انا عن نفسي ماليش في التعبير خالص بس كل اللي بسمعه ان المهم اننا نكتب افكار ونرتب الورقه ونكتب مقدمه وخاتمه كويسه لانهم اهم حاجه وفي مدرسين من المقدمه بيدوا درجه حلوه وانا وقعت في ايدي مقدمه حلوه جدا ان شاء الله لو كتبناها ناخد الدرجه من غير ما نكتب حاجة في الموضوع هيا طويله شويه ومش لازم نحفظها كلها كل واحد يحفظ اللي يقدر عليه .يارب تعجبكم
رب اشرح لي صدري ويسر لي امري واحلل عقدة من لساني يفقهوا قولي ,فمما لاشك فيه اننا عندما نحاول الكتابة في موضوع(............................................ ..)
نجده جديرا بالتتبع والمناقشه واالافاضة في التحليل الشامل لعناصره المختلفة ؛ ذلك لانه على قدر عظيم من الاهميه ,ففي الآونة الاخيره اصبح ذلك الموضوع محورا لحديث وتعليق الجماهير بل المجتمع بجميع فئاته وطبقاته واعماره_زعيما وحكومه وسياسين ومسئولين ونقادا واحزابا ومفكرين وادباء وعلماء ,وللاهمية الكبرى للموضوع نجده فرض نفسه على وسائل الاعلام بمختلف انواعها صحافة واذاعه مسموعة واخرى مرئية اذا راحت جميعها تتناوله بالتحليل والتعليل المتسم بالنظرة الموسوعية العلمية الفاحصة المدققة ولكل ما سبق اجد قلمي يسترسل في الكتابة استرسالا متواصلا لاتوقف له محاولا قد ر استطاعتي ملاحقة افكاري المتدفقة المتتابعة , وعاطفتي الجياشة تجاهه لابداء رايي فيه مساهمه مني في التعريف به وتوضيحه ومعالجته وفي البدء اقول: الخاتمةوفي نهاية عرضي لهذا الموضوع ارجو من الله عز وجل ان اكون قد وفقت في عرضه بالشكل الائق الذي ترضون عنه والا اكون قد اغفلت شيئا هاما لا يظهره يالشكل المطلوباولا يغطي كل جوانبه الهامة : وان كنت قد وفقت فالحمد لله وان كنت قد قصرت فالكمال لله وحده وارجو الا احرم جزاء المجتهدين

بجد حلو جدا وسهل حفظه
وفعلا ده لوحده يملي عين المدرس :p

علي فكره انا كمان مليش في التعبير ولا حتي كتابه الافكار
انا كل اللي بعملوا فيه اكتب كلمتين وارجع اعيدهم تاني :p:p:p

شكرا جزاكي الله كل خير

التعبير ده جميل

والله مش محتاج حاجة

الحكاية كلها نتكلم عن مضمون الموضوع بطريقتنا الخاصة مع حبة أقوال وحكم وشعر لو أمكن ويا سلام بقى لو دخلنا النحو فى الموضوع اساليب مثلا : اختصاص \ مدح او ذم \ تعجب \ تفضيل .......إلخ

ربنا يوفقنا جميعاً

وشكراً على الافادة

الله ينور يا باشا ايه الفصاحه ديه بجد والله رائع
اللهم وفقنا لما تحب وترضى
جعله الله في ميزان حسناتك
اخوك احمد

جميله اوى المقدمه دى والنهايه كمان يلا هبقى اكتبهم يمكن ربنا يسهل ويجعل فيهم الشفا امييييين يااارب

مقدمة جميلة بس ما ينفعش نكتبها في كل الموضوعات

حياك الله اختى الغالية بجد مقدمة وخاتمة روعة الله يبارك فيكى

مشكور جدا المقدمة دى كانت معايا السنة اللى فاتت وضاعت مشكور جدا المهم انك فكرتينى بيها تقبلى مرورى شكرا

ميرسى على المقدمة الحلوة هيدى

جزاك الله خيرا
بس انا اعتقد ان التعبير لازم يلاقى المصحح خيال جميل و اساليب التعجب و الاغراء و التحذير يعنى نستخدم كل حاجة اخذناها فى النحو
:):):)

جزاكي الله كل الخير
بس انا عندي تعليق على موضوع التعبير
اتولا طبعا المقدمة اللي انتي كتباها مقدمة جميلة جداا وايضا خاتمة جميلة جدااااااا بس المقدمة ده والخاتمة ده معظم الطلبه عارفينها وكمان المدرسين اللي بيصححوا يا جماعه المصحح لو لقى طالب كاتب مقدمة او خاتمة محفوظه بيشطب عليها ويكمل بقية الموضوع
فارجو من جميع الطلبه انتم خلاص بقيتم في تالته ثانوي يعني مش هتعرفوا تكتبوا مقدمة على حسب الموضوع اللي انتم هتختاروه
والتعبير يجب مراعاة الخط والتنظيم والافكار وكتابة الموضوع على هيئة فقرات في تناسق جميل ومراعاة علامات الترقيم والاخطاء النحوية والاملائية وانت ان شاء الله لو عملت كده هتاخد الدرجة النهائية مش تقولي مقدمة وخاتمة محفوظة

ثانكس لصاحبة الموضوع .
وكلام مصطفى صح فعلا . اصلا المقدمة والخاتمة تقدري تقولي بيتفبركوا من الموضوع الي هو ميديهولك لكن حوار الحفظ دة مش بقى ينفع واصلا بيتلككوا على كل حاجة في الامتحان ,
ربنا معانا

جامدا جداااااااااااااااااااااايا شروق وجزاكى الله خير وعندى اقتراح جميل ليها تجزئوها حسب افكارالموضوع و فى مقدمت كل فكره تحطو جزء من المقدمه دى على شرط ان الجزء الى انت حطيطو يكون مناسب للفكره .
"وجزاكى الله خير يا احلى شروق نور المنتدى"
absg/بســــمه

جزاكي الله كل الخير
بس انا عندي تعليق على موضوع التعبير
اتولا طبعا المقدمة اللي انتي كتباها مقدمة جميلة جداا وايضا خاتمة جميلة جدااااااا بس المقدمة ده والخاتمة ده معظم الطلبه عارفينها وكمان المدرسين اللي بيصححوا يا جماعه المصحح لو لقى طالب كاتب مقدمة او خاتمة محفوظه بيشطب عليها ويكمل بقية الموضوع
فارجو من جميع الطلبه انتم خلاص بقيتم في تالته ثانوي يعني مش هتعرفوا تكتبوا مقدمة على حسب الموضوع اللي انتم هتختاروه
والتعبير يجب مراعاة الخط والتنظيم والافكار وكتابة الموضوع على هيئة فقرات في تناسق جميل ومراعاة علامات الترقيم والاخطاء النحوية والاملائية وانت ان شاء الله لو عملت كده هتاخد الدرجة النهائية مش تقولي مقدمة وخاتمة محفوظة



انت عارف انك ممكن انت تعرف تعمل مقدمه عندك اسلوب حلو فى الكتابه مثلا . فى ناس انا اعرفهم معرفه شخصيه هم لغايت دلوقتى موضوع التعبير مبيعرفوش يكتبوه والمدرس بتعهم بيديهم افكار تناسب كل الموضيع وعلى كل فكره مقدمه تديهم مدخل للفكره بالاستشهادات بتعتها طيب دولانت ايه رايك فيهم بقى؟؟؟؟؟
ميخدوش درجة التعبير الى هى تعتبرمن اعلى درجه امتحان العربي ولا على الاقل يضمنو ولو حتى3 درجات فيهم .
وعلى العموم شكراااااااا على مشركتك

متهيلى الموضوع متكرر
فى موضوع شبية بش من العضوه reham_00
عموما شكرا جدا على الموضوع

أنا واحدة صاحبة ماما - مدرسة عربى -لسه قايلالى امبارح الكلام ده - موجه هو اللى قالهولها - :
- بلاش المقدمات المشهورة - فى مصححين بينقصوا عليها -
- يستحسن نبدأ بأسلوب تعجب بمصدر صحيح و بعدين مؤول - ما أجمل القراءة و ما أجمل أن يحب المرء القراءة -
- الابتعاد عن الهمزات الصعبة علشان لو غلط بينقصوا عليها
- بلاش شطب و نحط الكلمة الغلط بين قوسين و ممكن خط بالرصاص عليها
- استخدام التوكيدات
- نتكلم عن الفائدة على الفرد و المجتمع
- منكتبش استشهاد مش متأكدين منه
- نكتب الاستشهاد فى سطر لوحده
- ميقلشششششششششش عن 4 صفحات
- نكتب كل فكرة فى فقرة لوحدها


و شكرا على الموضوع ده

شكررررررررررررررررررررررررررا بجد دة اكتر من ممتاز