دار الزمان ودار
والزند بقى المتحدث الرسمى
بأسم الثورة والثوار
الزند بقى بطل قومى ومغوار
وبقى أسد من أسود العدالة
وكلمة حق وشمس النهار
أفرحوا وغنوا يا جدعان
وفعلا كل وقت وله أذان

سبحان مغير الاحوال
كنت فين يا زند
أيام سيدك مبارك وسيدك جمال
الله يرحمك يا سوزان
كنت فين يا زند
لما كانت مصر سجن
ومبارك سجان
كنا نفسنا نسمع صوتك
أيام الظلم والطغيان
كنت فين
يا فارس الفرسان
أفرحوا وغنوا يا جدعان
وفعلا كل وقت وله أذان

دلوقتى صوتك بقى عالى
وأسمك على كل لسان
وبتشتم فى مرسى وتلعن فى الاخوان

أقولك كلمة تحطها حلقة فى ودنك
أوعى تصدق نفسك
ولا تصدق الاعلام
مصر كلها عارفة انك منافق وجبان
الشاعر
عبد الحميد بدوى