http://www.m-yala.com/up/uploads/yala1355153602481.png

راجعلك تانى حبيبتى
وانا مشتاق للقاكى

راجعلك تانى وبحلم
اعيش واموت جواكى

ده عشقك ساكن فيا
وكل ما فيا بيهواكى

وبشكر رب الكون
انه بجمال سواكى


يا بلدى بعشق ارضك
وترابك اهلك ناسك

ده انا كل ما ببعد عنك
يوحشنى اوى احساسك

احساس الام وهيه
بتحضن ابنها بحنان

احساسها وهيه عنيها
عليه فكل مكان

احساسها بحسرة وضيقه
لما ابنها يتهان

ويهجر بيته وناسه
ويهرب مالمكان


لكن يرجعلها تانى
عاشق مشتاق ولهان

عمره محس بيأس
ولا عمره كان جبان

ولا عمرة عليها كان جاحد
ولا كان فيوم خوان

ده عاشق كل ما فيكى
بالفرحه بالاحزان

يا بلدى ابنك مصرى
ملهوش غيرك مكان



راجعلك تانى حبيبتى
وانا مشتاق للقاكى

راجعلك تانى وبحلم
اعيش واموت جواكى

ده عشقك ساكن فيا
وكل ما فيا بيهواكى

وبشكر رب الكون
انه بجمال سواكى

بـ ق ـ ل ـ م ـ ى ::: نـــــــــــور

كلمات صادقة وجميلة فى حب مصر

جزاك الله خيرا

رائعة الأحاسيس واللغة والكلمات
شعورك الوطنى جميل وراق
وإبداعك فيه لا يقل روعة عن إبداعاتك العاطفية
دمت مبدعا وحفظ الله مصر

بجد روعه جداً جداً
أجمل حاجه حسيتها في كلماتك
انك بتتعامل مع مصر على انها
انسان قدامك
حسيت في بدايه الخاطرة بتاعتك
انك بتكلم حبيبتك
روعه احساسك وحبك للوطن
لا يقل عن حبك لحبيبتك
التي طالما تحدثت عنها داخل قصائدك
بجد تسلم ايدك
بارك الله فيك

كلمات اكثر من راااااااائعه ومعبره
تسلم الايادى

كل اخوتى واخواتى الذين مروا على كلماتى البسيطه
مشكورين على مروركم الجميل
وكل عام وانتم بكل الخير