دعوه للتغير [الأرشيف] - بوابة الثانوية العامة المصرية

مشاهدة النسخة كاملة : دعوه للتغير

E.P.A

07-12-2012, 12:14 AM

السلام عليكم و رحمه الله و بركاته
طبعا كلنا شايفين حال البلد
فانا مؤمن بان البلد مش هتتغير طول ما شعبها مش راضى يغير سلوكه السلبى
كما قال تعالى " إِنَّ اللَّهَ لا يُغَيِّرُ مَا بِقَوْمٍ حَتَّى يُغَيِّرُوا مَا بِأَنْفُسِهِمْ "
لذا انا اردت ان انشئ هذا الموضوع
لن تتغير مصر قبل ان نغير من سلبياتنا
طبعا الموضوع كالتالى
سيتم كل اسبوع طرح سلبيه يتعاهد كل من يشاركه فى هذا الموضوع اولا على تركها
+ السلبيه ليس شرطا ان اقولها انا لكن انتم من ستقولون و انا ان و جدت انه لم يطرح احد اى سلبيه سطرح انا
+ سيتم هنا مناقشه السلبيه و معرفه طرق حلها و الابتعاد عنها
ارجو التفاعل من الاعضاء كفى بنا سلبيه
مللت من هذا الشعب و ابتعدت كل الابتعاد عن السياسه بل ابتعدت بعض الشيئ عن المنتدى لكى لا احاور بالسياسه
لكنى تراجعت
لذا لن تتقدم مصر الا اذا غيرنا من انفسنا
فاذا راينا ما كنا نفعله فى السابق و ما نفعله الان هما نفس الشيئ
كان مفيش ثوره
لذا اتمنى النقاش
+ ساترك اول سلبيه لكم لكى تتطرحوها
نناقشها نبحث سبل الابتعاد عنها نتعاهد معا على تركها
هذا هو الهدف
+
هذا موضوع اجتماعى بعيد كل البعد عن السياسه لذا لا تطرحو اشياء لا يمكن تغيرها الا بالسياسه
و المكانه نحن نبحث عما يمكننا تغيره بانفسنا

E.P.A

08-12-2012, 09:47 PM

هه يبدو ان مفيش اى حد عايز يغير نفسو
معلش زعلتكم خليكو زى مانتو ماتتغيروش خالص
+
ارجو اغلاق الموضوع فليس له فائده

نحلة المنتدى

09-12-2012, 12:28 AM

مين قال كده
حضرتك الموضوع بياخد وقت عشان الناس تقراه
وف ناس كتير هنا ف المنتدى
مشغولين فالطبيعى ان الموضوع ياخد اقل حاجه يومين عشان يتم الرد

اولا بشكرك جدااااااااا ع الموضوع الراااااااااائع والمهم

ثانيا الشئ الى نفسى بجد يتغير ف البلد
هو اسفه ف اللفظ
الزباله الى بتبقى ف الشوارع
انا نفسى اى حد ينزل يتفرج ع منظرها ف محطه المرج الجديده
الناس مش بتعرف تمشى منها
انا مش عارفه الناس عايشه هناك ازاى
الله يكون ف عونهم
تانى حاجه نفسى تتغير ف البلد
العشوائيات
انا حسيت ان المنطقه الى انا ساكنه فيها مش راقيه اوى وقولت نفسى تتحسن اكتر من كده الى هى شبرا مصر
بس غيرت فكرتى لما نزلت مره وركبت ميكروباس وعدا ف منطقه فيها عشوائيات ع ما اعتقد كانت بولاق
او السبتيه
قولت الحمد لله
يااااااااااااارب
وحسيت ان شبرا مصر ديه الى كنت بشتكى منها شويه
افضل بكتييييييييييييييير من غيرها
وبجد مكنتش استحمل منظر البيوت
وقولت ازاى الناس عايشه هنا
دول اكيد عايشين ميتين

وانا بتمنى اننا نلاقى حل للمشكلتين دول

نحلة المنتدى

09-12-2012, 12:32 AM

ف مشكله اكبر
لما تنزل منطقه راقيه زى شبرا مصر او منطقه راقيه اووووووى زى مدينه نصر او مصر الجديده
وتلاقى الناس الى فيها اخلاقهم مش كويسه
كانك مثلا شوفت كتاب شكله الخارجى جميل اوووووى وجذبك شكل الغلاف بتاعه
بعدين بتفتحه لقيت صفحات فاضيه او كلام ملهوش فائده
لما تمشى ف الشارع وتسمع واحد بيشتم ف صاحبه
انا بجد مش عارفه هل المشكله ديه ليها حل ولا لا
هل ينفع نغير اخلاق الناس
هل فعلا كل حاجه ليها حل
ولا ف حاجات ملهاش حل
هل لما حد بيتعود ع طبع عمره ما يغيره ابدا
ولا ممكن لما يعرف انه غلط يغيره؟

اتمنى الاجابه ع هذا السؤال

E.P.A

10-12-2012, 02:08 AM

اولا قبل اى حوار اعتذر عن سلوكى
بس ده لانى عملت موضوع
حمله كلنا مصرين (http://www.thanwya.com/vb/showthread.php?t=485051)
و احد الاساتذه الافاضل رد عليا
فتفائلت و عملت الموضوع ده
لكن سيبته يوم مفيش و لا رد و لا على ده و لا على الحمله
عملت موضوع تانى
تحليلى انا " e.p.a " (http://www.thanwya.com/vb/showthread.php?t=485314)
و جيت بعد يوم محدش رد على اى موضوع فيهم هما التلاته
فغضبت بس
+

E.P.A

10-12-2012, 02:34 AM

اعلن قضيه هذا الاسبوع هى النظافه و القمامه
بدا الحوار يوم الاحد الموافق 9 / 12 / 2012
و ينتهى الحوار يوم الاحد القادم الموافق 16 / 12 / 2012
لذا كل من لديه اى نقاش او مساعده اتمنى مايبخلش علينا
+
ساتكلم اليوم فقط عن اخر سؤال تفضلت بطرحه
الا و هو

هل لما حد بيتعود ع طبع عمره ما يغيره ابدا
ولا ممكن لما يعرف انه غلط يغيره؟
نعم بكل تاكيد مادمنا بشر ما دمنا نملك ما ميزنا به الله عن باقى خلقه
ما دمنا نعمل عقلنا و نميز بين الخطأ و الصواب ما لم نكن يائسين
ساعطى مثال على هذا
بدليل تغير اديان الناس من وقت الى اخر
اذا نظرنا الى حال الناس الان نجد هناك اشخاص و ليسو بقله
يسلمون او يغيرون دينهم لانهم يرون انهم على خطأ
اذا نظرنا الى مثالى
هناك اشخاص يغيرون دينهم الذى هو بالنسبه للبشر
شيئ هام جدا
فما بنا لا نستطيع تغير سلوك خاطئ و نعلم انه خاطئ ؟ :stickjo4:
ما هذا ! اهذا شعب مصر ؟
لا يقدر على تغير سلوك يعلم انه خاطئ ! :excl:
لا يجب ان نؤمن بهذه السلبيه نحن نطمح الى ان نكون افضل
و لن نكون الا اذا امنا بننا يمكن ان نتغير
مهما كان الامر
+
كل شيئ له حل > انا لا اقتنع بانه يوجد شيئ ليس له حل
+
كانت هذه مقدمه للموضوع و كان السؤال اعجبنى صراحه
بالطبع باذن الله ساتحاور فى المشكله المطروحه غدا
و سبل حل هذه المشكله
+
اكرر اعتذارى
تقبلو تحياتى جميعا
:078111rg3: :078111rg3: :078111rg3: :078111rg3: :078111rg3: :078111rg3: :078111rg3: :078111rg3: :078111rg3: :078111rg3: :078111rg3:

E.P.A

10-12-2012, 03:02 AM

بمناسبه موضوعنا
صوره اعجبتنى
هل هذا يحدث ؟!
لما ؟
اترككم مع الصوره

http://sphotos-d.ak.fbcdn.net/hphotos-ak-snc6/207551_444096218981645_828618970_n.jpg

noha shoib

10-12-2012, 02:57 PM

جزاك الله كل خير وان شاء الله البلد تتغير وتبقى احسن باذن الله

نحلة المنتدى

11-12-2012, 02:22 AM

تسلم ايدك ع الرد
واكيد مفيش داعى للاعتذار
وفعلا الصوره الى انت حطتها
ده فعلا الى بيحصل بمصر
نفسى اعرف ايه حلها
احنا لو دورنا صلب المشكله فين
هنلقيها عند اخلاق ومبادئ الناس
صعب اوووووووووووى ان الواحد يغير اخلاقه
لان الطبيعى انه صعب تغير اى حاجه من الاسوا للاحسن
بغض النظر عن ان كانت اخلاق ام لا
ولو لقينا ناس غيرت اخلاقها
اكيد هتفضل ناس مخربين
لانهم عاوزين يبقوا كده
ومش عاوزين يبقوا كويسين
صراحه انا شاايفه ان مفيش حل للمشكله ده عند المصرين

انا هشبه ده بمثال
الطفل الى بيبقى صغير لما بيكبر ع اخلاق وقيم متعود عليها
بتفضل الاخلاق ده ملازماه وكذلك الشعب المصرى ف منه اتعود من صغره ع اخلاق ومبادئ معينه وف منهم اتعود ع التخريب
زى الدول الاجنبيه اتعودا انهم يحافظوا ع المكان الى بيعيشوا فيه وهيفضلوا كده طول عمرهم لحد اخر يوم ف حياتهم

E.P.A

11-12-2012, 08:30 PM

http://www.thanwya.com/alexa/main3.png

لااااااااااااااااااااااااااااااااااااا هاقعد اكتب اللى كتبته تانى كده حرام

E.P.A

11-12-2012, 08:58 PM

مشكور noha shoib (http://www.thanwya.com/vb/member.php?u=744039)
على ردك الجميل لكن كنت اود ان تشارك معنا فهذا ليس موضوع لشخص او اثنين بل موضوع
ل 90 مليون مصرى ;)
تسلم ايدك ع الرد
واكيد مفيش داعى للاعتذار

لا ده سلبيه اخرى
ان الواحد ما يعتذرش لان الاعتذار بيدل على ان الشخص اللى عتذر
عارف انه غلط و بكده يكون اعترف بغلطه و يحاول
ما يكرروش تانى

وفعلا الصوره الى انت حطتها
ده فعلا الى بيحصل بمصر
نفسى اعرف ايه حلها
احنا لو دورنا صلب المشكله فين
هنلقيها عند اخلاق ومبادئ الناس
صعب اوووووووووووى ان الواحد يغير اخلاقه
لان الطبيعى انه صعب تغير اى حاجه من الاسوا للاحسن
بغض النظر عن ان كانت اخلاق ام لا
ولو لقينا ناس غيرت اخلاقها
اكيد هتفضل ناس مخربين
لانهم عاوزين يبقوا كده
ومش عاوزين يبقوا كويسين
صراحه انا شاايفه ان مفيش حل للمشكله ده عند المصرين

انا هشبه ده بمثال
الطفل الى بيبقى صغير لما بيكبر ع اخلاق وقيم متعود عليها
بتفضل الاخلاق ده ملازماه وكذلك الشعب المصرى ف منه اتعود من صغره ع اخلاق ومبادئ معينه وف منهم اتعود ع التخريب
زى الدول الاجنبيه اتعودا انهم يحافظوا ع المكان الى بيعيشوا فيه وهيفضلوا كده طول عمرهم لحد اخر يوم ف حياتهم

خطأ كبير انا مثلما ذكرت ان كل مشكله لها حل
+
اخلاق المصرين قابله للتغير بدليل
ان الفراعنه كانو ناجحين >> مع انهم مصرين
و لما دخل الاسلام كان فى حضاره و سلوكيات كويسه جدا >> مع انهم برده مصريين
فالمصريين تتغير سلوكياتهم من زمن لاخر
لذا انا امل ان تتغير سلوكياتنا فى هذه الفتره الى الافضل :d
+
يمكن تغير كل شيئ فى المصرين للافضل
لان
الطفل الغربى مش بيتولد منظم و مرتب و نضيف
و لا
الطفل العربى او المصرى بيتولد متوسخ او مهمل او كده
كل دى سلوكيات مكتسبه اى قابله للتغير :022yb4:
+
بدليل المثال اللى انا قلته قبل كده
+
انا ليا راى ممكن يوافقنى فيه البعض و يخالفنى البعض
انا اعتقد ان من اسباب المشكله هى الاعلام
هتقول ليه ؟
انا اقول
اولا الاعلام مش وظيفته النقد فى الامور السياسيه بس , وظيفته التوعيه برده
فين التوعيه بالمشكلات الاجتماعيه اللى هى بنفس اهميه المشاكل السياسيه ؟ على الاقل مفيهاش خناق
مفيش توعيه مجتمعيه مفيش اى دورات تنميه بشريه
هيجرا ايه لو عملت القنوات المشهوره برامج تنميه بشريه تعلق على سلوكيات المجتمع الخاطئه من 7 الى 8 و نص بليل ؟
على الاقل نوعى الناس
مش نقعد نقول 40 % من المصرين اميين
و عمالين نكرر و نزيد و لا بنوعى و لا بنعمل حاجه خالص
و الامى مش اللى بيعرف يكتب و يقرا >> فى نظرى << الامى اللى سلوكياته غلط
يعنى فى ناس اميين تلاقيهم منظمين بيفكرو و بيعملو حاجات حلوه كتير
و بعدين بالنسبه للزباله فى ناس بتكسل اوى
يا عم هيجرا ايه لو حطيت الزباله فى الصندوق المخصص ليها
ولو مفيش الدنيا مخلصتش يعنى جمع انت و الجيران اللى فى الحى بتاعك او الشارع و اشترو صندوق زباله عادى يعنى
+
برده هيجرا ايه لو قمنا احنا بتصنيف القمامه ؟
يعنى عندنا قمامه زجاج نجمعها فى كيس واحد و نكتب عليها
كده فى حاجات كتير اوى لحل الازمه بس اهم حاجه نملك
الثقه فى امكانيتنا بان نتغير
طبعا ممكن اكون نسيت اكتب حاجه من اللى كتبته قبل كده على العموم كده كفايه
+ انتظر ارائكم

noha shoib

11-12-2012, 10:06 PM

انا موافقة على رايك بس الاعلام مش كفاية احنا محتاجين الناس تفوق و تبطل تقول فى ناس كتير بترمى فى الشارع هيه جات عليا بجد احنا محتاجين حد يفوق الناس

نحلة المنتدى

12-12-2012, 09:03 PM

اتمنى الى انت بتقول عليه ده يحصل
بس الاهم باه
اخلاق الشعب ازاى تتغير؟؟

E.P.A

12-12-2012, 09:30 PM

انا موافقة على رايك بس الاعلام مش كفاية احنا محتاجين الناس تفوق و تبطل تقول فى ناس كتير بترمى فى الشارع هيه جات عليا بجد احنا محتاجين حد يفوق الناس

اولا اهلا بيك فى الحوار
ثانيا انا ما قولتش ان الاعلام لوحده هيغير الناس
هو عامل من العوامل و عامل مهم فى تغير اى سلوك يعنى
مش الاعلام بس . لكن برده لازم يكون موجود
اتمنى الى انت بتقول عليه ده يحصل
بس الاهم باه
اخلاق الشعب ازاى تتغير؟؟
و انا كمان اتمنى ده يحصل
بس انا مش عايز اتمنى بس احنا عايزين عزيمه
فى سلبيه من اخطر سلبيات المجتمع الموجوده الان > فى وجهه نظرى
هى الكسل
ففى ناس بتقول
" اشمعنا انا " , " هى جات عليا ماهى الناس كلها بتعمل كده "
دى لا لازم نبتدى بنفسنا انا مثلا باذن الله احاول اطبق اللى بقوله و لو 80 %
ماتخجلش و لا تشوف نظره الناس ليك لا شوف نظرتك لنفسك و شوف انت بتعمل الصح و لا لا و شوف ده بس . انما الناس تقولك ايه ده سيبك من ده كله
+
اخلاق الشعب هتتغير لما احنا نتغير
يعنى نبتدى بنفسنا
لو مثلا موظف فى وظيفه مرتشى
انت لو ماديتهوش مش هايطلب تانى لو بلغت عليه مش هايعمل تانى
احنا اللى لازم نبتدى بده . مش المفروض نستنى الناس عقبال لما تتغير و نتغير
احنا لو مثلا جمعنا الزباله بتاعتنا و جمعنا من العماره او البيت اللى احنا فيه فلوس عشان نشترى صندوق زباله .
العماره اللى جنبكو هتشوف ده و تعمل زيو المهم نبتدى
مانستناش
مش لما راجل النظافه يجيى ينضف مكان مش مخصص للزباله
نيجى احنا و نقول نوسخه بقا ماهو نضف لا و لو شفنا ده لازم نقول ان ده غلط و لو بطريق غير مباشره
يعنى مش لازم تزعل اللى قدامك
مثلا تخليك معدى انت واصاحبك و جنب الراجل اللى بيرمى الزباله فى مكان ماهو مخصص ليها
تقول مثلا
" هما عايزين ايه من الرئيس مالشعب كله بيرمى زباله فى اى مكان العيب مش من الرئيس العيب من الناس اللى ما بتحطش الزباله فى مكانها "
مثلا يعنى >> مجرد مثال للمشكله اللى بنتكلم فيها <<
هو هتوصله الرساله بطريقه غير مباشره + لو واحد صاحبك تيجى
تقولو مثلا
" انت عندك زباله ما تيجى نرميها فى الصندوق بتعها "
كده
اهم حاجه تمتلك حاجه واحده
الجراه و العزيمه على التغير
+
سيبك من الشعب المصرى كله المهم غير نفسك انتا
و بعدين هتلاقى ان اللى حواليك بيتغيرو معاك

مروه

12-12-2012, 10:00 PM

T!to

12-12-2012, 10:15 PM

مشكلة القمامة ..من وجهة نظرى حلولها هى :
1- التزام شعبى لن ياتى الا بتوعيه حقيقية للمواطنين ..
2- شركات جديدة بتعمل بجد .. وده غير متاح بحسب العقود القديمة مع الشركات الاجنبية ..
3- انشاء مصانع لتدوير القمامة..
4- زيادة عدد عمال النظافة .. ورفع مرتباتهم .. والرقابة الجيدة عليهم او انشاء هيئة مخصصة لهذا الامر ..
5- وضع صناديق او باسكات صغيرة كتير بقرب المنشات العامة والشوارع وتكثيف عربيات القمامة ..
6- عمل حملات توعية .. زيى وطن نظيف وتخلص ندخل حملة جديدة نسميها وطن بدون زبالة وتخلص ندخل حملة جديدة وهكذا ..لحد ما الزبالة تختفى ..لايياس مع الحياة .. :blush:
اى حد بعد كده يرمى ورقة فى الشارع.. يطلع عين طانته :d

E.P.A

12-12-2012, 10:46 PM

السلام عليكم
أولا بشكر حضرتك على الموضوع المميز:)
ثانيا
سبحان الله أول موضوع جه فى دماغى اننا نطرحه كان مشكلة القمامه فى مصر
وفعلا لقيته أول موضوع مطروح
أنا فعلا بدأت أيئس إننا شعب ممكن يتغير
ويتعلم انه مش يرمى حاجه فى الشارع وهو ماشى
يعنى عندنا فى الكليه مثلا عمال النظافه كويسين جدااااااا
وبينضفوا المدرج دايما .... وبرضه تلاقى دكاتره بترمى زباله تحت البنشات
والمفروض انهم ناس دكاتره يعنى :d:d
لجنة البيئه فى الإتحاد قررت انها تخلى طلبه تنضف مع العمال عشان يحسوا هما بيتعبوا جامد
وفضلوا شويه كده محافظين على النظافه وبعدين رجعوا تانى
رغم ان الباسكت موجوده فى كذا مكان فى المدرج
المهم قرروا فى الأخر انهم يركبوا باسكت تحت كل بنش
عشان الكل يرمى فى الباسكت ويفضل المكان نضيف
وفى الأخر برضه تلاقى ناس بترمى على الأرض
وتيجى تسألها ليه كده
يا إما لو المكان اللى بترمى فيه مش نضيف .... تقولك يعنى المكان نضيف أوى ؟؟ :angry2:
ولو المكان اللى بترمى فيه نضيف ..... تقولك يعنى دى اللى هتوسخ المكان اوى :slap1qk6:
ده غير بقى اللى يتفنن يرمى الزباله جمب برميل الزباله الفاضى
أو يفتح شباك عربيته الشيك ويرمى كيس زباله فى نص الطريق
وأهم حاجه مينساش يقفل الإزاز تانى:angry2:
والناس اللى مممكن تموت لو مخلصتش علبة الكانز ورمتها فى الشارع
والله شعب هيجيبلى الضغط :bosyht9::d
ده مثال بسيط بس على حكاية شعب رافض التغيير

ههههههه مثالك فكرنى بحكايه حصلت فعلا
كان فى فى قريه واحد بيقول
"انا و انا نايم باسمع دبه النمله مفيش حاجه بتعدى منى "
فلما كررها كتير اصحابه جم عنده بالليل و هو نايم جنب بيته
و
شالوه باللحاف اللى نايم عليه
و نزلو بيه الارض > لانه كان فلاح < و سابوه نايم و لا كانه
سامع اى حاجه
طبعا بعدها مابقاش يتكلم تانى
زيها انت لقيت واحد زى ده اول حاجه قولو مره واحده
لو مارداش
اعمل زى اصحابنا
كل الزباله ارميها جنب المقعد بتاعه
و النتائج مضمونه ;) :d
+
مشكور على مداخلتك بس ما تقابلوش لمده عشان لو عرف
انا مش مسئول عن اللى هايجرا ههههههههههههههه

E.P.A

12-12-2012, 10:51 PM

E.P.A

14-12-2012, 02:24 PM

هاه القضيه خلصت و لا لسه فيه حاجه ؟
>> لو خلصت اقترحو سلبيه اخرى عشان نناقشها <<

E.P.A

20-12-2012, 08:29 PM

بما ان مفيش حد اقترح هاقترح انا قضيه
هى عدم النظام و التنظيم
من الخميس 20 / 12 /2012
الى 27 / 12 / 2012
منتظركم