:excl: ياجماعه حد يرد عليك لازم نتواصل مع بعض علشان ناخد حقنا

لسه احنا فى إدارة التبين ولا أى حاجة بس احنا مشينا فى أول المشوار وكتبنا طلب للمدير العام بضم الخدمة وأشر عليه للشئون المالية والإدارية وقالولنا لازم نعمل كارت تسوية من قسم التسويات ونشوف الورق اللى يثبت اننا كان بيتخصم مننا تأمينات وياريت التواصل لحد ما ناخد حقوقنا زى باقى المحافظات

ياجماعة انا قمت بالذهاب الى ادارة السلام التعليمية وقالو ان الجهاز المركزى للتنظيم والادارة ارسل لهم فتوى بعدم ضم المدة السابقة للتعين فطالبت منهم هذة الفتوى فلم يعطوها لى وهذا ما دفعنى لمخاطبة الجهاز المركزى للتنظيم والادارة وافاد انه من حقنا ضم مدة سنتين قبل التعين ومرفق لسيادتكم هذا الرد ولكن السؤال الان كيف يتم تنفيذ الضم ومن هى الجهة التى تقوم بالضم الادارة ام المديرية ام الوزارة ام محافظ القاهرة ام الجهاز المركزى للتنظيم والادارة
اللى يعرف اى جهة انا تحت امره نتجمع كلنا ونروح بالمستندات وان شاء الله نضم المدة
اخوكم ا/ وائل عليوة
ادارة السلام التعليمية

طيب وفى حالة ضم المدة هتبقى من امته لامته

انا انشاء الله هروح التنظيم والادارة الى فى مدينة نصر اوالعباسية هسال هناك انا مش هسكت كفاية كدة حرام

المشكلة الكبرى كمان سالت فى ادارة مصر القديمه قالوا كمان ان الدرجات المالية وهمية انت بتتعامل على المسمى الوظيفى فقط لاغير اما الدرجة الثالثة وهمية مفيش درجات

استاذه انتصار الادارة مش هتفيد بشى انا اخدت قرارت ضم المدة فى محافظة الجيزه وشمال سيناء قالوا لى بنص مالهاش لازمه عندنااااااا ناس قاعده على المكتب بلا فائده الرجاء ياجماعة لازم نتحرك علشان نخد حقوقنا والله المستعان

ياجماعة انا قمت بالذهاب الى ادارة السلام التعليمية وقالو ان الجهاز المركزى للتنظيم والادارة ارسل لهم فتوى بعدم ضم المدة السابقة للتعين فطالبت منهم هذة الفتوى فلم يعطوها لى وهذا ما دفعنى لمخاطبة الجهاز المركزى للتنظيم والادارة وافاد انه من حقنا ضم مدة سنتين قبل التعين ومرفق لسيادتكم هذا الرد ولكن السؤال الان كيف يتم تنفيذ الضم ومن هى الجهة التى تقوم بالضم الادارة ام المديرية ام الوزارة ام محافظ القاهرة ام الجهاز المركزى للتنظيم والادارة
اللى يعرف اى جهة انا تحت امره نتجمع كلنا ونروح بالمستندات وان شاء الله نضم المدة
اخوكم ا/ وائل عليوة
ادارة السلام التعليمية

الذهاب لمديرية التربية والتعليم اللى حضترك تابع لها
وكتابة طلب مقدم لوكيل الوزارة
وسيقوم بدورة بالتأشير عليه للبحث والدراسة في قسم شئون عاملين - تسويات
وسيتم ضم مدة التعاقد وسيتم حساب الأقدمية بداية من تاريخ التعاقد " معلم مساعد " العقد المميز أى بتاريخ 2008 اللى حضرتك تعاقدت فيه ... وهذا بنص قانون الكادر 155 ... كما انه مذكور فى قانون 47 قانون العاملين المدنيين فى الدولة حيث ينص على ضم مدة الاقدمية طالما كنت تتقاضى راتب من الموازنة العامة الباب الاول اجور بند 2/2 وهذا كان بند التعاقد المميز

يجب الوقوف وقفة رجل واحد للحصول على جميع حقوقنا و اولها ضم سنوات العمل السابقة سواء كانت بالاجر او العقد العادى او المميز

يا جماعة نفس الكلام حصل عندنا والموجه المالى والإدارى كان فى المدرسة انهردة وعرضت عليه الموضوع وقال ان فيه ضم أهم شىء عاوزين نتأكد منه إن الدرجات المالية نزلت ولا لأ ؟ لأن فيه إدارات بتنزل علاوة الدرجة 4 جنيه عالمرتب وأساسيهم 230.60 واحنا لسه 226.30 ياريت اللى عنده مفردات مرتب يرفعهولنا عشان كلنا نتعاون فى أخذ مستحقاتنا وياريت نجمع بعض فى كل الإدارات ونوجه الموضوع للمديرية ونبتدى ناخد الخطوات الصحيحة زى ما باقى المحافظات عملت . أرجو متابعة الموضوع وتثبيته عشان اللى يعرف أى جديد يقولهولنا بالله عليكم وياريت كلنا نبعت شكوى على الجهاز المركزى للتنظيم والإدارة عشان نسعى فى توفير الدرجات المالية أسوة بباقى المحافظات والله المعين
وما ضاع حق وراءه مطالب

استاذ وليد/ انا ا- وائل عليوة زميلك فى الدبلومة التربوى فى جامعة عين شمس 2010م
عايز من حضرتك كتابة طلب لمديرة المديرية ا/ شاهيناز بخصوص ضم المدة ثم تقوم بتجميع توقيعات زملائك فى الادارة وانا سوف اقوم بذلك فى ادارة السلام التعليمية .
لازم نتوحد ولو لمرة يا معلمين القاهرة لازم نكون ايد واحدة فبرجاء على جميع المعلمين فى كافة الادارات عمل ذلك فانا ساتولى تجميع التوقيعات من معلمى ادارة السلام التعليمية وحضرتك تولى تجميع التوقيعات فى ادارتك وتكون انت المسئول عن ذلك وهكذا كى نقوم بضم المدة .
ربنا يوفقنا لعمل الخير .

السيد معالي الوزير / محافظ القاهرة


تحيه طيبه وبعد..




نتقدم لسيادتكم نحن معلمي التربية والتعليم بإدارة مصر القديمة التعليميه بطلب لضم مدة الخدمة العملية السابقة لنا بالتربية والتعليم قبل التعيين حيث يستمد الموظف بالدولة حقه في ضم مدة خدمته السابقة من أحكام القانون مباشرة وحيث انه قد جرى نص الفقرة الثانية من المادة 27 من القانون رقم 47 لسنة 1978 و الكتاب الدوري رقم 6و7 لسنة 2011 وقرار وزير التنمية الإدارية رقم 5547 لسنة 1982 بشأن العاملين المدنيين بالدولة المعدل بالقانون رقم 115 لسنة 1983 على أن ( تحسب مدة الخبرة العملية التي تزيد على مدة الخبرة المطلوب توافرها لشغل الوظيفة على أساس أن تضاف إلى بداية اجر التعيين عن كل سنة من السنوات الزائدة قيمة علاوة دورية بحد أقصى خمس علاوات من علاوات درجة الوظيفة المعين عليها العامل بشرط أن تكون تلك الخبرة متفقة مع طبيعة عمل الوظيفة المعين عليها العامل0000)

لذا نرجو من سيادتكم البدء باتخاذ الإجراءات القانونية اللازمة لضم المدد السابقة كما أرفقنا لسيادتكم صورة من قرار وكيل وزارة التربية والتعليم بمحافظة الجيزة إدارة البدرشين بضم المدد السابقة لزملائنا بالتربية والتعليم علماً بأن هناك محافظات وإدارات اخرى قامت بضم المدد للمعلمين مثل محافظة شمال سيناء وفقا لقرار رقم 642 بتاريخ 20/ 9/ 2011 ( المرفق منه صوره) وكذلك قرار الازهر الشريف الصادر بتاريخ 22 /4 / 2012 (المرفق منه صوره) حيث أن هذا حق مكتسب لنا بنص القانون
ونحن نطالب بذلك أسوة بهم خاصة وأننا أصبحنا في عصر ما بعد الثورة عهد العدالة الاجتماعية حيث يجب على الجميع احترام القانون وإعطاء كل ذي حق حقه وعلية نرجو من سيادتكم الاهتمام بالأمر بشكل جدي والسعي لحل هذه المشكلة في إطار القانون والله الموفق

وتفضلوا بقبول وافر التحيه


مقدمه لسيادتكم معلمى ادارة مصر القديمه

ازيك يااستاذ وائل حضرتك انا اخدت الشكوى من بعض الزملاء الموجدين بمنتدى وتم التعديل فى بعض الاشياء حضرتك ممكن تخد الشكوى دية وتحفظها فى ملف ورد وتعدل بعض البيانات وابقى قالى حضرتك الخطوه القادمه
هتعمل ايه بظبط وانا معاك وكل وكل واحد خايف على مصلحته وشكرااااااااااااااااااا والله المستعان

استاذ وائل الشكوى المكتوبه امام حضرتك هنشيل الجهة المقدم اليها على اساس اننا ممكن نقدمها لى كذا جهه و هنكتب بالقلم الازراق اسم الجهه المقدمه اليها ويارب الناس تبقى ايد واحده علشان ناخد حقوقنا فى اطار القانون

استاذ وليد لابد من تجميع اكثر من توقيع داخل كل ادارة انا هانسق مع زملائى فى الادارة وهاحاول اجمع اكبر عدد من التوقيعات وحضرتك ياريت تقوم بتجميع التوقيعات من الادارة عن حضرتك والله المستعان .

وأنا بإذن الله معاكم فى إدارة التبين والله الموفق

ماشى كلامك يااستاذ وائل الناس جاهزه لاى شى وانا انشاء الله هروح التنظيم والادارة يوم السبت لما نشوف اخرتهم معنا ايه

استاذ وليد هاتروح امتى علشان نتقابل
انا رقم تليفونى 01225261677
كلمنى ونروح باذن الله مع بعض .

هروح بكرة انشاء الله هكلمك انا رقمى 01202142560

يجب ان تتكاتفوا كما فعلنا فى كفرالشيخ و نسير فى اجراءات الضم الان

يدا بيد لتحقيق حقوقنا الضائعة

الأستاذ وليد ومستر عليوة هل ذهبتم إلى التنظيم والإدارة بالقاهرة وماذا كان الرد عليكم ؟ برجاء الإفادة للمتابعة

لسه يااستاذه انتصار بقوم بتجميع جميع الاوراق انا هروح باذن الله خلال الاسبوع الى احنا فيه وربنا يسهل انشاء الله

ما هو اساسى المرتب فى محافظة القاهرة

الاساسى هو 230.80

ممكن يا أستاذ عليوة ترفعلنا صورة من مفردات مرتب حضرتك ؟

مرفق لسيادتكم رد التنظيم والادارة عن الجهة المسئولة عن ضم مدة الاقدمية قبل التعيين

رفع رد الجهاز المركزى للتنظيم والادارة
مع تحيات مستر عليوة

كدة ياشباب لابد من التوجة الى الادارات التعليمية على الفور لانها هى التى بيدها ضم المدة كما افاد الجهاز المركزى للتنظيم والادارة بالقاهرة .
لازم نتكاتف وياريت لما نروح الادارة نكون مجموعات وليس فردياً . ( وكفاية كسل )
اخوكم وائل عليوة
الله المستعان .

استاذ وائل الادارة التعليمية تجهل الموضوع دة ومفيش حاجة اسمها ضم المدة فى الادارة وخاصه قسم التسويات بالادارة انا سالت فى كدة قال احد موظفى التسويات لازم نشره من التنظيم والادارة علشان نضم المدة ومفيش حاجه اسمها ضم المده عندناااااااااااااااااااااااااااااااااااااااااااااا اااااااااا

انا من محافظه القاهره اداره شرق مدينه نصر انا معاكم لازم كلنا نكون مع بعض وناخد حقنا

ممكن يا أستاذ عليوة لو سمحت ترفعلنا صورة من مفردات مرتب حضرتك ؟

يا جماعة طنشتم الموضوع ليييييييييييييييييه ؟

انا طلبت من مسئولة الماهيات مفردات للمرتب ولكن حضرتك عارفة يوم الحكومة بسنة ؟
دة بخصوص مفردات المرتب , اما بخصوص ضم المدة فانا الان بجمع توقيعات من جميع مدرسى الادارة علشان نروح بيها لمدير الادارة ؟
وشكرا .

برجاء لا تنسى الموضوع ؟ ولا تنسى الرد

يا جماعة برجاء الإهتمام بالموضوع لا يضيع حق وراءه مطالب

احنا بعتنا طلب من المدرسة للمديرية ونسخة للتنظيم والإدارة ومنتظرين الرد
انتو طنشتم الموضوع ليييييييييييييييييييييه ؟
ياجماعة لازم نتحرك مفيش حد بيجيب حق اى حد تانى