ازيكـم كلكم
عاملين ايـه
يـارب تكونوا بخيـر

امممممم .. مش عارف انا كتبت الموضوع ده ليه
بس حسيت انى عاوز افضفض من الجوايا و اطلع الكلام
انا مش راضى عن نفسى خالص السنه دى
مش بقيت بذاكر خالص
حتى مستوايا ف الدروس ابتدى يقل و شكلى بقى وحش
مش عارف انظم وقتى و بقيت مخنوق اووووى لما امسك الكتاب
و بقيت متوتر اكمنى مش بذاكـر
مش عارف اعمل ايه وقتى بيضيع و السنه بتضيع و اصحابى بدل مايشجعونى بيحبطونى
فقولت اكتب توبيك لانى بعتبركم اكتر من اخوات و واثق انكم هتساعدونــى :(
و انا مش عاوز اقع السنه دى لان ده مستقبلى كله ف السنه دى
انا بصبر ناس كتير و بتكلم معاهم و بحاول اشجعهـم
لكن مش لاقـى حد يشجعنى نهائى
زى مابيقولوا " باب النجار مخلع " بحاول اوصل الناس لبر الامان و نسيت نفسى خالص
و بقى عندى حاله كسل رهيبه جدا و حالات يأس و زهق من الحيـاه كلها
اسف لو كنت طولت ف الكلام لكن ده من عشمـى فيكم بجد انكـم تساعدونـى

نفس حالتى و الله بقيت مضاايقة اووى اليومين دول بس على الفكرة السبب الوحيد هو النت و الله
هو اللى مضيعنا احنا المفروض نبعد عن النت ده خاالص بجد و نحاول نذاكر كل درس بعد ما ناخده على طوول و كمان نمسك مثلا كل أسبوع مادة من أولها لاخرها و نحل عليها
و بالنبسة ليك أنا بسمع أن الجيولوجيا حلووة اووى و أحسن من التاريخ بمليون مرة يعنى من الاخر تالتة اسهل من تانية فى أدبى و تانية اسهل من تالتة فى علمى
بس حاول تعمل اللى قلتلك عليه و انا بردوا هعملوا ان شاء الله
و تخيل بقى لو مسكنا فعلا كل اسبوع مادة شوف هنخلص المواد كم مرة فى السنة ^_*
هى فكرة حلووة و الله بس عايزة تشجيع بقى ... ربنا يوفقنا يا رب

حاول على قد ماتقدر تنظم وقتك بقدر المستطاع وتعمل جدول معين وتلتزم به وتحط لكل مادة قدر من الوقت خلال الاسبوع وتخصص يوم زى الجمعة لمراجعة اللى انت ذاكرته وان شاء الله ربنا هيوفقك ومتخافش انت لسة قدامك فرصة كبيرة عشان تلم اللى فاتك واتمنالك التوفيق

السلام عليكم ....

انا مش عارف ابدأ كلامى منين بس هقولك حاجه انا لاحظتها السنة دى ان معظم طلاب 3 وانا منهم مخنوقين ومش عايزين يذاكروا مع ان السنه دى اهم بكتير من السنة اللى فاتت بس انا لقيت السبب فى ان احنا ملحقناش نستريح خالص وبدانا دروس ف رمضان وده اللى خلانا لحد دلوقتى مش عايزين نذاكروا لاننا مااخدناش القسط الكافى من الراحة والحاجات اللى اخدناها ف رمضان اتركنت وتراكمت عليها حاجات تانية ودى برضو سبب الخنقة ....

لو بصيت اكلامى اللى فوق ده انا عايز اوصلك حاجه.... 1/ بدل مانفكر ف الحاجات اللى اتراكمت علينا نفكر ازاى نخلصها ومنخليش حاجه تتراكم عليها تانى
2/ لازم تعرف ان ربنا مش بيضيع مجهود حد وان 3 لازم تتعب فيها اضعاف اللى تعبته ف 2 وده نتيجة ان مفيش راحة وكتير منا قال بعد اجازة العيد هنذاكر بس ولا حاجه حصلت ....

انا طولت ف المقدمة ودلوقتى هقولك الحل باختصار شديد ...

تحاول تذاكر الجديد اللى بتاخده ف الدروس طول الاسبوع علشان مفيش حاجه تتركن تانى وتخصص يوم الجمعة تذاكر فيه حاجات من القديم لحد ان شاء الله لما نوصل لنهاية المنهج يكون خلصنا الجديد اللى بناخده ف الدروس بداية من النهاردة ومشينا شوية ف القديم ويمكن نخلصه وده يعتمد ع تنظيمك لوقتك ومدة تركيزك ...

وبالنسبة لتنظيم الوقت ... انصحك تنام بدرى الساعة 10 كده مثلا وتصحى الفجر تصلى وتقرا صفحة ع الاقل من القران وبعدها تبدأ ولازم تكون عارف قبل ماتنام انت هتصحى تعمل ايه ...

وتبعد عن النت ماتقعدش مثلا غير يوم الخميس بليل والايام التانية لو فى وقت بس ماتزيدش عن نص ساعة ف الايام التانية ....

ابعد عن الموبايل والتلفزيون والبلكونة او الشباك وانت بتذاكر ممكن تقفل الموبايل علشان محدش يطلعك من تركيزك ...

خصص يوم تنزل فيه مع اصحابك كتجديد للنشاط ويفضل يكون الخميس بليل بما ان الجمعة اجازة وومكن ترجع تقعد ع النت بس تنام بدرى علشان تصحى الفجر ....

يارب اكون افدتك واسف ع الاطالة

لالالالالا مش عاوزين نسمع كده تاني خااااالص


اولا خللي عندك عزيمه وهدف وحط هدفك ده دايما قدامك

ولما تيجي تذاكر

وتكسل او تزهق افتكره وده هيشجعك

انا فاكره ان الاستاذ قاللنا مره
كل واحد يكتب هدفه(الكليه اللي نفسه يدخلها)
مهما كانت
ويكتب اللقب اللي بنقوله عالشخص اللي بيدخلها وجمبه اسمك

في 3 ورقات


ويلزق واحده علي الجدار ورا المكتب او في المكان اللي بتذاكر فيه عشان اول ماتيجي تجيب كتابوتقعد تذاكر ده يحفزك اكتر وان مليت يشجعك

والتانيه حطها علي الجدار الي قدام السرير عشان اول ماتفتح عيونك تلاقيها قدامك فتديك تفاؤل وتفكرك انك صاحي النهارده عشان تذاكر عشان توصل للحلم ده فتخليك تقوم وتصحي تذاكر

والتالته علقها علي شاشة الكمبيوتر او التليفزيون في جمب كده بس تكون باينه
عشان لما تقعد قدام واحد فيهم متنساش نفسك وتفضل دايما فاكر هدفك وحلمك اللي نفسك تحققه

مش مهم ان الناس اللي فالبيت لمايشوفوك عامل كده يضحكوا عليك
متحطش فبالك
لما يضحكو عليك دلوقت احسن مايضحكو عليك بعدين عشان موصلتش لحلمك
وساعتها هيبقي لوم وعتاب


كمان افتكر فرحة اهلك وحبايبك لما تجيب مجموع حلو

والله انا ساعات بيجيلي احباط فعلا بكل معني الكلمه

بس بستغفر واقوم اصلي ركعتين وادعي ربنا يشرح قلبي

وافتكر هدفي والفرحة اللي هتكون فعيون امي وابويا
وبرجع اذاكر تاني

فاستهد بالله كده وابعد الشيطان ده عن دماغك
متحطش فكرة انك مش عارف تذاكر في دماغك خالص

ونظم وقتك بين المذاكره والدروس والنت واصحابك واللعب
وانت هتلاقيها ماشيه معاك تمام

وان شاء الله هتجيب المجموع اللي فدماغك
وتفرح وتفرح كل اللي حواليك

وانت عارف لما تحتاج حاجه بتروح فين
بتيجي المنتدي هنا وبتلاقي الف مين يساعدك ويدلك

هداك الله وهدانا ورزقك ورزقنا من حيث لا نحتسب

انا فى تالتة زيكوا عيزة اقولكوا حاجة السنة دى أسهل من السنة اللى فاتت ولكن أهم فشدوا حليكوا شوية كلها شهور ونخلص بمشئة الله
أنا كنت زيكوا كده أول السنة بس شجعت نفسى وحطيت هدف أدامى علشان أوصلوا
هقولكوا أنا عملت إيه بس وعد كلكوا اعملو كده وانشاء الله ربنا هيكرمنا كلنا
هات مصحف اقرأ أى سورة انتا عايزها ولتكن سورة يس
وبعدين هات كل المذاكرة اللى عليك فى أى مادة
وبالترتيب ذاكرهاما تخليش ولا أى حاجة عليك بس خد راحة بعد كل مادة
وبعد كده كل ماتروح درس بعد ما تطلع منه ريح شوية وذاكر اللى عليك بضمير وبكده مش هيبقى فى حاجات متراكمة عليك وبالتالى معنوياتك هتبقى فى السما وهتذاكر أكتر وأكتر وماتحملش نفسك فوق طاقتها وكل لما تيجى تصلى تدعى لنفسك ولكل اللى زيك وقول يارب وفقنى...
أنا عملت كده والحمدلله بقيت أحسن من الأول بكتير
ياريت الطريقة ديه تعجبك ..وياريت لو عجبتك تمشى عليها
وربنا يوفق الجميع..آآآآآآآآآمين يارب:):):)

بص يا مارك بجد السنادى كلنا كده مش انت لوحدك
انا اول السنه كنت زيك بالظبط و مستوايا نزل عن الاول
بس انا اللى فوقت نفسى بنفسى تخيلت لو فضلت بالمستوى دا
و ضاع منى حلمى اللى مستنيه احققه من و انا صغير ايه ممكن يحصلى
و كمان ايه اللى ممكن يحصل لو حققت الحلم دا
روحى المعنويه ارتفعت جدا و لقيت نفسى بذاكر كتير جدا و دا السبب انى مش بدخل
كتير على المنتدى و والله انا لميت دروس كل المواد فى اسبوع و قفلت كل الامتحانات
اللى خدتها الاسبوع دا

انت لو عايز فعلا ترجع زى الاول و احسن خد القرار دا من جواك عشان متتعبش وانت بتنفذه
و صحابك اللى بيحبطوك دول ابعد عنهم لانك لو فضلت معاهم هيوقعوك جامد
و حاول تعمل حاجات بتحبها قبل ما تذاكر عشان تذاكر و انت فرحان مش مخنوق دا هياثر عليك جامد

ربنا معاك و يوفقك

لالالالالا مش عاوزين نسمع كده تاني خااااالص


اولا خللي عندك عزيمه وهدف وحط هدفك ده دايما قدامك

ولما تيجي تذاكر

وتكسل او تزهق افتكره وده هيشجعك

انا فاكره ان الاستاذ قاللنا مره
كل واحد يكتب هدفه(الكليه اللي نفسه يدخلها)
مهما كانت
ويكتب اللقب اللي بنقوله عالشخص اللي بيدخلها وجمبه اسمك

في 3 ورقات


ويلزق واحده علي الجدار ورا المكتب او في المكان اللي بتذاكر فيه عشان اول ماتيجي تجيب كتابوتقعد تذاكر ده يحفزك اكتر وان مليت يشجعك

والتانيه حطها علي الجدار الي قدام السرير عشان اول ماتفتح عيونك تلاقيها قدامك فتديك تفاؤل وتفكرك انك صاحي النهارده عشان تذاكر عشان توصل للحلم ده فتخليك تقوم وتصحي تذاكر

والتالته علقها علي شاشة الكمبيوتر او التليفزيون في جمب كده بس تكون باينه
عشان لما تقعد قدام واحد فيهم متنساش نفسك وتفضل دايما فاكر هدفك وحلمك اللي نفسك تحققه

مش مهم ان الناس اللي فالبيت لمايشوفوك عامل كده يضحكوا عليك
متحطش فبالك
لما يضحكو عليك دلوقت احسن مايضحكو عليك بعدين عشان موصلتش لحلمك
وساعتها هيبقي لوم وعتاب


كمان افتكر فرحة اهلك وحبايبك لما تجيب مجموع حلو

والله انا ساعات بيجيلي احباط فعلا بكل معني الكلمه

بس بستغفر واقوم اصلي ركعتين وادعي ربنا يشرح قلبي

وافتكر هدفي والفرحة اللي هتكون فعيون امي وابويا
وبرجع اذاكر تاني

فاستهد بالله كده وابعد الشيطان ده عن دماغك
متحطش فكرة انك مش عارف تذاكر في دماغك خالص

ونظم وقتك بين المذاكره والدروس والنت واصحابك واللعب
وانت هتلاقيها ماشيه معاك تمام

وان شاء الله هتجيب المجموع اللي فدماغك
وتفرح وتفرح كل اللي حواليك

وانت عارف لما تحتاج حاجه بتروح فين
بتيجي المنتدي هنا وبتلاقي الف مين يساعدك ويدلك

هداك الله وهدانا ورزقك ورزقنا من حيث لا نحتسب





اه والله عندك حق يا اسماء وكلامك جميل جدا
وفكرة الورق دي انا كنت عملاها وحطاها قدامي ع المكتب
لكن كل ما كان بيجيلي احباط ونفسيتي تتوتر بقطعها:(

انا فاكره ان الاستاذ قاللنا مره
كل واحد يكتب هدفه(الكليه اللي نفسه يدخلها)
مهما كانت
ويكتب اللقب اللي بنقوله عالشخص اللي بيدخلها وجمبه اسمك

في 3 ورقات


ويلزق واحده علي الجدار ورا المكتب او في المكان اللي بتذاكر فيه عشان اول ماتيجي تجيب كتابوتقعد تذاكر ده يحفزك اكتر وان مليت يشجعك

والتانيه حطها علي الجدار الي قدام السرير عشان اول ماتفتح عيونك تلاقيها قدامك فتديك تفاؤل وتفكرك انك صاحي النهارده عشان تذاكر عشان توصل للحلم ده فتخليك تقوم وتصحي تذاكر

والتالته علقها علي شاشة الكمبيوتر او التليفزيون في جمب كده بس تكون باينه
عشان لما تقعد قدام واحد فيهم متنساش نفسك وتفضل دايما فاكر هدفك وحلمك اللي نفسك تحققه

مش مهم ان الناس اللي فالبيت لمايشوفوك عامل كده يضحكوا عليك
متحطش فبالك
لما يضحكو عليك دلوقت احسن مايضحكو عليك بعدين عشان موصلتش لحلمك
وساعتها هيبقي لوم وعتاب







والله أنا لسه قايله الكلام ده الصبح
وقلتله حيضحكوا عليك
بس متحطش فى بالك
أهم حاجه هدفك توصله بغض النظر عن اللى يحصل

وأنا شخصيا كنت بعمل كده وأكتر من كده

دنا فى مره كنت لاسع شويه كتبت فى ورقه " البشمهندس خالد دخل الحمام "
وعلقتها على باب الحمام من جوا وكنت كل ما أدخل أقعد أضحك وأفتكر إنهم ياما حيعايرونى بالورقه دى لو مدخلتش هندسه
وكانت حافز ليا والله
وفى الآخر أنا إللى ضحكت :)

ربنا معاك يا مارك وإن شاء الله فتره وحتعدى
:d

والله أنا لسه قايله الكلام ده الصبح
وقلتله حيضحكوا عليك
بس متحطش فى بالك
أهم حاجه هدفك توصله بغض النظر عن اللى يحصل

وأنا شخصيا كنت بعمل كده وأكتر من كده

دنا فى مره كنت لاسع شويه كتبت فى ورقه " البشمهندس خالد دخل الحمام "
وعلقتها على باب الحمام من جوا وكنت كل ما أدخل أقعد أضحك وأفتكر إنهم ياما حيعايرونى بالورقه دى لو مدخلتش هندسه
وكانت حافز ليا والله
وفى الآخر أنا إللى ضحكت :)

ربنا معاك يا مارك وإن شاء الله فتره وحتعدى
:d




طيب الحمد لله انك انت اللي ضحكت
ووصلت لحلمك:av4056bb7jp3:

ان شاء الله هو كمان هيعمل كده وهيحقق اللي فنفسه
وكلنا هنعمل كده:)

يلا ياجماعه دي دعوه لرفع الروح المعنويه والتشجيع عالمزاكره

وانا اول واحده هقوم اذاكر

اه والله عندك حق يا اسماء وكلامك جميل جدا
وفكرة الورق دي انا كنت عملاها وحطاها قدامي ع المكتب
لكن كل ما كان بيجيلي احباط ونفسيتي تتوتر بقطعها:(




لا المفروض منقطعهاش
دي هي اللي بتدفعنا لقدام وتخلينا نذاكر
وكمان دي مكتوب فيها حلمنا
فيه حد بيقطع حلمه؟:angry2:
معني كده انه مش عاوز الحلم ده:(

لازم الورقه دي تشجعنا مش تحبطنا:)

اولا : احب اشكر كل انسان دخل عشان يساعدنـى و ضيـع وقتـه عشان يشوف مشكلـتى
و من كلامكـم كلكم احب اقتبس اهم النقاط
تنظيـم الوقت ، الهدف ، الاراده ، ابدا من جديد و انسى الفات
و ان شاء الله هحاول بقدر الامكـان انى انفذ ده كله
و احط قدامـى هدفـى و احاول بقدر مافى وسعى تحقيقـه
و ربنـا يوفقنـى و اقدر استمـر فى محاولاتـى فى محاربـه الفشل
و مدام اكتر الناس مرت بنفس المشكله دى يبقى كلنا لازم نشجع نفسينـا
و لازم نقف جمب بعض ف شده كل انسان يمر بيهـا
و بكـرر شكرى لكل انسان قبل انـه يسمعنـى و زاد على ذلك انه نصحنـى
ادعولـــى كلكــم
و ربنـا يوفق الجميــع :)

يا خبر ياخبر ماللك يا مارك
والله يبنى انا حاسة بيكم كلكم كنت نفس الموقف السنة الى فاتت
وطبعا مش حزيد كلام كتير عن كلام الناس الافاضل الى اتكلمو بس عايزة اقوللك موضوع الورقة دة
كويس قوى
بس ضيف ليه شئ سبيط
انا عايزك تجيب ورقة وقلم وتعمل فيهم طريقن كل طريق احتمال
الاول انك حتفضل تضيع وقتك وتعطى كل مجهودك ونصايحك لاخرين بدون متستفاد بيها واخرة الطريق دة ايه
واكتب كل شئ ممكن يخليك توصل لطريق دة مثلا انا كنت كاتبه كلمة فيسبوك وومسلسلات و اشعاروالنووم الكتير دول اكتر شئ كانو بيسرقو وقتى كتييييييييير
واخرة الطريق دة اكتب علامة اكس كبيييييييييرة
ونفس الكلام بس العكس بقا فى الطؤريق التانى واعمل علامة صح
كدة انت فى عقللك الواعى حتترسب رؤية الى لا ارديا مخك حيفتكرها مجرد متعمل شئ من الاشياء الى حتوصللك لطريق لى اخرته اكس يعنى طريق مظلم ووحش

الطريقة التانية بقا ييسدى ان تجيب موبيللك وتسجل عليه واكتب كل الى انت عايز تقوله وتفضفض بصوتك
عيط اضحك اتخنق ازجر نفسك وفوقها وبعد كدة قولها بعدين حنسيب نفسنا لازم نفوق وفضف بكل شئ
واسمع الى سجلته مرة تانية وانت بتسجل حط فى اخر التسجيل كلمات ايجابية انا حنظم وقتى انا حذاكر انا حنج بتفوق كدة واسمعه قبل متنام علشان اكتر كلام بيثبت فى عقللك الا واعى هو الكلام الى تسمعه قبل متنام ويحبذا بقا لما يبقى بصوتك

واله يبنى مش هذار انا الحاجات دى يمكن عملتها متاخر قوى جايز لو عملتها بدرى كان نفع بس الحمد لله على كل شئ
وانا ان انشاء الله احتما انزل موضوع لكل طلاب الثانوى كوووووووويس جدااااا يارت تبقى تشوفه لان حيفيدك جدا ان شاء الله
واتسعن كدة بالله وركز واعمل اسبوع باسبوعه متيلش هم الكلية والشغل والهم حاجة حاجة مادة مادة واحنا معاك برضه فى اىشئ
وربنا يسهللك الاحوااال يارب العالمين
:):):):)

كلنا بنيجى فى مرحله وبنزهق وانا الحكايه دى بتعدى عليا كتير فبروح مدى نفسى اجازه يوم ولا حاجه من المذاكره لحد ماضميرى يأنبنى واحس ان الوقت بيضيع وارجع اذاكر :p

على فكرة ياجماعة سنة تالتة دى فعلا لازم تمروا فيها بكده وانا كنت بعانى من كل ده السنة اللى فاتت وده امر طبيعى خالص ماتقلقوش ابدا واحساسكم بالتقصير ده شئ كويس بس لو هيدفعكم لانكم تذاكروا قصرتوا مافيش مشكلة ارجعوا ابداوا من جديد لسه السنة طويلة مستواكم مش عاجبكم الاعادة مهمة وهتلاقوا نفسكم فى اخر السنة صدقونى بقيتوا حاجة تانية انا فى حاجات فضلت اذاكرها طول السنة وماوصلتش لانى افهمها صح واستوعبها غير يوم الامتحان الصبح مستواكم دلوقت مش مقياس ابدا هتتعرضوا لاوقات كسل ده شئ طبيعى بس ماتقفوش ارجعوا تانى واصلوا انتوا حاسين بالاحباط طبيعى برده بس ماتستسلموش ابدا لده والله انا السنة اللى فاتت اتعرضت لكم احباطات غير طبيعى انا كل درجاتى فى امتحانات الدروس كانت بتتراوح بين 11من20واوقات تانية 28 من50 ومرة مش فاكرة 10من 26 وكل مااقول هتحسن الامتحان اللى بعده اقل اكتر المدرسين كلهم اقتنعوا انى خلاص مش نافعة السنة دى وانى هضيع مجموعى ووصلوالى الاحباط ده اعتقد مافيش اكتر من كده احباط؟ انا بقول الكلام ده عشان ماتستسلموش لاى احباط والله هتلاقوا كل حاجة سهلة فى الاخر بس اهم حاجة تحاربوا الاحباط وتحاسبوا نفسكم من غير ماتوصلوا للياس

السلامـ عليكمـ
انا كنت زيك كدا اول السنه وخصوصا ان ف سنه 2 انا كنت بزاكر حلو اوووووووووووووووووووووووووووووووووووووى بس جبت 93 ودا مكنش طموحى نهاااااااااااااااائي فحصلي احباط وحسيت بجد ان كل اللى عملته راح ع الفاضي
بس بجد ربنا ادانا فرصة نعوض ونثبت نفسنا متخليش الفرصة دى تضيع من ايدك احنا احسن من اللي هيبقو ف 3 السنه الجاية لانهم معندهمش فرصة يعوضو بس احنا لسه عندنا فرصة ودايما وانت بتزاكر فكر ف يوم النتيجة السنه اللي فاتت واد ايييييييييييييه انت كنت مدايق وحاسس بالعجز من مجموعك وفكر ازاى تفرح اهلك وتعوض السنه اللي فاتت وابعد عن صحابك اللي مش بيشجعوك ومتسمعش كلاااااااااام حد
ربنا معاك ومعانا كلنا ان شاااء الله

الله يبشركم بالخير انا سنة تانية السنادى :d والسنة الجاية شهادة بس هناخد 9 مواد مع بعض مش عارفة وقتها هناخد دروس ونذاكر ازاى ربنا يستر
انت توكل على الله يامارك شوف كنت بتعمل ايه فى سنة تانية يخليك تذاكر وخلى هدفك دايما قدامك النت والتلفزيون موجودين على طول لكن حلمنا لو ضاع عمرنا ماهنعرف نرجعه تانى وده صعب فى بلدنا ديه,اتحدى نفسك واتحدى صحابك والمدرسين اثبت انك احسن وانت لسة قدامك وقت حاول انك تضغط على نفسك اكتر وتنظم وقتك انت الوحيد القادر انه يعمل كده وذاكر قديم مع جديد صدقنى وقت ما هتكون مخلص الى وراك تفتكر الوقت ده وهتضحك بس لانك هزمته ,شوف الى بيخليك مقصر وابعد عنه حتى لو كان صديق
وربنا يوفقنا كلنا ان شاء الله وادعولنا احنا السنة بتاعتنا هتبقى صعبة ربنا يستر