فاروق ابوعيانه
20-10-2012, 10:35 PM
بكل جدارة واستحقاق يعلن فريق الإشراف
عن فوز قصيدة ...
" ح اكمّل غنوتى واحكى "
للشاعرة المتألقة :
أ /سناء مصطفى
ويتقدم فريق إشراف منتدى إبداعات الأعضاء بخالص التهنئة والتحية والتقدير
والآن مع القصيدة الفائزة ....
" ح اكمّل غنوتى واحكى "
أنا الفجر اللى كان سارق ظلام الليل تفاصيلُو
كما العادةْ
يِشَاوِرْلى بِتَلْقِيمةْ من السكر ويـِتْأَمَّر
ودايما كنت اقول حاضر
وأشرب قهوتى سادة
وادَنْدِن ألْف غِنِّيوَة على شطّى
والَوّن بالقلق خَطّى
واقول يمكن ف يوم يزهق ظلام الليل وينسانى
ويكْبَر حلمى بِزْيادة
لا يوم غِفْلِت عِنِيه عنى
ولا سَابْنى
أكمِّل غنوتى واحكى مواويلى
ولمَّا النجمة شَاوْرِتْلِى
وحِلْفِتْلِى
حَتِشْغِل عنى عِنْد الليل
أنا صَدَّقْت
مَهُو الغرقان بيتعَلّق بقَشّاية
وكَحِّلْت الوَهَن هِمّةْ
وِحَايِلْتُو بكام كلمة
وأَلْفْ عزيمة وإرادة
وفجأة حَضَنْتْ بين إيدى شعاع الشمس
وصوت النجمة جوايا بيِهْمِسْ همس
وَفِيتِ الوعد واتكَسّرْ عِنَاد الليل
وقام الصبح كالمارد وشدّ الحيل
بلاش تانى بأه تخضعْ
بلاش تسْمعْ
وكَسّرْ بالأمل قيدك
ولو كَسَرُوا خُطَاك حاول تجيب عكاز
ولو خدشوا ف يوم صورتك بسرعة تغير البرواز
مهو الورد اللى فتح يوم على جنينتك بلا موعد
يحق عليك تفرّح قلبو بصمودك
تقيم عودك
تكسر حجة السجان
تكون صادق
تكون مؤمن
تكون واثق
تكون إنسان
شعر / سناء مصطفى أحمد
http://www.thanwya.com/vb/style12/misc/progress.gif
عن فوز قصيدة ...
" ح اكمّل غنوتى واحكى "
للشاعرة المتألقة :
أ /سناء مصطفى
ويتقدم فريق إشراف منتدى إبداعات الأعضاء بخالص التهنئة والتحية والتقدير
والآن مع القصيدة الفائزة ....
" ح اكمّل غنوتى واحكى "
أنا الفجر اللى كان سارق ظلام الليل تفاصيلُو
كما العادةْ
يِشَاوِرْلى بِتَلْقِيمةْ من السكر ويـِتْأَمَّر
ودايما كنت اقول حاضر
وأشرب قهوتى سادة
وادَنْدِن ألْف غِنِّيوَة على شطّى
والَوّن بالقلق خَطّى
واقول يمكن ف يوم يزهق ظلام الليل وينسانى
ويكْبَر حلمى بِزْيادة
لا يوم غِفْلِت عِنِيه عنى
ولا سَابْنى
أكمِّل غنوتى واحكى مواويلى
ولمَّا النجمة شَاوْرِتْلِى
وحِلْفِتْلِى
حَتِشْغِل عنى عِنْد الليل
أنا صَدَّقْت
مَهُو الغرقان بيتعَلّق بقَشّاية
وكَحِّلْت الوَهَن هِمّةْ
وِحَايِلْتُو بكام كلمة
وأَلْفْ عزيمة وإرادة
وفجأة حَضَنْتْ بين إيدى شعاع الشمس
وصوت النجمة جوايا بيِهْمِسْ همس
وَفِيتِ الوعد واتكَسّرْ عِنَاد الليل
وقام الصبح كالمارد وشدّ الحيل
بلاش تانى بأه تخضعْ
بلاش تسْمعْ
وكَسّرْ بالأمل قيدك
ولو كَسَرُوا خُطَاك حاول تجيب عكاز
ولو خدشوا ف يوم صورتك بسرعة تغير البرواز
مهو الورد اللى فتح يوم على جنينتك بلا موعد
يحق عليك تفرّح قلبو بصمودك
تقيم عودك
تكسر حجة السجان
تكون صادق
تكون مؤمن
تكون واثق
تكون إنسان
شعر / سناء مصطفى أحمد
http://www.thanwya.com/vb/style12/misc/progress.gif