انا معروض عليا السفر لعمان 250ريال عمان والسكن والتامين عليهم واستقدام وكذلك اجازة شهر وتذاكر السفر عليهم ذهاب وعودة وتكاليف التاشيرة 8500 جنيه والمدرسة حكومة فى مدينة صلالة وانا متعين حديث وليس متعاقد ارجو النصيحة بحلوها ومرها وانا تخصص رياضيات

السلام عليكم علشان مطولش عليك لو عاوز تهين كرامتك وادميتك سافر انا فى السعوديه وراتبى 2000 ريال وفيه دروس بس المدرسه بتاخد نصفها اجبارى ولو خبيت عليهم يمشوك وهنا بيشغلو المدرسين جواسيس على بعض وعموما لو انت متزوج لو زوجتك موش هتسافر معاك يبقى خليك عندك احسن الغربه صعبه جدا على المتزوج ووهناالطلبه منتهى الغباء وقله الادب ممكن يشتمك ويقولك جايبك بفلوسى اما لو كنت مسافر حكومه تاكد الاول لو اختبار فى السفاره ومقابله روح جرب حظك لكن لو قالك ادفع 18 الف جنيه وهاعطيك اختبار السفاره يبقى نصب ده حصل معايا السنه الماضيه وولاد الحلال نصحونى والحمدلله نار مصر ولا فلوس العرب

انا ايضا اخصائى اجتماعى تعيين جديد وقد وقع على الاختيار بعد اجراء المقابلة عن طريق مكتب الحاق عمالة للسفر الى السعودية للعمل كمرشد طلاب فى احدى المدارس الاهلية هناك براتب 4000 ريال سعودى والسكن والاقامة على حسابى وكذلك تذكرة السفر فى المرة الاولى وعندما قرات العقد رايت شروط غريبة جميعها تاتى فى مصلحة المدرسة منها فترة تجربة 3 شهور -العقد غير محدد المدة بمعنى انه فى اى وقت يمكن ان يستغنى عنى .. وسالت بعض المقربين منى فقالوا لىى انها مجرد شروط عادية فى اى عقد والان اسير فى اجراءات السفر ودفعت عمولة المكتب وهى 4200 جنيه وسيتم خصم 3000 ج على 10 شهور بمعدل 300 ج كل شهر لصالح المكتب فما رايكم فى هذا العقد استمر واجرب علما بانى متزوج ولدى اولاد .. اسف جدا ع الاطالة

اسمع اخوى افضل بلد عربى على الاطلاق هى عمان ثم البحرين الشعب بتاعها طيب جدا جدا تحس انك صاحب البلد مش هم بس الراتب اخوى ضعيف جدا جدا يعنى لوماسك على بطنك هتكون مصاريفك 40 ريال يحساب المية والكهربا والاتصالات اللى طبعا هتكون اغلبها نت فكر وقرر وشوف دخلك فى مصر كام وفى عمان كام وشوف هتستاهل ولا لاه ( الريال العمانى 15,75 قرش مصرى ) احسبها وشوف

كل البلاد العربية تحتقر المصريين وكأنهم عبيد

ممكن تعرفنا بيانات الشركة

اسمع كلام اهل الخبرة و ربنا يسهل

اخر مسابقة حكومية كانت فى شهر اغسطس الماضى يبقى ازاى جتلك الوظيفة دى ولو المدرسة خاصة يبقى مالهش طلب