مشاهدة النسخة كاملة : التنمية البشرية والامتحانات
فريق برمج حياتك 26-12-2012, 03:23 PM التنمية البشرية والامتحانات
الجزء الاول
زي ما اتعودنا في موقع فريق برمج حياتك , اننا بنربط التنمية البشرية بكل جوانب الحياة , ونقدمها في صورة برامج واستراتيجيات عقلية , بطريقة سهلة ومبسطة , وباستخدام الروابط الذهنية المختلفة علشان المعلومات تكون بسيطة وسهلة وصعب نسيانها , ومن اهم الموضوعات اللي تهمنا كلنا , هو دور التنمية البشرية في الامتحانات , وازاي نواجه الامتحان ونجمع اكبر الدرجات , وازاي نتمتع بروح هادية ونتغلب علي الخوف والتوتر اثناء فترة الامتحانات .
الموضوع الاصلي : التنمية البشرية والامتحانات
المصدر : موقع فريق برمج حياتك
فريق برمج حياتك 26-12-2012, 03:25 PM اصلي لسه مذاكرتش
كتير اوي من الشباب بيشتكي في فترة الامتحان من ضيق الوقت , وانه فعلا شايف ان الوقت اصبح غير كافي لاتمام دراسة ومراجعة المواد المختلفة , والاصعب من كدة انه دايما بيشوف وقت الامتحان بيقرب اكتر واكتر في حين انه بيحس وكأنه لسه مش عارف ولا كلمة واحدة في المنهج , وهنا بيدء التوتر ياخد دوره , وبيشغتل بأقصي طاقة , لدرجة ان بعض الشباب ممكن يقول خلاص .. مش داخل الامتحان .
الموضوع الاصلي : التنمية البشرية والامتحانات
المصدر : موقع فريق برمج حياتك
فريق برمج حياتك 26-12-2012, 03:27 PM هي مشكلة وقت , ولا منهج , ولا الاتنين
لو حاولنا نعرف مشكلة التوتر ايام الامتحانات سببها ضيق الوقت , ولا صعوبة المناهج الدراسة وكبر حجمها , ولا الاتنين مع بعض و هنلاقي انه تقريبا الكل بيقول انهم الاتنين مع بعض , وهنا لازم نكون كلنا عارفين ايه هو مفهوم الوقت في التنمية البشرية , هل الوقت هو عدد الساعات , ولا عدد الاعمال اللي المفروض تنتهي خلال الساعات ؟ دالواقتي بمنتهي البساطة لازم تكون خطوتك انك تعمل لنفسك جدول انشطة زمني , بمعني انك تحدد فترات اليوم من اول ما تصحي لاغاية ما تنام , وترتب مواعيد المذاكرة والمراجعة بالطريقة المناسبة ليك , مش انك ترهق نفسك وتذاكر في اوقات صعب عليك التحصيل الدراسي فيها , والقاعدة الاساسية اللي لازم تتبعها في الوقت ده , هو ان مافيش حاجة صعبة , والوقت دايما متاح حتي لو اخر لحظة قبل الامتحان .
الموضوع الاصلي : التنمية البشرية والامتحات
المصدر : موقع فريق برمج حياتك
فريق برمج حياتك 26-12-2012, 03:28 PM ضغوط نفسية , في معركة مصيرية
السبب الاساسي للتوتر اثناء فترة الامتحان , هي ادراكنا لان نتيجة الامتحان بالضبط هي مستقبلنا , وفي حين ما الفروض اننا نجيب اعلي الدرجات , بنلاقي نفسنا لسه مخلصناش مذاكرة , وكمان مش عارفين نخلص , وجايز ولا حتي نبدأ , والاصعب لو مذاكرين وكله تمام , بس كل المعلومات متلخبطة , دالواقتي , ليه لما بنتابع الاخبار , او المباريات الرياضية او غيرها بنكون فاكرين المواعيد , ومركزين جدا, الموضوع ببساطة ان اثناء فترة الامتحان بنربط المذاكرة بالخوف والتوتر والقلق والوقت , لكن لو بدلنا الروابط الذهنية دي , هنقدر نذاكر ونجيب اعلي الدرجات بدون اي مجهود او ضغط نفسي .
الموضوع الاصلي : التنمية البشرية والامتحانات
المصدر : موقع فريق برمج حياتك
فريق برمج حياتك 26-12-2012, 03:30 PM نصايح تنموية .. وروابط ذهنية
حتي لو لسة مش عارف اي حاجة في المنهج ومفيش قدامك اي وقت .. اوعي تيأس , واعرف ان اكتر وقت الطالب بيكون مركز فيه وعنده قوة ذاكرة خارقة , هي قبل الامتحان مباشرة
فعلا الدرجات في النتيجة هتفرق معانا قوي في حياتنا .. بس لو ركزت ع الدرجة ونسيت نفسك , ممكن ما تجيبش ولا درجة , خد الامور ببساطة وتوكل علي الله
ابعد اي اربط ذهني سلبي بالامتحانات .. واربط الامتحانات بكل الروابط الايجابية السعيدة في حياتك
ذاكر كويس , اتغذي كويس , نام كويس , ادعي ربنا من قلبك .. هتقدر بجد تستفيد من التنمية البشرية في الامتحانات .
الموضوع الاصلي : التنمية البشرية والامتحانات
المصدر : موقع فريق برمج حياتك
tamer tiko 22-01-2013, 09:10 PM جزاك الله كل خير
|