يامكرم القاتل بقلاده

ومصلي دايماً عالسجاده

كل قرار وتراجعك عاده

والمصلحه غايه وعباده

واحنا بقا داقين عصافيرنا

ومصدقين ان انت كبيرنا

شيلين تماما سوء الظن

والشك طبعا من تفكيرنا

رئيس ملاك بيصلي حاضر

ازاي اصدق او اكون فاكر

ان الرئيس ده يسوقه شيطان

جايز اوي يسوقوه الاخوان

بس الشيطان صعب يكون قادر

الشعب هننته ودلعته وفتحتله الجاكت طمعته

صدق طلعتلوا الاتحاديه

وتوب الحمل من يومها قلعته

في عهدك بيتقتل في اخواتنا

من حسني موتنا ومرسي موتنا

كمل بقيه كشف الوش

أكدلنا اوي ان احنا غلطنا

يارئيس بدال ماشفيق يمسكنا

انت اضطراري ماهيش أردتنا

والا المدام زيك عسوله

حقيقي حرمة مصر الاولى

راحت عزا اسلام وفي جابر

المؤمنه طلعت مشغوله

اما بديع فبديع على غيرنا

احنا اللي ربنا بس كبيرنا

كالعاده فقرا وفي الابداع

اخطأتوا كما حسني استقدرنا

ومن اللحظه دي انت اللي اخترت

ياحنا في زورك يانت في زورنا

يا مرسي يا رئسينا الحر


يا قاهر ألاعيب الظلم


يا مرسي دايما فوق راسنا


يا محقق لينا الحلم


يا مرسي يا أحلى رئيس


احنا وراك ضد الصُم


احنا معاك بكل دمائنا


احنا وراك وده للعلم

انا حفضل اقول من قلبى الحق فى كل مكان...

مايهمش حخسر ايه بس اكسب اعيش انسان...

حفضل ع الحال دا لحد ما أركب طقم سنان...

وان يوم قطعولى لسانى هعمل قلبى لسان...او هعمل زرع لسان

يا شايل هَـم ناس غزة ..

ياريت نظرة على عيال مصر ..

وجع غزة دا ف قلوبنا ..

لكن احزاننا مالهاش حصر ..

يا راكب فقرنا موكب ..

بتتمختر لباب القصر ..

عشان تتوضى للمغرب ..

لازم تبقى مصلِّى العصر !!



يا رابط عمرى تسعيرة ..

محصَّلتِش تمن بقرة !!

كتبت المظلمة بدمى ..

ولا بتفهم و لا بتقرا ..

يا شايف ف القصاص صفقة ..

و ف الكرسى هدف أسمَى ..

هيسكن تارى أحلامك ..

ولو طالت سنينك دهر ..



يا متصوَّر بلا واقى ..

و لا أجدع شجيع سيما ..

ياريت لو يعنى من أمنَك ..

ينوبنا حتى تلقيمة ..

دا عمر الدين ما كان خطبة ..

ولا قداس و ترنيمة ..

ما دام خايف على عيالى ..

ل يخطفهم ف لحظة القطر !!!

جزاك الله خيراً

:078111rg3: :078111rg3: :078111rg3: :078111rg3: