احمد لطفى
29-05-2008, 08:51 PM
مصر خلاص خدت التوكيل
توكيل المجون و الخلاعة......توكيل الدكتور اللى مبيعرفش يمسك سماعة........توكيل تعليق الاخطاء على اقرب شماعة......توكيل تعليم الصياعة.....توكيل اللى يتكلم صح يرموه فى البلاعة......توكيل السجاير والولاعة.... توكيل الدلع والمياعة....توكيل بابى و مامى واللى لحد ما يموت واخد على الرضاعة......توكيل اللى اللى يغلط له عند الكبار الشفاعة......
مصر خلاص خدت التوكيل
توكيل هيفاء ونانسى واليسا.....توكيل النفوس الخبيثة.....توكيل الناس اللى على الكنوز حريصة.....توكيل النوايا الخسيسة.....توكيل الناس الصح فى السجون حبيسة......توكيل كل حاجة عاملة زى الهريسة.....
مصر خلاص خدت التوكيل
توكيل السح اندح امبو.......توكيل ابن الكبير يغلط ويتحامى فى ابوه.......توكيل الشريف يقتلوه......
توكيل النضيف يوسخوه.........توكيل المحترم يعلقوه........توكيل الصح يغلطوه........
مصر خلاص خدت التوكيل
توكيل "انت تعرف انا ابن مين".......توكيل السمعة الكويسة لازم يمرمغوها فى الطين........توكيل"عفوا..فقط لغير المحترمين"....توكيل مفيش احترام للدين....توكيل السلوك المشين.....توكيل الناس من الايام الجاية خايفين.....
مصر خلاص خدت التوكيل
توكيل الناس بالمليارات سافرت.......توكيل اللى يسرق ربع جنيه بالارض يتسفلت.....توكيل الاراضى اللى من غير حق اتحفرت....توكيل العمارات اللى من غير ترخيص فى السحاب نطحت....
مصر خلاص خدت التوكيل
sh2awa _ 91
29-05-2008, 08:53 PM
والله يا احمد مش عارفة اقولك اية بجد كلام جاااااااااااااامد جدا ماشاء الله
وبتوضح مصر بالحرف والكلمة ...
مصر خدت التوكيل _ والشعب اخد استمارة 55 اسعاف !!!!
ثانكس على التوبيك الجامد دة
sh2awa _ 91
29-05-2008, 08:57 PM
شكرا يا sh2awa
العفو يا احمد
:(:(:(
بندق__2007
29-05-2008, 08:59 PM
مصر خدت التوكيل و شبابها صبح عويل
اه يا بلد دا اللى يدوسك يبقى حبيبك و اللى يحبك يبقى عميل
كلام حلو اوى يا احمد و استمر يا فنان
mero_63
29-05-2008, 09:05 PM
مصر خلاص خدت التوكيل
توكيل المجون و الخلاعة......توكيل الدكتور اللى مبيعرفش يمسك سماعة........توكيل تعليق الاخطاء على اقرب شماعة......توكيل تعليم الصياعة.....توكيل اللى يتكلم صح يرموه فى البلاعة......توكيل السجاير والولاعة.... توكيل الدلع والمياعة....توكيل بابى و مامى واللى لحد ما يموت واخد على الرضاعة......توكيل اللى اللى يغلط له عند الكبار الشفاعة......
مصر خلاص خدت التوكيل
توكيل هيفاء ونانسى واليسا.....توكيل النفوس الخبيثة.....توكيل الناس اللى على الكنوز حريصة.....توكيل النوايا الخسيسة.....توكيل الناس الصح فى السجون حبيسة......توكيل كل حاجة عاملة زى الهريسة.....
مصر خلاص خدت التوكيل
توكيل السح اندح امبو.......توكيل ابن الكبير يغلط ويتحامى فى ابوه.......توكيل الشريف يقتلوه......
توكيل النضيف يوسخوه.........توكيل المحترم يعلقوه........توكيل الصح يغلطوه........
مصر خلاص خدت التوكيل
ياراجل مبروووووووووووووووووووووووووووك لمصر الا مش هتسبنا فى حلنا
احمد لطفى
29-05-2008, 09:18 PM
صدقونى يا جماعة انا من حبى فى مصر بكتب الكلام دة لعل وعسى ينصلح حالها
sh2awa _ 91
30-05-2008, 05:21 AM
صدقونى يا جماعة انا من حبى فى مصر بكتب الكلام دة لعل وعسى ينصلح حالها
يا احمد انتا احساساك نبييييييييل اوي بس مش في وقته خااالص , احنا لازم نتغير عشان البلد تتغير ! اصل مصر دي احنا الي بنعملها مش هي الي بتعملنا . لكن تقدر تقول نص الشعب في الانعاش والنص التاني مستنينهم لما يطلعوا عشان يدخلوا هما . احنا بقينا ماشاء الله ارخص سلعة في البلد .
عارف احنا كنا بنكتب موضوع تعبير والمستر خلانا نقرا واحد من الكتب الخارجيةة كان اسمه ( مشكلة رغيف العيش) عارف كاوا بيقولوا الشعب هو الي غلطان ودي مشكلة ضمير والحكومة مش ليها دخل ( كله نفااااااااق في بعضه ) , انا لما باتكلم في الحاجات دي باتكلم براحتي ومش بيهمني حاجة اصل اية الي هايحصل يعني اكتر من الي بيحصل ..
انا كرهت الناس الي في البلد والي ماسكينها وبقت حاجة غريبة اوي
سوري عل الرغي الكتيييييييييييييييييييييييييييييييييييييييييييييي ييييييييييير
Ra2oF
30-05-2008, 08:59 AM
جميل و مصر اخدت التوكيل للشربات الحرير :) استمر
Ra2oF
30-05-2008, 09:06 AM
يا احمد انتا احساساك نبييييييييل اوي بس مش في وقته خااالص , احنا لازم نتغير عشان البلد تتغير ! اصل مصر دي احنا الي بنعملها مش هي الي بتعملنا . لكن تقدر تقول نص الشعب في الانعاش والنص التاني مستنينهم لما يطلعوا عشان يدخلوا هما . احنا بقينا ماشاء الله ارخص سلعة في البلد .
عارف احنا كنا بنكتب موضوع تعبير والمستر خلانا نقرا واحد من الكتب الخارجيةة كان اسمه ( مشكلة رغيف العيش) عارف كاوا بيقولوا الشعب هو الي غلطان ودي مشكلة ضمير والحكومة مش ليها دخل ( كله نفااااااااق في بعضه ) , انا لما باتكلم في الحاجات دي باتكلم براحتي ومش بيهمني حاجة اصل اية الي هايحصل يعني اكتر من الي بيحصل ..
انا كرهت الناس الي في البلد والي ماسكينها وبقت حاجة غريبة اوي
سوري عل الرغي الكتيييييييييييييييييييييييييييييييييييييييييييييي ييييييييييير
يا بنتي عندهم حق الشعب الغلطااان مين قلواا يكل عيش ّ!!!!!!
لازم عيش يعني ما عندوا عيش كيزر :lol: :D ولا هو حبكت العيش البلدي ""
ربنا يصبرنا
sh2awa _ 91
30-05-2008, 01:57 PM
يا بنتي عندهم حق الشعب الغلطااان مين قلواا يكل عيش ّ!!!!!!
لازم عيش يعني ما عندوا عيش كيزر :lol: :D ولا هو حبكت العيش البلدي ""
ربنا يصبرنا
ههههههههههه على رأيك شعب فقري غاوي وجع دماغ , ههههههههههه
خلينا في الكيزر او ممكن بلاش خالص يعني حبك العيش يعني
احمد لطفى
01-06-2008, 10:01 AM
والله يا جماعة كلامكم صح والكيزر والفينو موجودين بس
فينو الرغيف البلدى فينو
msamido
01-06-2008, 10:11 AM
لو مش قد التوكيل ... اشترى حاجه تقليد
بس سؤال تقدر تقول مش عاجبك؟؟؟؟
احمد لطفى
01-06-2008, 10:51 AM
اقدر بس ما ينفعش اكون لوحدى
msamido
01-06-2008, 11:02 AM
بالظبط هى دى القضية
كل واحد بيقول مينفعش اكون لوحدى او ليه انا او اشمعنه أنا
طيب امته هنقولها مع بعض مستنين يحصل فينا ايه اكتر من كده
فاكر فيلم النوم فى العسل ؟؟
بغض النظر عن اللى فيه انما الفكرة الاساسية ان مهما كانت المشكلة موجودة بما ان محدش اشتكى اذن مفيش مشكلة اصلا عشان نحلها يبقى لازم نقول كلنا آآآآآآآآآآآآآآآآآآآآآآآآآآآآآه علشان يحسوا بالمشكلة