مشاهدة النسخة كاملة : لكل بنت لسة داخلة اولى جامعة


حسن زيرو
08-12-2012, 03:08 PM
بسم الله الرحمن الرحيم


السلام عليكــم ورحمـة الله وبركاتــة
>>>>>>>>




لـكل بـنـت لـسـه دخـلـه سـنـه أولـى جـامـعه

اكيد ده حلم اى بنت لسه خارجه من بهدله ايام الثانويه

اكيد نفسها تعيش حياتها , نفسها بجد تفرح , نفسها تبقى بنوتهstyle وتعيش انوثتها , نفسها اكيد بردو تقابل فارس

احلامها , وده كله طبيعى لاى بنت فى سنها جواها طاقه كبيره اوى ,,,, حيويه وشباب ونشاط وعاطفه وحب .....

اكيد عايزه تعيش بيهم ايام الجامعه اللى متتعوضش ....

لكن يا ترى عيشه الفراغ وقعدات الجناين وشلل الشباب والبنات هى طريق راحه بالها وسعداتها !!!!!!!



يا ترى لو قضت سنين الجامعه ما بين المكياج والخروجات وقعدات الاصحاب تبقى خرجت من الجامعه وهى راضيه

ومبسوطه !!!!!!!!!!!!



يا ترى لو عاشت من غير طموح ومن غير هدف , من غير ما يبقى نفسها تذوق طعم نجاح هتقدر تمشى معتزه بنفسها

رافعه راسها !!!!!!!!!!!!!!!!!!



اختى انا حاسة بكل اللى انتى نفسك فيه وعارفة انتى بتحلمى بايه ونفسك تعملى ايه بس صدقينى من جواكى مش هتكون

مبسوطه ..... مش هتضحكى من قلبك ... باكل مش هيرتاح .... مش هتثقى فى نفسك هتحسى انك بتدورى على حاجه مش

لاقياها ... هتحسى ان فيه حاجه غلط



وفى وسط كل دا هتلاقى بنات زمايلك صمموا يكملوا مشوار كفاحهم


حاولوا فى الثانويه وفى منهم حقق حلمه وفى منهم محققش .... لكن صمموا يكملوا ,,,,, مكانش حلم اوائل الدفعه بعيد

عن بالهم ولا حلم التعيين فى الجامعه غايب عن تفكيرهم ... مسمعوش كلام اللى قالهم امتياز ده مستحيل ... يارب مقبول

ونعدى !!!!!!!!!!!



هتقولى لنفسك انا هتعقد كمان فى الكليه ؟؟؟؟؟؟؟؟؟؟؟؟؟؟؟؟؟؟؟؟؟

امال هعيش حياتى امتى ؟؟؟؟؟؟؟؟؟؟؟؟



فوجئت ان عندهم بردو خروجاتهم وفسحهم وفرحتهم

هتقولى لنفسك الدراسه مش كل حاجه وحتى لو مكانش ليا مستقبل فى دراستى ادينى هتجوز ومش هصرف على

نفسى !!!!!!!!!!!



هتبصى هتلاقى فى عيونهم امل عجيب وعلى وجوههم راحه البال اللى بحييهم بيها ,,,,,,,,, ماشيين ما بين ثقه وسعاده

وحب وامل ,,,,,, هتبصى تلاقيتهم عالخير دايما متجمعين وبحب ربنا دايما ملمومين ........



هتحسى ان ليهم قيمه بالبلدى كده ناس ليها لازمه فى الدنيا ......

تلاقيهم فى حلقه قران بتحوطهم الملايكه او فى دار ايتام وربنا بينظر ليهم نظره رحمه



لما هتلاقى بجد السعاده فى عيونهم والحب الحقيقى اللى مجمعهم ... هتحسى بالفرق بين حالك وحالهم انتم الاتنين بنتين

دخلتم الجامعه فى وقت واحد وفى ظروف واحده وبمشاعر واحده وبحلم واحد



لكن واحده فيكم عرفت ازاى توصل لسعاده قلبها الحقيقيه ,,, عرفت تمشى الطريق الصح ,,, وفضلت ماشيه فى الطريق

وقلبها موصول بخالقها , متلاقيهاش فى مكان ربنا مش راضى عنه ولا تلاقيها بتعمل اعمال ربنا نهى عنها .. وفى نفس

الوقت كل حياتها طموح وامل دنيا واخره , كل حياتها حب وخير بتحطه فى محله , فبقيت ماشيه مبسوطه طايره على

الارض من فرحتها

وواحده تانيه فضلت تايهه تخبط يمبن وشمال , بتدور عالسعاده من ابواب تقطع صلتها بخالقها وتموت فى قلبها كل

احساس بسعاده او راحه ....



مش هكدب عليكى .. فى الاول فعلا بتحسى انك مبسوطه مع الشله والجنينه والنادى والاغانى لان دى وظيفه ابليس انه

يوريكى الحرام جميل والحلال خنيق..

لكن بعد فتره بجد هتلاقى قلبك اتخنق من كتر الحرام لان الانسان جسم وروح ولما تسمعى الاغانى ولا تقعدى مع فلان فى

النادى انتى كده بترضى الجسم لكن الروح ملهاش غير غذاء واحد هو طاعه الله .. والله يا اختى صدقينى هتيجى بعد فتره

تحسى انك مخنوقه رغم ان هيبقى عندك شله تحفه وشاب طول النهار مغرقك بكلام الحب وعربيه الاغانى فيها على اعلى

صوت بس هتلاقى نفسك زهقتى .....



والله بنصحك ومن قلبى لانى خايفة عليكى ومش عاوزاكى تغلطى .....



اختى ابداى صح واعرفى انك بدخـولك الجامعه انتى قدام طريقين , وقدامك الخيار,,,,,,

لكن يا ترى هتبعدى .... يا ترى هتخلى اللى انتى عايزاه فوق اللى ربنا عايزه منك ,,,,,,


احنا بجد من غير عون ربنا لينا ولا حاجه نسوى ايه ؟؟؟؟؟ احنا اللى مش مالكين حتى انفاسنا ,

مش عارفين لو نمنا النهارده هنصحى تانى ولا مش هنصحى ؟؟!!!

مش عارفين لو خرجنا من بيتنا راجعين ولا مش راجعين ؟؟؟؟!!!!!!!


مبنلاقيش حد جنبنا فى اى ازمه غيره ولما بينجينا منها بننساه ؟؟؟؟؟؟؟!!!!!




ربنا خلقنا وعارف فين تكون راحه قلوبنا ... وعمرك لو لفيتى الكون علشان تلاقيها مش هتلاقيها فى معصيته بجد عمرك

ما هتحسيها ......... هتضحكى وهتمرحى وهتتفسحى لكن صدقينى وانتى مخنوقه ,,,,,, هتعيشى بجد فى وهم وفى الاخر

يطلع ولا حاجه .......



خدى بالك من نفسك عيشى حياتك وافرحى واعلمى كل الى نفسك فيه بس يبقى كله حلال فى الطريق اللى ربنا

رسمهولك ... ولما ربنا يرسملك حاجه يعنى عارفه انها مصلحتك لانه هو الرحيم بعباده ...........



وربنا يعينك ويثبتك وييسرلك ويعينك ......... اوعى تقطعى قلبك عنه مهما بعدتى

خليكى موصوله بيه حتى لو بتعصيه وادعيه يقدرك على نفسك ويقدرك على طاعته


كل يوم ...

قوليله يارب جتلك بقلبى ومنايا اوصلك .....انا يارب ضعيفه ولوحدى مقدرش ........ قوينى بيك وارفعنى ليك ......

ادعى وقولى يارب قلبى بايدك انت بس....... يارب صلحلى قلبى ........ يارب شيل حب الدنيا من قلبى .....

يارب املى قلبى بحبك يارب حببنى فى القرآن ......... يارب اهدينى لطريقك اللى آخره جنتك .....يارب.....يارب ........يارب

منقول للافاده

ربنا يهدينا جميعا يارب
;)
__________________

مريم السباعى.
08-12-2012, 04:57 PM
نصاااائح راااائعة بجد جزاك الله كل خير

bright stars
08-12-2012, 05:46 PM
يارب جتلك بقلبى ومنايا اوصلك .....انا يارب ضعيفه ولوحدى مقدرش ........ قوينى بيك وارفعنى ليك ......

يارب قلبى بايدك انت بس....... يارب صلحلى قلبى ........ يارب شيل حب الدنيا من قلبى .....

يارب املى قلبى بحبك يارب حببنى فى القرآن ......... يارب اهدينى لطريقك اللى آخره جنتك .....يارب.....يارب ........يارب

__________________



ياااااااااااااارب
ااااااااامين

جزاك الله كل خير بشمهندس حسن
بجد موضوع رائع

love ur life
08-12-2012, 07:48 PM
توبيك عظيــــــــم ..
جزيت خيراً

كيمو رشاش
08-12-2012, 09:22 PM
رغم إني لسى ف تانية ثانوي بس الموضوع فادني جامد ربنا يكرمك يآرب

حسن زيرو
09-12-2012, 09:49 AM
شكرا ليكم على المرور المتواضع

عاشق البلانكو الابيض
09-12-2012, 12:44 PM
مووضوع رائع
بس للاسف كل وحدة
عاوزة تعمل كل شئ نفسها فيه
تيجى تقولها كده غلط عيب
تقولك انا مش بعمل شئ غلط
وواثقة فى نفسى
جزاك الله خيرا

رونق الهدوء
12-12-2012, 10:17 AM
حلوه بجد

شكرا جزيلا

fire4tige
14-12-2012, 08:51 PM
مشكور على هذا الموضوع الجميل

2( ESRAA )
20-12-2012, 11:15 PM
موضوع في قمة الرووووووووعة
جزاك الله خيرا

yasoo alaa
21-12-2012, 10:08 AM
توبيك اكثر من راااااااااااااائع
ونصائح غاليه ورائعه
وطبعا اى بنت فى الدنيا مش ليها غير شرفها وكرمتها ولو ضاعوا يبقى كده هى ضاعت ياريت كل البنات تفهم كده وتعرف ان طريق ربنا هو الوحيد الصح وطالما ماشيه صح ربنا هيرضى عنك ويسيرلك الطريق الصح طريق الجنه وهتكونى مرتاحه دنيا واخره
نااااااااايس توبيك بشمهندس كريم
جزيت خيرا وجعله الله فى ميزان حسناتك

Mahmoud EL-serafy
21-12-2012, 10:52 AM
السلام عليكم و رحمة الله و بركاته

للأسف أخي أصبح هذا واقع شارعنا اليوم

و ربما اصبح من الثوابت التي تقوم بها أي فتاة عند دخولها الجامعة

فعندما تدخل أحدهم في الجامعة تفرح بأنها حصلت على حريتها و لا أدري ما العلاقة بين الحرية و بين المكياج و الصحوبية و هكذا ..........؟!!!


و ما يزيد أسفي أيضا ان بعض الآباء هم من يحثون بناتهم على هذا فتجد الأم تقول لبنتنها

" ظبطي نفسك بقى علشان تجيلك حاجة حلوة :bosyht9:"

نسأل الله ان يهدينا و يهديهم و يصلح أمورنا

جزاك الله خيرا على هذه اللفتة الطيبة