اا .. قالوا علينا بلطجية .. اا
(الثواااااااار)
.............
قالوا علينا بلطجية
واحنا يا ناس ثورتنا سلمية
يا مغنواتي غني
حكايات الثورجية

دا لكل ثورجي حكاية
فيها عبرة وفيها آية
ما تشوفها في القراية
وكتابتها مش عادية

هما اللي بيهاجمونا
هما اللي بيكفرونا
وقال يخافوا منا !!
وهما اللي بيظلمونا

شبعت من الآسية
الدم بقى مايه
ضاقت الدنيا عليا
أنا بلطجي ولا ضحية ؟!

قالوا علينا بلطجية
واحنا يا ناس ثورتنا سلمية
يا مغنواتي غني
حكايات الثورجية

هما اللي عذبوني
هما اللي سحلوني
قتلوا أخويا وفقعوا عيني
وعن ديني غربوني !!

أنا في الميدان ساكن
وقلبي بينزف ، لكن ..
حقي وحق أخويا
لازم يرجعلي لازم

دا لكل ثورجي حكاية
فيها عبرة وفيها آية
ما تشوفها في القراية
وكتابتها مش عادية
.........
بقلمي : رحييق
Dr: E
.....

يا مغنواتى غنى واحكى
تاريخ امه عظيمة بتبكى
واحنا شبابنا بعمره يضحى
من اجل بلده العظيمة الهنية

رائع يا رحيق
بجد كلام جميل جدا
من ابداع لاخر
مع تحياتى بلطجى وافتخر

أستاذة رحيق
بتفكرينا بمسلسل ذئاب الجبل
قالوا علينا ديابة
و احنا يا ناس غلابة
يا مغنواتي غني
حكايتنا ع الربابة

دا لكل ديب حكاية
ليها عبرة و أية
لا تشوفها في القراية
و لا عرفتها الكتابة

هما اللي بيظلمونا
هما اللي بتهمونا
و قال يخافوا منا
و هما اللي خوفونا

شبعان من الأسية
كيف دمي يبقى مية
ضاق الجبل عليا
أنا ديب و لا ضحية؟
ما ترد عليا يابا

هما اللى عذبوني
هما اللي شردوني
و كل ما الاقي روحي
عن روحي يغربوني

أنا في الغربة ساكن
و الجرح ف قلبي ماكن
ضاقت بيا الأماكن
حقي ضايع و لكن
بكرة يرجعلي يابا

دا لكل ديب حكاية
ليها عبرة و أية
لا تشوفها في القراية
و لا عرفتها الكتابة

قالوا علينا ديابة
و احنا يا ناس غلابة
يا مغنواتي غني
حكايتنا ع الربابة



ودا ردي على قصيدة حضرتك

مين إللي قال ديابة
مين إللي قال دي غابة
غير حبة بلطجية
فاكرينها يا ناس تكية
ملهاش أصل وكرامة

مين إللي قال سلمية
ثورة مش تمسلية
وبطلها حد قاعد ..
بيقتل في العدالة

مين إللي قال ديابة
دي حكاية وفيها حاجة
غمي يا عم عيني
أصلي شفت الحكاية

يا مصر يا بهية
يا أم عمة وطاقية
دمي على الأرض سال ..
في قصر الإتحادية

مين إللي قاد النار
مين إللي هد الدار
مين عـــ العرض داس
إلا شوية ديابة


تقبلي وافر وتقديري وإحترامي ،،،،

يا مغنواتى غنى واحكى
تاريخ امه عظيمة بتبكى
واحنا شبابنا بعمره يضحى
من اجل بلده العظيمة الهنية

رائع يا رحيق
بجد كلام جميل جدا
من ابداع لاخر
مع تحياتى بلطجى وافتخر

أخي منير أشكرك على مرورك فهو الأجمل
فعلا امة عظيمة وستظل عظيمة
غصب عن أي حد يريد تقسيمها
وهدها ..
مصر فوووووووق الجميع

ان كانت دي البلطجة في نظرهم
فالثورجية الأحرار الأشراف بلطجية بكل الفخر

تحياتي وتقديري

أ/ ضياء شكرا لمرورك

فعلا أنا كتبتها متأثرة بأغنية مسلسل ذئاب الجبل
وانتظرت حد يا خد باله من كدا ومن المعنى !
....
أشكر حضرتك على كلماتك
أيوة هي ثورة وسلمية وابطالها الشباب المصريين
اللي منهم أستشهد أو أصيب أو أشقائهم سيكملون المشواااااااار
إلى أن تحقق الثورة مطالبهاااااااااااااااا

بإذن الواحد الأحد
فمصر للجميع وليس لفصيل ما ولا حزب ما
ومعظم الشباب لا ينتمون لأي حزب
مسلمون مصريون مخلصون يشتاقون للحرية والاستقرار

تحياتي وتقديري

يا مصر يا بهية
يا أم عمة وطاقية
دمي على الأرض سال ..
في قصر الإتحادية

مين إللي قاد النار
مين إللي هد الدار
مين عـــ العرض داس
إلا شوية ديابة

من اللي اتهجم عليا
ما تردي يا مصر يا غالية
وقولي من الل جالي
بالحجارة وأسلحة نارية


اللي قادها اللي عذبوني
هما اللي سحلوني
هما اللي قتلوني
عند قصر الاتحادية

الدار عمرها ما تتهد
رغم الحزن ماله عد
والدمع سايل على الخد
فالأمل هنلاقيه في الغد

مصر فوق الجميع . وستنهض ستنهض ستنهض
وهذه فترة طبيعية لما بعد الثورة .. رغم صعوبتها
لكنها ستمر بإذن الواحد الأحد ....
الخير قاااااااااااااااااااادم

من اللي اتهجم عليا
ما تردي يا مصر يا غالية
وقولي من الل جالي
بالحجارة وأسلحة نارية


اللي قادها اللي عذبوني
هما اللي سحلوني
هما اللي قتلوني
عند قصر الاتحادية

الدار عمرها ما تتهد
رغم الحزن ماله عد
والدمع سايل على الخد
فالأمل هنلاقيه في الغد

مصر فوق الجميع . وستنهض ستنهض ستنهض
وهذه فترة طبيعية لما بعد الثورة .. رغم صعوبتها
لكنها ستمر بإذن الواحد الأحد ....
الخير قاااااااااااااااااااادم

مصر دائماً فوق الجميع دون النظر إلى أحزاب
مصر أرض الكنانة دون النظر إلى الحُقـــــــــاد
مصر بلد الأديان والسلام وقد روى أرضها الإيمان
مصر ستبقى رغم كيد الحاقدين الماكرين العملاء
أستاذة رحيق
مصر مرضت ولن تموت أبداً بإذن الله
لم ننضم لأي حزب مهما كانت أفكاره
فأفكارنا من المصدر ذاته وهو أرض الكنانة
لست متعصب إلا أمام الحق لأن الحق أحق أن يتبع
وبالحق أنزل القرآن وبشريعته رسول الله حكم
تبعه الصحابة التابعين ومن ثم تابعيهم حتى أتانا من فجر
مصر أفضل جنود الأرض وستظل في رباط كما قال رسول الله وذكر
فإذاً نصر الله قريباً للعدل حتى إن غاب الفجر
فالصبح يأتي لا محالة وسيقتل ظلام الليل الأحمق


خالص تحياتي لحضرتك ولوجهة نظرك
فدائم النقاش لا يفسد للود قضية
وكلمات حضرتك جميلة
فجميل أن تبدعي لنا بالفصحى وبالعامية
في إنتظار كل جديدك
خالص تحياتي وتقديري ،،،،

أنا كنت في اعتصامي
بقول رأيي واحامي
عن اعلان واستفتاء دستوري
اتهجموا علي
واخذوا خيامى
قتلوا اخويا وسحلوني
على بوابة القصر ربطوني
شوية منهم ضربوني

وشوية هتفوا الله اكبر
على ايه نفسي تفهموني
يمكن شارولهم يدبحوني
ما أنا كنت الضحية
وقالوا علينا بلطجية !!!!!!

أنا كنت في اعتصامي
بقول رأيي واحامي
عن اعلان واستفتاء دستوري
اتهجموا علي
واخذوا خيامى
قتلوا اخويا وسحلوني
على بوابة القصر ربطوني
شوية منهم ضربوني

وشوية هتفوا الله اكبر
على ايه نفسي تفهموني
يمكن شارولهم يدبحوني
ما أنا كنت الضحية
وقالوا علينا بلطجية !!!!!!




أعجبني ما قرأته لكِ
أعجبتني الكلمات وروحك الثائرة
سلمت يداكِ


مصر ثايرة

وانت لافف وسط دايرة

ما انت بترج الازازة

والطبيعى تشوفها فايرة

مصر فايقة غصب عنها

بنج اذا تقدر تبنج

نعمل ايه اذا دا اوانها؟؟

نقولله طب ياشعب هنج؟؟!


مصر تتمطع تقطع اي حبل

اللى جايين بالدوبارة طبيعى هبل

لو يناير كان اسد يلزمله شبل

صوت زئيره وهبشته فى القوة دوبل

الوطن ياساحبه بيلف التراك

السمك قطع بزعنفته الشباك

الطوفان اللى يقفله للهلاك

مش هتقدر لو هيبقى مين معاك

مش هتقدر الا لو ترشى الملايكة

لو يكون الغش له لألهنا سكة

لينا رب انتوا فى خلقه هاموش وفكه

قدرته تدك السما فوق راسكوا دكة

مش هتقعد الا لو يتصفى دمى

دم كل اللى سجد لله بجد

دا انت لسة بتقول يا هادى وبتسمى

وماشى تدهس فى الجنينة احلى ورد

اجمع الورد اللى هتحطه على قبرك

فهمه يا شعب انك انت خلاص نفد صبرك

قولت انا للكرسى اشرررب هو دا قدرك

الطوفان هيدوس على عشيرتك وعلى غفرك

لو نضيف من جوا كان يوم ربنا سترك

انما بتهتف بأسمه وماشى عكس ماهو أمرك


راقت لي إيضاَ هذه الكلمات
كما راقت لي كلماتك

أشكرك على مرورك الكريم

وأعتذر عن التأخر في الرد

..
وأحييك على اختيار لقصيدة "مصر ثايرة" للشاعرة المبدعة "نور عبد الله"
...
تحياتي وتقديري
..