اعوذبالله انا مش عارفه بجد اعمل ايه
فيه ناس كتير ناصحتني
بس مش قادره انفذ واسمع الكلام
بقيت افضل علي النت من الضهر لحد ما انام
انا قرفانه من نفسي ومش قادره اذاكر
ضميري بيأنبني
بس مش قادره اقاوم نفسي زي ما يكون فيه شيطان ماسك فيا
ومش بيخلني اعمل الصح
بقا عندي ملل وكسل غير عادي
المواد نسيتها
كان علينا امتحان علم اجتماع النهارده في المدرسه
جيت ابص علي الورقه واحاول افتكر مفيش حاجه راضيه تيجي
انا مهمله اوي والايام بتجري
انا مش عارفه اعمل ايه

اعملي جدول لوقتك من بداية اليوم لنهايته واكتبي فيه كل حاجة ممكن تتعمل خليه مثير وحاولي بقدر الامكان تمشي عليه
وربنا يوفقك

آه النت مرض ... بيضعف العقل ويوهن العزم

وأسألي مجرب .. السنة اللي فآتت جبت مجموع وحش آوي بسبب النت ..

علاجه إنك تعرفي إن النت ده مضيعه للوقت مذهبه للعقل " لو كتر القعاد عليه طبعاَ "

ولو فضلتي كده هتفشلي ..

مش عارفه ارد واقول ايه

مش عارفه ارد واقول ايه
قولي بما أني قد عرفت الداء و الدواء سأبدأ من الآن و أنظم وقتي و ابعد عن السهر و أصحي في الفجر و أذاكر عشان ضميري يرتاح ربنا يوفقك

انا مشكلتي يا نسمه اني عارفه المشكله وحلها
بس مش قادره اعمله
عارفه ان ده غلط
بس مش قادره اعمل الصح

الحوار سهل جدا هو بيتلخص في 3 حاجات
1- شيل وصله الكمبيوتر و سيبها مع اي حد في البيت
2- خلي فتره معينه تذاكر فيها مش بالحظ يعني ممكن من الساعه 12 الي الفجر 5 ساعات مش هتقوم من علي المذاكره و بتبقي الدنيا هاديه
3- اقعد اقرا ملزميتين او تلاته في اليوم من اي ماده عشان متحسش ان الملازم لا نهائيه

* انا مجرب الطريقه دي و جبت بيها 93% في سنه تانيه و شادد حيلي السنه دي و اهم حاجه برضو انك تبقي نفسك تكون متفوق و تبقي قريب من ربنا و عندك اراده قويه

جزاك الله خيرا
وفقكم الله

لا مرض ولا حاجة
ما الواحد بيقعد أهو و مية مية
السر ..فى تنظيم الوقت
يعنى الواحد يذاكر و يخلص و يبقى ملاحق فى كل المواد على الى بياخده جديد
و مش متأخر فى حاجة
ما يعييييييييييييييييييييييييييييييييييييييش حياته بينكد على نفسه ليه ؟!

جزاك الله خيرا

اعوذبالله انا مش عارفه بجد اعمل ايه
فيه ناس كتير ناصحتني
بس مش قادره انفذ واسمع الكلام
بقيت افضل علي النت من الضهر لحد ما انام
انا قرفانه من نفسي ومش قادره اذاكر
ضميري بيأنبني
بس مش قادره اقاوم نفسي زي ما يكون فيه شيطان ماسك فيا
ومش بيخلني اعمل الصح
بقا عندي ملل وكسل غير عادي
المواد نسيتها
كان علينا امتحان علم اجتماع النهارده في المدرسه
جيت ابص علي الورقه واحاول افتكر مفيش حاجه راضيه تيجي
انا مهمله اوي والايام بتجري
انا مش عارفه اعمل ايه



مجرد انتباهك لوجود مشكلة
ف حد ذاته
خطــــــوة اولـــــــــى
يبقى الاهم
حددى اهدافك جيدا
ودائما
ضعى امامك
والدك ووالدتك
بجانب اهدافك اللى اكيد اهمها النجاح
للوصول للهدف
لمعلوماتك
لست وحدك ف ادمان النت
لا تقلقى فى ناس اكبر منك خبرة وعمر
ولا يستطيعون تنظيم وقتهم
بسببه
لكن الاصرار والرغبة القوية ف الوصول للافضل
لها مفعول السحر
فقط ابدأى

بالتوفيق حبيبتى ;):)

ربنا يبارك فيكي
ويحفظك من كل سوء