فى الامتحان مشهور اوى سؤال تعرف على العينات اللى امامك

او سؤال اختار من بين الاقواس لمجموعة من الصخور


وعلشان تضمنوا انكم متغلطوش فى نوع الصخر من حيث لونه او نسيجة هى دى النقاط الاساية وان شاء الله تكون مفيدة


1- لو قال ان الصخر قاعدى ده معناه

ا) ان لونه اسود

ب) نسبة السيلكا فيه اقل من 50%

ج) بيدخل فيه الاولوفين او البيروكسين


والعكس طبعا لو كنا قلنا انه حامضى


2- لو قال ان واضح التبلر ده معناه


ا) انه خشن

ب) فى باطن الارض

ج) اتكون فى المراحل الاخيرة

د) تبريده بطئ


والعكس طبعا لو كنا قلنا انه زجاجى


امثلة مثلا :


1- صخر نارى حامضى واضح التبلر يكون ( جرانيت )

اول حاجة تفكروا فيها
تاخدوا خط تحت كلمة واضح وتقوا يبقى خشن

وخط تحت كلمه حامضى وتقوله يبقى لونه فاتح

وتفكروا مين اللى فاتح وفى نفس الوقت خشن .......... وهكذا


2- باقى الاسئلة هستنى اجابتكم انتوا عليها وان شاء الله يكون كلها صح


صخر غامق اللون دقيق التبلر

صخر قاعدى نسيجة خشن

صخر تكون فى المراحل الاولى ولونه فاتح

صخر يتميز بنسيج فقاعى

صخر غامق اللون نسبك اليلكا فيه اقل من 50%



مدرسة احياء وجيولوجيا

شكرا علي المجهود

وتقسيمات مهمة فعلا

اشكرك د/ امجد


ربنا يبارك فيك

ممكن أضيف حاجة صغيرة لأبنائنا الطلاب

لو ذكر في الامتحان " أوليفين " معني ذلك أن الصخر إما بازلت أو جابرو
وبالرجوع للنسيج كما ذكرت ميس / سهيلة نقدر نعرفهم من بعض لأن البازلت زجاجي ـ دقيق التبلور بينما الجابرو خشن التبلور

مثال : صخر ناري خشن التبلور غني بالأوليفين والبيروكسين ,,,,,,, الجابرو
صخر ناري دقيق التبلور غني بالأوليفين والبيروكسين ,,,,,,,,,,, البازلت

اضافة قيمة يا د/ امجد


ربنا يبارك فيك يارب

فى سؤال أعطيت عينة يجب على الطالب أن يترجم المواصفات الخاصة بالصخر للتعرف عليه مثال:
عينة خشنة التبلر أو بلوراتها كبيرة ترى بالعين المجردة أو بلوراتها كبيرة الحجم قليلة العدد كل ذلك يعنى أن الصخر نسيجه خشن أى أن الصخر جوفى
عينة دقيقة التبلر أو بلوراتها صغيرة جدا لا ترى بالعين المجردة كل ذلك يعنى أن الصخر نسيجه زجاجى عديم التبلر أى أن الصخر بركانى
عينة لونها فاتح وردى أى أن الصخر حامضى
عينة لونها أسود غامق أى أن الصخر قاعدى
صخر جوفى حامضى - الجرانيت
صخر جوفى قاعدى - الجابرو
صخر بركانى حامضى - الرايوليت
صخر بركانى قاعدى - البازلت
عينة نسيجها فقاعى
صخر بركانى حامضى - الحجر الخفاف
عينة بيضاء بها بقايا حفريات وشعاب مرجانية
صخور رسوبية عضوية - حجر جيرى غنى بالحفريات
عينة بيضاء ذات مذاق ملحى
صخور رسوبية كيميائية - الهاليت (ملح الطعام)

أعرفكم بنفسى
ا/ زكريا حجاب مدرس جيولوجيا وأن تحت أمر أولادى الطلبة فى أى إستفسار عن أى سؤال فى المنهج

بجد ياجماعة والله انقذتونى انا اصلى لايصة فى الصخور