مشاهدة النسخة كاملة : عاوز احصل على اجازة يوم كل اسبوع


شريف الصعيدى 22
21-11-2012, 09:18 AM
السلام عليكم ورحمة الله وبركاته
انا اخوكم شريف شغال مدرس كمبيوتر بادارة دسوق التعليمية التابعة لمحافظة كفرالشيخ تعيين حديث 7/2011
انا السنادى بحضر رسالة الماجستير بتاعتى فى كلية التجارة بشبين الكوم منوفية
طبعا انا كنت بضطر اروح يوم كل اسبوع بداية من هذا العام وكانت بتتحسبلى اجازة عارضه
دلوقتى ال7 ايام اللى ليا فى السنه خلصو وانا محتاج اروح يوم كل اسبوع
مش عارف بأه اعمل ايه
انا شغال فى مدرسة ابتدائى ودى الاصل 3 ايام باخد فيهم 14 حصة
ويومين فى مدرسة اعدادى ندب وليا فيهم 2 حصه رسمى و2 ودى
مع العلم ان الندب ده مش اجبارى انما اختيارى انا اللى كنت طالبه من الموجه وليس سد عجز
فهل يجوز مثلا فى القانون ما يفيد ان المدير فى دفتر الحضور والانصراف يمضيلى اليوم ده بانه يكتب مثلا دراسات عليا او تعليم او حاجه اخرى لانه مستحيل يمضيلى وانا مش فى المدرسه
مش عارف بصراحه اعمل ايه
ياريت اى حد عنده خبره بالحاجات ديه يبلغنى
مع العمل ان اليوم ده مش هيتعارض مع مصلحة العمل خااااالص

مستر ستار
21-11-2012, 03:45 PM
الزميل العزيز /شريف
بعد السلام عليكم ورحمة الله وبركاته
كان فيه قانون يعطى الحق لمن يستكمل دراسه وهو على رأس العمل
اجازه دراسيه ويتم منح كامل المرتب والحوافز
ولكن بعد تعديلات الكادر لااعلم اذا كان سارى ام تم ايقاف العمل به وعليك متابعة
قسم سؤال وجواب والقائم عليه الاستاذ الفاضل /محمد الفخرانى
وباذن الله تعالى سوف اقوم برفع سؤالك الى الموضوع المثبت الاول فى منتدانا العزيز
مع ارق الامنيات بالتوفيق

ابو المكارم
21-11-2012, 04:44 PM
عليك باحضار خطاب من الكلية اللى انت بتعمل بها دراسات عليا محدد فيها اليوم وبذلك يكتب امامك فى دفتر الحضور والانصراف تدريب ولا يتم حسابه عارضة .

slamy111
21-11-2012, 05:02 PM
الاخ الزميل يمكنك الذهاب الى مدير الاداره التعليميه التى تتبعها مدرستك وتقوم بتقديم طلب رسمي بالحصول على يوم اجازه من كل اسبوع من رصيد اجازاتك الاعتياديه وتشرح له الوضع وهو ان شاء الله لن يتأخر عن الموافقة وهذا ما قمت بعمله اثناء قيامي بعمل دبلومه خاصة منذ 3سنوات وكنت احصل على يوم الاحد من كل اسبوع اخوك في الله slamy

ابونرمين
21-11-2012, 11:25 PM
بداية هل أنت كتبت عند تقدمك اقرارا أنك متفرغ ؟ ان كان هذا تم فليس لك الحق في أثارة الموضوع ؟ ثم أن أيام الاجازة المتقطعة لا يتم الا عند أعمال الامتحانات وبجدول !!والحل بسيط وهو أن يتم ندبك أو نقلك الي مدرسة تعمل فترتين علي أن تعمل في الفترة التي تكون بعيدا عن مواعيد دراستك وأتمني لك دوام التوفيق:022yb4::022yb4::022yb4::022yb4:

العقبى1010
22-11-2012, 07:03 AM
تستطيع مخاطبة وكيل الوزارة والمطالبة بيوم تفريغ بشرط أن يوزع جدولك على بقية أيام الأسبوع، أو بالود مع مدير المدرسة تكون فى هذا اليوم حصة واحد ولتكن الحصة الأولى وتخرج بعدها لتذهب إلى الجامعة

شريف الصعيدى 22
22-11-2012, 09:12 AM
الف شكر لحضراتكم اخوانى الأفاضل على الرد
انا ان شاء الله رايح دلوقتى بطلب لمدير الادارة وهاشوف الحل
وبعد كده ان شاء الله وكيل الوزارة
وربنا يسهل الاحوال ان شاء الله
المشكلة فى مش انى اروح احضر او حصة واخرج
عادى مش هاتفرق
بس للأسف المسافة بين المدرسة فى دسوق والكلية فى شبين الكوم
تتجاوز الثلاث ساعات