شعر عن حادثة قطار اسيوط 2012 , كلمات عن حادثة اطفال قطار اسيوط (http://www.shbab2.com/vb/t259166.html)








متعيطيش يا أمى
متعيطيش بقى مانتى الى صحتينى ...
وقومت الصبح بدرى لبست وفطرتينى ...

وانتى الى بسرعه برضو بوستينى وحضنتينى ...
كان نفسى احضنك اكتر وانتى الى استعجلتينى ...

قولتيلى يالا بسرعه ومش عايزة تأخرينى ...
خدنى الاتوبيس وروحت لمطرح ما يودينى ...

اتارى فاضل ثوانى وتخلص خلاص سنينى ...
ياخسارة بقى كان نفسى تيجى وتودعينى ...

كان نفسى افضل جنبك لحد ما تشوفينى ...
كبير ياامى وحاجه انفع انا بيها دينى ...

فى الازهر اتعلمت وايات ربى تنجينى ...
فى الجنه ياامى عايش بلعب ويا زميلى ...

ما هو برضو جه معايا مرضيش يخلينى ...
هلعب معاه ياامى لحد ماانتى تجينى ..

بعد عمر طويل وساعتها هتلاعبينى ...
والى هيجبلى حقى ربى الى حامينى


...







كراسة شهيد

إيدين الأب بِتْلَمْلِم حِتَتْ لَحْمُه

وأم تِنَشِّف بِطَرْحِتْها نُقَط دَمُّه
بَاعْتِين العيال للمدارس يتضربوا ويِتْهانوا
ولَّا على شريط السِكَّة يِتْفِرْموا
...............................
هتقولوا تاني بالسلامة الصبح ولَّا الوِداع
عَادِّينهم على إيديكم ، ولَّا ضاع من ضاع ؟!
خلاص الموت بقى عندنا بِ الكوم !
واللي يرجع سليم يبقى ربنا رحمُه
........................................
إبكي يا أُمُّه واسقي الأرض من دمعك
واِدعي بِعِلْو صوتك على كل مِن ظَلَمِك
قاتل مُهجتك وحِتة من كَبَدِك
بكرة يجيلهم يوم فِ مصيبة يِتْلَمُّوا
......................................
أحضن وضُم يا أبوه ابنك المخطوف
لسه الفِطار في الشنطة والمصروف
ونشيد العلم كان وقفة حداد اليوم
وكراسة الشهيد حافظة بالشرف اسمُه

جزاكم الله خيراً

كلمات اكثر من راااااااائعه تسلم ايدك

كلماتك تبكى القلب قبل العين ولكن هى الحقيقة بالامها
مستر ايمن احسنت القول والتعبير........تحياتى