سلام عليكم يا رب تكونوا بخير
انا عارف ان دايماً في امل بس خايف شوية
انا تالتة ثانوي جبت في تانية 96.34
ناس كتير نصحتني اكمل رياضة
بس انا دخلت الي انا بحبه انا دخلت علمي علوم
ومعايا احياء السنة دي رغم ان التنسيئ ميدلش علي اي حاجة بس انا بقول يا رب وبحاول اعمل الي عليا
تفتكروا التنسيئ ممكن ينزل نص في المية بس ؟؟؟ او 1 ؟

أنا زيك بالضبط نفسي معجزة تحصل بس كله بأمر الله يعني احنا مش بايدنا غير اننا نسعى ونتوكل بايمان وعزيمة

واكيد الله حيكون معاك يبقى مش باقي غير انك تتأكد انك مش حتضيع ابدااااا لان ربنا عمره ما هيجيب شر لعبد سعى وتوكل وآمن بقدرته ^^


إن شاء الله تحقق اللي تريده والله يوفقك ويوفقني ويوفق جميع الطلاب

ملحوظة انا جبت 96.1% عملت اللي قلتلك عليه وواثقة اني إن شاء الله مش حضيع =)

التنسيق بيكون ع حسب الامتحانات
يعنى لو الامتحانات جت سهلة وكمان فى غش بطريقة بشعة زى السنة الى فاتت
وطبعا النتيجة ان كتير جدا جاب فوق ال90
يبقى التنسيق هيترفع
ولو الامتحانات جت فيها عدل فى المراقبة ومستوى الامتحان نفسة واتمنى ذلك
يبقى التنسيق هينزل
وربنا يوفقك وتدخل الى تتمناة

هو محدش واخد باله من الصوره ديه ليه!!!

انا رأيي انهم يعتمدو اختبارات التحصيل وتبقى 50 % من درجة الثانوية العامة و 50% من درجة امتحان التحصيل
والامتحان عبارة عن امتحان شامل للمواد الاساسية زي اللغة العربية والانجليزية والرياضيات ومواد التخصص وبيكون شامل كل المرحلة الثانوية زي ما مطبق في بعض الدول العربية (زي السعودية مثلا)
ودا هيلغي التنسيق و ياخد النسبة وخلاص بدل ما الواحد بيذاكر طول السنة علشان امتحان ساعتين لو نقص فيه نص درجة ممكن تضيعه
يعني كل واحد ياخد فرصته و ف نفس الوقت يهتم بالمذاكرة في اولى وتانية (نظام جديد) مش تالته بس ف الطالب يكون كدة جمع (حصل) اكبر قدر من المعلومات و داخل الامتحان مطمن
دا رأيي

هو محدش واخد باله من الصوره ديه ليه!!!

منا بقول بردو ان دفعة 2011 (دفعة العباقرة ) ف المرحلة الاولى كانو ساعة الثورة والغش كان مفتوح و انا اصدقائي اللى ف الثانوية قالولي ان الغش بيكون عادي و شبه مسموح
ولما وصلو ل تالتة بالدرجة العالية دي بردة الامتحانات اتسربت و البلاك بيري كان شغال وتويتر شغال والفيس بردو شغال
انا شفت بعيني الامتحانات بتتسرب و شفت الناس بتدخل ع الفيسبوك وتويتر وبيسألو صحابهم او على جروب ويجاوبوهم عادي
وبالنسبة لدفعة 2012 : بدأو قبل الانتخابات و كانت انتخابات مجلس الشعب والشورى خلصت يعني بدأ الاستقرار اكتر ف الغش نسبته قلت
دا اللي انا شايفه سر الصورة دي

انا كنت علمى علوم و جبت فى تانية 96.8% ... بس حولت علمى رياضة والحمدلله لحقت هندسة حلوان

توكل على الله أولا وتخيل نفسك كمهندس ولو ماحستش بنفسك فيها كمل علمي علوم وحاول على قد ماتقدر ماتنقصش في الإمتحانات وعندك المستوى الرفيع حيرفعك إن شاء الله....وعلى فكرة أنا في تانية ثانوي ومطبق عليا النظام الجديد وكنت بقنع نفسي ان الهندسة ماتفرقش عن الطب لمجرد ان دخول الطب عاوز مجهود كبير لغاية مااقنعني واحد ان دي فرصة عشان أخش طب انها سنة واحدة بس وماعليناش ضغط اوي يعني....وربنا يوفقك