السلام عليكم ورحمة الله وبركاته

صباح الخير عليكوا..أتمني أنكوا تكونوا في كامل رعاية الله:)

أنا كنت عاوزة أستفسر عن ازاي أقدر أوقف عضويتي؟
هل أراسل الادارة؟؟ولا بيبقي ليها توبيك هنا ع البوابة ؟؟
وكمان هي بتبقي فترة محددة وثابتة؟؟ولا أنا أقدر أختار المدة اللي عاوزة أتوقف فيها؟؟

لإني لو استمريت كده بالوضع اللي أنا فيه ده يبقي مش هنفع السنة دي!
لإني قعدت أقول هدخل ساعة وحدة بس في اليوم..وبرده ومفيش فايدة بدخل المنتدي
ومش بحس بالوقت نهائي وساعات كتير بتضيع ومبذاكرش فيها
وأنا نفسيتي تعبت خلاص من الوضع ده وعاوزة ألحق نفسي قبل فوات الأوان
وطبعا انتوا عارفين دي ثانوية عامة يعني اذا ما انتبهتش لنفسي من دلوقتي
يبقي هقول علي نفسي يلا السلامة:(
وكمان مفيش طريقة غير كده عشان أقدر أنتبه لنفسي وأذاكر اني أغيب عن المنتدي فترة
بحيث أحاول أني ألم المنهج وأذاكره كويس
برغم والله أصعب ما عليا كده ..بس أعمل ايه؟؟:(
وبجد هتوحشووووووووووني كتيييييييير
وأتمني انكم تذكروني بالخير ومتنسونيش في الدعوات..

استنوا هنا
أوعوا تقروا التوبيك وتنسوا تجاوبوني ع السؤال:d

السلام عليكم و رحمة الله و بركاته
اسراء
تقدري تكتبي طلب في قسم طلبات الأعضاء بنهاية صفحة المنتدى تحت و تطلبي منهم اللي عايزاه و ربنا يوفقك و هندعيلك و طبعا التركيز على الدراسة أفضل لأن الوقت اللي بيضيع ما بيتعوض

فى رعاية الله ياسوسو
ربن يوفقك

ابنتى الفاضلة
اولا : تمنياتى لك بالتوفيق والنجاح ، والمنتدى تحت أمرك بما يحقق مصلحتك و عليك تحديد المدة التى تريدين فيها ايقاف عضويتك وسنلبى طلبك ان شاء الله .
ثانيا : اسمحى لى بتعليق بسيط و هو أننى كنت أتمنى ان تكون لديك القدرة على السيطرة على نفسك بان تتخذى قرار بعدم الجلوس على النت أثناء فترة المذاكرة وأن تلزمى نفسك به دون طلب ايقاف عضويتك فالافضل دائما ان نقوى ارادتنا و أن نتخذ القرارات التى فيها صالحنا ونلزم أنفسنا بها . فتدريب النفس و تطويعها للصالح افضل كثيرا من طلب ايقاف العضوية .
ثالثا : الاصل فى منتدانا أنه منتدى تعليمى الهدف منه تقديم خدمات للطلاب فى جميع المواد ، و لذلك فالافضل ان تظل عضويتك كما هى دون ايقاف لكى تتمكنى من دخول المنتدى فى حالة احتياجك الى شرح مادة معينة أو تحميل اسئلة أو مراجعة خاصة بالمنهج ، فأتمنى الا يكون دخولك المنتدى الهدف منه فقط اضاعة وقت الفراغ و لكن الاستفادة مما يقدمه الأساتذة الافاضل فى جميع التخصصات
و فى النهاية القرار متروك لك و نحن تحت أمرك
جزاك الله خيرا وبارك الله فيك

ابنتى الفاضلة
اولا : تمنياتى لك بالتوفيق والنجاح ، والمنتدى تحت أمرك بما يحقق مصلحتك و عليك تحديد المدة التى تريدين فيها ايقاف عضويتك وسنلبى طلبك ان شاء الله .
ثانيا : اسمحى لى بتعليق بسيط و هو أننى كنت أتمنى ان تكون لديك القدرة على السيطرة على نفسك بان تتخذى قرار بعدم الجلوس على النت أثناء فترة المذاكرة وأن تلزمى نفسك به دون طلب ايقاف عضويتك فالافضل دائما ان نقوى ارادتنا و أن نتخذ القرارات التى فيها صالحنا ونلزم أنفسنا بها . فتدريب النفس و تطويعها للصالح افضل كثيرا من طلب ايقاف العضوية .
ثالثا : الاصل فى منتدانا أنه منتدى تعليمى الهدف منه تقديم خدمات للطلاب فى جميع المواد ، و لذلك فالافضل ان تظل عضويتك كما هى دون ايقاف لكى تتمكنى من دخول المنتدى فى حالة احتياجك الى شرح مادة معينة أو تحميل اسئلة أو مراجعة خاصة بالمنهج ، فأتمنى الا يكون دخولك المنتدى الهدف منه فقط اضاعة وقت الفراغ و لكن الاستفادة مما يقدمه الأساتذة الافاضل فى جميع التخصصات
و فى النهاية القرار متروك لك و نحن تحت أمرك
جزاك الله خيرا وبارك الله فيك


وجزاك وبارك فيك أستاذي الفاضل
أشكر حضرتك علي الاهتمام في الرد
وأنا بالفعل بستفيد من المنتدي ذي ما حضرتك ما قولت
وحملت من عليه مذاكرات شرح وأسئلة في بعض المواد واستفدت منها كتير
وكمان فيه جروبات بتبقي للطلبة في مجال دراسة كل واحد بتبقي لأي استفسار او مشكلة في الدراسة وبيتم الاجابة عليها سواء من طلبة او مدرسين
فأنا لا أنكر دور المنتدي علي الاطلاق بل بالعكس أتوجه بخالص شكري وتقدري لمن ساهم في ذلك
ولكن أحسست بتقصير من جانبي في المذاكرة ولذلك أطلب من سيادتكم وقف عضويتي لمدة 25 يوما من الان

لكم جــزيل الشــــــكر