بعد التحية لكل شخص هيتكرم بمساعدتي...
انا والحمد لله دخلت علوم حاسب اكاديمية المستقبل اللي ف العبور و ابتديت دراسة و كله تمام..
الترم الاول عندي خمس مواد
1.math
2.physics
3.introduction to computers
4.discrete structures
5.English
المهم انا كنت عايز اعرف هل المواد دي مختلفه عن مواد كلية حاسبات الحكومي ولا لا؟
و امتى انسب وقت ممكن ابدأ فيه كورسات و ابدأ ب ايه بالظبط؟؟
احنا عندنا ف الاكاديمية بيدرسوا كورس ميكروسوفت مجانا بس الامتحان بيبقى بحوالي 250 جنيه و بناخد فيه برنامج فيجوال ستوديو و كام لغة كده ف سنة اولى... و في ناس ف سنة تانية قالولي متبدأش كورسات ف سنة اولى غير كورس جرافيك بس...فأنا كنت عايز اعرف ابدأ ايه و ايه هي الاماكن اللي مضمونة و اسعارها تكون كويسة و قريبة من منطقة المرج
اسف على الاطالة و شكرا مقدما لكل اللي هيتكرم بالمساعدة

معاك مؤمن سنة تانية حاسبات الزقازيق ,
المواد هي هي
انسب وقت تاخد فيه كورسات فى الاجازة , دلوقتي ركز فى المواد ونأنأ شوية html تصميم المواقع على شوية c++ لحد ما توصل تانية , ساعتها هتكون فهمت الدنيا ماشية ازاي لانك هتكون شفت شغل الويب والبرمجة والشبكات والداتا بيز وتعرف تحدد ميولك وتشوف الكورسات اللى هتاخدها مثلاً لو ميولك برمجة يبقا تقدم فى كورس جافا مستوى اول اسمه SE خلصه وطبق عليه كويس وهتفهمه على طول لانك كنت دارس C++ فى اولى وبعدين تكمل الجافا , لو ميولك شبكات تقدم على كورس MCITP او CCNA لو ميولك داتا بيز تقدم على كورس لفل 1 ORACLE وهكذا على حسب ميولك , بالنسبة للمراكز التعليمية انا مش اقدر افيدك بس تقدر تبحث عالنت وتشوف اقرب المراكز لمنطقتك واسأل عليها قبل ما تروح عشان فيه مراكز نصابة .

اولا انا بشكرك يا بشمهندس مؤمن على الرد..
ثانيا احنا في عندنا ف الاكاديمي مركز اوراكل و مركز ميكروسوفت و الميكروسوفت بيدرسو فيه لغة c# تقريبا او c++ لان احنا لسه بنبدا ف الفيجوال ستوديو و مدخلناش برمجة.. و كان عندي سؤال.. في ناس بيقولولي اخد كورس جرافيك ف سنة اولى.. فهل ابتدي جرافيك ولا اخليها قادم شوية و اركز دلوقتي فالبرمجة و الشبكات؟؟

اولاً مجالك مش جرافيكس مش معنى كدا انك ممنوع تتعلمه لا طبعاً لو عاوز تتعلمه اتعلمه واشتغل بيه كمان بس لازم تعرف ان كلية الحاسبات مش معمولة عشان الجرافيكس , مجالك برمجة وشبكات وداتا بيز وانصحك دلوقتي تبدأ بحاجة من التلاتة دول بس لازم تاخد نبذة عن كل حاجة يعني مثلا البرمجة وانت عرفتها بدراستك شوية لل c++ والشبكات وعرفتها من تسطيب الشبكات والشيرينج والاساسيات بتاعتها والداتا بيز من تَعَلُمك للأوراكل من الكلام دا هتعرف ميولك ايه وايه ممكن تطلع فيه احسن حاجة عندك .

يعني مثلا لو حبيت البرمجة يبقا تبدأ فى الجافا لحد ما تخلصها كلها لأن السي بلس مش هتشتغل بيها انما الجافا هتشتغل بيها ونفس الكلام السي شارب هتشتغل بيها انما السي بلس مجرد مدخل للبرمجة .
لو حبيت الشبكات يبقا تاخد كورسات الشبكات المخصصة زي ccna , ccnp ودول شهادات التعامل مع الشبكات هارد وسوفت من سيسكو بتاخدهم من خلال مراكز معتمدة من سيسكو او mcitp ودي شهادة التعامل مع الشبكات سوفت وير بس من ميكروسوفت وتكون خبرة بقا وهكذا .
لو حبيب الداتا بيز يبقا عليك وعلى oracle عِدِلْ .

تمام...
انا دلوقتي اكمل سنة اولى عادي و على اخر السنة كده هكون حددت ابدأ كورسات ف ايه الاول..
و ان شاء الله ربنا يكون معانا جميعا

تمام هو دا اللى انا عاوز اوصلهولك , بالتوفيق لينا كلنا