حسيت ان فيه حاجه غلط !!! [الأرشيف] - بوابة الثانوية العامة المصرية

To Be Is To Do

01-11-2012, 12:14 AM

" حسيت إن فيه حاجه غلط "
دي الجمله اللي فضلت ترن في وداني .. دي الجمله اللي ردت بيها صاحبتي لما سألتها : ليه بطّلتي تكتبي و تحطي تعليقات على جروب دفعتنا .؟
قالتلى : حسيت إن في حاجة غلط !
حاجة انا مش فاهمة بتحصل معايـا ازاي ؟!

ازاي ابقى مكسوفة حتى أرفع عيني في عين حد من زمايلنا في الجامعة ، !!
وهنا ع الجروب أتكلم معاه عادي .. ولايكات و كومنتات و انتِ عارفة كلامي بيقلب بهزار اوقات كتير ..
مابقدرش أسيطر هو بيطلع كده تلقائي

حسيت إنهم كده بقوا واخدين عليا اوووي ..

حسيت اني في فرق شاسع
بين صورتي في الجامعة وانا ماشية غاضة البصر و بالحجاب الكامل
و الحياء اني اتكلم مع حد منهم كلمة ويادوب في حدود الضروري جدااا ..
و بين شخصيتي على النت متفتّحة بتعامل مع الكل عادي و الهزار المعهود مني ممكن يفلت

ولما صاحبتنا نبهتنى للنقطه دى
استغربت ليه محدش من البنات كلمني قبلها ؟؟
و لقيت الاجابة انه الكل ما بيشوفش ده غلط .. بالعكس مبسوطين مني .. احنا زملا و الهزار ده مش زيادة عن اللزوم وعادي و كلنا محترمين

و احترت مين اللي صح ؟؟!!
انا كده متفتحة وكويسة و لا المفروض امسك تصرفاتي اكتر ؟
انا لو تغيرت ابقى متشددة ومحبكاها ولا ابقى مشيت صح ؟

بس لما رجعــت لكتاب التعليمات بتاعي اللي برجعله لما أتووه .. لقيته

بيقول: ان الاختلاط يكون لضرورة وبس .. مش تعاملات اجتماعية ع الفاضي

بيقول : ( فلا تخضَعنَ بالقول فيطمع الذي في قلبه مرض)
بيقول : ( ولا تتبعوا خطوات الشيطان )

لقيت اني مش مضطرة عشان دمي خفيف إني أظهر كده قدام الكل .. إن مش من حق حد يتعوّد عليــا لأننا في مرحلة شباب و الشيطان بيدخل لنا من مداخل محترمـة و يوصلنا لسكك تاااانية
ممكن حد قلبه يتعلق بشخصية إلكترونيـة و ده شفته كتيييير

وبما اني تلقائية جداا في تعاملاتي ومش عارفة اسيطر على تعليقاتي
ومش قادرة اسيب الفيسبوك نهائي

قررت اسيب الجروب فترة او اتابع من بعيد .. يعني من باب تهذيب النفس مش اكتر
و أركز على صفحتي مع صاحباتي بقى نقضيها هزار و لعب زي ما احنا عايزين :)
ودعيت ربنا يجنّبني شر فتن الدنيا و يبعدني عنها و يقدرني على فعل ما يرضيه

على فكرة انا دلوقتي مبسوووطة و بحمد ربنا كتير
لأني قدرت اتغلب على نفسي وأقفل باب للشيطان كان مفتوح ع البحري :d
في سبيل اني أرضي ربنا

و بعد الفترة اللي بعدتها دي .. رجعت ولاحظت اني بقيت آخد بالي اوي انا بكتب ايه و لمين قبل ما اكتبه .. و أراجع الكومنت قبل ما أحطه و اشوفه ينفع يتحط ولا لا ..

زي ما تقولي : " رجعت لأصلك يا جميل "
رجعت لشخصيتي الحقيقية مش شخصيتي الفيسبوكية

الصحبة الصالحة كانت الفرامل بتاعتي
والدعاء كان سلاحي

الحمد لله

Marry Sam

01-11-2012, 12:26 AM

شكرا جزيلا .. والله صح

Yes We Can

01-11-2012, 12:28 AM

موضوع جميل جدا يا خالد
و مفيد جدا لاخواتنا البنـات
ربنـا يحفظنا جميعا من سوء افكارنـا
و لازم احنا كاولاد نحافظ على سمعه اخواتنا البنات
و البنات يخدو حذرهم من مسلسلات الاولاد دى
لان فيه اولاد كتير جدا بيدخلو للبنت بطريقه المسلسلات المكشوفه دى
احنا كاولاد عارفين النظام ده
و لازم نحذر اخواتنا البنات م النظام ده
شخصيتك تدل على مدى احترام الناس بكـى
ربنـا معانا جميعا
موضوع مفيد جدا يا خالوووووووود

~ Smile 4 Life ~

01-11-2012, 12:29 AM

طبـعا مـفيش كـلام يتقال تـاني بعد الكلام ده
والمشكلة ان دي بقيت فعلا عادة ماشيين عليها
بس في نفس الوقت فرق كبير برده انك تكلم شخص وجها لوجه
من انك تكلمه عن طريق الكتابة وفي حدود (الأدب والاحترام)
ومع ذلك والله أنا شعرت بالخجل الشديد بعد الكلام ده كله
لإني حسيت برده اننا بنضحك علي نفسنا

بجد شكرا ليك وجـزاك الله كل خــير

*Nona Light*

01-11-2012, 12:30 AM

بس الشخصية دى يعنى وش واحد الانسان بيستخدمه فى كل علاقاته الاجتماعية مينفعش اكلم اصحابى بوش وعلى الفيس او المنتديات بوش تانى انا محترمة خلاص يبقى اكلم اصحابى فى الحدود فى اى حتى على الفيس او onفيس اهم حاجة ان الانسان اللى قدامى يبقى فاهم شخصيتى

To Be Is To Do

01-11-2012, 12:38 AM

شكرا جزيلا .. والله صح

الشكر لله يا رب تكون الرساله وصلت

موضوع جميل جدا يا خالد
و مفيد جدا لاخواتنا البنـات
ربنـا يحفظنا جميعا من سوء افكارنـا
و لازم احنا كاولاد نحافظ على سمعه اخواتنا البنات
و البنات يخدو حذرهم من مسلسلات الاولاد دى
لان فيه اولاد كتير جدا بيدخلو للبنت بطريقه المسلسلات المكشوفه دى
احنا كاولاد عارفين النظام ده
و لازم نحذر اخواتنا البنات م النظام ده
شخصيتك تدل على مدى احترام الناس بكـى
ربنـا معانا جميعا
موضوع مفيد جدا يا خالوووووووود

طبـعا مـفيش كـلام يتقال تـاني بعد الكلام ده
والمشكلة ان دي بقيت فعلا عادة ماشيين عليها
بس في نفس الوقت فرق كبير برده انك تكلم شخص وجها لوجه
من انك تكلمه عن طريق الكتابة وفي حدود (الأدب والاحترام)
ومع ذلك والله أنا شعرت بالخجل الشديد بعد الكلام ده كله
لإني حسيت برده اننا بنضحك علي نفسنا

بجد شكرا ليك وجـزاك الله كل خــير
مارك / اسراء
النوعيه دى من البنات انا شفتها فعلا فى جروبات الكليه
فعلا البنت تبقى فى الكليه محترمه وكويسه جدا جدا وفى الجروب واحده تانيه هذار وضحك ودلع وفرفشه
ولا كأن دى هى دى

ربنا يصلح حال البنات جميعا

بس الشخصية دى يعنى وش واحد الانسان بيستخدمه فى كل علاقاته الاجتماعية مينفعش اكلم اصحابى بوش وعلى الفيس او المنتديات بوش تانى انا محترمة خلاص يبقى اكلم اصحابى فى الحدود فى اى حتى على الفيس او onفيس اهم حاجة ان الانسان اللى قدامى يبقى فاهم شخصيتى
بس ساعات وانا بشوفها كتير شخصيات فى الكليه حاجه وعلى الجروبات حاجه تانيه خالص

ده انا مثلا فى الكليه بنقعد نهذر ونضحك ونقلس على بعض ( شباب مع بعض ) وهاتك يا ضحك
لكن بليل على الجروب كل الالتزام والاحترام وعمرنا ما نقلس على بعض قدام حد
واسمنا شباب
!!!

~ Smile 4 Life ~

01-11-2012, 12:49 AM

خالد أنا ممكن أكون فهمت التوبيك غلط
أنا مأخدتش بالي من حتة انها تكلم نفس الشاب هو هو اللي معاها في الكلية
انا افتكرت قصدها في الحديث مع شباب وهي متعرفهمش اصلا.. لا هي شافتهم ولا هم شافوها
لكن بقي عن انها تكلم شاب تعرفه معاها في الكلية وبعدين تيجي تهذر معاه علي شات او غيره
فدي أكيد فكرة مرفوضة..لإن كده فيه تناقض كبير في شخصيتها..
ازاي الصبح الاتنين في كلية وحدة وآخر التزام وبالليل هذار وكلام فاضي!!
ازاي متخافش علي سمعتها وسط الشباب في الجامعة!!
ازاي قدرت تنافق نفسها وربها!!

*Nona Light*

01-11-2012, 12:52 AM

بس ساعات وانا بشوفها كتير شخصيات فى الكليه حاجه وعلى الجروبات حاجه تانيه خالص

ده انا مثلا فى الكليه بنقعد نهذر ونضحك ونقلس على بعض ( شباب مع بعض ) وهاتك يا ضحك
لكن بليل على الجروب كل الالتزام والاحترام وعمرنا ما نقلس على بعض قدام حد
واسمنا شباب
!!!

بس فيه نوعية من البنات فظيعة الصبح احترام والتزام وبالليل على الشات قلة ادب وضحك وهبل والنوعية دى بتبقى بتعانى من الكبت النفسى صدقنى والله تلاقى البنت بتتكلم بقلة ادب على الفيس تشوفه الصبح تلاقيها بتقولك السلام عليكم ورحمة الله وبركاته يالله اهم حاجة انا انا بوش واحد على المنتدى وبرة المنتدى

To Be Is To Do

01-11-2012, 12:53 AM

To Be Is To Do

01-11-2012, 12:54 AM

بس فيه نوعية من البنات فظيعة الصبح احترام والتزام وبالليل على الشات قلة ادب وضحك وهبل والنوعية دى بتبقى بتعانى من الكبت النفسى صدقنى والله تلاقى البنت بتتكلم بقلة ادب على الفيس تشوفه الصبح تلاقيها بتقولك السلام عليكم ورحمة الله وبركاته يالله اهم حاجة انا انا بوش واحد على المنتدى وبرة المنتدى

بس معلش سؤال
هل لما هى الصبح محترمه وكويسه ومش بتكلم شباب
وبليل بتهذر وبتضحك على الجروب
معنى كده احنا مش محترمه او مش كويسه

ده السؤال اللى بيدور فى دماغى

*Nona Light*

01-11-2012, 12:57 AM

To Be Is To Do

01-11-2012, 01:01 AM

بص هى مش زى ما انت بتقول بس ممكن حقيقى يكون كبت وبتخرجه فى الكتابة لان ممكن تلاقى بنت محترمة فى الجامعة وشافت واحد واعجبت بأسلوبه فى الكلام وهتموت وتقوله بس مكسوفة تلاقيها بقى بتخرج ده فى ايه فى الشات بالليل فهمت قصدى

تمام بس احنا بنبقى مجموعه مع بعض على الجروب
وبعدين مش بيبقى شات بيبقى بوستات بتنزل وكل واحد يعلق عليها ومن هنا تبدأ الكلام اللى بتتحول لهذار وضحك
انا بقعد معاهم ساعات وبنهذر بس بادب
هل ده غلط ؟؟؟
يعنى انا كشاب عيب انى اقعد على الجروب اهذر مع شباب وبنات فى حدود المعقول برده
ولا ده ميصحش اصلا
وكمان السؤال ع البنت هل ده عادى ولا طالما ملهوش لازمه يبقى بلاش احسن

~ Smile 4 Life ~

01-11-2012, 01:06 AM

لا انا اقصد انها كانت فى الكليه محترمه وكويسه وبتغض بصرها ومش بتكلم شباب
لكن ع الجروب بتهذر وبتتكلم عادى
يعنى هى مش بتكلم شاب واحد ؟؟؟
هى فى الكليه مبتكلمش حد لكن على الجروب بتتكلم وتهذر عادى

تمام..بس انا برده مفهمتش قصدك بانها بتهذر..يعني هذار عادي ولا ايه؟؟
هي كده كده مش هتفرق كتير
وكمان عندي سؤال انتوا بتبقوا عارفين البنت نفسها
اللي بتتكلم في الجروب هي اللي معاكم؟؟وهي كمان عارفة انكم عارفين ده؟؟
وأنا هقولك وجهة نظري اللي شايفاها

فكرة ان البنت تكلم شاب هي تعرفه او هو يعرفها
وتهذر معاه عادي جدا في جروب الدفعة ومع ذلك بتكون محترمة جدا بالتعامل معاه في الكلية
فده شئ غير مقبول بتاتا للأسباب اللي سبق قلتها في تعليقي السابق

*Nona Light*

01-11-2012, 01:07 AM

To Be Is To Do

01-11-2012, 01:10 AM

تمام..بس انا برده مفهمتش قصدك بانها بتهذر..يعني هذار عادي ولا ايه؟؟
هي كده كده مش هتفرق كتير
وكمان عندي سؤال انتوا بتبقوا عارفين البنت نفسها
اللي بتتكلم في الجروب هي اللي معاكم؟؟وهي كمان عارفة انكم عارفين ده؟؟
وأنا هقولك وجهة نظري اللي شايفاها

فكرة ان البنت تكلم شاب هي تعرفه او هو يعرفها
وتهذر معاه عادي جدا في جروب الدفعة ومع ذلك بتكون محترمة جدا بالتعامل معاه في الكلية
فده شئ غير مقبول بتاتا للأسباب اللي سبق قلتها في تعليقي السابق

قعدتنا فى الجروب بتبقى زى 10 ولاد مع 7 بنات مثلا يعنى
بنلعب افلام اغانى كده
طبعا البنات محدش حاطط صورتها
وبالتالى انا معرفش شكلها وانا اساسا مش بكلم بنات فى الكليه ولا اعرف اشكال اللى بتعامل معاهم
فبنتعامل مع بعض بلغه الكتابه
بدات الاول بلغه يا بشمهندس يا بشمهندسه
بعدين يا محمد يا منى
بعدين يا حماده يا مونى
بعدين احجزلك بكره .. ححجزلك معايا فى المدرج
بعدين بقوا بيروحوا على الكافيتريا يعزموا بعض على اكل

انا مليش ف الكلام ده شئ هما احرار

بس انا من ناحيتى بتكلم عادى معاهم باسم كل واحده فيهم من غير دلع
بس بنهذر هذار عام جدا

هل ده غلط ؟؟؟؟

*Nona Light*

01-11-2012, 01:18 AM

انا رديت فوق انت مش واخد بالك ولا ايه

To Be Is To Do

01-11-2012, 01:19 AM

انت شاب يعنى اى حاجة هتعملها محدش هيلومك عليها بس طبعا لازم تندرج تحت صفة وهى الاحترام وده ان شايفاه فيك لانك بصراحة شاب اخلاق جدا باين عليك من طريقة كلامك ربنا يحفظك اما بالنسبة للبنت فا مش عيب انها تهزر بس فى حدود الاحترام بس يا سيدى

بس ارجع واقولك ان تصرف البنت ده روعه ربنا يثبتها انها سابت الجروب والاختلاط
وحافظت على نفسها فى الكليه وعلى النت كمان
ودى حاجه كويسه جدا وده اللى المفروض يتعمل
انها قالت ان الجروب للضروره فقط
لما تعوز تسأل فى حاجه تدخل تسال وتطلع

انا متفق معاها فى القرار اللى خدته الصراحه

~ Smile 4 Life ~

01-11-2012, 01:22 AM

[QUOTE=eng kh zakareya;4944231]قعدتنا فى الجروب بتبقى زى 10 ولاد مع 7 بنات مثلا يعنى
بنلعب افلام اغانى كده
طبعا البنات محدش حاطط صورتها
وبالتالى انا معرفش شكلها وانا اساسا مش بكلم بنات فى الكليه ولا اعرف اشكال اللى بتعامل معاهم
فبنتعامل مع بعض بلغه الكتابه
بدات الاول بلغه يا بشمهندس يا بشمهندسه
بعدين يا محمد يا منى
بعدين يا حماده يا مونى
بعدين احجزلك بكره .. ححجزلك معايا فى المدرج
بعدين بقوا بيروحوا على الكافيتريا يعزموا بعض على اكل
لا أنا أسفة دي كده زادت عن حدها أوي

انا مليش ف الكلام ده شئ هما احرار

بس انا من ناحيتى بتكلم عادى معاهم باسم كل واحده فيهم من غير دلع
بس بنهذر هذار عام جدا

هل ده غلط ؟؟؟؟

بص يا خالد اللي أقدر أقولهولك
اذا كان الجروب بتاعكوا بالشكل ده..فالأفضل انك متدخلوش الا لو بقي فيه حدود للكلام والهذار
لإن ده مش نظام اصلا ان الكلام يقلب بهذار فاضي ودلع وعزومات وغيره
حتي لو كنت انت مش موافق علي كده ومش بتمشي معاهم في اللي بيعملوه
لإن انت متعرفش الشيطان شاطر وممكن يلعب بدماغك
الافضل انك تبعد عن نفسك عن كده
ده مجرد رأي مش أكتر

~ Smile 4 Life ~

01-11-2012, 01:24 AM

بس ارجع واقولك ان تصرف البنت ده روعه ربنا يثبتها انها سابت الجروب والاختلاط
وحافظت على نفسها فى الكليه وعلى النت كمان
ودى حاجه كويسه جدا وده اللى المفروض يتعمل
انها قالت ان الجروب للضروره فقط
لما تعوز تسأل فى حاجه تدخل تسال وتطلع

انا متفق معاها فى القرار اللى خدته الصراحه

أكيييييييييييييييييد

*Nona Light*

01-11-2012, 01:26 AM

صح جدااااااااااااااااااا

To Be Is To Do

01-11-2012, 01:26 AM

[quote=eng kh zakareya;4944231]قعدتنا فى الجروب بتبقى زى 10 ولاد مع 7 بنات مثلا يعنى
بنلعب افلام اغانى كده
طبعا البنات محدش حاطط صورتها
وبالتالى انا معرفش شكلها وانا اساسا مش بكلم بنات فى الكليه ولا اعرف اشكال اللى بتعامل معاهم
فبنتعامل مع بعض بلغه الكتابه
بدات الاول بلغه يا بشمهندس يا بشمهندسه
بعدين يا محمد يا منى
بعدين يا حماده يا مونى
بعدين احجزلك بكره .. ححجزلك معايا فى المدرج
بعدين بقوا بيروحوا على الكافيتريا يعزموا بعض على اكل
لا أنا أسفة دي كده زادت عن حدها أوي

انا مليش ف الكلام ده شئ هما احرار

بس انا من ناحيتى بتكلم عادى معاهم باسم كل واحده فيهم من غير دلع
بس بنهذر هذار عام جدا

هل ده غلط ؟؟؟؟

بص يا خالد اللي أقدر أقولهولك
اذا كان الجروب بتاعكوا بالشكل ده..فالأفضل انك متدخلوش الا لو بقي فيه حدود للكلام والهذار
لإن ده مش نظام اصلا ان الكلام يقلب بهذار فاضي ودلع وعزومات وغيره
حتي لو كنت انت مش موافق علي كده ومش بتمشي معاهم في اللي بيعملوه
لإن انت متعرفش الشيطان شاطر وممكن يلعب بدماغك
الافضل انك تبعد عن نفسك عن كده
ده مجرد رأي مش أكتر

ده اكيد انهم اساسا بيقولوا عليا معقد انى برد على الاد بالظبط
بنلعب اه بس فى حدود الهذار
هما بيقابلوهم اه بس انا مليش علاقه بيهم فى الكليه
وانا جه عليا وقت سبت الجروب بسب علاقه حب نشات بين بنت وولد وسببت مشاكل
بس رجعت وقلت مينفعش انى سبت الجروب وصحابى فيه

وطالما انى برد الكلمه بكلمتها يبقى خلاص اللى حيعيب حيعيب على اللى بيزود فى الكلام

طب سؤال اخير

انتى متفقه مع موقف الاخت اللى انا اتكلمت عنها فوق

~ Smile 4 Life ~

01-11-2012, 01:33 AM

[QUOTE=eng kh zakareya;4944253][quote=( esraa );4944244]

ده اكيد انهم اساسا بيقولوا عليا معقد انى برد على الاد بالظبط
بنلعب اه بس فى حدود الهذار
هما بيقابلوهم اه بس انا مليش علاقه بيهم فى الكليه
وانا جه عليا وقت سبت الجروب بسب علاقه حب نشات بين بنت وولد وسببت مشاكل
بس رجعت وقلت مينفعش انى سبت الجروب وصحابى فيه

وطالما انى برد الكلمه بكلمتها يبقى خلاص اللى حيعيب حيعيب على اللى بيزود فى الكلام

تمام..
خلاص بدل ما انت واثق من نفسك وعارف انك مش هتميل لكده
يبقي خلاص..بس انت كده مش هتشبع من كلمة معقد:d

طب سؤال اخير

انتى متفقه مع موقف الاخت اللى انا اتكلمت عنها فوق

أه طبعا متفقة معاها جدا
وده شئ يحسب لها وتقدّر عليه الصراحة
انها عرفت ربنا ورجعتله وتابت وحمت نفسها وخافت علي سمعتها
ربنا يثبتها هي وسائر بنات المسلمين

المتفائله...

01-11-2012, 01:43 AM

To Be Is To Do

01-11-2012, 01:48 AM

والله العظيم نبهتنى لحاجات كتير فى التوبيك ده كنت غفلانه عنها
وبجد هى انسانه محترمه ربنا يبارك لها
انت نبهتنى ان الشخصية المحترمه اللى فى الجامعة متقلبش اخر النهار
وحتى لو كانوا اللى بتتكلم معاهم مين اوحتى مش تعرفهم
لازم يكون فى حدود فى المعامله سوء من الشاب او الفتاه
ربنا يجزيك خير

وده هدف التوبيك
ممكن تكونى انتى محترمه جدا فى الجامعه وعلى الجروب بتهذرى
وانتى محترمه جدا جدا
بس اللى حيبصلك مش حيعرف كده اول كلمه تتقال عليكى دى متناقضه الصبح عامله الخضره الشريفه وبليل واخده راحتها

طبعا الكلام مش عليكى انا بتكلم فى العام يعنى

Cherif Borges Da Silva

01-11-2012, 01:48 AM

مـوضوع مهم جداً , لأن مفيش حاجة أسمهـا أنا محترم فـ هفضـل طول عمري محترم كدآ لوحدي !
لازم تقـويم للنفـس واعادة نظر :excl: , لأن الحياة مش سهلة بتغير حاجات كتـير في الانسان
وموقـف أكتر من ممتـاز من الشخصيتين اللي في الحـوار دآ بجد

دمتـم سآلمين ;)

المتفائله...

01-11-2012, 02:30 AM

وده هدف التوبيك
ممكن تكونى انتى محترمه جدا فى الجامعه وعلى الجروب بتهذرى
وانتى محترمه جدا جدا
بس اللى حيبصلك مش حيعرف كده اول كلمه تتقال عليكى دى متناقضه الصبح عامله الخضره الشريفه وبليل واخده راحتها

طبعا الكلام مش عليكى انا بتكلم فى العام يعنى

حتى ولو عليا عادى ولا يهمك
انا اشتركت على الفيس يومين ولغيت الحساب لانى شوفت تعليقات
زى ما حضرتك شوفت بس على الجروب بتاع الجامعة على الجروب بتاع الاسره والحمد لله مشركتش اصلا
عارف انا قلت كلمة ف الجامعة للاسرة بتعتى عارف كان رد فعلهم ايه
يا ماما انتى فى جامعة بلاش الهدوء الزايد ده

Eng_Muhammed

01-11-2012, 02:31 AM

افـــــــــــــــــيقوا يــــــــــــــرحمكــــــــم اللــــــــــــــه
ــــــــــــــــــــــــــــ

منــــــــــور يا خلـــــود

To Be Is To Do

01-11-2012, 02:51 AM

حتى ولو عليا عادى ولا يهمك
انا اشتركت على الفيس يومين ولغيت الحساب لانى شوفت تعليقات
زى ما حضرتك شوفت بس على الجروب بتاع الجامعة على الجروب بتاع الاسره والحمد لله مشركتش اصلا
عارف انا قلت كلمة ف الجامعة للاسرة بتعتى عارف كان رد فعلهم ايه
يا ماما انتى فى جامعة بلاش الهدوء الزايد ده

ده اكيد
وده اللى اتكلمنا فيه فى " يلا جامعه "
انك حتبقى انتى الشخصيه المقفله المعقده وهما الشخصيات المرحه اللطيفه الظريفه

بس اهم حاجه نحافظ على كده ونستمر عليه

يعنى الشخصيه اللى اللى انا اتكلمت عنها ف الاول اكيد واجت انتقاضات من اغلب زميلاتها بس استمرت ف اللى عايزاه

وربنا كرمها وان شاء الله يثبتها على ذلك

واسف للاطاله

نحلة المنتدى

01-11-2012, 03:48 AM

شكرا ليك ع الموضوع الجميل انا عن نفسى بكره الفيس بوك
ومش عندى فيس بوك والله كده احسن

MARRON-5

01-11-2012, 10:11 AM

انا ح اتكلم عن نفسي
انا بتعامل مع صبيان ف الكلية فى حدود تصوير المحاضرات والسكاشن اكتر من كده لأ
اكتر من كده ح افتح المجال لاى شخص سواء كان ولد او بنت للهزار ومش بس كده للقلة الادب
ع الفيس كلهم بنات نهزر ونضحك طبيعى بس برده لو اى بنت تجاوزت حدودها معايا مش باسيبها
لأ وكمان فاكرين اننا صغيرين باعتبارنا سنة اولى والولاد الاكبر مننا بيقولو يا جماعة احنا اخوات؟نعم!!
تلاقيهم اخوات ازاى بقي؟بيضحكوا ويهزروا و صوتهم يعلى وساعات بتوصل لمد الايد!!!!!!!!!!!
واللهى كده حرام ما ينفع؟
الخلاصة:كل بنت احسن لها ولا تكون متطرفة ما تكلمش ولاد لانهم ممكن يكون فيهم محترمين وكمان ساعات بنسالهم على مواعيد محاضرات و حاجات خاصة فى الكلية
وكمان ما تكونش فاتحاها على البحرى وتقولك زى اخويا؟ ههههه بتضحك على نفسها وبتحلل الحرام
ربنا يهدى

safia mahmoud

01-11-2012, 11:11 AM

المفروض كلنا نعملو زى ابنوته الحلوه
ديه
صح ولا

.MOHAMED SAMY.

01-11-2012, 12:11 PM

المتفائله...

01-11-2012, 12:13 PM

ده اكيد
وده اللى اتكلمنا فيه فى " يلا جامعه "
انك حتبقى انتى الشخصيه المقفله المعقده وهما الشخصيات المرحه اللطيفه الظريفه

بس اهم حاجه نحافظ على كده ونستمر عليه

يعنى الشخصيه اللى اللى انا اتكلمت عنها ف الاول اكيد واجت انتقاضات من اغلب زميلاتها بس استمرت ف اللى عايزاه

وربنا كرمها وان شاء الله يثبتها على ذلك

واسف للاطاله

والله انا احترمتها جدااا
ربنا يبركلها ويجزيك كل خير
لو كل البنات اتصرفوا زى ما هى اتصرفت تخيل منظر الدنيا هيكون ايه
ربنا يهدينا ويهدى شباب المسلمين

safia mahmoud

01-11-2012, 01:02 PM

ربنا يثبتها

حسن زيرو

01-11-2012, 03:24 PM

ربنا يهدى بناتنا للاسف البنات اخلاقهم اتغيرت بطريقة واضحة ومعدش فى حياء ولادين

love ur life

01-11-2012, 08:46 PM

عندي كلامي كتير مش عارفه أبدأ منين .. هبدأ بموقف معين حصل معايا ف أولي جامعه
أنا وصحبتي ونعرف بعض من إبتدائي وأصحاب جداً البنت محترمه وأنا أعرف باباها وممتها وهي كمان تعرف أسرتي .. أنا مش فاكره الموقف بالظبط بس هحكي الموضوع وهدفي من حكايه الموضوع إن اللي بيعمل حاجه غلط بيبقا عارف بس بيأجل ف مراجعه نفسه أو بيبقا محتاج زقه توعيه مش أكتر ..
المهم رايحين الجامعه مع بعض وهنفطر ف الكافتيريا ريحين تمام أشترت وكل حاجه
بعد كدا هتمشي قالتلها سها هتفطري فين قالتلي مع صحابي قالتها تمام مين هما ما بين الأسماء البنات اللي قالتهم
أسماء شباب .. أنا نزلت عليا صاعقه بس أمتلكت نفسي قدمها ..
دي كانت بدايت الغلط كلمه مع ضحكه مع فطار إلخ .. مرت الأيام سها متغيره قعدين مع بعض ومش قعدين الموبيل والمسجات ومش فضيالي .. فاض بيا إتكلمت معها مرضتش أقولها دا غلط ودا عيب وميصحش بطريقه مباشره
قلتلها ممتك وباباكي عارفين قالتي لأ .. فجاءه لقيتها بتقولي دي حاجه عاديه جداً ف الجامعه يا ماما إحنا مش ف مدرسه ذى زمان وإنتِ لما تكوني ف تلته او رابعه كليه هتكلمي وتقعدي عادي !
قالتها وإيه الفرق قالتلي يعني اولي وكدا وانتِ لسه لخمه .. مرضتش أعقب كتير لأنها مش هتتقبل كلامي ف الوقت دا
رد فعلي بعدها مكنش بالكلام .. أتجنبتها
مره ف مره قالتلي أنا حاسه إنك مش عايزه تمشي معايا .. مبقتش أرد وأتناقش معاها ذى الأول خصوصاً بعد ما ماما قالتلي مش عايزه أشوفك معاها تاني .. بس جوا نفسي لا نظرات إحتقار ليها ولا أي حاجه لأني عارفه أصلها
مرت الأيام .. والاقي سها إنقلبت راساً ع عقب .. رجعت لأصلها .. البنت الراقيه المحترمه
والسبب مجرد توعيه من مجموعه بنات محترمين بس توعيه بشكل مكبر شويه

...
أما الجروبات
بالنسبه ليا جروب الدفعه مش بدخله نهائي .. لأن عليه حاجات المفروض إنها غلط
ممكن يتكلمو مع بعض يا جميل ويا عسل شباب وبنات وعادي جداً
..
بس أنا مازلت مش ببص للبنات دي نظرات إحتقار والله البنات دي محتاجه توعيه ورقابه
لأن البنات دي محترمه .. بس الوضع بيبقا جديد عليهم ف بينجرفوا ..
لكن الضحك والهزار وموني والكلام دا غلط بالتأكيد
يدوب البنت لو عايزه حاجه تدخل تقضيها وشكراً لكن غير كدا ميصحش
خصوصاً إننا ف مجتمع شرقي

موضوع أرفع لك القبعه شكراً عليه .. ربنا يصلح حالنا

To Be Is To Do

01-11-2012, 09:13 PM

love ur life

01-11-2012, 09:55 PM

فعلا عندك حق
انا دخلت انهارده عل الجروب طحت فيهم
قلتلهم كل اللى فى نفسى وكلمتهم ووعتهم ونصحتهم وقلتلهم انا مقبلش اقعد ف جروب كله دلع ومسخره من النوع ده
وسالت سؤال

" هل تقبل تبقى قاعد جنب اختك وتلاقى حد بيدلعها "

محدش رد عليا من الشباب قلتلهم شكرا

وسبت الجروب
بس عملت اللى عليا ونصحت
وهما احرار

ربنا يهدى شكرا ع المرور

وياتري رد فعل البنات إيه .. ؟
موقف محرج بالنسبالهم بصراحه

To Be Is To Do

01-11-2012, 10:12 PM

وياتري رد فعل البنات إيه .. ؟
موقف محرج بالنسبالهم بصراحه

انا اللى غاظنى وخلانى شوطت فيهم
ان واحده امبارح منزلها الجدول بتاع الميد تيرم
راحت راده عليا قايلالى

ربنا يخليك ا خالوده وميحرمنيش منك ابدا من قلبى يعنى

ده رد مصدقت جيت من الكليه رحت طالع فيهم
وقلت للشباب احنا ف الكليه مع بعض عادى

وسيبتلهم الجروب وطلعت ويخبطوا دماغهم ف الحيط بقى

انا عملت الصح ف نظرى

لان لو كان عندى اخت مكنتش حسيبها تقول الكلام ده لشاب
او اشوف حد بيدلعها باسمها

love ur life

01-11-2012, 10:20 PM

انا اللى غاظنى وخلانى شوطت فيهم
ان واحده امبارح منزلها الجدول بتاع الميد تيرم
راحت راده عليا قايلالى

ربنا يخليك ا خالوده وميحرمنيش منك ابدا من قلبى يعنى
:d:d:d:d:d
ده رد مصدقت جيت من الكليه رحت طالع فيهم
وقلت للشباب احنا ف الكليه مع بعض عادى

وسيبتلهم الجروب وطلعت ويخبطوا دماغهم ف الحيط بقى

انا عملت الصح ف نظرى

لان لو كان عندى اخت مكنتش حسيبها تقول الكلام ده لشاب
او اشوف حد بيدلعها باسمها

دي أفوره جامد منها

:d

ربنا يهدي :blush:

To Be Is To Do

02-11-2012, 10:07 AM

السلام عليكم..

احب اشكرك ع الموضوع لانه بصراحة موضوع مهم ..

انا كان نفسى حد يفهمنى ايه اللى بيحصل بالظبط كتير بشوف بنات زمايلى محترمة جداا ومفيش اى حد يشوفهم غير يقول انهم محترمين وف نفس الوقت اسمع انهم بيكلموا ولاد كتير ع الفيس ولما بسمع الكلام بتصدم بجد مش ببقى مصدق ان البنت دى هى اللى بتتكلم مع الاولاد ومفيش حدود وهزار وحكايات !!! ليه الفيس بوك خلى مفيش حدود بين البنت والولد بعكس الواقع ان مفيش اختلاط بينهم؟!! لحد ماقربت فكره ف دماغى ان البنت اللى بتبقى محترمة ف الشارع ممكن تلاقيها عكس كده ع الفيس بوك !!! مش عارف اشيل الفكرة دى من دماغى من كتر اللى سمعته

فعلا والله بقى فيه من ده كتير
نظام الجروبات المختلطه هو اللى عمل كده
ويا ريت الجروبات دى بفايده
لا والله
دى جروبات معموله للهذار والترفيه بدافع الخروج من جو المذاكره

ولو تقول نعمل جروب للشباب وجروب للبنات
الكلام ميعجبهمش

واضح اننا بقينا دقه قديمه فى نظرهم

نورت التوبيك

To Be Is To Do

02-11-2012, 10:10 AM

*تائبة فى رحاب الله*

02-11-2012, 12:33 PM

الكلام ده صح 100%
بارك الله فيها
لكن بيها صاحبتي لما سألتها
بسم الله الرحمن الرحيم (( ولا متخذات اخدان))
افتكر ان فى فتوى اتكتبت هنا قبل كدة وتم الاستهزاء بها اللى هو التساهل فى التعامل
هدانا الله واياكم

To Be Is To Do

02-11-2012, 01:24 PM

الكلام ده صح 100%
بارك الله فيها
لكن
بسم الله الرحمن الرحيم (( ولا متخذات اخدان))
افتكر ان فى فتوى اتكتبت هنا قبل كدة وتم الاستهزاء بها اللى هو التساهل فى التعامل
هدانا الله واياكم

الواحد ما بيتعلمش غير لما يتقرص
ده الواقع اللى بنعيشه شايفين كل حاجه سهله وحلوه لما بنشوفها من بعيد
لكن لما الحاجه دى تحصلنا احنا شخصيا بنفوق من الغيبوبه اللى كنا فيها
ونرجع لقواعدنا واصولنا

واياكم ان شاء الله

oamar

02-11-2012, 07:20 PM

كــــــلام كتـــير فى موضوع البنات والانتـــــرنت مش ليـــــة اى لازمــــة
لان زى ما بيقـــــــولو
ان الى ميشوفشى من الغـــــــربال يبقـــــى اعمـــــــــــى

* حمادة العربى *

02-11-2012, 10:19 PM

ربنا يهدى الجميع

To Be Is To Do

06-11-2012, 12:35 AM

كــــــلام كتـــير فى موضوع البنات والانتـــــرنت مش ليـــــة اى لازمــــة
لان زى ما بيقـــــــولو
ان الى ميشوفشى من الغـــــــربال يبقـــــى اعمـــــــــــى

استاذ عمر معلش مش فاهم ردك ؟! :rolleyes:

ربنا يهدى الجميع
آميـــــــــــــن يا رب :)

مريم السباعى.

06-11-2012, 12:48 AM

طبعا مش محتاجة اقول الموضوع تحفة بمعنى الكلمة
والبنت دى اتصرفت صح تماما
واصلا مش بنصح قوى بجروبا تالمختلطة الا لوكان ليها ضرورة قووووووووى ودة شئ مش اظنه يعن ىسه لقوى تتعرف على المعلومة وخلاص من غير متكلم ع حد كتير او تهزر خصوصا لان الفيس مفتوووووووووح وخصوا ان الى بتكلم معاهم ناس بيكونو معاها فى نفس الدفعة فشئ مش سهل بتاتا انها تحس بتناقض دة
بس فى حد هنا قال كلمة عجبتنى قوى وفعلا لو اطلعنا على اى وقع استشارات حنلاقى منها كتيييييييييييييييير
وهو ان فعلا بيبقى فى ناس عندها مشكلة او كبت فى حياتها او شئ مش عارفه تحققه وبتحققه على الانترنت يعنى مثلا مش قادرة تهزر او تكلم ولاد على الحققية بطريقة ما ولكن النت بيسهل الموضوع قووووى فبستتغل دة فى ارضاء شئ جوها بس شور بياثر بعد كدة جامد على النفسية خصوصا الاحاس بتناقض
موضوووووووووع كبييييييير وهااااااااام
وارفع للك القبعة على اختياره
ناااايس

To Be Is To Do

06-11-2012, 03:43 PM