تامر الطويل
20-10-2012, 11:27 PM
انا قررت اسافر نويت اكمل نصف دينى قولت اروح اخطب بنت خالت ولدتى اصلها عايشه فى ابعد مكان فى مصر
نويه تتعبنى معاها بس مش مهم
رحت على الموقف وعلى اول عربيه ميكروباص روحت راكب
شويه لقيت واحد جه ركب جمبى قولت عادى الكرسى ياخد 3 شويتين ولقيت واحد تانى جه قعد جمبى قولت عادى الكرسى كده تمام وهنطلع شويه كمان لقيت واحد جه قعد فوقنا قولت عادى إصبر أكيد العربيه كده بقه هتطلع شويه ولقيت طفلين صغيرين هجموا ونطوا فوقى ساعتها بس قولت عادى أصبر الاطفال أحباب الله
بس لما ألقى شنطه بقه إترمت عليا ده بقه هو اللى مش عادى
فضلت أحارب واقاوم لحد ما طلعت من تحت الناس دى كلها ولسه هقول حرام عليك يااسطى يامفترى لقيته بسم الله ماشاء الله واخد يجى 5 فوقه و4 فوق الشبكه
روحت نافخ نفسى ومتخن صوتى ومجعر وقايل حرام عليك انت فاكرنا ايه شويه خرفان احنا بشر ياراجل
بس طلع راجل تقيل تقل ولا عبرنى وقال
يالا ياجماعه اقروا الفاتحه
بصتله بااستغراب وقولتله على روحنا ولا ايه اقف ياعم ونزلنى العمر مش بعزقه انا ايه بس خلانى اركب العربيه دى وبالعافيه وبعد ما اخد منى الاجرة نزلنى بس الحمد لله نجيت بااعجوبه
روحت على اتوبيسات غرب الدلتا هى صحيح اسعارها نار بس بصراحه تستاهل
كفايه الاتوبيس مكيف وكرسى لوحدك مش عالم فوقك
واجمل ما فى الاتوبيس وده اللى اكتشفته فى اتوبيسات غرب الدلتا
هما المضيفات الجمال اللى بيكونوا فيه بصراحه ماشوفتش ولا عاوز اشوف بنات تانى زى ما بنقول يحلوا من على حبل المشنقه جمال ايه ورقه ايه وضحك ايه نسونى انا رايح فين
بس بعد كده عرفت ان ده مش ببلاش الضحكه منهم ليها سبب والابتسامه بتمن
اصبر يااخويا هقولك ازى متستعجلش
اول ما قعدت على الكرسى واخدت رحتى قربت منى بنت يالهووووووى بنت زى الكتاب ماقال بنت مش بنت متنكرة فى صورة ولد قولتلها نهارنا ورد ياورده قالتلى مرسى انا ساعتها كان هيغمى عليا مرسى قالتلى مرسى امال ايه انتوا فكرنى شويه دأنافى بلدنا مثبت نصف البنات والنصف التانى مستنى دورة واد فتك
بصتلها بتناكه رجل اعمال هو ده الشغل اسمع وإتعلم إنت وهو حاجه من اسرار الفتك وقولتلها (أأمر ياقمر والامر عليك شويه ) قالتلى تشرب ايه ساعدتك قولتلها وكمان مشروب ببلاش ايه الاتوبيس العظمه ده قولتلها اى حاجه من إديكى تبقه ورد تبقه قشطه ياقشطه
قالتلى انت تأمرنى يافندم قولتلها
لا بالله عليكى انا مش قدك هاتى اى حاجه إن شالله مايه نار من إديكى تبقه بلسم
وفعلا البنت مشيت وشويه وجات ومعايه كوبايه وفيها مايه ساقعه بصتلها باإستغراب وقولتلها دى مايه قالتلى ومن إديا قولتلها تبقه عسل مكرر هاتى ورحت على بق واحد وشارب
ولسه بقولها اتفضلى ياقمرى قالتلى 29.99قرش قولتلها ههههههه ايه الهزار ده بس مقبول منك ياقمر قالتلى بطل هزار يااستاذ وهات الحساب بصتلها بااستغراب وقولتلها حساب ايه ياحاجه هو انا اخدت حاجه دى هى كوبايه مايه وكمان سخنه مش ساقعه حساب ايه ياام حساب مش القعده بالمشاريب برده قالتلى انت هتستعبط ياروح الننه وراحت شدانى حته شده بنت عليها صحه انما ايه انا بصراحه لما شدتنى الشده المتينه دى روحت مطلع 30 جنيه حار ونار فى جتتها
منها لله اخدت ال 30 جنيه ومش جابت الباقى ومن هنا بقول لكل شاب مصرى أمانه عليك لو فى يوم عقلك وزك وفكرت تركب الاتوبيس هتلى باقى ال30 جنيه
من البنت المفتريه دى
قصه قصيرة بقلمى الخاص
تامر على الطويل
امير الجروح
نويه تتعبنى معاها بس مش مهم
رحت على الموقف وعلى اول عربيه ميكروباص روحت راكب
شويه لقيت واحد جه ركب جمبى قولت عادى الكرسى ياخد 3 شويتين ولقيت واحد تانى جه قعد جمبى قولت عادى الكرسى كده تمام وهنطلع شويه كمان لقيت واحد جه قعد فوقنا قولت عادى إصبر أكيد العربيه كده بقه هتطلع شويه ولقيت طفلين صغيرين هجموا ونطوا فوقى ساعتها بس قولت عادى أصبر الاطفال أحباب الله
بس لما ألقى شنطه بقه إترمت عليا ده بقه هو اللى مش عادى
فضلت أحارب واقاوم لحد ما طلعت من تحت الناس دى كلها ولسه هقول حرام عليك يااسطى يامفترى لقيته بسم الله ماشاء الله واخد يجى 5 فوقه و4 فوق الشبكه
روحت نافخ نفسى ومتخن صوتى ومجعر وقايل حرام عليك انت فاكرنا ايه شويه خرفان احنا بشر ياراجل
بس طلع راجل تقيل تقل ولا عبرنى وقال
يالا ياجماعه اقروا الفاتحه
بصتله بااستغراب وقولتله على روحنا ولا ايه اقف ياعم ونزلنى العمر مش بعزقه انا ايه بس خلانى اركب العربيه دى وبالعافيه وبعد ما اخد منى الاجرة نزلنى بس الحمد لله نجيت بااعجوبه
روحت على اتوبيسات غرب الدلتا هى صحيح اسعارها نار بس بصراحه تستاهل
كفايه الاتوبيس مكيف وكرسى لوحدك مش عالم فوقك
واجمل ما فى الاتوبيس وده اللى اكتشفته فى اتوبيسات غرب الدلتا
هما المضيفات الجمال اللى بيكونوا فيه بصراحه ماشوفتش ولا عاوز اشوف بنات تانى زى ما بنقول يحلوا من على حبل المشنقه جمال ايه ورقه ايه وضحك ايه نسونى انا رايح فين
بس بعد كده عرفت ان ده مش ببلاش الضحكه منهم ليها سبب والابتسامه بتمن
اصبر يااخويا هقولك ازى متستعجلش
اول ما قعدت على الكرسى واخدت رحتى قربت منى بنت يالهووووووى بنت زى الكتاب ماقال بنت مش بنت متنكرة فى صورة ولد قولتلها نهارنا ورد ياورده قالتلى مرسى انا ساعتها كان هيغمى عليا مرسى قالتلى مرسى امال ايه انتوا فكرنى شويه دأنافى بلدنا مثبت نصف البنات والنصف التانى مستنى دورة واد فتك
بصتلها بتناكه رجل اعمال هو ده الشغل اسمع وإتعلم إنت وهو حاجه من اسرار الفتك وقولتلها (أأمر ياقمر والامر عليك شويه ) قالتلى تشرب ايه ساعدتك قولتلها وكمان مشروب ببلاش ايه الاتوبيس العظمه ده قولتلها اى حاجه من إديكى تبقه ورد تبقه قشطه ياقشطه
قالتلى انت تأمرنى يافندم قولتلها
لا بالله عليكى انا مش قدك هاتى اى حاجه إن شالله مايه نار من إديكى تبقه بلسم
وفعلا البنت مشيت وشويه وجات ومعايه كوبايه وفيها مايه ساقعه بصتلها باإستغراب وقولتلها دى مايه قالتلى ومن إديا قولتلها تبقه عسل مكرر هاتى ورحت على بق واحد وشارب
ولسه بقولها اتفضلى ياقمرى قالتلى 29.99قرش قولتلها ههههههه ايه الهزار ده بس مقبول منك ياقمر قالتلى بطل هزار يااستاذ وهات الحساب بصتلها بااستغراب وقولتلها حساب ايه ياحاجه هو انا اخدت حاجه دى هى كوبايه مايه وكمان سخنه مش ساقعه حساب ايه ياام حساب مش القعده بالمشاريب برده قالتلى انت هتستعبط ياروح الننه وراحت شدانى حته شده بنت عليها صحه انما ايه انا بصراحه لما شدتنى الشده المتينه دى روحت مطلع 30 جنيه حار ونار فى جتتها
منها لله اخدت ال 30 جنيه ومش جابت الباقى ومن هنا بقول لكل شاب مصرى أمانه عليك لو فى يوم عقلك وزك وفكرت تركب الاتوبيس هتلى باقى ال30 جنيه
من البنت المفتريه دى
قصه قصيرة بقلمى الخاص
تامر على الطويل
امير الجروح