السيد / بسيونى خيرى بسيونى صالح
يلزم عليكم الحضور باكر الخميس فى تمام الساعة العاشرة ص
بمقر " أمن الدوله " لمقابلة العقيد / أشرف بك المسيرى

وذلك للأهمية القصوى

ورجاء عدم التخلف *******
هذا نص الخطاب الذى وصلنى اليوم من مباحث أمن الدولة

فقد جاءو لى البيت مرارا وتكرارا لكنى كنت بعيدا عن أعينهم ولما لم يجدو مفرا فأرسلوا هذه الرسالة

لذلك آثرت أن أعلم أقرب الناس لى بالمصير المحتوم وما يدبر لكل محب لوطنه

وانا إذ اكتب هذه الرساله أؤكد لآخوانى أننى لم أرتكب ذنبا يذكر لكن كما يقولون: " أننى ضد الحكومة "

ومن يوم أن كنت فى انتظار النتيجة وأمام لجنة الفرز وقفت وألقيت قصيدة " يبقى انت أكيد فى مصر "

http://www.thanwya.com/forums/index.php?showtopic=5815

والتى كانت السبب انطلقوا يبحثون عنى بتهم " الانتماء لجماعة الاخوان وأحزاب المعارضة "

وما أستطيع قوله الآن " حسبى الله ونعم الوكيل "

ومن هنا كان لزاما علي أن أودع أهلى وأحبابى لألاقى المصير المحتوم

فلا علم لى بما سيحدث فآثرت أن اكتب هذا الموضوع لأودع أخوانى وأخواتى وأساتذتى إلى أجل غير معلوم

وأقول لهم أن هذا قدرنا أن نولد فى دولة لا تعترف بالحرية وإنما بالطوارئ والقهر

وإلى أن نلتقى

أراكم على خير إن شاء الله

وادعو لنا بأن يثبتنا الله وألا يجعل للظالمين علينا سبيلا

والسلام عليكم ورحمة الله وبركاته

وسأقرأ التعليقات عقب عودتى إن شاء الله

لا حول ولا قوة الا بالله

ربنا معاك ان شاء الله

طالما انك معاك حق ومش غلطان مافيش داعي للقلق

اطمئن..ومن يتقي الله يجعل له مخرجا ويرزقه من حيث لايحتسب

هو حضرتك بتتكلم بجد يا استاذ بسيونى :mellow: :o :huh:


طيب هما هيعملوا لحضرتك ايه يعنى

ربناااااااااااا معاااااااااااااااااااااااااااااااااااااااااااااااا اااااااااك

ومين يخاف بعد ما يبقي ربنا معاه مادام علي الحق

شد حيلك يا استاذنا وان شاء الله ترجع بالسلامه ومش تطول غيبتك علينا

مش هنتكلم عن الدوله وامنها والحكم والنظام لان الكلام كتير اوي بس مش بيجيب نتيجه غير اللي هتشوفه سيادتك

أخي الفاضل تذكر الإختبار الذي اختبره الله للصحابة حينما كانو يعذبوا وكانو صامدين
دعهم يفعلو ما يشاءون فهو لك عند الله
وما عند الله خير

ان شاء الله ترجع بالسلامة
وما تخفش من حد ما دمت على الحق
وقول حسبى الله ونعم الوكيل وان شاء الله ربنا ينصرك
وترجع بسرعة منور المنتدى

ان شاء الله ترجع بالسلامة
وانت امام رجال السلطة قول ..
حسبى الله ونعم الوكيل {وَجَعَلْنَا مِن بَيْنِ أَيْدِيهِمْ سَدّاً وَمِنْ خَلْفِهِمْ سَدّاً فَأَغْشَيْنَاهُمْ فَهُمْ لاَ يُبْصِرُونَ }يس9

أطمئن يا رجل
راجع في وقتها
ما تقلقش خالص
شوية اسئلة عادية وخلاص
وحد لو حصل اي حاجة انت على الحق فلا تخاف من احد
لا اله الا الله (انتظر شطر الشهادة منك)

واللهي لو اجتمع جميع من في الأرض من إنس وجان على أن يضروك بشيئ لن يضروك إلا بشيئ قد كتبه الله عليك
فاثبت يا أخي فإن الله لن يضر المؤمنين بإيمانهم ولا المجاهدين بجهادهم
وعسى أن تكرهوا شيئاً وهو خير لكم
ان شاء الله خير ونراك قريباً في المنتدى

اصبر فما صبرك الا بالله
فهذا اختبار من الله عز وجل فتحمل وستجد جزاءك فى نهاية عملك واعلم طالما عملك بالحق ولا يغضب المولى فستكون عاقبته خيرا
وملحوظة اخرى طالما وقعت فى ايد الحكومة اعرف انك ماشى صح
ونراك قريبا فى المنتدى بمشيئة الله

ربنا معاك يا استاز بسيونىىىى

ربنا ينجيك وتطلع بالسلامة

الناس دى مف.....

بلاش احسن نتاخد احنا كمان

ابأه قولنا على اخر الاخبار يا استاذ بسيونى

ربنا على الظالم والمفترى

ربنا معاك ويقويك

لا حول ولا قوة الا بالله
معلش استاذ بسيوني انشاء الله كل خير
ومش هيحصل الا اللي ربنا كتبه وانتا اتفائل خير استاذ بسيوني

وربنا علي الظالم والمفتري يارب
اللهم فك كرب كل مسلم مؤمن

استاذ بسيوني
ادام واثق انك على حق ومش قولت حاجة غلط او ظلمت حد
فاثبت فأن الله مع الصابرين
واكيد ربنا مش هيظلم حد


واكيد كلنا هندعيلك ........................

استاذ بسيونى اتأخر يا جماعة
ان شاء الله يكون الى فى تفكيرى مجرد وسواس
ورجاء يا استاذ بسيونى بمجرد مصولك بالسلامة
لازم ولابد وحتماً تدخل المنتدى تطمنا عليك
تمنياتنا جميعاً لك بالتوفيق

لا حول ولا قوة إلا بالله

ربنا يرجعك لينا بالسلامة يا استاذنا استاذ بسيونى

وتأكد من ان ربنا معاك لانك مع الحق

زي ما قال لك كل اخواتك الاعضاء ,ماتخافش لانك ماارتكبتش أي ذنب.

فاثبت فان الله مع الصابرين ,وقل حسبي الله ونعم الوكيل,


وكن متأكد يا أخي من ان الله سبحانه وتعالى سينصرك لأنه هو العدل ,الحق الذي لا يحب الظلم.

انا مخش عارف اقول أى حاجة
بصراحة مكنتش متوقع كده
لكن كل اللى أقدر أقوله :

ان انا بجد عمرى ما هفرط فى منتدى زى ده فيه الناس دى والحب دا كله

شاكر جدا لكل أخ وزميل دعالى بالتثبيت والحمد لله عدت على خير
لكن حسبنا الله ونعم الوكيل ف حكومة ظالمة
حسبنا الله ونعم الوكيل ف شعب ما يهموش يكون حر ولا لأ
حسبنا الله ونعم الوكيل ف كل حاجة

وعايز أقولكم يا جماعة مصر بجد بتتغير
وياريت نشارك ف التغيير بأى وسيلة

بس المهم نغير

حمد لله على سلامتك يا أ/ بسيونى

انا مخش عارف اقول أى حاجة
بصراحة مكنتش متوقع كده
لكن كل اللى أقدر أقوله :

ان انا بجد عمرى ما هفرط فى منتدى زى ده فيه الناس دى والحب دا كله

شاكر جدا لكل أخ وزميل دعالى بالتثبيت والحمد لله عدت على خير
لكن حسبنا الله ونعم الوكيل ف حكومة ظالمة
حسبنا الله ونعم الوكيل ف شعب ما يهموش يكون حر ولا لأ
حسبنا الله ونعم الوكيل ف كل حاجة

وعايز أقولكم يا جماعة مصر بجد بتتغير
وياريت نشارك ف التغيير بأى وسيلة

بس المهم نغير


حمدلله علي السلامه يا راجل و اخبار البعثه ايه؟

حمد الله علي السلامه
شوفت حضرتك ربنا مع الحق ازاي

وحسبي الله ونعم الوكيل فيهم

الف حمدا لله علي سلامتك يا مستر ربنا فعلا مع الحق ومبيضيعش حد

يا جماعة الموضوع ده من 2007
يعنى من زمان اوى
دمتم فى رعاية الله