يا ناس بقى عندنا دستور
ياترى الوضع هايتغير
ياترى بلدنا هاتصنع وتنتج وتزرع
ويبقى لها دور
ولا هانفضلوا زى
ماحنا
عايشين فى القبور

ياترى العتمة هاتبقى نور
ياترى العجلة صحيح هاتدور
مع أن عجلتى ضيعة
من سنة وست شهور
بس مش مشكلة كله يهون
المهم بقى عندنا دستور

خايف يجى اليوم اللى نقولوا فيه
اللى خدته القرعة هاتخده
أم الشعور
وملعون ابو الدستور
و كله كلام مسحور
بقى عندنا ياناس دستور

يا فرحتى بكلام مكتوب
وكل حاجة عندنا
لحد الان بالمقلوب
أنا عايز أعرف أية الفايدة
من الدستور
وكل بنى ادم عندنا
على أمره مغلوب
يارب وحد الصفوف القلوب
وتعالوا كلنا نرجعوا لربنا ونتوب

الشاعر
عبد الحميد بدوى