عايز تعرف الحل الاكيد لكل مشاكل الازهر؟ ادخل واقرا [الأرشيف]

مشاهدة النسخة كاملة : عايز تعرف الحل الاكيد لكل مشاكل الازهر؟ ادخل واقرا

casual

23-10-2012, 10:12 PM

ابدا بنفسك وبس

مدرس ولا وكيل ولا شيخ معهد ولا موجه ولا ادارى ولا عامل
ابدا بنفسك وادى عملك المطلوب منك على اكمل وجه
و 95% من مشاكل الازهر هتتحل ان شاء الله

لو عندك بيت واقع ومهدوم مش هيتبنى باللطم اوالصويت واتهام الناس
البيت وقع او لسه هيقع يبقى اشتغل ومتقفش تتفرج

فكر واشتغل
انقد واشتغل
ناقش واشتغل
اشتكى واشتغل
ولو عايز (تلطم) الطم بس اشتغل

الازهر هو انت ... مش كائن فضائى من كوكب زحل
ولما تراعى ضميرك وتعامل ربك بما يرضيه، الحال هيتغير
احنا الازهر والازهر هو احنا وحال الازهر اللى مش عاجبنا (هو حالنا)

شفت غلط قدامك فى معهدك فى قطاعك فى تفتيشك
سيح وافضح الدنيا واخربها عالفاسدين ومتخافش مش هتموت
بس متلطمش -اللطم- مش هيحاسب الفاسد ولا هيردعه
غاية ما هنالك هيجيلك سكر وضغط بدرى بدرى ومش بعيد تموت مقهور

شيخ معهدك احترمه وساعده واقترح عليه بالحب
كله بالحب
ولو شفت غلط صلحه (بالحب)
وتلاميذك ولا طلابك علمهم برضه (بالحب)
ولو شفت فاسد افضحه واشتكيه (بس مش بالحب) :d

انا مش مثالى ولا بدعيها محدش فينا كامل
لكنى باخد بالاسباب
بهز النخلة لوحدى يمكن تنزل بلح
لكن لو كله ساعد بعض هننزل البلح كله وناكله فى وقت وجيز

رؤساءنا وحكوماتنا علمونا ان الحكومة هى بابا وماما
عشان كدة مستنيين ان الطيب يقلع العمة ويلبس قناع سوبر مان
يلف عالمعاهد ويصلح الاخطاء
ويصلح الحنفية الخربانة
ويلم برشام الغش من لجان الامتحانات
ويعاقب الطالب الخيبان ويعدل المايلة ويلم الزبالة اخر اليوم الدراسى
وانا ابشركم ان العهد ده انتهى خلاص
كل واحد يعمل اللى يقدر عليه
وبالتدريج كل شئ هيتصلح بالوعى والضمير
مع مسئولية شيخ الازهر الكاملة ومسئوليتنا الكاملة ايضا

الصورة سودة .. ايوة سودة
بس انت بتزيد سوادها ليه هى ناقصة!
ما تجيب شوية تنر وشيل السواد ونضف على قد ما تقدر
مش مطلوب منك المستحيل
مطلوب شوية عمل وشوية ضمير وقليل من الكلام وكثير من الايجايبة

وفى النهاية انا ازهرى وافتخر
ومش بحب التربية والتعليم ولا عايز احول ليها
وعارف قيمة الازهر اللى شغال فيه
وهحاول واحاول ان شا الله اكون اخر واحد ومش هيأس
لانى واثق ان العمل + الضمير هما كلمة السر لعودة الازهر
والتحية

كامل على

23-10-2012, 10:53 PM

بارك الله فيك اخى الكريم ونفعنا بك وزاد من امثالك

أ/ سعيد موسى

23-10-2012, 11:40 PM

اخى الفاضل الناس نوعان
الاول هو من يفكر فى اصلاح نفسه اولا ثم يحاول قدر المستطاع اصلاح من حوله
ولو فى نهاية المطاف استطاع اصلاح 10% فقط من حوله فهذا يكفيه
و حسابه عند ربه واحسبك عند الله من هذا النوع
النوع الثانى سوف اضرب لك مثلا جميلا قرأته على النت يوضح هذا النوع
امراة تنظر من وراء زجاج نافذة بيتها على جارتها وقالت لزوجها حديقة جارتى تحتاج للنظافة
وفى اليوم الثانى قالت لزوجها حديقة جارتى تحتاج لنظافة اكثر
واليوم الثالث قالت حديقة جارتى فى منتهى القذارة
فى اليوم الرابع قالت لزوجها اخيرا جارتى نظفت حديقتها ياترى ماهو السبب ؟؟؟
قال زوجها لقد صحوت اليوم مبكرا وقمت بتنظيف زجاج النافذه
فهذا النوع لايفكر فى اصلاح نفسه بل كل مايفكر به هو اظهار عيوب الاخرين
ولو فكر مرة واحده فى اصلاح نفسه لانصلح بالتالى حال الازهر
حتى لو جميع الرؤساء فاسدين
فكما ذكرت هل شيخ الازهر يطلب من المدرس ان يغشش التلاميذ !!!!!!!
هل شيخ الازهر هو من يساعد على الرشوة والمحسوبية !!!!!
سوف يكون الرد هو من يضع الوكلاء
ويكون ردى هل وكيل الوزارة طلب من مدرس ان يقوم بمساعده التلميذ على الغش !!!!
سوف نصل فى النهاية الى شيخ المعهد
ويكون السؤال هل شيخ المعهد طلب منك هذا ؟؟؟
سيكون الرد نعم
ويكون ردى اذا وافقته انت مثله واذا سكت انت مثله
لاتلوم الا نفسك
ونفس الحال ينطبق على كل فساد فى الازهر
بسكوتك وسكوت الاخرين وصل الحال الا مانحن عليه ليس الازهر فقط بل مصر كلها
لو كل واحد بدأ بنفسه اكيد مصر ستكون افضل
شكرا لك اخى الفاضل على هذه النصائح وليت كل واحد يبدأ بها وانا اولكم
كل عام وانت بالف خير اخى الفاضل

مصطفى كوته

24-10-2012, 01:17 AM

لايغير الله ما بقوم حتى يغيروا ما بانفسهم مشكلة الازهر عدم وجود قيادات لها فكر

أ/مصطفى محمود

24-10-2012, 03:04 AM

لايغير الله ما بقوم حتى يغيروا ما بانفسهم مشكلة الازهر عدم وجود قيادات لها فكر
قلت المفيد
كيف يتم الاصلاح بقرارات خاطئة

casual

24-10-2012, 02:12 PM

بارك الله فيك اخى الكريم ونفعنا بك وزاد من امثالك

الله يكرمك اخى الفاضل وجزاك الله خيرا

casual

24-10-2012, 02:13 PM

casual

24-10-2012, 02:15 PM

لايغير الله ما بقوم حتى يغيروا ما بانفسهم مشكلة الازهر عدم وجود قيادات لها فكر

الدولة كلها مفيهاش قيادات لا بفكر ولا بغير فكر
هاتلى مؤسسة واحدة فى مصر على راسها واحد نادر فى مجاله
ولا حتى له انجازات ملموسة؟!
وزير التعليم بنفسه لسه قايل امبارح مشكلة الدروس اللصوصية ملهاش حل
وبيستخدم مفردات من عينة (هاقطع رقبته) وغيرها
تفتكر واحد زى ده على راس المؤسسة التعليمية يصلح يكون وزير؟
او حتى وكيل وزارة
او حتى مدير ادارة تعليمية
او حتى مدرس
ده بيقولوا انه دبلوم صنايع اصلا!
ومفيش مدرس واحد فى التربية والتعليم راضى عنه حتى بنسبة 1%
ينفع واحد مسئول يقول مفيش فايدة؟
امال جايبينك ليه
ولما انت مش قدها ومش قادر ما تستقيل وتسيبها لشباب عندهم رؤية
مشكلة القيادة مش بس فى الازهر
مصر كلها مفيهاش قيادات ولا عقول تقدر تاخد قرار الا نادر جدا
والوعى والتثقيف بين جموع المعلمين هو الحل
وفى النهاية: كنت انت التغيير الذى تبغيه

أ/مصطفى محمود

24-10-2012, 10:28 PM

بارك الله فيك وجزاك الله خيرا
واتفق مع كلامك الجميل
المشكلة فى النضارة
واحد لابس نضارة سودا هيشوف كل شئ اسود
ناس كتير للاسف مش فاهمة انها جزء من المشكلة
وفى نفس الوقت جزء من الحل لو اتحركوا

تفتكر لو جبنا بيل جيتس نفسه وخليناه شيخ الازهر الازهر هيتصلح حاله؟
المشكلة مش فى القيادة بقدر ما هى فينا وفى ضمايرنا
والا كان حال الشارع والامن والاخلاق اتصلحوا بمجرد ما مرسى مسك الرئاسة
على اساس انه راجل صالح ومحترم وايده نضيفة
لن تدور العجلة الا بعمل (اصغر) ترس

http://saron2a.files.wordpress.com/2009/11/d8a5d8a8d8afd8a3d8a8d986d981d8b3d983.jpg

سأجيبك أخي
نعم لو جبنا بيل جيتس لن يصلح حال التعليم بالازهر
لأنه غير متخصص في مجاله
ليس المشكلة في النضارة السوداء أو البيضاء
بل المشكلة من الذي يجلعها سوداء
سأضرب لك أمثلة واقعية ( حتى تدرك أنه لن يغير شئ طالما لم تتغير أفكار الادارة )
معلم معي فقط قرر أن يساند مجموعة قد ظلموا من المتعاقدين
ما مصيره ؟ و ما مصيرهم ؟
تم نفيه و نفيهم لابعد ما تتخيل
و لعلم حضرتك قد تظلموا مئات المرات لشيخ الازهر و رئيس قطاع المعاهد
هل احد انصفهم ؟
و لعلم حضرتك كلهم من المعلمين الممتازين فقط و الكل يشهد بمدى اخلاصهم في العمل وقوتهم في تحصصاتهم فط رفضوا بعض الظلم الواقع بشأن عدد الحصص الزبادة عن نصابهم..فكان مصيرهم النفي
اذن ذنبهم أنهم جادون و مخلصون لا يحبون الظلم........و قد فعلوا مثلما تقول ؟؟؟ فما مصيرهم؟
هل كانوا ينظرون للدينا بنظارة سوادء ؟ أم الادارة العقيمة هي التي سودت حياتهم ؟

هذه القصة التي حكيتها ستجدها مكررة مئات المرات بين
ظلم موجه لمعلم - ظلم مدير منطقة لمعلم - ظلم المصالح في المنطقة
و الكل يشتكي مرة و مرات .......فمن ينصفهم ؟
هل سكتوا عن الفساد ؟ هل كانوا غير جادين في عملهم ؟.........!!!!!!!
يا أخي سأسألك سؤالا واحدا فقط ؟
اذا وجدت زميلا لك في معهدك كان ممتازا و قد وقع عليه ظلم ؟
هل تستطع أن تتفوه ببنت شفه أي بكلمة
سأجيبك لا.........لأن مصيرك سيكون مثله؟
و اتحدى أن ينجدك أحد بل اذا حاوت الوصول لشيخ الازهر نفسه...ستنقلب الدنيا أكثر عليك
انها سلاسل من الفساد المتراكم
موظفون في المناطق لو تحدثت لرئيس الجمهورية أهون عليك أن تتحدث لهم ..كبر و عنجهية غير مسبوقة ......و هذا لا يعني أن كلهم هكذا لكن القلة المحترمة منهم ستجد صوتها غير مسموع و لن يستطع مساعدتك في أي شئ..فقط الصوت العال هو الغالب في المنطقة..وفسر الصوت العال كما تحب ؟؟
سأكررها ؟؟
يوم أن يصلح العقل يصلح الجسد
مستحيل أن يكون جسدا قويا بدون عقل أقوى و العكس صحيح ؟؟
المصائب كلها في الازهر تأتي من أعلى لأسفل و ليس من أسفل لأعلى
قرارات و قرارات خاطئة ، و تخبط أداري و مالي يجعل أي شئ بعد فاشلا تاما..
لو القرار مدروس بعناية و في الوقت المناسب سيحل مشكلات لكن العشوائية الازهرية أبعد ما تكون...
و لعلم حضرتك........كافحت و اكافح كل يوم مع طلابي على الأقل...لكن ما النتيجة من تعبي ؟
المحصلة بلغة الارقام صفر...لماذا ؟
لأن هناك اخطاء جمة في كل شئ في التعليم الازهري
و لن أستطع مهما فعلت أن اصل لنتيجة ممتازة اذا كان الطريق أصلا به العوار و هنا أقصد بالتحديد الفكر في ادارة التعليم الازهري...و ما انا الا ترس في ماكينة هي في الاصل خربة فماذا أفعل ؟؟و قد يطول شرحي بأمثلة واقعية لأني لا أحب الحديث بالكلام المنمق في حب العمل و الكفاح الا إن كان كل شئ جاد و الف خط تحتها
و شاهد سيدي هذا المثال ..و حاول أن تحل لهم هذه المشكلة و تقف بجانبهم ..و من الذي أخذ هذا القرار هل أنفسهم أم الادارة الحكيمة الازهرية و شيخ الازهر...وقد يكون من بينهم و لن أقول كلهم أفاضل و ممتازين
http://www.thanwya.com/vb/showthread.php?t=475686
فمن الواضح أن نظروا للدنيا بنظارة سوادء..لأنهم رفضوا الظلم و طلبوا فقط المساواة المزعومة

اللهم اهدنى بهداك

25-10-2012, 10:43 PM

صدقنى يا أخى فيه ناس محترمه مخلصه لعملها نقطه فى بحر فى كم الفساد الموجود

خالدابوخبازى

27-10-2012, 02:50 PM

ومين يابنى يسيبك نحن نحارب من كل جانب حتى اجبرنا ان ناتى على حصتنا والحرب من من ..........من صاحب النمكان من الازهرى هو يخرب مكانه ولايريد الاصلاح فاقد الشيىء لايعطيه لابد من تغير المنظومة الازهرية ب الكامل ويدير المعاهد والمنطقة الثقافى وسامحنى لو دخلت معك فى حوار لااظهرت عورات كثيرة وفى الاخر يقول لك الازهرى انا هابقى شيخ عليك انتم نصارة الازهر انت مالك ومن هذا القبيل شكرا حبيبى انت متفائل

سالم حسين

29-10-2012, 01:45 PM

سأجيبك أخي
نعم لو جبنا بيل جيتس لن يصلح حال التعليم بالازهر
لأنه غير متخصص في مجاله
ليس المشكلة في النضارة السوداء أو البيضاء
بل المشكلة من الذي يجلعها سوداء
سأضرب لك أمثلة واقعية ( حتى تدرك أنه لن يغير شئ طالما لم تتغير أفكار الادارة )
معلم معي فقط قرر أن يساند مجموعة قد ظلموا من المتعاقدين
ما مصيره ؟ و ما مصيرهم ؟
تم نفيه و نفيهم لابعد ما تتخيل
و لعلم حضرتك قد تظلموا مئات المرات لشيخ الازهر و رئيس قطاع المعاهد
هل احد انصفهم ؟
و لعلم حضرتك كلهم من المعلمين الممتازين فقط و الكل يشهد بمدى اخلاصهم في العمل وقوتهم في تحصصاتهم فط رفضوا بعض الظلم الواقع بشأن عدد الحصص الزبادة عن نصابهم..فكان مصيرهم النفي
اذن ذنبهم أنهم جادون و مخلصون لا يحبون الظلم........و قد فعلوا مثلما تقول ؟؟؟ فما مصيرهم؟
هل كانوا ينظرون للدينا بنظارة سوادء ؟ أم الادارة العقيمة هي التي سودت حياتهم ؟

هذه القصة التي حكيتها ستجدها مكررة مئات المرات بين
ظلم موجه لمعلم - ظلم مدير منطقة لمعلم - ظلم المصالح في المنطقة
و الكل يشتكي مرة و مرات .......فمن ينصفهم ؟
هل سكتوا عن الفساد ؟ هل كانوا غير جادين في عملهم ؟.........!!!!!!!
يا أخي سأسألك سؤالا واحدا فقط ؟
اذا وجدت زميلا لك في معهدك كان ممتازا و قد وقع عليه ظلم ؟
هل تستطع أن تتفوه ببنت شفه أي بكلمة
سأجيبك لا.........لأن مصيرك سيكون مثله؟
و اتحدى أن ينجدك أحد بل اذا حاوت الوصول لشيخ الازهر نفسه...ستنقلب الدنيا أكثر عليك
انها سلاسل من الفساد المتراكم
موظفون في المناطق لو تحدثت لرئيس الجمهورية أهون عليك أن تتحدث لهم ..كبر و عنجهية غير مسبوقة ......و هذا لا يعني أن كلهم هكذا لكن القلة المحترمة منهم ستجد صوتها غير مسموع و لن يستطع مساعدتك في أي شئ..فقط الصوت العال هو الغالب في المنطقة..وفسر الصوت العال كما تحب ؟؟
سأكررها ؟؟
يوم أن يصلح العقل يصلح الجسد
مستحيل أن يكون جسدا قويا بدون عقل أقوى و العكس صحيح ؟؟
المصائب كلها في الازهر تأتي من أعلى لأسفل و ليس من أسفل لأعلى
قرارات و قرارات خاطئة ، و تخبط أداري و مالي يجعل أي شئ بعد فاشلا تاما..
لو القرار مدروس بعناية و في الوقت المناسب سيحل مشكلات لكن العشوائية الازهرية أبعد ما تكون...
و لعلم حضرتك........كافحت و اكافح كل يوم مع طلابي على الأقل...لكن ما النتيجة من تعبي ؟
المحصلة بلغة الارقام صفر...لماذا ؟
لأن هناك اخطاء جمة في كل شئ في التعليم الازهري
و لن أستطع مهما فعلت أن اصل لنتيجة ممتازة اذا كان الطريق أصلا به العوار و هنا أقصد بالتحديد الفكر في ادارة التعليم الازهري...و ما انا الا ترس في ماكينة هي في الاصل خربة فماذا أفعل ؟؟و قد يطول شرحي بأمثلة واقعية لأني لا أحب الحديث بالكلام المنمق في حب العمل و الكفاح الا إن كان كل شئ جاد و الف خط تحتها
و شاهد سيدي هذا المثال ..و حاول أن تحل لهم هذه المشكلة و تقف بجانبهم ..و من الذي أخذ هذا القرار هل أنفسهم أم الادارة الحكيمة الازهرية و شيخ الازهر...وقد يكون من بينهم و لن أقول كلهم أفاضل و ممتازين
http://www.thanwya.com/vb/showthread.php?t=475686
فمن الواضح أن نظروا للدنيا بنظارة سوادء..لأنهم رفضوا الظلم و طلبوا فقط المساواة المزعومة

هذا هو الازهر ........وسظل طالما هذه قياداته وتلك منظومته ولا نقول الا ........واأسفاااااه على من بيده مقاليد الأزهر