http://sphotos-c.ak.fbcdn.net/hphotos-ak-ash4/486291_284006328369428_1740050435_n.jpg


هنفضل نناضل لحد ما ييجي
حد ينضف بإيده ترابك
بحبك يا بلدي رغم الأعادي
دا أنتي اللي فيكي عايش عشانك
قلوب ألف واحد ماتت يا بلدي
وعايشين ينادوا في وسط ميدانك
تهنا وبقينا يا بلدي غرابك
ما هو لما ينده ينده خرابك
ولما مسكنا واحد يصلي
قالوا عليه يا بلدي منافق
بيخدم جماعته ..
وواقف بيدبح عروبة ولادك !!
أنا أبنك يا مصر وواقف عــ بابك
بقولك لإني كرهت كيانك
كرهت اللي فاهم وقاعد وساكت
كرهت اللي عايز يدبح شبابك
كرهت إللى واقف بينده مبارك
كرهت الجماعة .. كرهت حصانك
ما دخل السباق وكسر سراجك
ولكن يا بلدي عمري ما أسيبك
لأني ابن أصل وأبنك حبيبك
بحبك يا مرسي ومش من جماعتك
وبكره بساط الريح اللي صامت
بأيد قرارك ودستور صوابك
ربي يعلي مابينا مكانك
هصونك يا بلدي ..
وعمري ما أخونك
ومش همشي خايف وأبص ورايا
أنا لي ربي قادر يحطم كل اللي خانك
كل اللي يحكي ولا هو فاهم
يجادل .. ويفتي وعامل محامي
بحبك يا بلدي
وهفضل أناضل لأجل كيانك


كلمات / ضياء الدين سعيد
صـــــــــــــــــــوت الحــــــق

اصل اللى ساكت تعب من الكلام
فضل عايش فى دولة الاحلام
ابنه مات من ذل الزمان
وحقه ضاع من كتر الاوهام
اللى باعهاله النظام
عسكر او اخوان
كله عن الحق جبان
حتى اللى جاى وبيركعها
مين لحقوق اللى ماتوا هيرجعها
كلنا مصريين وشربنا من نيلها
فى اللى اتسمم واللى عايش فى خيرها
رئيسنا اخوان واسمه مرسى
والاخوان زمان حلموا بالكرسى
ومسكوا البلاد وقتلوا القتيل
وانهاردا الدستور بمواد عقيم
لا للدستور ولا للاعلان
وهستنى ايه من واحد خان
غير انه يحكم زى السلطان
ديكتاتور صنعه عبد جبان
اوامر مرشد تتنفذ
حتى لو كان غلطان
اشهدى يا مصر واعرفى الحقيقة
ركزى معايا وحتى لو دقيقة
ميادينك يا مصر مليانه بتقول
يمكن فى التحرير فلول
بس اكيد انه فاق
ومبقاش مذلول
يمكن موجود اولاد مبارك
بس مش كلهم عاوزين خرابك
يمكن فى كلاب ووحوش
بس مش هيقدروا يخربوا النقوش
اللى كتبها شبابك بدمه
وسجل تاريخ الشعوب
مش بدافع عن اللى قتل واللى خان
كلنا ف الاصل عميل جبان
كلنا كنا راضيين بالذل زمان
بس بنفوق على مر الايام
وبنسطر بايدينا كتب الاحلام

طبعا اخى الكبير ضياء
اختلاف اراء كالعادة واختلاف فكر
ولكن لن نختلف انا او اى شخص هنا بانك من المبدعين الذين احتلو مكان فى قلوبنا
تحياتى

اصل اللى ساكت تعب من الكلام
فضل عايش فى دولة الاحلام
ابنه مات من ذل الزمان
وحقه ضاع من كتر الاوهام
اللى باعهاله النظام
عسكر او اخوان
كله عن الحق جبان
حتى اللى جاى وبيركعها
مين لحقوق اللى ماتوا هيرجعها
كلنا مصريين وشربنا من نيلها
فى اللى اتسمم واللى عايش فى خيرها
رئيسنا اخوان واسمه مرسى
والاخوان زمان حلموا بالكرسى
ومسكوا البلاد وقتلوا القتيل
وانهاردا الدستور بمواد عقيم
لا للدستور ولا للاعلان
وهستنى ايه من واحد خان
غير انه يحكم زى السلطان
ديكتاتور صنعه عبد جبان
اوامر مرشد تتنفذ
حتى لو كان غلطان
اشهدى يا مصر واعرفى الحقيقة
ركزى معايا وحتى لو دقيقة
ميادينك يا مصر مليانه بتقول
يمكن فى التحرير فلول
بس اكيد انه فاق
ومبقاش مذلول
يمكن موجود اولاد مبارك
بس مش كلهم عاوزين خرابك
يمكن فى كلاب ووحوش
بس مش هيقدروا يخربوا النقوش
اللى كتبها شبابك بدمه
وسجل تاريخ الشعوب
مش بدافع عن اللى قتل واللى خان
كلنا ف الاصل عميل جبان
كلنا كنا راضيين بالذل زمان
بس بنفوق على مر الايام
وبنسطر بايدينا كتب الاحلام

طبعا اخى الكبير ضياء
اختلاف اراء كالعادة واختلاف فكر
ولكن لن نختلف انا او اى شخص هنا بانك من المبدعين الذين احتلو مكان فى قلوبنا
تحياتى



أعجبني كثيراً ما خطه أحساسك
رائع رائع رائع

شكراً منير لزوقك وردك
وربنا يشهد أني بحبك
فكرك سياسي وردك سياسي
لكن بقولك كرهت الكراسي
كرهت إللي قاعد ولا هو فاهم
كرهت إللي واقف وواجع في رأسي
عارف يا صاحبي مين بينادينا
دم الشهيد إلى عــ الأرض راسي
صوتهم ..
كلامهم ..
مين اللي قاتل
تهنا في دروب الحقيقة إللي ماتت
مين قصدة يقتل ..
مين قصده يهدم ..
غير الكراسي
مرسي بحبه ..
مش معنى أني بحبه لجماعته ..
بكره جماعته بحبه لشخصه ..
بأيد قراره لأنه إللي ماسك
زمامك يا بلدي
عارف يا صاحبي
ديول النظام ..
وحبة فلول ..
وأخوان بلدنا ..
في لعبة كراسي
لكن مرسي شايفه مواطن
عايش لبلدة مش للكراسي
دا رأي يا صاحبي
دي مينا ومرسى
سفينة بلدنا
عايزا إللى راااااسي


شكراً لمرورك اخي منير
تحياتي

اخى ضياء
اختلاف اراء
بس ااتفقنا
ع الحقوق
اللى نهبها
الفلول
كل نظام
وليه عيوب
بس الاخوان
قتلوا وخان
حتى مرسى
كلبش فى الكرسى
ساكت للهم
والشارع دم
ماتوا كتير
وغرقوا الشوارع
والصوت مش طالع
صوتنا محبوس
اخوان تيوس
عايش مذلول
من غير ما يفكر
اقتل ودمر
حتى مرسى
ساكت مكتوم
من غير قرارات
غير تحصينات
لو دكتاتور
كان خد قرارت
لكن اخوان
انشر عصابات
زى دمنهور
حرب اهليه
والناس مش هية
قالوها سلمية
بس الاخوان
اباحوا دماء
قولناها خلاص
هو القصاص
هانت الارواح
انا عاوز حقهم
مش تبيح دمهم
شيخ مجنون
صفوت مذلول
يطردنا بره
ياما يقارنا
يا اخوان يا سكوت
انا مش عايش طرطور
انا ليه الحرية
انى اقولها سلمية

خليكم كده متجننين
هاموت أنا هناك مكاني رافع إيديا
وبصرخ لاخر نفس فيا
برفض يابلدي أكون فيكي عبد
عشان زمن العبيد أنتهى من زمان
وشيلنا النظام اللي كان قبله فاسد
ولسه هانفضل نشيل كل فاسد
وميهمنيش يقولوا عليا فلول بلطجيه
ويمكن يقولوا عليا غزيه
وكل كلامهم هايدفعني أكتر
أحطم كل ظلم بشوفه بعنيا
وعمرك ماتقدر تغمي عنيا
لا بكلمه تقدر في يوم تشتريني
والا بكلمه تقدرتكسرما فيا
عشان اصل يابني ومش صورة
تاخد أوامر تنفذ قرارات لمرشد جماعه
وربي دايماً مفتح عنيا



أخي ضياء دمت مبدع فيما تكتب
سلمت يداك ووفقك الله إلى ما يحب ويرضى

أصحابي شكراً
كنارة ومنير
فكرة سياسة
بأنك سليم
عقلك وفكرك
قلمك ونفسك
دافع عن الحق مش مستحيل
مرسي رئيسنا
خدها بصوتنا
مش مجبرين
لازم نهدي الأمر في الميدان ..
عشان نحقق حلم السنين
معاكم بصوتي
بعقلي وروحي
بأن نستقيم
ونهدى شوية
ونديله فرصه
لأن المعارضه
عايزه دليل
فين الدليل
معاكم يا بلدي
وهفضل أقول
إن صوتي لمرسي بأيده قراره
لحد ما يظهر غيره دليل