبيره اللي فعلا بتخلي فيه عنوسه او تأخر سن الزواج للفتاه بلاش عنوسه عشان مبحبهاش قوي
بس بجد حضرتك نورتني يا عمو

أسباب العنوسة هى

نحن جميعاً

يعنى المجتمع كله ...





جبت من الاخر يعني نورتني :022yb4:






هههههههههههههه
عسل يابت يايميم مواضيعك خفيفة ولزيزة

بس عارفة ساعات بفكر واخيرا توصت واخيرا

الى ان دى علامة من علامات يوم القيامة

وان دة بسبب ابتعادنا عن ديننا وبسبب عدم تنظيم الاسرة فى الارياف

وحاجات تيييييييييييييييييييييير اوووووووووووووووى





اكيد اكيد مواضيعي لذيذه زيي كته انا خدت كلمه كته من واحده هنا في المنتدي مش فاكره مين:d؟ميرسي لمرورك





اقتباس:

ما هي اسباب العنوسة وما سبل التخلصمنها



طمع العروسة وامها
بنتى مش اقل من بنت خالتها
زى ما عرسها جبلها خلاط 4 قطع بنتى يجلها






هههههههههههههههههههه


خلاط خلااااااااااااااط طب كويس انها جت علي الخلاط


نورتني يا تملي غتيت:p






بس انا تخيلت انها ناتجة عن ان عدد مواليد البنات 3 اضعاف عدد مواليد الولاد





طب ما كل واحد ياخدله تلاته ;)


نورتيني





اقتباس:

المشاركة الأصلية كتبتبواسطة عاشقـــ الانمى ـــة
بس انا تخيلت انها ناتجة عن ان عدد مواليد البنات 3 اضعاف عددمواليد الولاد






لا نسبة ايه بس
بسبب الخلاط







اها طبعا بسبب الخلاط:028ja7:





اقتباس:

المشاركة الأصلية كتبتبواسطة _تملى غتيت_






لا نسبة ايه بس
بسبب الخلاط





خلاص يبقى الخلاط عليا
لو ده سبب العنوسه
هههه

حلو اوى الموضوع ymymym






انتي واحد وانا واحد عشان برضه ما يبقاش كتير عليكي ;)


انتي احلي ومرورك اجمل او العكس


يعني انتي اجمل ومرورك احلي يعني كله زي بعضه:blush:






هههههه .. قولى إنك بتتكلمى جد
السؤال ده جالى فى إمتحان دراسات ميدانية كان عليه 5 درجات تقريباً
كتبت أكتر من اللى فى الكتاب و المراقب لقيته بيقولى يا بنتى كفاية أنا زعلتلك
هههههه
بصى يا ستى هقولك عليهم لانهم شاملين حاجات كتير
1.الجمال : كل شاب بيبقى نفسه مراته دى تبقى أجمل واحدة فى الدنيا .. على رأى دكتور فتحى عايز تعرف خطبتك لما تكبر هيبقى شكلها إزاى بص لمامتها .. المهم يعنى شباب كتير بيدوروا على الجمال أول حاجة و لو ماكنش أول حاجة فا لازم يكون تانى أو تالت حاجة .. و يا عينى على الغلابة التانيين لازم يعنسوا مش بإيديهم
2.الظروف الإقتصادية : طبعاً الشاب فى أول حياته يجيب شقة و عفش و مهر وشبكة و هدايا للعروسة و أم العروسة وخالة العروسة و جارة العروسة و مراة البواب اللى فى عمارة العروسة و الحاجات الفاضية دى عايزله سرقة بنك محترم .. و طبعاً أهل العروسة عايزينها تعيش فى أحسن حال ( على أساس إن الخلاط بتاع إسلام هو اللى هيعيشها أحسن من بنت خالتها ) .. فا الشاب مش بيلاقى نفسه قادر على كل المصاريف دى فا بيفضل يكون نفسه لغاية ما يطلع على المعاش و يفكر بعد كده يتأهل فا بتزيد العنوسة
3.نفور الشباب من الزواج : ارتفاع مصاريف الزواج و غلاء المهور و مطالب العروسة فا بيريح دماغه ويعيش فى العزوبة أحسنله
4.الخوف من الفشل : تقعد واحدة صاحبتك معاكى وتفضل تحكيلك خالتها خلعت جوزها و عمتها قتلت جوزها و عيالها بيبيعوا مناديل فى الاشارات و جارتها قطعت جوزها حتت و كيسته و فجأة تلاقى صويت فى العمارة تبصى تلاقى واحد طلق مراته ورماها هى والعيال فى الشارع إيه نتيجة كل ده طبعاً هتقوليلى الست وعيالها هيجى يباتوا عندكم لغاية ما يطلع الصبح لا يا هانم نتيجة كل ده إنك هتتعقدى من الجواز و هتفضلى تعيشى من غير جواز أحسن ما تتجوزى و تفشل الحكاية
5.لإقبال الفتاة على التعليم : نقطة هبلة أوى كل اللى فيها إن فى بنات بيفضلوا حياة التعليم عن الزواج أو بمعنى تانى إنهم بيندمجوا فى التعليم لغاية ما يصحوا ويلاقوا قطر الجواز فاتهم فا يستنوا اللى بعديه يجى مايجيش يجى مايجيش يروحوا مكملين حياتهم فى التعليم و خلاص




بس كده ..



شكراً يا هانم على الموضوع






وانتي كتبتيله كته يا ختي في الامتحان :o


مين هانم دي اسمي يميميم لو سمحتي اياكي تعملي كته تاني :slap1qk6:


علي رايك ضلمتي الدنيا يا ميهو يا حبيبتي:d





السلام عليكم
انا بقول ان دا يرجع لاسباب يااااااااااااااااااامة
مش حذكر منها الى ثلاثة فقط
1. الابتعااااااد عن الاسلام وقيم الدين بس اوضح هل يا ايام الرسول كان فى كدا
يعنى العفش من دمياط والدهب بالحاجة كذا والى والى والى ...... الخ هو الرسول ال اية تنكح المراة لاربع حسبها ونسبها وجمالها ودينها فزفر بذات الدين تربت يداك
صدق ارسول الكريم
02 متنسوش القنوات والمواقع الاباحية وبيوت ال.......؟ مع احترامى للجميع يبقا اتجوز لية بقااااااااا؟؟
03 ما بردة اهل العروسة هما السبب يعنى اية يبصو لفلوس الراجل وال اية الراجل ميعبهوش الا جيبو
لالالالالالالالالالا طبعا انا مش مع المثال الخاطا دا الى مش بعترف بية خااااالص
لا كن فى اسباب تانية كتيييييييييييير جدااااا
انا اقتصرت الانى لو اتكلمت بجد حفتح كفاااااااية كدا
وبلاش فضايح اللهم استرها معانا يارب
شكرااااااااااا
دى وجهة نظرى
تقبل تحياتى






وعليكم السلام


ياريت بليز تبقي تقبلي تحياتي انا بنت والله انتوا لغايه دلوقتي مش عارفين بنت ولا ولد :slap1qk6:


اكيد نورتني:d

الضعف المادى أولا
المغالاة ثانيا
واحصائية كدة بسيطة
لو كل راجل تزوج امرأة
يتبقى فى العالم 800 مليون امرأة بلا زواج
فى امان الله

الضعف المادى أولا
المغالاة ثانيا
واحصائية كدة بسيطة
لو كل راجل تزوج امرأة
يتبقى فى العالم 800 مليون امرأة بلا زواج
فى امان الله


ميرسي علي مرورك

موضوع جميل جدا

ميرسي لحضرتك اكيد مرور حضرتك الاجمل

أصل البناات عقلت فلازم تعنس طبعا
علشان مفيش واحد بيحب البنت العاقله
ولاحظوا انا قلت واحد مش راجل
لان مفيش رجاله اليومين دول اصلا
بح خلاص:(

تؤ تؤ تؤ تؤ
للأسف أختلف معكم جميعآ أيها الشعب :d

العيب مش من الأهل خالص خالص

دة الأم الأيام دى لو شاب دخل بيتها هتظغرط من قبل ميدخل فى الموضوع أصلآ وفى الأخر هيطلع مندوب مبيعات :d
الا من رحم ربى طبعآ ;)

والأب كذلك تلاقيه يحط بنتة فى موقع جواز وفى الأخر طبعآ يقعد يقول لا وألف لا أنا بنتى تتجوز أحسن جوازة أطلبى الطلاق يابت
وفى الأخر ربنا كما خلقتنا :p

أما بقى على حكاية العنوسة والبسبوسة
فـــــ الشغل زى الرز والله
أنا مثلآ فى الأسكندرية عندى فى أى وقت أشتغل والشغل مستنينى كمان :d
أما البطالة دى بتبقى أختيارى مش أجبارى
بتفهموا فى اللغة دى ؟ :blush:

وكمان يابوسى هو فية بنات يما يبقى فية رجالة ;)
الراجل الأيام دى بيتشرى تمنة ماس

يعنى مستقبلآ الرجالة هيا الى هتاخد مهر وهتشوفوا :d

أومل البنات بتشتغل لية علشان يعملوا حساب اليوم دة طبعآ :d
طبعآ دة تهيس محدش ياخد فى بالة :006et4:

قال مفيش رجالة قال
خدعوك فقالوا
مفيش رجالة تن تتلاله تن تن :d

هو صح الراجل بيبقى راجل أزاى فى نظركم :d
علشان أخد بالى بس وأستفاد :006et4:
لو زعق لا لا دة عصبى ياى
لو مزعقش أوه ماى جاد دة شكلة بتاع مامى
لو بقى محترم أوف أية دة شكلة بارد
لو بقى رومانسى أحترم نفسك يا قليل الأدب :slap1qk6:

أنا أن شاء الله لو أتهبلت فى عقلى وأتقدمت لواحدة هروح لأبوها وأقوله لو سمحت تقول لبنتك تكتبلى ورقة بالرررررراجل الى عايزاه مواصفاتة أية؟

هو دة حال الشاب المصرى يا بنات مصر العاقلين
فهمتوا حاجة ؟؟؟ :d

دة أنا شكلى هتضرب ضرب
بس أنا راجل مفيش بنت تضربنى :d
لو عاوزين راجل يتضرب من بنت أوك

اتفضلواا :p

مهيس مهيس يعنى

عرفتى بقى البنات بتعنس لية يا يميم ؟
علشان بيدخلوا شمال على طول
مفيش مرة شوفتهم دخلوا يمين أو حتى دوغرى

وعليكم السلام



ياريت بليز تبقي تقبلي تحياتي انا بنت والله انتوا لغايه دلوقتي مش عارفين بنت ولا ولد :slap1qk6:






وعليكم السلام



ياريت بليز تبقي تقبلي تحياتي انا بنت والله انتوا لغايه دلوقتي مش عارفين بنت ولا ولد :slap1qk6:



اكيد نورتني:d

لالالا والله عارف ان حضرتك بنت
بس معلش عديها المرة دى
غلطة مطبعية
وبعدين محدش يعرف مين هى يميميم
ياخبرو هل يخفى القمر
وعموما ولا تزعلى يا ستى
مرة تانية تقبلى تحياتى

ثقافة مجتمعية وركود اقتصادى وازمة عالمية وبطالة و...........

القول الشافى والقاطع فى ظاهره العنوسه...كالتالى............
1.مشكله بأخلاق الشاب أوالفتاه...
2.مشكله بطباع الشاب أوالفتاه...
3.عدم وجود توافق فكرى...
4.مشاكل بأهل أى الطرفين ممايعرقل مسار الخطوبه أو خوف الشبان من التقدم للفتاه بعدا عن المشاكل...
5.ظهور سمعه سيئه عن أحد الطرفان سواء بالحق أو بالباطل...
6.نجاح الشاب أو الفتاه الزائد عن الحد...
7.ضعف شخصيه أى من الطرفان ووضع رأى الأهل بالمقام الأول...
8.والأهم صعوبه المعيشه وطلبات الأهالى الجائره فى تكاليف الزواج...
9.زياده أعداد الفتيات عن الشباب بنسبه وقد تكون كبيره أو صغيره من يعلم؟؟؟؟
ولا تسعفنى ذاكرتى الان قد يكون هناك المزيد....أرجو ان اكون قد قدمت الإفاده.................

وعليكم السلام




ياريت بليز تبقي تقبلي تحياتي انا بنت والله انتوا لغايه دلوقتي مش عارفين بنت ولا ولد :slap1qk6:






لالالا والله عارف ان حضرتك بنت
بس معلش عديها المرة دى
غلطة مطبعية
وبعدين محدش يعرف مين هى يميميم
ياخبرو هل يخفى القمر
وعموما ولا تزعلى يا ستى

مرة تانية تقبلى تحياتى


انا مكان يميميم مؤقت الغايه ما االغلبانه دي ترجع
عادي ولا يهمك
ميرسي ميرسي:blush:

كل الكلام دا تمام بس في سبب مهم انه مثلا بيكون في انسان قادر يتجوز 2 وا تلاته بس الافكار الغربية المتخلفة

وضعت حد لدا وكمان ممكن واحد قادر وعايز يتجوز واحده اكبر منه بس دا كمان يقي حاجة شاذه ودي من ضمن الاسباب