شعر\ سمير الأمير
فى الأرض عيون خبزتها البيادات
ع الرصيفين بيفتح دم الشُهدا ورود
وانا ماشى بدور على نفسى ف محمد محمود
وبحاول أفسر حاجه يوماتى بتحصل
من غير ما المشهد يتغير
فى الأول لم الشارع كل مشاعر الثورة
وطلق الحلم ف صرخة رفض
ف الآخر لم الغربان والدود
وبث الرعب المدود... الموت

و الموت ده أساس
من يوم ما الناس فقدوا الإحساس
وانقسموا أسياد وعبيد
مش كنت بتحلم تبقى شهيد؟
اتفضل كون
الموت مجانى ومضمون
ما تهم شويه ياعم
الناس مشتاقه للوقفه فى طابور الهم
دى بلاد شرقانه مواجع وما شبعتشى من الدم
والشارع واسع بيساع القاتل والمقتول

رااااااااااااااااائعة جدا بجد فيها كلام جميييييييييييييييل
دام ابداعك

استاذ سمير كلمات في قمة الروعه
سلمت يداك
وفي انتظار جديدك

(سلمت يداك استاذ سمير **ان تخط يمناك بتلك العبارات)

أستاذ سمير
لكلماتك عمق يجعلنى أقف أمام كل جملة منها
ولإسلوبك تميز يوحى باحترافيتك وتمكنك
سعيد جدا بوجودى بين كلماتك الرائعة