بالله عليكو لتساعدوني [الأرشيف] - بوابة الثانوية العامة المصرية

مشاهدة النسخة كاملة : بالله عليكو لتساعدوني

yaso ali

13-12-2012, 11:49 AM

Yes We Can

13-12-2012, 12:01 PM

السلام عليكم ورحمه الله وبركاته
ازيك يا احلي اعضاء؟اتمني انكو تكوني بخير
انا محتاجه لمساعدتكو يا جماعه والله
انا ف 3 ثانوي دلوقتي وضايعه بمعني الكلمه عمر ما حصلي كده من اول السنه مش بفتح كتاب ومش ليا مزاج افتح اي كتاب كل اما اجي اذاكر اقعد واقلب ف الكتاب وبعدين اقفله واقوم تعبت والله ونفسي اذاكر واعمل جدول وامشي عليه بس مش عارفه
الفيزيا مش فتحتها من اول السنه وضايعه فيها خالص وكل دا علشان فاتني حاجات ف الاول ومن عارفه اذاكر خالص وكل المواد مش فتحتها والله
انا معايا مواد عربي وفيزيا وفلسفه وانجلش ورياضه
وانا نفسي ادخل هندسه والله بس مش عارفه اذاكر او بمعني اصح مش عارفه انا مالي كده
انا عاوزه ابدا من دلوقتي واذاكر واخلص المنهج كام مره واراجع وابقي زي زي اللي بيذاكر من اول السنه وانظم وقتي واجاوب ع اي سؤال واحل وبردو مش اكون مضغوطه اوي
تفتكرو يا جماعه ممكن اقدر اني اذاكر من دلوقتي والحق اراجع وادخل هندسه
انا دروسي
يوم السبت رياضه الساعه 2 وفيزيا الساعه 4
يوم الاحد فيزيا الساعه 11 وعربي الساعه 1 وانجلش الساعه 5
يوم الاتنين فلسفه الساعه 7
يوم الثلاثاء فيزيا الساعه 4
يوم الاربعاء عربي الساعه 7 ورياضه الساعه 1 وانجلش الساعه 5
يوم الخميس فلسفه الساعه 7
يوم الجمعه فيزيا الساعه 7 وعربي الساعه 10 ورياضه الساعه 2 وانجلش الساعه 5
انا باجي تعبانه من الدروس وبنام او بذاكر حاجه بسيطه وخلاص
ع هذا الحال من اول السنه مع اني كنت داخله اول السنه وعندي هدف اني ادخل هندسه وكده بذاكر لما جيت ف الفيزيا وفاتني كتير اتعقدت وقولت خلاص بس بجد انا مستعده اعمل اي حاجه علشان ادخل هندسه
لو سمحتو ساعدوني واي حد يدخل يقولي جدول امشي عليه بحيث اني اخلص اللي فاتني دا كله ف شهر او حاجه علشان الحق اراجع واحل امتحانات والم المواد بقي
بالله عليكو لتردو عليا لما اتدخلو وقولولي ايه الكتب اللي اشتغل منها ف المواد
يعني الفيزيا دي مش بعرف اذاكرها منين معايا المثالي بس باجي اذاكر من بفهم حاجه من كلامه كلامه ملخبط ومش بعرف اذاكر منه خالص فيه ناس بتقولي المعلم حلو اوي وانا روحت اجيبه لقيته مش موجود خالص وبعد انا ضايعه عاوزه كتاب اذاكر منه
كل اما اجي اذاكر من الكتاب الاقي كلام غير اللي المدرس بيقولو اقوم اقفله ومش عارفه والله اعمل ايه
بلاقيه مكتر كلام ف الفاضي وبجد انا تعبانه اوي من اللي انا فيه دا
بالله عليكو لتساعدوني انا مخنوقه اوي بسبب الموضوع دا
مع اني لا بقعد ع النت خالص ولا التليفزيون وبردو مش عارفه اذاكر عرفت الموقع دا بالصدفه
قولت اقولكم مشكلتي اكيد هتساعدوني
وعاوزه اعرف بردو اذاكر المواد ازاي
يعني العربي دا بنام اما اجي اذاكره
يعني طريقه ازاي اذاكر والفيزيا بتلخبط ف الاثباتات والتعريفات مش بعرف احفظ خالص
بالله عليكو لتساعدوني

معلهش انا اسفه اني طولت عليكو بس انا مخنوقه اوي وقولت مفيش حد غيركم هيساعدني

ياريت تردو عليا

اولا : لا تطولى و لا حاجه احنا هنا كلنا اخواتكـ
ثانيـا هاقتبس من جدولك و لونته باللون الاحمـر عشان تركزى معايا
نمسك السبت : عندك دروس نقول من 2 ألى 6
طيب و بتقولى بترجعى تعبانى
اوك .. يبقى اول ماترجعى تذاكرى الهتسمعيه اليوم البعد كده و تنامى
يعنى خلاصه الكلام ان بعد ماقريت جدولك انتى عندك الظهر و بليل دروس
خلى اليوم العندك الظهر دروس تخلى بليل مذاكره مواد اليوم البعده
و اليوم الفيه دروس بليل يبقى ذاكرى الظهر دروس اليوم البعده
و الصبح عندك فاضى خاااااااااالص طول الايام
استغلى ده بقى
اصحى الصبح بدرى هتلاقى نفسك كسلانه ف الاول . مش مشكله كلنا كده
و بعد كده تشربى شاى او نسكافيه و تفطرى كويس
و تروحى ع الكتاب و تنظمى يومك و تبدأى هتلاقى الوقت مشجع للمذاكره
اهم شىء يكون عندك اراده انك تخلصى الوحده دى مثلا النهارده
و بارادتك هتخلصيها و بعدين احلى وقت لحل المسائل بيكون الصبح ف الروقان
يعنى استغلى المواد العلميه الصبح بدرى العقل بيكون صااااااااافى جدا و هيساعدك
جربى النظام ده ... هتتعبى ف الاول بس النظام ده اغلب الناس ماشين عليه
اولا و اخيـرا اطلبى من ربنـا يديكـى المعونه و القدره و الامل
و حددى هدفك عشان تسعى اليه و خليه زى عربيه بتمشى و انتى بتجرى وراها لحد ماتركبيها
هو ده هدفك عشان تحققيقه
ربنـا يوفقكـ ... :)

yaso ali

13-12-2012, 01:59 PM

اولا : لا تطولى و لا حاجه احنا هنا كلنا اخواتكـ
ثانيـا هاقتبس من جدولك و لونته باللون الاحمـر عشان تركزى معايا
نمسك السبت : عندك دروس نقول من 2 ألى 6
طيب و بتقولى بترجعى تعبانى
اوك .. يبقى اول ماترجعى تذاكرى الهتسمعيه اليوم البعد كده و تنامى
يعنى خلاصه الكلام ان بعد ماقريت جدولك انتى عندك الظهر و بليل دروس
خلى اليوم العندك الظهر دروس تخلى بليل مذاكره مواد اليوم البعده
و اليوم الفيه دروس بليل يبقى ذاكرى الظهر دروس اليوم البعده
و الصبح عندك فاضى خاااااااااالص طول الايام
استغلى ده بقى
اصحى الصبح بدرى هتلاقى نفسك كسلانه ف الاول . مش مشكله كلنا كده
و بعد كده تشربى شاى او نسكافيه و تفطرى كويس
و تروحى ع الكتاب و تنظمى يومك و تبدأى هتلاقى الوقت مشجع للمذاكره
اهم شىء يكون عندك اراده انك تخلصى الوحده دى مثلا النهارده
و بارادتك هتخلصيها و بعدين احلى وقت لحل المسائل بيكون الصبح ف الروقان
يعنى استغلى المواد العلميه الصبح بدرى العقل بيكون صااااااااافى جدا و هيساعدك
جربى النظام ده ... هتتعبى ف الاول بس النظام ده اغلب الناس ماشين عليه
اولا و اخيـرا اطلبى من ربنـا يديكـى المعونه و القدره و الامل
و حددى هدفك عشان تسعى اليه و خليه زى عربيه بتمشى و انتى بتجرى وراها لحد ماتركبيها
هو ده هدفك عشان تحققيقه
ربنـا يوفقكـ ... :)

شكرا كتير لمروك الجميل ولاهتمامك بالموضوع
بس انا مش بحب اذاكر الظهر ببقي مكسله ومش عاوزه اذاكر انا اه ممكن اعرف اذاكر ف اليوم المواد اللي عليا بعدها بس انا بقول بقي ع اللي فاتني دا اعمل فيه ايه؟

Yes We Can

13-12-2012, 10:37 PM

شكرا كتير لمروك الجميل ولاهتمامك بالموضوع
بس انا مش بحب اذاكر الظهر ببقي مكسله ومش عاوزه اذاكر انا اه ممكن اعرف اذاكر ف اليوم المواد اللي عليا بعدها بس انا بقول بقي ع اللي فاتني دا اعمل فيه ايه؟

الفاتك ده هتحطيـه مع الجديد بتاعك
بمعنـى هذاكر النهارده درسين قراءه جداد
هزود عليهم واحد من القديم
هيكون تعب عليكى انا عارف
بس بعد كده هتنبسطى من نفسك اوووووووى
و بعد كده لما تزاكرى هتحسى براحه ان مفيش حاجه وراكى
و هتحسى ان لسه باب الامـل قدامك مفتووووووووووح :d

yaso ali

14-12-2012, 04:15 PM

ايه يا جماعه دا محدش معبرني ليه
انا بجد محتاجه ليكو اوي اي حد فيكو عنده خبره يقوللي
انا مكنتش اعرف انكم كده خالص
بتعملو كده ليه مش عارفه

Ahmed-Dragon

14-12-2012, 05:53 PM

بالنسبه لمشكلة الفيزياء

ده شرح الفيزياء من الفصل الاول الي الفصل الثاني عشر

http://www.youtube.com/playlist?list=UUBigvp5k9HxrItsh9YCOgIA&feature=plcp

وده بردو شرج للفيزياء من الفصل الاول للفصل الرابع عشر

http://www.skoool.com.eg/Default.aspx?tabid=135

شوفيه وان شاء الله هيفيدك

بالتوفيق

مرام احمد

14-12-2012, 07:40 PM

السلام عليكم
بصي ياستي اولا لسة الوقت بدري تقدري تلمي اللي فاتك وتراجعي كمان قدامك حوالي 6 شهور بس اهم حاجة عندي اوعي تتوتري ولا تدايقي خالص لان التوتر ده بيبوظ كل حاجة تمام اتوكلي كدة علي ربك وانطلقي بالنسبة لجدول المذاكرة انا افضل انك تقعدي كدة مع نفسك وتنظمي لانك اكتر واحدة عارفة ايه الانسب ليكي بالنسبة للكتب والمواد في الفيزياء انا جربت تقريبا كل الكتب وهقولك خلاصة تجاربي ههههههه الامتحان اسئلة لازم يكون معاكي هو اهم كتاب في الفيزياء والماسي امتحانات ده فيه 70 امتحان المثالي مش حلو ومالوش لازمة والوسام مش مهم الا للي عايز يزود بس بردو يعتبر مالهوش لازمة تمام بالنسبة للرياضة طبعا المعاصر والفلسفة اشتري فيها كتاب امتحانات بس والعربي الامتحان اسئلة والانجليزي surprise شرح وsenior مراجعة وthe best مراجعة بس اي حاجة تاني مالهاش لازمة
وربنا يوفقك :)

fire4tige

14-12-2012, 08:33 PM

مشكور على هذا الموضوع الجميل

yaso ali

14-12-2012, 09:09 PM

شكرا لمروك الجميل
منوره الموضوه يا قمر
يعني المعلم وحش اصل كل واحد يقولي ع كتاب وانا بجد احترت خالص ومش عارفه بجد ايه الحلو وايه الوحش
طيب المثالي لاء طيب اجيب كتاب ايه للشرح للفيزيا اذاكر منه؟؟؟؟؟؟

yaso ali

14-12-2012, 09:23 PM

ايه يا جماعه مفيش اي اهتمام خالص من اي حد
طبعا بشكر الناس اللي ردو عليا وممنونه ليهم كتير لانهم بجد افادوني
ربنا يخليكم ليا يارب
بس يا جماعه مفيش اي اهتمام من الباقي خالص 135 مشاهده ومفيش مشاركات ليه بس

د/نداء الجنة المصرية

14-12-2012, 11:07 PM

اهدى بس وماتتوتريش اكتر من المطلوب ذاكرى على اد ماتقدرى وحاولى تعوضى اللى فاتك الوقت لسه قدامك كتير وان شاء الله تقدرى تنجزى وربنا معاكى يارب

yaso ali

15-12-2012, 10:27 AM

طيب اجيب اللي فاتني ازاي يعني
يعني ازاكر الجديد ومعاه اذاكر القديم ولا ايه
حد يفهمني يا جماعه

مرام احمد

15-12-2012, 11:44 AM

المعلم انا بصراحة ماجربتهوش
واه اعملي القديم مع الجديد

yaso ali

16-12-2012, 08:47 PM

حرام عليكو محدش يبخل عليا انا محتجالكم بجد والله

Yes We Can

16-12-2012, 11:56 PM

حرام عليكو محدش يبخل عليا انا محتجالكم بجد والله

احنا قولنا الهنقدر نقوله
اهم شىء عندك الاراده
و التنفيذ
لان الشكوى مش هيعملك حاجه
حاولى هتفشلى .. حاولى هتفشلى .. حاولى هتنجحـى :)
اهم شىء انك تحاولى و يكون عندك اراده و هدف

yaso ali

17-12-2012, 09:57 AM

ماشي وانا من هنكر وقفتكم معايا بس انا قصدي ان انا محتاجه لحد ف كليه دلوقتي وعنده خبره يقولي ع الكتب وكان بيعمل ايه؟؟؟وكده يعني

Yes We Can

17-12-2012, 10:01 AM

ماشي وانا من هنكر وقفتكم معايا بس انا قصدي ان انا محتاجه لحد ف كليه دلوقتي وعنده خبره يقولي ع الكتب وكان بيعمل ايه؟؟؟وكده يعني

مش حكايه انكـار
احنا مش بتوع الكلام ده
قولى انتى عاوزه كتب فـ مواد ايه و احنا نقولك :)

yaso ali

17-12-2012, 05:24 PM

طيب ما انا قولت ف الموضوع ف الاول خالص
عاوزه اعرف اذاكر فيزيا من كتاب شرح ايه
واحل من ايه ؟؟؟؟