يوميات ( 2 فى 1 )

الحلقه الاولى

نايم امير على سريره وبيحلم

امير / حبيبتى منه أنا عاوز أرتبط بيكى وأكون نصفك التانى
ياترى تقبلينى زوج وقلب تانى ليكى
حبيبتى وروح قلبى وفؤادى مريم
أنا قلبى دق ليكى وندالى وقال عليكى
إنك نصفه الجميل
ياترى تقبلينى زوجا لكى

ويصحى امير من النوم ويصحى عمرو اخوة من النوم ويقول

امير / أعوز باالله من الشيطان الرجيم

عمرو / مالك ياأمير مالك

امير / كابوس فظيع قوى ياعمرو
حلمت إنى بتجوز المصبتين مريم ومنه

عمرو/ إلحق تليفونك بيرن دول بيجو على السيرة

امير/ الوووووووووو
عوزة إيه يا منه

منه / أخبارك إيه ياعمرى

امير / عمرك إيه بس !! تاكى وجع عمرك
خلصى أنا ورايه شغل كتير النهارده
ومش فاضى للعب العيال بتاعك إنتى ومريم ، اقولك سلام دلوقتى

ويقفل السكه فى وشها فيبصله عمرو ويقوله

عمرو/ فى إيه ياأمير مالك ؟؟
هى منه ومريم البنتين دول لسه بيطردوك فى كل مكان
وبيتخنقو كمان عليك
ماشيه معاك حلاوة ياسيدى

امير / والله ياعمرو
أنا بتمنى إنك تجرب عميلهم معايه
علشان تعرف قد إيه أنا مخنوق منهم
حولت كتير أفهمهم إنى مش هرطبت بأى وحده دلوقتى
يردو بكل بجاحه هنستناك
أنا رايح الشغل ياعمرو سلام

ويمشى امير على شغله وهناك يقابل احمد شريكه فيقوله

امير / إذيك ياأحمد
أخبار الشغل إيه النهارده

احمد / قولى إنت أخبار الموزتين بتوعك إيه

امير / يعم سبنى فى حالى

ويرن جرس الموبيل بتاع امير فيبص لأحمد ويقوله

امير / أهوة إستلم دور مريم المرة دى
عوزة إيه يامريم إنتى كمان ؟؟

مريم / ى إيه ياأمير مالك متنرفز ليه ؟؟
أكيد منه كلمتك
أنا عرفاها مجنونه
إبعد عنها ياامير وحبنى أنا
أنا بحبك أكتر منها

امير /ربنا يخدنى ويريحنى منكم إنتم الاتنين
إمشى يابنت المجانين

إيه ده دى حاجه تقرف ،والله ما أنا شغال
سلام ياأحمد دول نرفزونى

احمد / إستنى ياأمير بس

امير / لاء ياعم سلام

ويمشى امير ويروح لصديقه محمد يباركله على افتتاح محل الموبيلات بتاعه

امير / سلامو عليكم

محمد / وعليكم السلام
إذيك ياأمير عامل إيه؟؟

امير / الحمد لله يامحمد
مبروك على المحل الجديد
بجد محل موبيلات جميل
خد بقه المومرى نزلى عليه كام اغنيه جميله،لشرين وعمر و دياب

محمد / إنت تأمر ياسيدى
هات

وساعتها يدخل واحد يجى 3 متر وجته ويقول بصوته اللى زى الجحش

الراجل / فين الحيوان إللى بعلك المحمول ده يله

امير / فى إيه يامحمد
مين ده ؟؟

محمد / فى إيه يعم براحه

الراجل / إنت إللى بعت للواد ده المحمول الخربان ده

محمد / أيوة أنا
بس الموبيل سليم

الراجل / مش عوزة

محمد / إزى بس ياعم الموبيلات مش بترجع
ثم الولد ده أخد الموبيل من إسبوع

الراجل / شكلك كده هتنضرب النهارده يله إنت
والموبيل كمان هيرجع غصب عنك

محمد / غصب عنى مين يعم
أنا ورايه رجاله تاكل الزلط

امير / طيب عاوز حاجه بقه يامحمد

محمد / رايح فين ياأمير وسيبنى دى مش رجوله

امير / إفتكرت مشوار كنت نسيه من زمان
سلام

محمد / طيب والمومرى بتاعك
أنا نزلت عليه الاغانى

امير / أغانى
منك لله يامفترى أنا بتاع أغانى برده
منك لله
أه أه أه اه أه

الله يرحمك يامحمد

وقدام محل امير وقفه مريم ومنه وتبص مريم لمنه وتقولها

مريم / بنت يامنه
إنت جبتى ل أمير هديه إمبارح

منه /أيوة جبتله هديه إنتى مالك

مريم / كانت غاليه صح

منه / أه ساعه ب 250 جنيه

مريم / 250جنيه مرة وحده
طيب خدى ياقلبى

منه / أه اه اه اه

مريم / وأنا أجيب لاأمك دلوقتى فلوسي منين
علشان اجيب ساعه زيك لحبيبى

وساعتها يخرج امير من المحل على صوت عياط ويسال منه ويقولها

امير / مالك يامنه مين خرشمك كده

منه / شوفت ياأمير البنت المفتريه مريم عملت فيا إيه

امير / مريم هى إللى ضربتك كده طيب ليه

منه / علشان عرفت إنى جبتلك هديه

امير / الله يحرقكم إنتم الاتنين فى ساعه وحده
هو أنا ناقصكم

مريم / حبيبى قلبى إزيك ياقلبى

امير / أهي النيله التنيه شرفت
إنتى إزى تضربى البنت كده وتخرشيميها بالشكل ده

مريم / أنا مضربتهاش
انا كنت مده إديه وبعدين هى إتكعبلت فوقعت على إيدى فى وشها
المهم ياحبيبى هتفسحنى فين النهارده

امير / حبيبك إيه يالزقه إنتى وهى
أنا قولتلكم قبل كده أنا مش بحبك ولا هحب طول عمرى
ريحونى وإبعدو عنى بقه


مريم / أمير حبيبى هتفسحنى فين

منه / مش ده الواد محمد صحبك
هو ماله متخرشم كده ليه

امير / خبونى منه بسرعه خبونى

محمد / بنت إنتى وهى الواد الزفت أمير مجاش النهاردة

منه / لاء مجاش يارب مريم تموت مشوفتوش

مريم / نعم ياختى بعد الشر عليا

وللقصه بقيه مع يوميات

يوميات ( 2 فى 1 )


بقلم
تامر على الطويل
أمير الجروح

ع فكرة تحفة جداااااااااااااااااااااااااااااااااااااااااااااااا :)

رائعه ومتابعين مع حضرتك
تحياتي

ع فكرة تحفة جداااااااااااااااااااااااااااااااااااااااااااااااا :)

نورتينى اختى الغاليه بردك الجميل

رائعه ومتابعين مع حضرتك
تحياتي

نورتينى اختى الغاليه بردك الجميل

يوميات ( 2 فى 1 )

الحلقه الثانيه


محمد / إطلع ياخفيف من وراء البنت الفشله دى

مريم / أنا فشله يا يا يا يا يا

أمير / خلاص الواد زهق ..هتفكر فى شتيمه و بكرة تقولك عليها ..إيه مالك ياعم محمد !!أنا عملتلك إيه

هو أنا إللى قولتلك تعاند مع الراجل الهضبه ده ومترجعلوش الموبيل

محمد / بقه تسبنى للغول ده يضربنى وتمشى وكمان مش عجبك

إختار ياامير

إما إننا نروح ناخد حقى من الراجل ده ونضربه أنا وإنت

إما نفشكل الصداقه إللى بنا مدى الحياه

أمير / خلاص يعم نفشكل صدقتنا

العمر مش بعزقه

محمد / بقه كده ماشى ياأمير

أمير / يعم روح كده وإنت مدغدغ

محمد / بتقول إيه ؟

أمير / بقول لمريم ومنه غوروا بقه جتكم القرف

محمد / أه بحسب

ومن غير سلام أنا ماشى

أمير / عجبك كده إنتى وهى خسرت أعز أصدقائى بسببكم

منه / طيب وإحنا ملنا ياميرو

امير / وشكم فقرى من ساعه معرفتكم إنتم الاتنين وأنا النحس ركبنى ..غورو بقه من وشى ..إمشى إنتى وهى

وتمشو ليه أنا إللى همشى

مريم / إستنى بس ياأمير

هو إنت مش هتفسحنا النهارده

أمير / نعم ياختى إنتى وهى ..ليه إنتم ورثتونى ولا مكتوبين على بطاقتى ..أنا هروح انام

منه / بس العزومه على حسابى أنا ياأمير

أمير / بتقولى إيه ياروحى

منه / بقولك على حسابى أنا لسه قبضه مرتبى ..من المحامى إللى بشتغل عنده

أمير / طيب مش تقولى كده من الاول

منه / بس المهم البنت مريم دى متجيش معانه

مريم / نعم ياختى ليه هو امير بتاعك لوحدك

أمير / هو إنتم قسمتونى كمان ..طيب مش واكل وهروح

منه / خلاص ياأمير تيجى معانه متزعلش

أمير / ياستى والله ما زعلان ..أنا نفسى تغورو من وشى إنتوا الاتنين وأخلص منكم بقه ..المهم ياله بينا على المطعم انا جعان

ويمشى امير ومنه ومريم على المطعم إلى إتفاجأ إنه مطعم فول وطعميه .. وفى المطعم ينده امير للجرسون ويقوله

امير / جارسون لو سمحت ..طبقين فول وطبقين طعميه ..منك لله يامنه ..فول وطعميه ..وبتقولى لسه قبضه مرتبك

فين بنات زمان وعزومات بنات زمان

منه / فى إيه ياحبيبى أنا بوفر علشان جوزنا

مريم / نعم ياختى جواز مين أمير جوزى أنا

امير / اه إتخنقو إتخنقو ..ما هى نقصاكم ..أنا قولتلكم قبل كده إنكم زى إخواتى ..إفهمو بقه

ويبص امير على بنت قمه فى الجمال قعده على التربيظه اللى قصاده ويقول لمنه ومريم

امير / إنتم فكرين نفسكم بنات ..شوفوا البنت اللى قعده على التربيظه هناك دى هى دى البنات ولا بلاش

وفاجاه تقوم البنت اللى شاور عليها امير وتتجه ناحيه امير فتبصله منه وتقوله

منه / دى جيه علينا ياأمير

البنت / امير إزيك عامل إيه ؟؟ إنت مش عرفنى أنا لبنى زيملتك فى المعهد

امير / لبنى إزيك عمله إيه يابنتى فينك من زمان

إحلويتى يابنتى والله ماعرفتك

وساعتها تشده منه و مريم من البنطلون فيبصلهم امير ويقولهم بصوت واطى

امير / سيبى البنطلون يامجنونه إنتى وهى ..البنت وقفه بلاش فضايح

لبنى / فى حاجه ياأمير

امير / لاء أبدا

لبنى / مش هتعرفنى بالأنسات ...خطبتك دى وأختها

امير / لا لا لا لا لا لا لا

دول بنات خالتى . أنا فردانى لسه

مريم / نعم ياأخويه بنات خالتك ..يعنى كمان مش بنات عمك

أقرب

أمير / بيهزرو بيحبو الهزار قوى

لبنى / إنا لازم أمشى دلوقتى ممكن أخد رقم موبيلك علشان أبقى أكلمك

اوكى طبعا ممكن .. وكمان الرقم الجديد اللى محدش يعرفه غيرى

010628385

لبنى / إيه ده بس فى رقم ناقص

ما أنا عارف فيه دلوقتى ألف عين بتقرا كلامى

لبنى / سلام بقه هكلمك

وتمشى لبنى ويسرح امير فى جمالها ويقولها

امير / مستنى على أحر من الجر ياقمر

مريم / نعم ياخويه بقه دى قمر ..
أحلا مننا فى إيه ؟؟

منه / دى حته مقورة زى الكورة

امير / دى كورة يامفترين

دى غزال دى زى الكتاب مقال

وساعتها تمشى منه ومريم من قدام امير ويخرجوا من المطعم فيقولهم امير

أمير / إيه ده إنتم ريحين فين وسيبنى

طيب الحساب .. أنا معيش فلوس

منه ياحياتى ده مش هزار الحساب

يامريومتى أنا عرفك إنتى روحى وم ههون عليكى ..الحساب يجماعه مينفعش كده ..والله حرام ..بنت إنتى وهى الله يخرب بيوتكم

وساعتها يجى الجرسون ويقول لأمير

الجرسون / لو سمحت الحساب ياأستاذ

22 جنيه

أمير / نعم ياأخويه ليه هو إحنا طفحنا إيه

الجرسون / لو سمحت ياأستاذ متزعقش هنا مطعم محترم

أمير / يعم أنا كنت معزوم مش عازم

أنا مالى البنتين مشيوا

الجرسون / أه هو إنت من دول

امير / هما مين دول

الجرسون / من الجماعه اللى بتاكل وبعدها تفلسع وحياه امى ما انا سيبك

خد

امير / أه أه أه أه أه

منكم لله يلى فى بالى

يعم كفايه ضرب

مرة شتيمه ومرة ضرب


والى لقاء فى حلقه قادمه جديده

من يوميات

( 2 فى 1 )

بقلم
تامر على الطويل
امير الجروح

قصه جميله ومشوقه والحمد لله فيه رقم ناقض برقم الموبيل
والا كان تعرض للحذف
متابعه القصة ومنتظره بقية الاجزاء
تحياتي

جميله اوي استاذ تامر في انتظارك بقية القصه

http://1.bp.blogspot.com/_8lthhlqtSKY/SeUyK_Lms8I/AAAAAAAAAE4/fKqvPaMTkgc/s320/393df22ecd.jpg

يوميات ( 2 فى 1 )

الحلقه الثالثه

وعند احمد صديق امير

احمد / مالك ياامير دى ماكنتش خناقه دى اللى اتقطعت فيها

امير / سبنى باالله عليك يعم إنت ،أنا إللى إنضربت مش إنت

أما كانت علقه ياله ياأحمد ، الواد الجرسون إتوصى بيا خالص ده كان ناقص ينزلى الحلو ،منهم لله مريم ومنه هما السبب فى كل اللى بيحصلى

احمد / بس غريبه ياأمير دول بقالهم كام يوم مش بيتصلوا بيك زى الاول ،إنت عملت فيهم إيه يابنى

امير / هو أنا أقدر أقرب من الوحوش دول ،مكنش ده يبقه حالى

بس معاك حق دول بقالهم فعلا كام يوم محدش عبرنى ، ودى حاجه غريبه ومطمنش

ويقوم امير ويمشى فينده عليه احمد ويقوله

احمد / رايح فين ياأمير

امير / رايح أطمن عليهم أحسن يكون حصلهم حاجه ، دول برضه اصحابى
ويمشى امير على مكان شغل مريم وهناك يلاقى مريم فيقولها

امير / مريم مالك يابنتى إنت زعلانه منى ولا إيه

مريم / لاء أبدا وأزعل منك ليه

امير / اصلك بقالك كام يوم مش بتتصلى بيا ولا بتعدى عليا زى الاول

مريم / معلش ياامير أنا عندى شغل وإنت كده معطلنى

امير / عندك شغل ،طيب أنا رايح ل منه ،أنا رايح أهوة

أمير فى سره إيه ده غريبه ولا إتنرفزت ،ولا حتى مسكت فيا وقلتلى إبعد عن البنت دى ويبص لمريم ويقولها وهو خارج بره المحل

امير / أنا ماشى خلاص يامريم رايح ل منه وهاخدها ونتعشى بره على حسابها علشان انا مفلس كالعاده

ويمشى امير ويروح على مكان شغل منه وهناك يلاقى منه فيقولها

امير / منه حبيبتى

منه / نعم ياخويه حبيبتك ده إيه

إنت جوزى _ خطيبى _ حبيبى علشان تقولى الكلمه دى

امير / وحياه أمك ،إنتوا هتجننونى ،مالك يابت

منه / بت أما تبتك ياأهطل

امير / يالهوى على لسانك إللى زى السكر ياروحى ،بطلى هزار بقه أنا النهارده هفسحك ومش هناخد مريم معانه ياله إفرحى

منه / وتفسحنى بمناسبه إيه بقه إنت جوزى ...

امير / خلاص حفظتها

جوزى _ خطيبى _ حبيبى علشان تقولى الكلمه دى
أنا غلطان اصلا إنى جاى افسحك وسايب مريم دموعها على خدها علشان مردتش اخدها معايه ،ماشى يامنه ليكى يوم ويكون رمادى ،ماشى ياولاد .....

منه / ولا د إيه

امير / ولاد المجانين

وفى الطريق يقابل امير عمرو اخوة فيلقيه ماشى بيكلم نفسه فيقوله

عمرو / فى إيه ياأمير إنت ماشى بتكلم نفسك ،إعقل يابنى

امير / وهما دول خلولى عقل ،شويه ملايكه وبيحبونى ،وشويه تانيه مجانين وبيكرهونى ومش عايزين يعرفونى ، انا هتجنن ياعمرو

عمرو / ليه بس إيه إللى حصل

امير / يعم كنا قعدين فى أمان الله أول إمبارح بناكل وبعدين سبونى ومشيوا زعلانين

عمرو / ليه عملت إيه

امير / معملتش حاجه والله ،انا هناك قبلت زيميله ليا كانت معايه فى المعهد

عمرو / اه ولسه بتسال هما مالهم متغيرين ليه ،انا عرفت مالهم يامعلم ،دول زعلوا منك علشان البنت يامعلم إللى كلمتها

امير / معقول ،تصدق صح كده ، ولاد المجانين ،هى صحيح البنت تزعل اى بنت وتخليها تروح تنتحر من شده جمالها ،بس هما باالنسبه ليا حاجه وهى حاجه تانيه خالص ، هما اصحابى اللى مضطر استحملهم علشان إتعودت عليهم وهى زميله دراسه وبعدين إش جاب لجاب ،دى قمر يابنى ،غزال ماشى على الارض

عمرو / المهم هتعمل إيه ياأمير معاهم

امير / أنا دلوقتى لازم اروح حالا إتأخرت قوى وزمان امى عملت العشا

عمرو / نعم ياأخويا إنت هتروح علشان تاكل ،والله البنات عندها حق

أنا عارف هما بيحبوك على إيه ؟

وفى كافتريا الوفاء اللى على النيل قعد امير ومعاه منه ومريم وقالهم

امير / بصى بقه إنتى وهى أنا جمعتكم النهارده علشان نشوف حل لموضوع جنانكم ده ،أنا بحبكم إنتم بس زى إخواتى ،مريم بحبها علشان طيبه قلبها وعطفها ورقتها وجمال عيونها
ومنه بعشقها علشان كلامها وضحكتها إللى تسحر بلد ،
وربنا يسامحنى على الكدب إللى أنا بقوله ده

المهم أنا لو جيت فى يوم وفكرت فى الجواز والحب والهباب ده ،أكيد هتكون واحده منكم إنتم وبس قدرى المحتوم

وساعتها تبصله منه ومريم بصه كلها شر فيبصلهم امير ويقولهم

إيه فى إيه ،أقصد هتجوزكم إنتم الاتنين والشرع بيحللى اربعه ،ما أنا بايع عمرى أتبلى بمصبتين مرة واحده ، وبعدين البنت الى اسمها لبنى دى كانت زيملتى ايام المعهد وهى مش حلوة يعنى علشان ابصلها وده لانها تتاكل أكل اقصد وحشه قوى ، خلاص كده متصالحين وهنرجع تانى زى الاول

منه / ايوة ياأمير أنا كنت عرفه من الاول إنك بتحبنى ،ومش بتحب البنت لبنى دى ولا العضاضه مريم دى

مريم / ماتحترمى نفسك ياجزمه ، بقه أنا عضاضه ياشعنونه

منه / بقه انا شعنونه يا يا يا يا يا يا
امير / أعدى عليكى بكرة تكونى إفتكرتى شتيمه وساعتها يرن موبيل امير فيبص امير لمريم ومنه ويقولهم
بس بقه خلونى اعرف ارد على الموبيل ده رقم غريب إسكتوا شويه
امير / ألووووووووووووومين معايه ، لبنى،وحشتينى يابنتى انا كنت مستنيكى على أحر من الجمر ياقلبى

وساعتها تضرب مريم امير بفاظه الورد اللى على الطربيظرة وهى بتقوله

مريم / طلعت روحك
امير / أه أه أه أه أه أه ، ده دم بجد الله يخرب بيوتكم بوظتولى التسريحه
اه يادماغى
اللى لقاء قادم وحلقه جديده من يوميات( 2 فى 1 )

http://manager.albawaba.com/img/new_sys/mediabank/60353_mb_file_9df7c.jpg
بقلم
تامر على الطويل
امير الجروح

متابعين حنشوف حيصل ايه لامير
تحياتي

ههههههههههههههههه جميله بجد يااستاز تامر منتظرين التكمله
ويارب مش تسيبنا فى نصها ومش تكملها زى اللى فاتوا
لانك بجد بتشوقنا جدا وبعدها متكملش

ايه التشويق ده
ف انتظارك يا تامر