مصر ما بين
الحرب الاهلية
ومابين الدستور
ولذلك قول نعم
على طول
لان غير كدا الحرب
ما بينا هاتطول
والبلد هاتتقسم
وساعتها يبقى صدق القول
والبشاير بدءت
وأنا مش مسئول
ومن رابع المستحيلات
أن يحصل عندنا أتفاق
فى يوم من الايام
على حاجة أسمها دستور
ولو حتى الملايكة بنفسها
نزلت من السما
وهى اللى كتبت الدستور
كل واحد واقف للتانى
زى اللقمة اللى فى الزور
وصدقونى الموضوع
مش موضوع دستور
كل حزب بما لديهم فرحون
والفلوس والمصلحة بتلعب دور
وكل واحد بيتكلم بلسان البلد
ومحروق أبو البلد
و كل واحد فيها
مفكر نفسه هو البلد وعايش الدور
وكأن الشعب دا طنبور
واللى هاينطق هاينضرب بالسطور
أه يا بلد كل همى فيكى
أنى أعيش مسطور
أنا عايز أعرف أية فايدة الدستور
لو الضمير معدوم
المهم العجلة تدور

الشاعر
عبد الحميد بدوى