السلام عليكم

انا عارفة اني بتقل عليكم بمشاكلي
بس لاني عارفة انكم ان شاء الله هتساعدوني

انا عندي مشكلة صغيرة في مواعيد الدروس

انا مواعيد دروسي كده :
الجمعة : فاضي
السبت : فاضي
الاحد : فيزياء ( 12.5 _ 2) ثم احياء ( 2.5 _ 4.5 )
الاثنين : انجلش من 3 الي 5.5
الثلاثاء : علم نفس من 12.5 ل 2.5
الاربعاء : زي الاحد
الخميس : عربي من 12.5 ل 3

المهم انا عندي يومين ورا بعض فاضين لله الحمد
بس مبقدرش استغلهم لانهم ورا بعض فبتعب و بزهق من المذاكرة
و بضيع الوقت ف اللعب او الملل

و بعد كده الايام التانية مشغولة فبنضغط اوي
و اليوم الي عندي درسين مش بعرف اذاكر غير 4 ساعات بالكتير

و غير كده اني برجع من كل درس انام ساعتين
و ابدا ايام المذاكرة الساعة 8
و انا اصلا بكتئب من المذاكرة بليل
و بكون مش مركزة اوي

بحب اذاكر من 5 _10

انسب الاوقات

المهم احاول انام بليل معرفش يعني افضل للساعة 3 او 4 سهرانه مش عارفة لانام و لا اذاكر
و بالتالي بصحي الساعة 12

و النظام ده ملل و كئيب

ايه بقي الي مخليني حاطه الاحياء مع الفيزياء
ان الفيزياء بعيد اوي عن البيت و الاحياء جنبه وانا مبركبش
عشان كده بخدهم مشوار واحد و السلام

صراحة فيه حل واحد
اني اروح الاحياء قبل النجلش و يوم الجمعة الساعة عشرة

بس كده هتعب من المشي اوي

و حل تاني ااني اروح الانجلش يوم السبت الساعة 12
و يبقي الاثنين فاضي

تنصحوني اعمل ايه ؟

و ااااااااااااسفة جدااااااااااااا عشان انا كده بتعبكم معااي
ااسفة بجد و جزاكم الله خير

زى بالظبطططططططط كأنك بتتكلمى عنى
انا برضه مش عارفة انام باليل خااااالص ولا حتى اذاكر
و مش عارفة اعمل اية برضه فى الحكاية دى
بس انا اولى ثانوى

بصى انا من رائ الحل التانى احسن و يبقى عندك الاتنين فاضى

انا في تالتة ثانوي و بروح احياء و بعدها فيزياء لنفس الاسباب . ياريت حد يفيدنا ...

ربنا يوفقك

و حل تاني ااني اروح الانجلش يوم السبت الساعة 12
و يبقي الاثنين فاضي
ده افضل حل
عشان الاحياء و الفيزياء كتير وى مع بعض
و كمان عشان تفصلى بين اليومين اللى انتى فاضية فيهم
فتستغليهم احسن
اما حكية النوم فانتى حاولى فى يوم الدرس متناميش
و نامى بدرى اليوم ده و بعديها نومك يتضبط ان شاء الله
و لو مش بتروحى المدسة زكرى الصبح فبل الدرس
و ربنا يوفقك يارب و تجيبى 100% و تخشى الكلية اللى بتتمنيها

بدلى الجمعة بالثلاثاء
انتى جبتي كام في تانية ؟؟؟ :)

[
زى بالظبطططططططط كأنك بتتكلمى عنى
انا برضه مش عارفة انام باليل خااااالص ولا حتى اذاكر
و مش عارفة اعمل اية برضه فى الحكاية دى
بس انا اولى ثانوى

بصى انا من رائ الحل التانى احسن و يبقى عندك الاتنين فاضى
/quote]
يعني اغير الانجلش ؟
[quote]
و حل تاني ااني اروح الانجلش يوم السبت الساعة 12
و يبقي الاثنين فاضي
ده افضل حل
عشان الاحياء و الفيزياء كتير وى مع بعض
و كمان عشان تفصلى بين اليومين اللى انتى فاضية فيهم
فتستغليهم احسن
اما حكية النوم فانتى حاولى فى يوم الدرس متناميش
و نامى بدرى اليوم ده و بعديها نومك يتضبط ان شاء الله
و لو مش بتروحى المدسة زكرى الصبح فبل الدرس
و ربنا يوفقك يارب و تجيبى 100% و تخشى الكلية اللى بتتمنيها

انا ممكن ارجع منامش بس طبعا مش همل اي حاجة
انا والله لسة صاحية دلوقتى الساعة اهو 9و نص هعمل ايه دلوقتي ؟


بدلى الجمعة بالثلاثاء
انتى جبتي كام في تانية ؟؟؟ :)

امم ازاي يعنى ؟
انا جبت الحمد لله 99,7

يعنى تاخدى علم النفس يوم الجمعه وتسيبي الثلاثاء فاضى

اقصدت الانجلش عشان علم النفس مفهوش غير معاد واحد

كمان مشكلة

ان المجاميع الى انا فيها احلى مجاميع و التانية كبيرة و مش هلاقي مكان عدل

و الله انا في قمة الحيرة و التعب

و حل تاني ااني اروح الانجلش يوم السبت الساعة 12
و يبقي الاثنين فاضي

انا شايف ان ده الحل المناسب علشان ميبقاش اليومين الفاضيين ورا بعض ..

بالنسبة للنوم انا انصحك انك تروحى من الدرس ماتناميش غير ساعة مثلا وتكملى مذاكرة وتنامى الساعة 10 وتصحى الفجر تصلى وتذاكرى لحد مواعيد الدروس وتيجى من الدروس تنامى ساعة وهكذا

ربنا معااااااااااكى

ربنا يوفقك وتدخلى الكلية اللى تتمنيها

هى المسالة بتختلف من اشخاص لاشخاص بحسب قدرة التجميع فى وقت معين من المذاكرة واناشايفة مواعيد الدروس دى كويسة جدا يعنى الجمعة فاضى والسبت فاضى غالبا يوم الجمعة بيكون صعب شوية المذاكرة فيه فممكن بس تذاكرى شوية الصبح بدرى وشوية قبل ماتنامى ويكون كله قراءة سريعة للى اخدتيه فى الدروس طول الاسبوع وتخليه ده يوم ترفيهى يكون اجازة يعنى لحد اخر شهر1 او لنص شهر 2 لان بعد كده لازم تضغطى مواعيد المذاكرة شوية اما السبت فلازم تديه حقه فى المذاكرة بعد مااخدتى يوم استراحة وتذاكرى شوية الصبح و3ساعات من الساعة4للساعة7 كده وبعدين خدى فاصل وارجعى ابداى من 8ونص كده لحد ماتنامى بس اليوم ده يكون مذاكرة خاصة بيكى انتى مالهاش علاقة باللى اخدتيه فى الدروس وطالما انتى بتسهرى خلى المذاكرة اللى عليكى تانى يوم فى الدرس فى الساعتين اللى قبل ماتنامى على طول وباقى الايام مش شرط يعنى تذاكرى وقت طويل يعنى المهم ماتقلليش عن 4ساعات كده وانا شايفة ان ده متاح بالنسبة ليكى ولما تبداى تتعودى على انك تلتزمى بال4 ساعات دول فى معاد ثابت طول ال5ايام هتلاقى نفسك بتذاكرى فى الوقت ده بسهولة وهتزودى الساعات دى مع الوقت من غير ماتحسى بصعوبة وانا شايفة ان كل دروسك بتخلص قبل الساعة 6 وبالتالى لو بداتى مذاكرة الساعة7 هيكون كويس جدا بالنسبة ليكى وده رايى بس عموما المذاكرة وتنظيمها دى حاجة تتوقف على اسلوبك واسلوب تحصيلك والمدة اللى بتحتاجيها

شكرا جدا ع النصيحة
بجد شكرا ..عجبني اوي النظام ده بس ي ريت الواحد يقدر يصحي بردي
انا مشكلتي الاساسية اني بنام ع الاقل 10 ساعات
ع العموم شكرا للجميع الف شكر
و آسفة جداااا ع الزعاج بس اصلي بثق ف رايكم