Ŋô Ẅõɱâń Ņó Čŗÿ
16-11-2012, 11:10 AM
السلام عليكم ....
انا عندى مشكلة وهى انى مش عارف انظم وقتى او بمعنى اصح مش عارف اذاكر امتى !!!
كل لما اقعد اذاكر مش ببقى مركز والحاجه اللى ممكن تخلص ف ساعة بخلصها ف 3 ساعات !!! ده لو خلصت كمان ممكن ازهق واقوم ...
بيتى دايما فيه ازعاج لان اخويا صغير ومش بعرف اذاكر بليل لانى مش ببقى مركز وكله هيقول ذاكر بعد الفجر انا بصحى اصلى وانام تانى جربت اذاكر قعدت ساعة ونمت تانى !! حاسس ان اليوم كله مشغول مع انه بيبقى فاضى والوقت كله بيضيع !!
مش عارف اعمل ايه !!! كمان النت بيضيع وقتى وخصوصا ان الكمبيوتر طول النهار مفتوح فغصب عنى بقعد لان اخواتى فاتحينه ... مش عارف اركز ودايما فيه حاجات بتشغلنى
Ŋô Ẅõɱâń Ņó Čŗÿ
16-11-2012, 04:35 PM
شكرا ياجماعة كل دى مشاهدات ومفيش ولا رد
Yes We Can
16-11-2012, 04:40 PM
اممممممممم .. طب فيه حل
مش انت بتقول بعد الفجر بتنـام يبقى اشرب حاجه تفوقك
بص اول ماتصحى عشان تبقى نشيط
اطلع البلكون شم هواء نقى كده
و علطول على كبايه الشاى ف البلكونـه مع سندوتشين فطار كده
عشان تقوى جسمك حلو
و بعدين افتح الكتاب و قول لنفسك انا هخلص كذا
و افتح شباك الاوضه عشان تهوى الاوضه من كتمه النوم
و اهم حاجه تنام بدرى شويه
جرب كده النظـام ده و هيفيدك جدا
بالتوفيق ...
Nourshan Magdy
17-11-2012, 09:42 PM
اول حاجة لازم تنام بدرى علشان تعرف تبقى مركز الصبح وتخلى المنبه بعيد شوية عنك علشان تقوم وتطفيه لانه لو جنبيك هتطفيه وتنام (مجرباها قبل كده )وتشرب نسكافيه او اى حاجة تفوقك اكتر وحاول مثلا تحدد لكل مادة وقتها شوف انت بتذاكرها ازاى وبتاخد وقت قد ايه معاك وزود على الوقت ده نص ساعة كمان تراجع فيهم كل الى ذاكرته فى المادة وحاول تتحدى نفسك فى حكاية الوقت ديه انا هقلك على حاجة انا بجربها دايما اظبط timer الموبيل على مثلا ساعة ويرن وشوف فاضل قد ايه من الوقت كل شوية ديه هتخليك تنجز كتييير ومتذاكرش على السرير او جنب السرير لان ده هيخليك على طول عايز تنام والمكان الى تذاكر فيه تكون اضاءته كويسة ومفتوح ولو على النت كافىء نفسك فى اخر اليوم لو انجزت الى عليك اقعد عليه لو مانجزتش عاقب نفسك بنفسك انك متقعدش عليه وممكن تطلب منهم فى البيت يوفروا ليك جو هدوء شوية شوف المكان الى فيه هدوء وربنا يوفقك :)
aleman
20-11-2012, 08:30 PM
السلام عليكم ....
انا عندى مشكلة وهى انى مش عارف انظم وقتى او بمعنى اصح مش عارف اذاكر امتى !!!
كل لما اقعد اذاكر مش ببقى مركز والحاجه اللى ممكن تخلص ف ساعة بخلصها ف 3 ساعات !!! ده لو خلصت كمان ممكن ازهق واقوم ...
بيتى دايما فيه ازعاج لان اخويا صغير ومش بعرف اذاكر بليل لانى مش ببقى مركز وكله هيقول ذاكر بعد الفجر انا بصحى اصلى وانام تانى جربت اذاكر قعدت ساعة ونمت تانى !! حاسس ان اليوم كله مشغول مع انه بيبقى فاضى والوقت كله بيضيع !!
مش عارف اعمل ايه !!! كمان النت بيضيع وقتى وخصوصا ان الكمبيوتر طول النهار مفتوح فغصب عنى بقعد لان اخواتى فاتحينه ... مش عارف اركز ودايما فيه حاجات بتشغلنى
تلميذى الفاضل:
تنظيم الوقت لايعنى انك تجلس طول الوقت تذاكر
حاول تقول لاهلك انهم يبعدوا عنك اخيك الصغير اى انفصل فى حجرة للمذاكرة لوحدك
رتب وقتك بحسب مواعيد دروسك بمعنى اليوم عندك درس انجليزى وعربى مثلا يبقى ذاكرهم بس
ومش اى مذاكرة لا وانما حاول وانتا قاعد فى الدرس تركز بالشرح بحيث انك تفهم ويبقى المطلوب منك بالبيت الحل فقط
وربنا يوفقك باذن الله
رونق الهدوء
21-11-2012, 01:39 PM
ربنا يوفقنا جميعا بس ع فكره دى مش مشكلتك لوحدك معظمناا كده بس بنحااول
ويكفينا شرف المحاوله صح ولا اييه هههههه