الموضه...الاول البنات لبست جيبات وقالوا موووضه....بعد كدا ديقواا الجيباات وبردوا قالوا موضه ..وبعديها بشويه لبسوا بناطيل وبردواا مووضه...قصروا البناطيل من تحت وقالوا مووضه...البديهاات الى خلاص هتتفرتك ع الجسم ..وبردوا موووضه.... وتقول لوحدة ايه الى انتى عملاه دا تقولك دى موضه يا جاهل .....والى يدايقك انك تشوف بنت لبسه طرحه والبطلون قصير والبدى ماسك وشغلانه ................ ...ويقولك بيعملوا كدا علشان يتجوزاااا...والله يا بنات حرااام عليكوا تحديد الجسم دا اكبر خطر عليكوا وعلينا واتفاع جريمه الخط والاعتداء على انثى والله ارتفعت بردوا علشان (المــــــــــــوضه).......لحد فين هتودينا الموضه معاها..والموضه على ايام بنتى وبنتك هتبقى ازاى لما هى كدا دلوقتى ...ارجوا اى حد عندوا رايى يقوله ...وشكرا ..........هـــــــــيثم

ايه التجاهل داااا

بصراحة انت عندك حق دى حاجة بقت تخنق بجد موضه ايه بس وهباب ايه
شكرا على الموضوع لكن هانقول ايه بس ربنا يهديهم

إن لم تستحى فصنع ما شئت

عيبنا إننا بنقلد تقليد أعمى وبنقول موضه عاملين زى البغبغان
بنقلد أى حاجه
من غير ما ندور هى صح ولا غلط

حتى البغبغان بيقلد الحاجه الصح والغلط الإتنين يعنى
إحنا بقه بندور على الغلط ونقلده ونتقنه والصح مش بنشوفه أصلاً
:mad::mad:

اه والله
انا عن نفسى بيستفزنى لبس البنات اووووووووووووووووى
الحمد لله الذى عفانا مما ابتلاهم بيه
البنات دلوقتى بقت تلبس لبس مش لبس اصلا
حتى النهاردة واحدة اعرفها مماتها الله يرحمها اتوفت
وجاية ولابسة عالموضه
البنطلون الشيك الباجى المشخلع
والبدى الذيذ الى هيفرقع
والنضارة الشمس الجميلة الى هتاكل منها حتة
كأن الى راحت دية ولا تقربلها
بس الحمد لله
كان كله اسود
الحق يتقال

والله حاجة تشل

انا بجد بكون مشفقة على نوعية البنات اللى بتلبس الحاجات دى ...وفى الاخر تقول دى موضة
مين اللى قال لها كدة
مين اللى قال ان البرمودا والهاف شيرت والجيب القصير والحاجات دى موضة
اتبعى اخر خطوط الموضة وخليكى معاها بس موضة تناسبك وتناسب ديننا ومجتمعنا
والله اشيك ازياء الموضة وخطوطها هى الموضة العربية وبالاخص للمحجبات ازياء راقية ومحترمة
ودلوقتى حجتهم ...ان مفيش اى موديلات فى المحلات غير هى الباديهات والحاجات دى ...
ودة طبعا غلط ...دة حجة بيتحججوا بيها
لان الباديهات نزل منها موديلات واسعة ...لكن بردو فى بعض البنات مصمم على الضيق
انا اخر يوم امتحاناتى فى الجامعة من كام يوم كدة ...بقيت ماشية فى الجامعة شايفة البنات كانهم كربون من بعض
البنات شبة بعض خالص فى اللبس نفس الالوان ونفس التصميم ونفس البناطيل ...اية دة
لا والاغرب بجد ..... انى شوفت كام بنت كدة متفرقهمش عن الولد غير انها بس لابسة حجاب
البنت لابسة بنطلون شبابى خالص وبادى الرسومات اللى علية مفيهاش ريحة البنات
يا الله
ربنا يهدينا يارب ويهديهم

صراحة انا من وجهة نظرى ان ده فراغ

مش فراغ وقت بس لا فراغ عقل واحدة مش شايفة اللى بيحصل حواليها مش قادرة تفهم دورها و لا قادرة تفهم ان قيمتها فى احترامها

ربنا يهديهم كلهم

والله انت يعندك حق في كل كلمه قولتها وجميل انك بتخاف علي اخواتك البنات جزاك الله كل خير

ونسمه قامت بالواجب وطلعت اللي في قلبي فمش هعيد الكلام

انا هكتفي بالدعاء لهم بالهدايه

فى بنات محترمين جدا وبنات العكس

حدث ولا حرج

فى ناس تفتكر ان مظهرها بيبان من لبسها وان كل حاجة الموضه والجمال الخارجى وانها تكون هاى ستايل ويكون لها بوى فريد وشخص بارزة وحفلات وخروجات كده هى حققت وجودها فى الدنيا

بس تيجى تكلمها ولا تفقه شى فى دنيتها متعرفش السما من العمى وتلاقيها هايفه جدااااا

وفى بنات تلاقيهم يادوب على قدها لبسها محترم ومحتشم وعلى قدر عالى من الثقافة والاحترام والذوق

بس لا نتحامل على البنات فى شباب بيعملوا قُصص وقصات شعر غريبة واصله للسماء وقمصان مشجره كانها بلوزات بناتى و حتى البنطلونات بقى فيها موضه وششى ضيق وشى واسع وشى عليه خطوط وملون

يعنى شكل شخص وعلى حسب بيئته اللى اتربى فيها وعلى حسب اخلاقه وادبه

المهم ربنا يهدى جميعا الاجيال شباب وبنات من التقليد الاعمى للغرب بدون التقييد بالاسلام ولا بمنهج رسولنا الحنيف

اللهم عافي بنات أمة محمد من الانجراف وراء الشيطان وما يزينه لهم من سوء الاعمال

لأ والاهم من كدة بقى ان في بنات لما بيكون في مناسبة بيشبلوا الايشاربات و ماشاء الله الفساتين بتبقى حالتها صاعبة جداااااااااااااااا ,
انا من اسبوع كدة سمعت ناس بتقول ان الحجاب مش مذكور في القرآن !! صحيح يعني البنت تنزل مغطية شعرها !! اية الجهل والراجعية دي !!!
على فكرة انا بكره الاسلوب دة وبعتبر البنت الي بتعمل كدة ( سوري يعني مزار سياحي ) المفروض لبنت تكون بتحترم نفسها قبل ما تحترم الناس , دا ربنا بيستر عيوبنا نقوم احنا نظهرها دا لفت للانظار والي بتلفت الانظار بالاسلوب دة تبقى انسانة مش كويسة , لفت الانظار بالاحترام مش بتقليد نانسي وهيفا .


ثاانكس ليك

و الله يا هيثم الموضوع ده غازني جداااااا علشان الاقي الواحدة لابسة اشارب و انزل بقي هتلاقيها لبسة حاجات اختها الصغيرة يعني معندهاش لبس و راحت تلبس حاجات اختها حاجة تغيز و ده ضرر عليهم و علينا بس نعمل ايه ثقافة اجنبية متأثرين بيها احنا شعب متأمريكين علي حبة فرنسي علي حبة انجليزي عملنا مكس من ايام العدوان :@ ربنا يصبرنا و يهدي بنات المسلمين :: شكرا علي الموضوع

هههههههههه براحة يا رؤوف هدي نفسك ,
بس صدقوني العيب فيهم وفي اهلهم .. يهني السيد الوالد والسيدة الوالد ولو في ليها أخ في البيت !! عيييييييب اوي لما يسيبوا بناتهم كدة !! مش ظيطة هيا

ماشي انا معاكي بس في اهل بيضعفوا امام اهليهم و بالذات ان معظم البنات البتعمل كيده بتبقي (ابهاتهم) مسافرين او في محافظة تانية شغل و كيده هي بقي تروح علي امها يا مامي حبيبت قلبي عايزة اجيب و عايزة و عايزة ... الام واحدة واحدة تتعود و تقول ما كل اصحابها بيعملوا كيدة و انتي عارفة اكيد ازاي الام بتموت في بنتها و بعديها بفترة تلاقي الام بتقول لبنتها عاملة ايه في حياتك العاطفية :@ طبعا مش كلوا بس فيه كتيييييييييييييييييييييييير و انا اعرف ناس كيده يعني ربنا يهدي

ماشي انا معاكي بس في اهل بيضعفوا امام اهليهم و بالذات ان معظم البنات البتعمل كيده بتبقي لبأهم مسافرين او في محافظة تانية شغل و كيده هي بقي تروح علي امها يا مامي حبيبت قلبي عايزة اجيب و عايزة و عايزة ... الام واحدة واحدة تتعود و تقول ما كل اصحابها بيعملوا كيدة و انتي عارفة اكيد ازاي الام بتموت في بنتها و بعديها بفترة تلاقي الام بتقول لبنتها عاملة ايه في حياتك العاطفية :@ طبعا مش كلوا بس فيه كتيييييييييييييييييييييييير و انا اعرف ناس كيده يعني ربنا يهدي

دي كدة مش تبقى ام اساسا !!!
ربنا يهدي البشر دي ,, وبعدين يا رؤوف المفروض بالعكس يعني لما تكون بنت في محافظة تانية يبقى تحافظ على نفسها اكتر مش تنتهزها فرصة !! كلللللللللللللل الي بيحصلدة ومش عارفين الحالة الذفت الي بقينا فيها دي بسبب اية .. والله غضب من ربنا بس الناس تفهم !!

ده حاجة من العولمة بس العولمة السلبية ::: يعني انا انشاء الله لو بقي عندي بنت كمان كام سنة هتبقي الدنيا ازفت و ازفت هعملها جحر في البيت و هقعدها فيه بس يبقي فيه كل وسائل الترفيه :)

و اللة يا جماعة فعلا عندكوا حق.. خلاص دلوقتى كل حاجة بقت موضة .. طيب و فين عقلنا اللى بيمشى ورا الموضة دى؟؟؟؟؟؟؟؟؟؟؟؟ .. و خلاص بقت اللى لبسة حجاب زى اللى مش لبسة ( اغلب البنات )..... و فعلا الموضوع دة مهم جدا .

سلام عليكم اولا
ثانيا واللله عندك حق
بس من الاخر دى مش بتبقا عوزة موضوى
لا هى اللى بتبقا عوزة كدة عوزة تمشى و تحس ان الناس بتتفرج عليها
مش مهم بقا بيتفرجوا عليها بارف ولا بانبهار عجبهاانها تكون مشية و الواد يقول
اووووووووو البيت دى صاروخ والحاجات الللى انتوا عرفنها دى مع ان اى واحد بيفكر يتجوز وحدة
وانا اقصد اوصلحك حتت انها عوزة تتجوز دى ماظنش ان اى واحد عندوا رجوالة هيحب انوا يتجوز وحدة و العلم كلوا بيتفرج عليها هى تقريبا بتضحك على نفسها وتقول انا لبسه مع انها لو جيت فكرت فيها هتلقيها زى مبيقلوا لبسة من غير هدوم و حكاية الطرحة مع بنطلون قصير دى انتشرت اووووووووووى و مع جيب قصيرة جدا كمان على العموم ربنا يهدى و ميرسى لطرحك للموضوع و اسفة على الاطالة

الحمد لله الذي عافانا مما ابتلي به غيرنا
ربنا يحمي بنات المسلمين
والله البنت لو تعرف الولد الل يبيقف يتكلم معاها ده بيقول عليها ايه بعد ما تمشي
نفسي يعرفوا بجد
اصلي بشوف كتيييييييييييييير بس هنقول ايه ربنا يهدي البنات كلهم

والله فعلاً
موضه اخر زمن
اسمه لبس تقليدى ومش على الموضة
بنقلد سواء اذا كانت غلط او صخ من غير
ما نفكر
هنقول ايه
ربنا يحميهم