الغاء طابور الصباح من حقوق الطلاب

الدول المتقدمة تقريبا لغت طابور الصباح
طابور الصباح نظام عسكري ، طيب هو الطفل الصغير بندخله في نظا م عسكري ليه ، علي اساس انه داخل حرب مثلا

حفلة تعذيب جماعي للأطفال ، حفلة تعذيب بتستمر 12 سنة او 14 سنة بحد ادني


اذا كان طابور الصباح ده للعساكر اصلا مش واجب و برضو تعذيب فما بالنا بالاطفال بس ده مش موضوعنا


الوزارة مش عارفة ان الطفل اللي عنده 6 سنين مش فاهم كل التذنيب اللي بيتذنبه ده كله ليه


ابن خالتي اللي عنده 8 سنين راح المدرسة و رجع و هو لابس الشوز اليمين مكان الشمال ، الطفل الصغير بيبقي محتاج حد يساعده عند قضاء حاجته



يبدأ اليوم الصراخ و الصوت العالي فهذا من يصرخ في الاطفال ليتحركوا يمينا و يسارا ، و هذا من يصرخ بالاذاعة المدرسة و هي عيارة عن بضع كلمات مسروقة من نشرات الاخبار ، و هذا من يمر علي الطلاب ليراجع زيهم و نظافتهم ليتعرض الطالب المسكين للتجريس علي الملأ



المدرسة تنهر الطالبة التي تضع الكحل و المدرسة وجهها ملطخ بمساحيق التجميل ، المدرس ينهر الطالب الذي لا يلتزم بالزي و هو يلبس ما يشاء


ماذا لو جربنا طابور الصباح لكن بنظام عكسي لمدة يوم واحد يصطف المدرسين و المدرسات في طابور و يقوم الطلاب بادراة الطابور


لماذا لا نضع نفسنا مكان الطلاب


لماذا يذهب الوزير و ادارته مباشرة الي مكاتبهم و لماذ يتعذب الاطفال في الطابور

الغاء طابور الصباح من حقوق الطلاب

الدول المتقدمة تقريبا لغت طابور الصباح
طابور الصباح نظام عسكري ، طيب هو الطفل الصغير بندخله في نظا م عسكري ليه ، علي اساس انه داخل حرب مثلا

حفلة تعذيب جماعي للأطفال ، حفلة تعذيب بتستمر 12 سنة او 14 سنة بحد ادني


اذا كان طابور الصباح ده للعساكر اصلا مش واجب و برضو تعذيب فما بالنا بالاطفال بس ده مش موضوعنا


الوزارة مش عارفة ان الطفل اللي عنده 6 سنين مش فاهم كل التذنيب اللي بيتذنبه ده كله ليه

ابن خالتي اللي عنده 8 سنين راح المدرسة و رجع و هو لابس الشوز اليمين مكان الشمال ، الطفل الصغير بيبقي محتاج حد يساعده عند قضاء حاجته



يبدأ اليوم الصراخ و الصوت العالي فهذا من يصرخ في الاطفال ليتحركوا يمينا و يسارا ، و هذا من يصرخ بالاذاعة المدرسة و هي عيارة عن بضع كلمات مسروقة من نشرات الاخبار ، و هذا من يمر علي الطلاب ليراجع زيهم و نظافتهم ليتعرض الطالب المسكين للتجريس علي الملأ



المدرسة تنهر الطالبة التي تضع الكحل و المدرسة وجهها ملطخ بمساحيق التجميل ، المدرس ينهر الطالب الذي لا يلتزم بالزي و هو يلبس ما يشاء


ماذا لو جربنا طابور الصباح لكن بنظام عكسي لمدة يوم واحد يصطف المدرسين و المدرسات في طابور و يقوم الطلاب بادراة الطابور


لماذا لا نضع نفسنا مكان الطلاب


لماذا يذهب الوزير و ادارته مباشرة الي مكاتبهم و لماذ يتعذب الاطفال في الطابور
طابور الصباح ليس تذنيب للتلاميذ والطلاب بل هو اعداد لجيل قادر على مواجهة الصعاب والتغلب عليها
وبعدين يا عزيزتى المسلمة رفقا علينا نحن معشر المعلمين التلاميذ والطلاب التى تتحدثى عنهم هم ابناءنا ونعاملهم افضل معاملة تليق بهم وبنا

وانا معكى لكل قاعده شواذ بس مش لازم نعمم ونقول كل المعلمين بيعاملوا التلاميذ وحش

طابور الصباح له فوائد متعدده وتخيلى حضرتك لو ان المدرسة لا يوجد بها طابو ر يعنى اصبحت زى الوكالة من غير بواب التلميذ من البوابه على الفصل يعنى لا ضبط ولا ربط

الحمد لله انا قعدت اوقف الطابور فى المدرسة اكتر من 20 سنه ولله الحمد كلها مشاكل بسيطه
وليست كبية يصعب حلها

يمكن عشان انا شغال فى مدارس ثانوية لكن اولادى كل يوم وهم رايحين المدرسة بيكونوا فى قمة الفرح والسعادة عشان الاذاعة ومين يروح الاول عشان يقف فى اول الطابور والتنافس الشريف بين الاطفال ز

وبعدين فى الطابور تحية العلم وانشودة مصر مصر مصر اللى بتهز كيان كل واحد بيسمعها

نتلاقى جميعا معلمين ومتعلمين فى هذا الحفل الذى يقام كل يوم لمدة ربع ساعة او عشر دقائق فقط

اما موضوع التفتيش على الملابس والنظافه اللى حضرتك زكرتيه اعتقد انه ليس عيبا
لاننا تعلمنا كده من اساتذة التربية واحنا فى المدارس الاهتمام بالنظافة والطفل فى المرحلة الابتدائية بيسمع كلام معلمته او معلمه اكثر من والديه واكيد جربتى ده

والتعليم فى الصغر كالنقش على الحجر

وبعدين النهارده انعدمت القيم والمبادىء عند طلاب المدارس بسبب الدلع والطبطبه عليهم

اما لو طبقنا الاصول والصح نعلمهمك من الابتدائى زى ما اتعلمنا يعنى ايه الاحترام . يعنى ايه ابوك وامك ز يعنى ايه تحترم الاكبر منك
يعنى ايه تقدر مدرسيك وتحترمهم وكفايه علينا الدروس واللى عملته فينا يا عزيزتى

دا اسلوب تربوى المفروض الاسرة تشارك فيه من اجل فلزات اكبادنا وقرة اعيننا

مش كده والا ايه

اما عن ابن خالتك اللى رجع لابس الكوتش غلط

عندى اولاد كتير فى المدرسة الابتدائية المدرسين بيلببسوهم الجزم ويعدلولهم هدومهم ويروحو معاهم الحمام وغير ذلك من الامور البسيطه لانهم عندهمك اولاد


اما المعلمه التى تحط حاجات على وشها

وبتمنع البنات يحطو انا معاكى ان فاقد الشىء لا يعطيه

تخيلى بنتك فى الاعدادى او الثانوى وماشيه فى الشاترع حطه احمر واخضر واصفر على وشها كام شاب وكام واحد هيشوفها وهيقول ايه

طبعا انا اسف لكن انتى خلطى العاطل بالباطل

انا كنت شغال مدرس تربية رياضية فى مدرسة ثانوية مشتركة فى بلد ارياف يعنى فلاحين بجد

الطالبه بتيجى المدرسة للعلم فقط وبعدين لما تروح تعمل اللى عايزاه

معا لإلغاء طابور الصباح

ممتاز ياستاذ محمد وبارك الله فيك

من يطالب بإلغاء طابور الصباح يطالب بالقضاء علي النظام والإنضباط بالمدرسة واليوم الدراسي ،، فاليوم المثالي يبدأ بطابور منظم قوي وبإذاعة مدرسية مفيدة واهم ما يميز طابور الصباح تحية علم قوية ومشاعر مرهفة في حب الوطن الغالي مصر ...
كن فخورا بطابور الصباح وبتحية العلم وهيا نعالج السلبيات في طابور الصباح لا نقضي عليه وعلي ايجابياته الكثيرة التي لا تعد ولا تحصي ....

المسؤول عن طابور الصباح أب لهؤلاء الطلبة وصاحب رسالة ليس بجلاد ولا ظالم ...

فعلا طابور الصباح ذل ومهانة

طابور الصباح بتمارينه تعمل علي ايقاظ العقل لاستقبال المعلومات ( العقل السليم في الجسم السليم )

الطابور الذى نطبقه هو ذل ومهانة واهانة ولكن الطابور بمعناه الفعلى الذى لا يطبق فى جميع مدارسنا هو رمز للحرية والرفعة والإنتماء وال‘دراك والفهم
..................... وانا مش من المدرسيين اللى بيحكموا على الأشياء فى ظاهرها أو نتائجها ولكن بحكم بمنطق الواقع الذى فرض علينا تلك السلبيات وسنوات الاجحاف واللا وعى .........تلك السنوات هى التى غرست فينا مشاعر القسوة والكره والانغماس وراء الدنيا وكل الملذات المادية دون توجيه الروح والعقل إلى الحق
مصر محتاجة نهضة شاملة من أجل تعمير وإصلاح مفاسد الحكم السابق

طابور الصباح ليس تذنيب للتلاميذ والطلاب بل هو اعداد لجيل قادر على مواجهة الصعاب والتغلب عليها



لا بأس بالشدة علي الاطفال في بعض الاحيان لتعويدهم الصبر و التحمل ، لكن هذا قد يكون في معسكر او في تدريب ، لكن ان يكون هذه الشدة علي مدى 12 عام و كل يوم ، لماذا ؟

الاصل في التعامل مع الطفل هو الرفق و اللين ، ثم ان الايام و الزمن بنوائبه سيتكفل بتعليهم الصبر و التحمل ، لماذا نسبق الزمن و نغتال برائتهم بنظام عسكري يومي



وبعدين يا عزيزتى المسلمة رفقا علينا نحن معشر المعلمين التلاميذ والطلاب التى تتحدثى عنهم هم ابناءنا ونعاملهم افضل معاملة تليق بهم وبنا

وانا معكى لكل قاعده شواذ بس مش لازم نعمم ونقول كل المعلمين بيعاملوا التلاميذ وحش


طبعا كل الشكر للمعلمين اللي بيحاولوا يحسنوا معاملة الطلاب ، بس تبقي دي مجرد محاولات بسيطة ، لكن اين السلطة التي يملكها المدرس حتي يستطيع الاحسان الي الطالب ، قوانين التعليم سيف مسلط علي رقاب المدرسين قبل الطلاب ، و المدرس لا يملك حيالها شيئا


طابور الصباح له فوائد متعدده وتخيلى حضرتك لو ان المدرسة لا يوجد بها طابو ر يعنى اصبحت زى الوكالة من غير بواب التلميذ من البوابه على الفصل يعنى لا ضبط ولا ربط


بالظبط كد هي مفروض تبقي وكالة من غير بواب ، عشان الطفل وظيفته في الدنيا انه يلعب ، و ممكن انه يتعلم من خلال اللعب او يتعلم من خلال الممارسة و التدريب ، لكن التعليم من خلال النظام العسكري و الحفظ و الامتحانات ادينا شايفين فاشل قد ايه

الحمد لله انا قعدت اوقف الطابور فى المدرسة اكتر من 20 سنه ولله الحمد كلها مشاكل بسيطه
وليست كبية يصعب حلها

يمكن عشان انا شغال فى مدارس ثانوية




ما هما الاولاد في ثانوي خلاص ليهم 11 سنة في القهر ده و اتعودوا علي الصمت ، و اهم بيتحملوا ربع ساعة لغاية ما تعدي و خلاص ، بس الضغوط اللي بيتحملها الانسان من غير ما يبقي عنده قدرة علي الرفض ، لازم بتظهر في يوم من الايام في شكل امراض نفسية


و بعدين يعني دول في ثانوي دول شباب و انسات ، يعني بدل ما يضيعوا الربع ساعة في التذنيبة دي البنت كانت تساعد امها و تغسل الاطباق وراها بدل ما بنعلم البنات الكسل و بنعلمهم يبقوا عالة ، الربع ساعة دي كان الولد ساعد ابوه في اي طلب


لكن اولادى كل يوم وهم رايحين المدرسة بيكونوا فى قمة الفرح والسعادة عشان الاذاعة ومين يروح الاول عشان يقف فى اول الطابور والتنافس الشريف بين الاطفال



بالمصادفة بنلاقي اطفال بيحبوا الطابور بيحبوا الانضمام لجماعة الاذاعة بيحبوا اللي بيسموه الشرطة المدرسية ، ودي بتبقي قدرات و بتختلف من طالب للأخر مش حنطلب من كل الاطفال يبقوا بنفس القدرات دي

و ان كان من الاولي مش نهدر قدرات الاطفال فيما لا يفيد و مفروض نوظف قدراتهم فيما ينفعهم

وبعدين فى الطابور تحية العلم وانشودة مصر مصر مصر اللى بتهز كيان كل واحد بيسمعها


ما هي الاغاني الحماسية دي مطلوبة في الجيش و الحروب عشان تدي الجندي طاقة لقتال الاعداء ، اما هي حتدي الطالب طاقة لأيه اهو اللي حيذاكره بكره حيذاكره بعده حيذاكره السنة الجاية و معاه كدة 10 سنين لغاية ما حيخلص حفظ و مذاكرة عشان ينضم لطابور العاطلين


نتلاقى جميعا معلمين ومتعلمين فى هذا الحفل الذى يقام كل يوم لمدة ربع ساعة او عشر دقائق فقط


المعلمين بس اللي حاسين ان هو حفل ، بس ياريت يبدلوا اماكنهم مع الطلاب عشان يعرفوا انه مش حفل


اما موضوع التفتيش على الملابس والنظافه اللى حضرتك زكرتيه اعتقد انه ليس عيبا
لاننا تعلمنا كده من اساتذة التربية واحنا فى المدارس الاهتمام بالنظافة والطفل فى المرحلة الابتدائية بيسمع كلام معلمته او معلمه اكثر من والديه واكيد جربتى ده

المدرسة بتاخد دور الاسرة في الحاجات اللي تعجبها في الحاجات اللي فيها مزيد من التسلط علي الطلاب ، و الا حنكدب لما نقول ان هيئة ال تدريس قادرين بالفعل انهم يكون اباء و امهات ل 3000 تلميذ مثلا



والتعليم فى الصغر كالنقش على الحجر

وبعدين النهارده انعدمت القيم والمبادىء عند طلاب المدارس بسبب الدلع والطبطبه عليهم


بالعكس انعدمت الاخلاق من كتر القسوة و الحبس و الارهاق بكتر المذاكرة و الواجبات ، و ادينا بنشوف بعنينا الاطفال اللي مش بيروحوا مدارس و بيساعدوا والديهم في اعمالهم لا بنشوف منهم انفلات و لا اانعدام في الاخلاق

اما لو طبقنا الاصول والصح نعلمهمك من الابتدائى زى ما اتعلمنا يعنى ايه الاحترام . يعنى ايه ابوك وامك ز يعنى ايه تحترم الاكبر منك
يعنى ايه تقدر مدرسيك وتحترمهم وكفايه علينا الدروس واللى عملته فينا يا عزيزتى

دا اسلوب تربوى المفروض الاسرة تشارك فيه من اجل فلزات اكبادنا وقرة اعيننا

مش كده والا ايه


الطالب المحترم المثالي هو الطالب اللي صامت تماما من الساعة 8 الا ربع لغاية الساعة 3 فيما عدا ربع ساعة فقط ، هل هذه هي المثالية

اما عن ابن خالتك اللى رجع لابس الكوتش غلط

عندى اولاد كتير فى المدرسة الابتدائية المدرسين بيلببسوهم الجزم ويعدلولهم هدومهم ويروحو معاهم الحمام وغير ذلك من الامور البسيطه لانهم عندهمك اولاد



طيب الطفل اللي بيحتاج حد يلبسه هدومه و يساعده عند قضاء حاجته ، مش من المضحك المبكي ان احنا نوقفه في طابور زي طابور العساكر

اما المعلمه التى تحط حاجات على وشها

وبتمنع البنات يحطو انا معاكى ان فاقد الشىء لا يعطيه

تخيلى بنتك فى الاعدادى او الثانوى وماشيه فى الشاترع حطه احمر واخضر واصفر على وشها كام شاب وكام واحد هيشوفها وهيقول ايه


ما هي الحكومة رفعت سن زواج البنت الي 16 و بعدين رفعته الي 18 و بعدين نفسهم يلغوا الزواج خالص ، و عايزين الولاد يقضوا عمرهم كلوا في المدارس


الحكومة كل ما دا ما ترفع سن الزواج و شغلت المدرسين حرس علي الاولاد و البنات ، المدرسات مهمتهم يمنعوا البنات من الزينة


طبعا مش بأيد التبرج ، بس كنت كاتبة مووضع اسمه الزواج المبكر من حقوق الطلاب ، ده افضل حل للميول الاستعراضية اللي بتبقي عند الطلاب

انا مش بحب الحصة الاولى بسبب الطابور ،بجد بيبقى ممل

لا حول ولا قوة الا بالله اصبحنا ناقمين على الاصلاح والانتظام والالتزام

طابور الصباح يعلم النظام والاحترام وينشط الطالب

اللي بيقول ان طابور الصباح مذلة للطالب فهو نظام حطأ لان طابو الصباح من أهم عوامل نجاح الحصص فلابد من تنشيط ذهن الطلاب فالعقل السليم في الجسم السليم فالرياضة تنمي العقل الانساني

والله فى الجول الاوربية فيه طابوزين واحد فى الصباح وواحد بعد الفسحة يبقى فين القهر

الاخوة اللي بيقولوا طابور الصباح بيعلم النشاط و الانتظام ، اذا كان الطالب جاي المدرسة و سايب اوضته مكركبة و الام اللي حتنضفها وراه و البنات اللي مفروض هما زوجات و امهات المستقبل مش بيشتغلوا حاجة في البيت ، و الام المسكينة بتتحمل ده كله علي حساب صحتها


و بعدين الاخوة اللي بيقولوا ان التمارين الرياضية بتعلم النشاط ، لو اعتبرنا ان صفا و انتباه دي تمارين رياضية
التمارين الرياضية دي يعملها الاثرياء ، عشان عندهم حد بيخدمهم فعشان صحتهم متتعبش من قلة الحركة يعملوا تمارين رياضية
اما الانسان العادى اللي بيخدم نفسه بنفسه فمجرد العمل في المنزل او الواحد ينزل يقضي مصالحه و يشتري اكله و شربه فكده عمل تمارين رياضية

الشيخ العودة: مدارسنا تحولت إلى ثكنات عسكرية!



الإسلام اليوم/

تحت عنوان (الحياة معرفة) .. قال الشيخ سلمان بن فهد العودة ـ المشرف العام على مؤسسة الإسلام اليوم ـ في برنامج "الحياة كلمة" الذي تبثه قناة mbc، إن المعرفة هي الرصيد الحقيقي للأمم والشعوب، ورغم ذلك يأتي العالم الإسلامي ـ إذا كنا متفائلين ـ في ذيل هذه القائمة، "بينما المتشائمون يرونه خارج القائمة أصلاً."
مؤكداً أن قيم هذه الأمة التي سميت بأمة "اقرأ" كلها تدعو إلى امتلاك المعرفة وتحصيلها، "فإنما يخشى اللهَ من عباده العلماءُ" فكل علم يورث الخشية من الله فهو مطلوب ولو كان علماً دنيوياً.
وأكد الشيخ على أن الإسلام يحمي هذه المعرفة من أن تتحول إلى تسلط، وطغيان، وهيمنة، وتدمير. مشيراً إلى أن العلم في الإسلام هو الذي يدعم الإيمان ويقويه.
و مع قدوم الفصل الدراسي الأول وانتهاء الإجازة الصيفية يرى الشيخ العودة أن لدى الطفل تشوق فطري نحو المدرسة والتعليم، "لكن سرعان ما تنطفئ هذه الحماسة لدى الطفل في أيام دراسته الأولى."
وعلل الشيخ سلمان هذا الأمر إلى أن المدارس كرست المعرفة الأكاديمية الجافة، التي يغيب فيها التواصل العاطفي بين الطالب ومدرسه.
وقال الشيخ سلمان: " لقد تحولت مدارسنا إلى ثكنات عسكرية، مليئة بالأوامر الصارمة القاسية، تدمر شخصية الطفل، وتحمّله التبعة المطلقة".
وأضاف: " إن المناهج وأنماط التعليم والأجهزة والمباني والملحقات في مؤسساتنا التعليمية بحاجة إلى تغيير، لكن للأسف أن مجتمعنا لا يتحمس للتغيير الإيجابي المدروس، وإنما يخضع للتغيير القسري السلبي."

والله فى الجول الاوربية فيه طابوزين واحد فى الصباح وواحد بعد الفسحة يبقى فين القهر


حتى لو في دول عندها طابور الصباح ، فبقية اليوم مفيش فيه مجهود ، المدرسة عاملة زي النادي ، فسح و ترفيه و ووسائل تعليمية متقدمة ، بتخلي التعليم متعة للطالب و بيروح البيت مش بيذاكر حاجة


فطالب زي ده حتى لو اتحمل طابور ربع ساعة مش مشكلة ما بقية اليوم مرتاح

الاخ اللى عأيز يلغى الطابور حرام عليك ده المدرسه تبقى مولد