انا اخصائى تطوير بشتغل فى مدرسة ابتدائى و مفيش انترنت أو مرضيوش يوصلوة عشان ميدفعوش فلوس
بيطلب منى اعمل شغل الاحصاء خارج المدرسة
فية حاجات مش بيطلع بيها فواتير اتصرف ازاى فيها
و حتى الفواتير اللى بجيبها لزوم الطباعة السكرتير بيرفض صرفها
الخلاصة بينطلب منى اعمل شغل الاحصاء على نفقتى الخاصة و بعد مواعيد المدرسة
اعمل اية و اتصرف ازاى
و لو رفضت حتحول للشئون القانونية

>>>>>>>>>>

شغل الاحصاء اساسا مش علينا كاخصائيين . وكمان مفيش انترنت ممكن مدير المدرسة يتصل بزملاءه باحدى المدارس ويخليك تعمل الشغل هناك . تانى حاجة لو اضطررت لعمل الشغل برة ف سايبر متعملوش الا لما تاخد الفلوس ف ايدك وخليك عنيد معاها لو انت هتاخد جزا يوم هما هياخدوا 10 ويخافوا وزى ما بقولك شغل الاحصاء مش عليك كاخصائى واساسا هناك وحدة اسمها وحدة المعلومات بالمدرسة بيشكلها المدير وهم سبع افراد يعنى انت واحد من سبعة

تقدم بطلب رسمي لمدير المدرسة بصرف مبلغ تسجيل الاحصاء الاكتروني وتخلية يمضي عليها مرضيش متعملش حاجة واحمي نفسك بالورق او طلب شراء فلاشة نت علي حساب المدرسة وبكده تعمل شغلك في المدرسة وكمان احنا مدخلين بيانات فقط علي الموقع بنعمل الاحصاء كمساعدة وليس مطالبين بيها في عملنا