السلام عليكم
يا رجال الحامول العالم كلة فى محافظة كفر الشيخ بيعمل اجرائات ضم المدة واحنا يا جماعة نايمين فى العسل على فكرة انا اتصلت بالأستاذ أحمد وعيوع وسألته عن الفاكس أكد لى ان الفاكس وصل الإدارة يوم 12 فى الشهر ده وكمان قال لى ان الفاكس اتبعت ادارة الحامول مرتين وانه تقريباً كل الإدارات اتحركت وراحوا لإدارتهم وفعلوا الفاكس اللى وصل
الموضوع هام وخطير ولازم نتحرك ونروح الإدارة علشان يشرعوا فى اجراءات ضم المدة لازم الإدارة تبعت الكشوف فى ظرف أسبوع من الان زى ما كل الإدارات عملت أرجوا ان يكون ذلك بحد أقصى يوم الإثنين القادم
وبخصوص ضم المدة كل المدة هتتضم حتى لو كان بالحصة والكلام ده من الأستاذ أحمد وعيوع شخصياً
لازم نكون ايد واحدة ومحدش يروح لوحده في الخباثة لأنه مش هيعرف يعمل حاجه لوحده لازم نكون مجموعة علشان الإدارة تستجيب وتبدأ تعمل فى الكشوف
اللى هتروح المديرية
لو ما تحركتوش يا جماعة القطر ما بيستناش حد ومحدش بعد كده يسأل عن ضم المدة
ويقول حرام لأن كل الإدارات خلصت تقريباً ما عدا ادارة الحامول

يا استاذ محمد الحامول دى اسوء اداة هتشوفها فى حياتك لو طلعت منها هتعرف .... مع ان بها اكبر عدد من المتعاقدين و المعينين حديثا فى المحافظة كلها بس كلهم سلبية لا تحتمل و للاسف دا حال الادارة كمان فطبيعى السلبية فى الحامول بتورث ولا تكتسب

لابد من الذهاب للاداره من الغد حتى تتحرك تلك التماثيل التى لا يهمها الا تعطيل مصالح الشعب

الكل لابد من ان يذهب لإدارة الحامول غدا حتى لا تضيع حقوقنا

صدقنى يا اخى ناصر انا ذهبت ل 4 مدارس من ادارة الحامول احضر منهم افادات وجدت المعلمين زملائى ولا عندهم اى فكرة عن اى حاجه قلتلهم خليكى ناموا كده على طول فانتم فى ثبات عميق كادارتكم . تخيل 4 مدارس محدش يعرف عنهم اى حاجه و كل مدرسة فى بلد غير التانية داخل الادارة .

طول عمرى بقولها ادارة الحامول يجب ان تلغى و تضم الى اى ادارة اخرى لكى تنهض من نومها و فشلها المالى و الادارى

السلام عليكم
يا رجال الحامول ادارة بيلا طلبت الأوراق دى علشان الكل يجهزها معاه ضرورى ويريت الكل يقول لزمايله يا جماعة علشان يكون العدد كبير



المستندات المطلوبة فى ادارة بيلا :
1- افادات من المدارس التى عمل بها المعلم قبل تعيينة سواء بالاجر او العقد العادى او المميز
2- صورة من العقد المميز
3- صورة من العقد العادي
4- صورة قرار التعيين مع الكشف الموجود به اسمك بتاريخ تعيينك
5- دوسية شفاف يوضع به كل الاوراق السابقة
ارجو من الجميع يا رجال التزام الجدية لان الموضوع هام وخطير
وان شاء الله هنحدد معاد فى الأسبوع ده عاجلاً ان شاء الله بس همتكم انتم فى الاعلان لكل زمايلكم
والسلام

ايوه كده يا استاذ محمد حرك هذه الجثث الصماء ... انت و الله خسارة فى هذه الادارة

ربنا يعينك و يوفق كل ادارات المحافظة

ايوه كده يا استاذ محمد حرك هذه الجثث الصماء ... انت و الله خسارة فى هذه الادارة

ربنا يعينك و يوفق كل ادارات المحافظة



ياريت تتكلم بأسلوب كويس شوية
وتعمل حسابك إنك بتتكلم مع معلمين

أنا الموضوع لا يخصني
بس أسلوبك في الكلام استفزني