فجأه الفراق

............................

كنت بتيجى كتير وتروح

كانت خفة الدم عندك درس مشروح

دلوقتى فارقت والقلب خلاص مجروح



كفايه يا زمن تفريق فى الأحباب

كفايه يازمن العيشة بقت عذاب

واحد عزيز عليا جاله القدر وغاب



كان حاسس بيا وبعزه من قلبى

كان عزيز عليا وحنينى له بأشواق

كان على بالى أكلمه ونسيت يا ربى



وجه تليفون : فجأه الوداع

مش حتغيب عنى ولا حنساك

مش حنسا يوم ما جيت وقعدت معاك

مش حنسا لما حليت مشاكلى برضاك



كل اللى حواليا باعونى إلا إنت إشتريت

انا زيك بالظبط بضحك وكتير أسيت

دمك خفيف أوى ومن إخواتك كتير عانيت

.................................................. .........

إخص عليك يا زمن يا بياع

اللى أقول حبيبى أعيش جنبه أوجاع

ولما أبدأ أحسه . الزمن يحكم بوداع



كنت من القاهره وجيت اسكندريه مخصوص ليا

حسيت الهم والحزن الكبير لما بصيت فى عينيا

واللى هنا كلهم للأسف دابحين فيا



مش حنساك ومش حنسا اى شئ للناس

انت الوحيد اللى حزنت عليا وكنت عندك إحساس

.................................................. ...............

ياريتنى كنت جنبك أو حتى جيت أودعك

بس الفراق عليا صعب وبدموعى حوجعك



رساله من قلبى : وداع يا أعز إنسان

ياللى لوحدك رفضت ليا الذل والهوان

حتفضل فى قلبى وحيفضل فاكرك المكان

حتفضل ذ**** جوايا وحتفضل فا**** الحيطان



مسيرنا نتقابل من تانى

انت عارف بكل أحزانى

القصيده إنتهت لإن دموعى مالكانى

.................................................. .......

,,, شاعر الجروح ,,,




ربنا يرحم خالى
البقاء لله

ربنا يرحم خالك يارب
وبجد ياأستاذ حسن كلماتك والا أروع
احساس وصدق كبير أوي
لامست قلبي كثيراً
سلمت يداك

رحم الله الفقيد وأدخله فسيح جناته
أخي العزيز حسن
كتبت بأناملك ما أملاه عليك قلبك لتمر الكلمات بعقلك الباحث عن وجود الحبيب الغائب
أبدعت بسيمفونية درامية حزينة
ننتظر منك المزيد والمزيد

أتمنى من حضرتك أن تقرأ أكثر وأكثر
فالإبداع موجود والكلمات لا تنتهي
ومداد الشعر عندك واسع
ولكن الموسيقى أحياناً يتغلب عليها الإختلاف

تقبل مروري وتحياتي لشخصكم الكريم
رحم الله الفقيد وألهمك الصبر والسلوان

جميلة شكرا ;)

مشاعر غايه فى السمو أستاذ حسن
رحم الله فقيدكم وأسكنه فسيح جنته
ودمت بكل الخير والإبداع