السلام عليكم ورحمه الله وبركاته

معلش يا جماعه انا بقالى كتير مش بدخل المذاكره بقا حنعملو ايه:(:(

بس معلسش انا حتعبكو معايا بس عارفه ومتأكده اللى انتو حتساعدونى ان شاء الله


1 انا عندى مشاكل مذاكره كتييييير اوى

1 لما اذاكر الحجات بنساها على طول
ازاى بقا
يعنى مثلا اكون خلصت درسين كباااااااااااار مثلا جغرافيا فيهم مفاهيم وتعليلات ومقارنات كتيرر:(:(


واقوم وانا قايمه افتكر انى معرفش اى حاجه من اللى ذاكرته من شويه ده:(

وبكرا اما اجى اسأل نفسى الاقى نفسى معرفششش اى حاجه فى اللى ذاكرته ده:(

:( الاه هو المعلومات اتبخرت ولا ايه؟؟:mad:
طب هيه راحت فين

كل الدح بتاع امبارح ده راح ع الفاضى


بالله عليكو يا جماعه تساعندونى لو حد عاندو طريقه مذاكره جديده يقولهالى
والناس اللى راحت الجامعات اكيد واجهوا زى المشاكل ديه فى اعدادى وثانوى
طب حلوها ازاااااااااى؟؟

افيدونااااااااااااااا ربنا يكرمكو


معلش طولت عليكو


سلام عليكم:)

بسيطة
ذاكرى بالكتابة والصوت وقسمى المذاكرة يعنى كميات ودروس اصغر
بس
ربنا معاكى

شكرا لمرور حضرتك

كده........................

يلالالالالالالالا
بالله عليكو

بصي يا صفية انا اكتر مواد كنت بكرهها التاريخ والجغرافيا
والمواد اللي كلها رغي ولك ع الفاضي:blush:
ومكنتش بذاكرها غير فين وفين وربك كان بيسترها في الامتحانات:d
بس انتي عشان تذاكريها كويس ومتنسيهاش لازم حفظ كتيييييير
وتعيدي كذا مرة وكمان وانتي بتذاكريها لأول مرة اكتبي اللي ذاكرتيه في ورق عشان متنسهوش
بعد كده المراجعة تبقي شفوية بس
وحاولي انتي تعملي لنفسك ملخص
بمعني انك تجيبي كشكول وعلي كل درس تبدأي تحددي النقاط الرئيسية والمهمة اللي فيه وتلخصي انتي بنفسك وتكتبيها في الكشكول
وبين كل فترة وفترة تفتحيه وتقريه عشان المعلومات تثبت في دماغك
واوعي تزهقي من كتر المراجعة عشان هي اللي هتثبت لك المعلومة ان شاء الله

بالتوفيق يا قمر:)

وانتى بتذاكرى سجلى الدرس والقراءة
ع الموبايل واسمعى الدرس التانى
قبل متنامى راجعى فى دماغك كل اللى خدتيه الاسئلة واجابتها
بجد عمرها مهتتنسى ابدا
انا بعملها ع طول فى كلمات الانجليزى بحفظها بسرعة جدا والحمد لله مش بتتنسى
ممكن تبحثى عن ( الطالب امين محمود صبرى وطرق المذاكرة ) هتلاقى فيديوهات هتساعدك
ان شاء الله

[QUOTE=( ESRAA );4958041]بصي يا صفية انا اكتر مواد كنت بكرهها التاريخ والجغرافيا
والمواد اللي كلها رغي ولك ع الفاضي:blush:
ومكنتش بذاكرها غير فين وفين وربك كان بيسترها في الامتحانات:d
ههههههههههههه
صح و الله معاكى حق كنا بنذاكرها فى الاخر خاالص
هههههههه و ندخل الامتحان ههههههه
و اروح البيت اقولهم المتحان كان سهل مية
لحد ما غرقت انا فى المية ههههههههه
بس اللى كنت بعشقها و بموت فيها
العلووووووووم كاانت جامدة واقسم بالله
كااااانت ايااااام و راحت:(:(

بصى يا ستى انتى اللى بتوهمى نفسك انك نسيتيه حتى لما تيجي تقرأى الدرس التانى بتفتكريه و الحكاية دى بتحصل معانا كلنا يعنى انا مثلا عندى مادة علم النفس قعد اذااكر فيها و احس ان انا مش حاافظة و لا فااهمة حاجة كمان و لما باجى احل الواجب او فى الامتحان بتفتكرى
و حااولى كل ما تيجي تبدأى المذااكرة تقراى قرأن دى نصيحة منى خديها بجد انا لما بعمل كدا بحس ان انا بذاكر صح و عايزاكى تفتكررى دايما ان المذاكرة نوع من انوااع العبادة و حطيها فى دمااغك و لما تيجي تذاكرى هتاخدى حسنات كتير ان شااء الله و عاايزين نشووف درجات حلوة السنة دى ^_* فى أمان الله حبيبتى

هقولك علي طريقه حلوه ممكن تعجبك
وتنفع في في كل المواد

هاتي الكتاب اللي هتذاكري فيه وكشكول وقلم
اقرأي اول فقره مثلا مرتين بتركيز
وبعدين اعملي نفسك انتي المدرس اللي بيشرح
يعني كأنك هتشرحي لحد تاني كتابة فالكشكول ده
وخططتي وشغبطي واعملي اسهم
الحجات دي هتفكرك وانتي بتسمعي مثلا شكل الصفحه كان ايه
وانا كنت كاتبه ازاي
وكان فيه كام نقطه
وكنتي راسمه جمبها التاريخ في دايره
وكده يعني
لما تيجي تسمعي افتكري اللي انتي كاتباه وانتي بتشرحي كان ايه؟

المشكلة دى بتواجهنى برضه بالذات فى المواد الادبية
الحل بقى انك تذاكرى الدرس كذا مرة و تراجعى عليه كثيييير
بالنسبة بقى لو حاجات مهمة او تاريخ ذاكرى بالوقة و القلم
انا بعمل كدة دايما
و تحولى انى كمية الحفظ ماتبقاش كثيييييير
لا لو الدرس كبير قسميه على كذا مرة
هى يمكن الطريقة دى متعبة شوية
بس بتثبت المعلومة

شكرااا ع النصائح

لو لقيتي حل للمشكلة دي ابقي قوليلي اوكي