ادخل ولازم تتكلم........!!!!!! [الأرشيف] - بوابة الثانوية العامة المصرية

فاعــ خير ــل

10-06-2008, 01:57 PM

بصي يا ايمان موضوعك جميل والله ومش عارف ليه محدش راضي يكتب ردود
بصي انا الموضوع ده بفكر في كل يوم لما باجي انام
افكر انا ايه وانا عايش ليه وعايز اكون ايه وعملت ايه النهارده قربني من حلمي اللي انا عايز اوصلو فا انا هقلك ملخص 16 سنه

* انا عايز اكون في وسط ناس بيحبوني واحبهم من غير كدب ولا نفاق ولا ظلم ولا الحجات اللي عندنا بنشوفها كتير قوي الايام دي

*عايز اكون صيدلي ناجح
*عايوز احقق حلم بابا اني اكون لاعب تايكوندو ملوش حل (ودي امنيتي انا كمان)
* عايز ماما تدنها معايا طول طول العمر علشان بجد هي كل حاجه في حياتي (وانا مش كنت عايز اقول الكلمه دي بس هقولها علشان دي بتشغل بالي دايما ...... "هعمل ايه لما ماما تموت واقعد اعيط واقول انا هموت نفسي وراها " (ربنا يخليها ليا)

*عايز صاحب بجد يكون صاحب بمعنى الكلمه علشان بصراحه منعتش بصدق في ناس كتير قوي من صحابي

عايز وعايز وعايز ...... عايز حجات كتير قوي بس مش عارف اجبها منين

(معلش لو طولت عليكو)

ومرسي موت يا ايمي على الموضوع الجامد ده

فاعــ خير ــل

10-06-2008, 02:01 PM

والله انا حاسس اني طولت عليكو

emy_alex

10-06-2008, 03:30 PM

على فكرة ميرسى جدا على مشركتك وكمان انت مطولتش علينا خالص بالعكس
اما بالنسبه لانك تكون صيدلى ناجح ولاعب تايكوندو مشهور فدا مش بعيد عن ربنا وان شاء الله يحققلك كل امنياتك ويخليلك كمان مامتك بس لازم طبعا تؤمن بالقدر (الف بعد الشر طبعا عليها)............
اما بالنسبه لموضوع الاصدقاء فكلنا فى المنتدى هنا اصدقائك وان شاء الله تلاقى صديق بجد
وبكرر مرة تانيه ميرسى جدا ع الرد

فاعــ خير ــل

11-06-2008, 11:42 AM

goda2

11-06-2008, 01:43 PM

ايه الموضوع الجامد ده
انا نفسى اكون دكتوره واحقق حلم بابا وكل العائله الى بتتمناه
بس حاسه انه مش هينفع لان فى الوقت الحاضر التعليم صعب جدا والامتحانات بتيجى صعبه فوق تصور الكل
حكمن انا دخله لسه ان شاء الله اولى ثانوى
انا نفسى اعيش بين الناس يحبونى على قدر ما بحبهم
بس بس الناس مش بتفهمنى صح بيفهمونى غلط ودى عملالى مشكله هنا
ونفسى الحياه تتغير اوى انا حاسه ان احنا عايشين فى غابه كله بياكل بعضه
كل واحد بيقول نفسى نفسى
عارفه انى طولت عليكوا
شكرا على الموضوع يا ايمى

emy_alex

11-06-2008, 05:28 PM

طبعا انتى مطولتيش علينا خالص
وانا استمتعت جدا وانا بقرا كلامك وعلى فكرة متخليش كلام الناس وامتحانات الثانوية العامة تاثر فيكى انتى قدها واقوى منها كمان وان شاء الله تبقى دكتورة قد الدنيا وتعالجينا كمان بس بشرط (متغليش علينا التزكرة خليكى دكتورة حنينة ع المرضى) وان شاء الله تحققى امل العائلة كلها
وعلى فكرة انا مش حاسة ان دنيتنا اتحولت لغابة اوى يعنى هى اه فيها شر لكن بجد ومتخديش كلامى بهزار طول م انتى ف مصر بجد اطمنى واكيد هتلاقى ناس كويسه وبتحبك زى م انتى بتحبيهم واكتر كمان
وبجد انا اللى حاسة انى بطول عليكم

زهقانه

11-06-2008, 05:34 PM

حلم حياتى ادخل اعلام انجلش وابقى مذيعه ااااااااااااااااااااااد الدنيا ادعولنا ياجماعه انا وكل الى ف ثانويه

emy_alex

11-06-2008, 05:50 PM

حلم حياتى ادخل اعلام انجلش وابقى مذيعه ااااااااااااااااااااااد الدنيا ادعولنا ياجماعه انا وكل الى ف ثانويه

ربنا معاكى ومعاهم كلهم

goda2

11-06-2008, 07:11 PM

emy_alex

11-06-2008, 08:44 PM

انتى مش طولتى عليه والله
والله انا حطه فى دماغى انى لوطلعت دكتوره لهعالج الفقره ببلاش
ومش هغلى التزكره زى الدكتره ما بيعملوا فينا
انا عارفه ان الدنيا مش كلها غابه بس فى ناس كتير اوى انتشرت فى ازاء الاخرين
علشان كده انا شبهتها بالغابه
انا والله بحب مصر جدا جدا جدا ومش بحب اهلها انهم يخرجوا منه
لان مصر اجمل من كتير من الدول الاخرى
وسورى انى صدعتك

انتى مصدعتنيش خاااااااااااااااااالص وبجد ربنا هيوفقك وهتبقى احسن دكتورة ان شاء الله طول م انتى بتحبى الناس وبتتمنلهم الخير
وبشكرك على مشركتك جدا

goda2

11-06-2008, 09:04 PM

شكرا ليكى بجد يا ايمى

emy_alex

12-06-2008, 07:04 PM

ايه يا جماعة فين بقيت الردود
لا لا لا لأ انا كدا ازعل
خلاص انا زعلت
انا زعلانة ها

mixawy

12-06-2008, 07:17 PM

tiger_man99

13-06-2008, 10:00 AM

emy_alex

13-06-2008, 10:00 PM

واحنا منقدرش على زعلك

وفكرتك روعة للترويح عن النفس والفضفضة

بس انا دلوقتى فى حالة من الصمت لان امتحان لتفاضل صدمنى جدا

بس اوعدك لو الانجليزى جه حلو هدخل وهقول كل اللى فى نفسى

شكرا ليكى يا (ايمى)

بجد ربنا يخليك
وعلى فكرة اللى حط امتحان التفاضل اتحول للتحقيق
وفى امر من رئيس الجمهورية برفع جميع درجات الطلاب
وان شاء الله الامتحانات كلها تيجى سهلة
وميرسى جدا على مرورك

emy_alex

13-06-2008, 10:13 PM

انا عندى مشكله جامده ممكن تحليهالى يا ايمى لو سمحتى مشكلتى انى اى بنت اشوفها اعجب بيها وتعجب بيا وفى الاخر تطلع بتلعب بيا ونسيب بعض وفى الاخر قلبى بيتكسر قوليلى اعمل ايه انا نفسى القى نفسى

طبعا انا بشكرك على مرورك
اما بالنسبة لمشكلتك فاسمح لى انى انصحك نصيحة
انت مش قولت اى بنت تشوفها بتعجب بيها وبتعجب بيك دا معناه انك متعرفهاش ولا هى تعرفك وفى الحالة دى
اعرف ان البنت دى مش كويسة واكيد بتلعب بيك لان بصراحة اى بنت تسمح لنفسها انها تعجب بولد وتقوله كدا فدى بنت اكيد مش كويسة وانت اعرف انها بتلعب بيك بمعنى انها (بتتسلى)
ونصيحة منى اماشي بنظرية ان اللى يسيبنى فدا ميستحقش حبى ولا يستاهل ان قلبى يتكسر عليه

ارجو انى اكون افدتك
ومرة تانيه بشكرك على مرورك وعلى مشركتك واتمنى انك ترد عليا وتقولى عملت ايه

emy_alex

14-06-2008, 02:35 PM

بص انا جاتلى فكرة احلى ممكن تنفذها وانت قاعد دلوقتى
انت ممكن تمسك ورقة وقلم وتتخيل فتاة احلامك
من حيت جمالها صفاتها
بحيت ان الصفات دى متكنش فى اى بنت
وتتمسك بالصفات دى واكيد فى النهايه مش هتعجب باى بنت

reda_mafia50

14-06-2008, 02:44 PM

امال كتير وامانى كتير وربنا يحققها

hend ere

14-06-2008, 02:46 PM

صراحه موضوعك جميل كثير بس للاسف انا مشغوله دلوقتى خاااااالص
ان شاء الله لما اخلص الامتحانات انا هعد وهكتب فيه كثير
انا مش مؤهله نفسيا
وبعدين اى حد ممكن يشوف موضوعك اكيد هيكتب رد لان كل انسان عنده احلام

كووول جيرل

14-06-2008, 03:22 PM

انا نفسى اعيش فى مجمتع بيعرف معنى العدل مش بس اولاد الوزراء و الرئساء هما اللى يعيشوا و باقى الطبقات تتحرق بجاز

ونفسى اكون دكتورة صيدلانيه ناجحه فى شغلى لو دخلت اصلا كلية الصيدليه لان كل احلامى انهارت بعد الامتحانات اللى جتلنا

و اصحابى هما اجمل حاجه فى حياتى و اعيش وسط اهلى و ما يحصلش اى حاجة تزعلنا او نفترق عن بعض

بس كدا

arabSquad

15-06-2008, 01:35 PM

عن نفسي ,

-نفسي ادخل كليه حاسبات ومعلومات , ومنها على ماليزيا اكمل دراستي في مجال الكمبيوتر عامهً والبرمجه والـsoftware خاصهً
-نفسي ابدأ اول شغل لي من غير ماتضطر اشتغل تحت واحد رزل , و مايكونش Another Bossy boss
-نفسي التعليم في مصر يبقى بجد تعليم , وانزل في الشارع مالقيش ناس شغاله تسب بالدين والاهل وبكل حاجه على الفاضي والمليان .

-ونفسي اصحى بكره الاقي نفسي عارف نتيجه الثانويه والعامه وإني خلصت الثانويه العامه ومن جمـــــالها , وجبت المجموع اللي يدخلني الكليه اللي عايزها

اعتقد ان دي تعتبر مش اماني , دي تعتبر حاجات عاديه جداً في اي بلد تانيه .. بس احنا في مصر :D

خالد عبد الخالق

15-06-2008, 01:53 PM

بصى يا ايمى
بجد انت موضوعك زى العسل بجد
انا بقى مشكله حياتى ان انا كل حاجه متوفره
ههههههههههههههههههههههههه
شوفتى انتى مشكله زى دى

rora_rora

15-06-2008, 02:07 PM

انا فى الثانوية ادعولنا كلنا

emy_alex

15-06-2008, 05:00 PM

امال كتير وامانى كتير وربنا يحققها

طبعا انا متشكرة جدا على مرورك
بس انا كنت بتمنى انك تقول_ى ايه هى الامال والامانى..........

emy_alex

15-06-2008, 06:06 PM

emy_alex

19-06-2008, 09:01 PM

emy_alex

19-06-2008, 09:04 PM

emy_alex

28-06-2008, 03:10 PM

عاى فكرة انا زعلانة اووووووووووووووووووووووووووووى
لا بجد زعلانه
لا لا لا لا انا زعلانه لا
فين المشاكل والامانى وفين الناس اللى وعدونى انهم يدخلو بعد الامتحانات
شفتوا بقا انا زعلانه ازاى
بس مش زعلانه اوى يعنى لا لا ولا اقولوكواانا زعلانه خاااااااااااااااااااالص

بندق__2007

28-06-2008, 03:56 PM

mohamed mohsen

28-06-2008, 04:23 PM

دونا

29-06-2008, 11:08 AM

اقول لكوا نفسى فى ايه
ومش هتضحكوا عليا
نفسى اموووووووووت

emy_alex

29-06-2008, 03:05 PM

لالالالالالالالالالالا

و احنا ما نقدرش نزعلك

بصى يا ستى انا بقى أحلامى تتلخص فى حلم واحد صغير

أعيش فى مصر بس مصر اللى بجد مصر اللى شعبها رجالة و ناسها طيبين و عندها موارد تكفينا و تقف مع الحق و اللى فيها الازهر

اما مشكلتى فهى مشكلة تتلخص فى جملة " أخلصت أوى اوى اوى اوى لدرجة انى بقيت متهم بالخيانة "

اولا ميرسى جدا على ردك مشكور والله
تما بالنسبهلامنيتك فصدقنى دى مش امنيتك لواحدك لا دى امنيتنا كلنا وما علينا الا ان نقول((((يا رب))))
وبنسبه لموضوع انك خاين فلو مفيهاش تقل اتمنى انك تحكيهالنا ويا رب نقدر نساعدك
وميرسى مرة تانيه على مرورك

emy_alex

29-06-2008, 03:09 PM

اما انا فحكايتى قصة نفسى اعيش فى دينا كويسة الناس فيها بتحب بعض من غير مصالح ولا وسايط ونفسى ادخل كلية هندسة ونفسى ابقى رسام مشهور وليا اعمال بقى والناس تقتنع بيا بس دى طبعا فى الاخر احلام يايمان ومفيش حاجة هتحقق

مين قال انها مش هتتحقق
بالعكس طول م انت مقتنع باللى انت هتعمله يبقى اكيد هنتجح وتبقى زى (((بيكاسو))))كمان واكتر بس انت شد حيلك
وميرسى على مرورك جدا

emy_alex

29-06-2008, 03:12 PM

اقول لكوا نفسى فى ايه
ومش هتضحكوا عليا
نفسى اموووووووووت

الف بعد الشر عليكى يا جميل ليه كدا

KHALOOOD

29-06-2008, 04:59 PM

Ra2oF

29-06-2008, 05:23 PM

emy_alex

29-06-2008, 06:27 PM

طبعا كل انسان عنده امال نفسه يحققها
وانا عندى احلام كتير اوى اولها انى الف العالم كله
تانى امنيه انى اكون مهندس ناجح والناس كلها تعرفنى وتحبنى
فى ايه تانى يا واد يا خالد.......امممممم
وانا داخل الموضوع قلت دا انا هكتب صفحتين بس مش عارف
الكلام هرب فين
اه من احلامى برده انى اعمل حاجه فى الكون البشريه كلها مش تنساها
وانا عارف ان دى قد تكون مستحيله
نفسى يكون معايا فلوس كتير اقدر اساعد بيها الناس
انتى متتصوريش لما تلاقى الاطفال نايمه فى الشارع وبتمدلك ايديها
وبتاكل بواقى الاكل من الزباله
والله انا بيكون هاين عليا ابكى
وبقول يارب ايه ذنبهم دول يكونوا كدا
وادعى اقول يارب ادينى فلوس وانا هعملهم مدينه كامله ليهم يعيشوا
ويتعلموا ويشتغلوا ويكونوا زى بقيت الناس
دا من اكبر احلامى برده
مش بحلم انى اتجوز ولا الكلام الفاضى دا
انا عايز ابقى كدا على طول بيس ومش ورايا حاجه
من الاخر عايز اعيش عشان نفسى وطبعا اساعد غيرى دى مش فيها نقاش
مش احسن برده :)

ميرسى يا خالد والله على ردك
ومش بعيد ان ربنا ينزل عليك طيارة تلف بيها العالم
وتكون مهندس ناجح وان شاء الله اسمع عنك انك بنيت اهرامات اقولك ابنى ابو الهول عشان الناس تفتكرك
بس انا متوقعالك انك تكون مهندس ومحبوب كمان ومتقلقش انا توقعاتى على طول فى محلها
وبعدين بالنسبه لموضوع مساعديتك للناس فانت ممكن تساعدهم مش بس بالفلوس لكن باتقانك لانك تكون مهندس ناجح (((((مش زى مهندسين اليومين دول))))
وهو فعلا منظر الاطفال بيكون مؤلم جدا لكن ربنا ياخد اللى كان السبب واللى جاب القفر معاه

ahmed abdelaziz

29-06-2008, 06:31 PM

انا بقي اتولدت في المانيا ... عايش في مجتمع جميل ... بتعلم تعليم نموذجي ... الحمد لله كنت بطلع الاول علي الالمان في اللغة الالمانية نفسها .....
لقيت نفسي في يوم ( كنت مخلص 4 ب )والدي بيقولي ان احنا هنرجع مصر
فرحت جدا .... كنت رغم العنصرية اللي كان بيتسم بها بعض الالمان..... بتباهي بكوني مصري و من احفاد الفراعنة .... كانت كل افكاري عن مصر ايجابية ....
رجعت لقيت نفسي في واقع مختلف .... فالفرق رهيب بين مصر و المانيا في كل حاجه ....لما دخلت المدرسة كنت بكلم عربي مكسر وماكنتش اعرف معظم الحاجات اللي هما بيدرسوها .... لقيت كل الكلام اللي في الكتب ده عبارة عن حفظ و تلقين ... و انا عمري ما اتعودت علي كده .... و اقسم اني كنت بطلع الاول علي مدرستي في المانيا بدون كم مذاكرة كبير ... لان كل الكلام منطقي و عقلاني اللي بيتقال في الكتب و المدارس فكنت بخرج الحاجة اللي اتعلمتها اتحفرت في دماغي و لكن شويه شويه اخدت علي الموضوع و بقيت اطلع من الاوائل رغم عدم اقتناعي بما افعل.
و مرت السنين و دخلت ثانوية عامة ( 2 ث ) .... طبعا دروس زي كل الناس و و الدي الذي ساءت احواله المادية ( فرغم خبرته الكبيرة من خلال العمل في المانيا و دراساته العليلم يجد وظيفة في مصر ... فقام بعمل مشروع خاص به و لم يوفقه الله به ) .و عدت السنة بالعافية منذ ايام بامتحان الكيمياء
كل ما اتمناه من الله ان احصل علي مجموع كبير اقدر اقنع بة اي منظمة المانية ان تعطني منحة كي ادرس بجامعة المانية و اقدر اهرب من الظروف الصعبة اللي حولي
و ارجع و اكون شخص يقدر يساعد في يتطوير البلد دي و اصلحها و مصر تنهض و تكون من الدول اللي اوضاعها معقولة مش هقول متقدمة ( طبعا كل الكلامده في خيالي المريض )
و اسف علي الاطاله جدا جدا جدا

emy_alex

29-06-2008, 06:34 PM

انا نفسي الدنيا تبقي في سلام × سلام

اما بالنسبة لاحلامي الشخصية هي صعبة بس بقدرة ربي تتحقق ان شاء الله
يعني مثلا انا نفسي ابقي مهندس ناجح و اكتشف اكتشاف و يبقي فيه وحدة قياس بأسمي زي الفولت و الامبير و كيده علشان بصراحة انا بتغز لما الاقي اي عالم يعمل حاجة يخبط اسموه و يعملوا وحدة قياس:::انا كمان نفسي كيده يا رب :::
و نفسي اعمل حاجة اساعد بيها البشرية و ابني مسجد و ربنا يكرمني و اأعن الفقرة ::::

و نفسي اخد أمي اوديها بلاد اوربا كلها و افسحها هناك :::::: و نفسي أعيش في امريكا :///::://::/:/:/:

شكراااالموضوعيك

طبعا انا متشكرة على مرورك جدا وان شاء الله يحققلك كل امنياتك وتبقى مهندس ناجح لكن اتمنى انك تعيش فى بلدك متسافرش لان انا بجد شايفة ان دا سبب تاخرنا وبعدين لما انت تسافر وغيرك هيسافر مين هيبقى فى البلد مش ملاحظين ان امريكا قدرت تخدعنا بمظهرها وتقدمها
اتمنى بجد انك تعيش فى بلدك وتحاول تنهض بيها وتبنى المسجد اللى نفسك تبنيه لان امريكا مش زى ماحنا شايفنها خالص
وفعلا ميرسى على مرورك

موني دياب

29-06-2008, 06:36 PM

emy_alex

29-06-2008, 06:49 PM

emy_alex

29-06-2008, 06:53 PM

بجد توبيك جامد
انا بقي نفسي في حاجات كتير نفسي يبقي عندي واحدة صحبتي قوي
انا اعرف ناس كتير لكن صحاب قليلين اوممكن يكون مفيش
بس ونفسي احقق حلمي اني اكون مهندسة كمبيوتر وحاسة انه حلمي ضاع ومش هحقق
ونفسي افرح اهلي بالنتيجة لانهم تعبوا معايا قوي وربنا يستر يااااااااه انا نفسي في حاجات كتير

ميرسى الاول لمرورك وانا يا سيدتى اتشرف انى اكون صديقة ليكى لو تقبلينى يعنى لانى فعلا انا امنيه حياتى الاقى صديقه بجد
وان شاء الله تكونى اكبر مهندسه كمبيوتر فيكى يا مصر
وان شاء الله تفرحى اهلك وتفرحينا وانا مستنيه اسمع خبر نجاحك
وميرسى على مشركتك يا مونى بجد:d:d:d:d:d:d:d:d:d:d

موني دياب

29-06-2008, 06:58 PM

ميرسى الاول لمرورك وانا يا سيدتى اتشرف انى اكون صديقة ليكى لو تقبلينى يعنى لانى فعلا انا امنيه حياتى الاقى صديقه بجد
وان شاء الله تكونى اكبر مهندسه كمبيوتر فيكى يا مصر
وان شاء الله تفرحى اهلك وتفرحينا وانا مستنيه اسمع خبر نجاحك
وميرسى على مشركتك يا مونى بجد:d:d:d:d:d:d:d:d:d:d

وبجد ميرسيه جداااااااااااا عالكلام الحلو

بندق__2007

29-06-2008, 07:38 PM

Ra2oF

29-06-2008, 08:38 PM

طبعا انا متشكرة على مرورك جدا وان شاء الله يحققلك كل امنياتك وتبقى مهندس ناجح لكن اتمنى انك تعيش فى بلدك متسافرش لان انا بجد شايفة ان دا سبب تاخرنا وبعدين لما انت تسافر وغيرك هيسافر مين هيبقى فى البلد مش ملاحظين ان امريكا قدرت تخدعنا بمظهرها وتقدمها
اتمنى بجد انك تعيش فى بلدك وتحاول تنهض بيها وتبنى المسجد اللى نفسك تبنيه لان امريكا مش زى ماحنا شايفنها خالص
وفعلا ميرسى على مرورك

لا ما انا هبني المسجد في امريكا :D:D لا بجد الشعب الامريكي ده بجد من اجمل شعوب العالم
كفاية ان 80 % منه رافض البيعملوا بوش :::: و شعب حر يعني ملوش دعوة انت اسود ابيض مسلم او مسيحي ::كل ده مش فارقة معاه المهم انك انسان :::::::::::::::::::::::::::::
اصل بلدي لو قعدت فيها و حاولت اطور هيدفنوني :: عندك احمد زويل رجع علي مصر و طلب انهم يعملولوا مركز ابحاث :: كبرو دماغهم :::: راحت قطر واخداه و عملتلوا مركز ابحاث في قطر :::شوفي الخيبة :::::(:( و تقوليلي بلدي :D:D:D:D

emy_alex

30-06-2008, 03:21 PM

و الله كل اللى اقدر اقوله انها بنى آدمة أنا حبتها من كل قلبى و وهبتلها عمرى و عقلى و قلبى
و بعد كده لمجرد صدفة فكرية جمعت و ربطت بعض الاحداث و الجمل ببعضها صورتلها انى اعرف عليها بنات تانية
و على ذلك انتهى الموضوع
و الموضوع بالتفصيل فى قصيدة كتبتها فى ابداعات الاعضاء اسمها " نهاية بلا نهاية "

الاول متشكرة مرة تانيه على ردك
اما بالنسبه لحبيبتك التى تركتك
متزعلش على ان هى سابتك بس لو كانت فاهمة حاجة غلط فلازم توضحلها الاول ولو كان دا هو قرارها النهائى
فمتزعلش وان شاء الله ربنا يعوضك بانسانه تقدر تفهمك صح
وانا بشكرها انها خلقت لنا شاعر
وميرسى على مرورك وكنت اتمنى لو مفيهاش برود انك تكتب قصيدتك فى منتدانا

emy_alex

30-06-2008, 03:43 PM

لا ما انا هبني المسجد في امريكا :D:D لا بجد الشعب الامريكي ده بجد من اجمل شعوب العالم
كفاية ان 80 % منه رافض البيعملوا بوش :::: و شعب حر يعني ملوش دعوة انت اسود ابيض مسلم او مسيحي ::كل ده مش فارقة معاه المهم انك انسان :::::::::::::::::::::::::::::
اصل بلدي لو قعدت فيها و حاولت اطور هيدفنوني :: عندك احمد زويل رجع علي مصر و طلب انهم يعملولوا مركز ابحاث :: كبرو دماغهم :::: راحت قطر واخداه و عملتلوا مركز ابحاث في قطر :::شوفي الخيبة :::::(:( و تقوليلي بلدي :D:D:D:D

عندك حق فعلا ((((ويا اسفاه على بلدى ))))
لكن برده انا مش مقتنعة بامريكا
ودا طبعا ليه سبب
انت بتقول ان امريكا مبتفرقش بين مسلم ومسيحى ...........انت مقتنع بكدا
للاسف احنا شايفين امريكا دى من ظاهرها بس عمرنا مفكرنا نشوف امريكا دى من الباطن
احنا ..........احنا بالنسبه لامريكا شويه رعاع (((همج ))) ود مش كلامى على فكرة
بجد انتو فاهمين امريكا غلط امريكا دى معندهاش لاحضاره ولا دين ولا اى حاجة كل اللى عندها شويه تقدم هم اه شوية كتير لكن هى عماله تبهرنا بكدا عشان انت وانا وكل الشباب يسافرولها وطبعا كل دا عشان نصنعلها تقدم وحضارة ولما نعملها دا ولما كل الشباب هيعملها دا طبعا ومن كتر حبهم لامريكا هتقدر امريكا تصنع لها جواسيس فى كل مكان وتقدر تحتل اى مكان هى عاوزاة بكل سهولة مطبعا احنا مش هنقدر نقاومها لان للاسف احنا مبهورين بيها وعاوزين نعيش فيها وعاوزين نسيب ارضنا
وبعدين انت بتقول ان شعبها حر رافض سياسه بوش
وايه بقا اللى عمله شعبها دا مجرد كلام وايه الجديد اللى شعبها انجزه مكل يوم بنسمع عن ضحايا اكتر واكتر وبرده لسه معجبين بيها
امريكا دخلت القدس واحتلت ارضنا ودمرت فلسطين وبرده معجبين بيها امريكا دى دخلت العراق وقتلوا اهلها بدون اى وجة حق وبردة معجبين بيها
للاسف اميريكا نجحت فى ابهارنا وعلى فكرة انا اسفة جدا على طريقتى واسفة لو كنت اتكلمت معاك جامد وطبعا الكلام دا كله لو مش عجبك ((((فاختلاف الراى لا يفسد للود قضيه))))
وبجد اتمنى انك متزعلش منى وطبعا انا اتمنى لك ان ربنا يحققلك امنياتك (((اسفة بجد )))

ahmed anwer

30-06-2008, 08:26 PM

حلم حياتى امسك شهاده تقدير مكتوب فيها تم تخرج الطالب احمد وحصوله على الماجيستير من كليه الاداب قسم الاجتماع

Last Fantasy

01-07-2008, 03:47 AM

أنا نفسي في حسن خاتمة

احمد رضا

01-07-2008, 05:18 AM

1 * انهاء اللي باقي في التعليم العقيم اللي اجبرتني عليه الظروف
2 * حفظ القرآن الكريم كاملا ً ولو بقراءة واحده وتفسيرها
3 * ان ربنا يهديني للطريق الصح ويرزقني شفافيه اقدر اشوف بيها الحقايق بدون جهد
4 * تحضير دكتوراه في القانون الدولي / الدخول في مجال دراسة السينما والمسرح / دراسات في الفكر المعتزلي / وفيه كام حاجة كمان كدا
5 * استزيد من الثقافه والعلم الديني والدنيوي ما لا نهايه
6 * يبقي عندي الفلوس كوسيلة اقدر اعيش بيها في وسط كويس وتساعدني اني اعمل حاجة
7 * الزوجه الصالحه والذرية الصالحه ولو مش موجوده مش مشكلة جواز ( لان المشاريع الكبيره لو فاشله بتبقي الخساير فادحه فيها )
8 * اني اعيش في مكان مناسب
9 * واللي مفروض يبقي اول واحده - اني اعيش في مكان ميقتلش مواهبي وطموحاتي واتصدم بواقع عقيم فيه
10 * اني ابقي راضي عن نفسي بعد كل ده

شكرا ولو فيه حاجة تانيه يا ايمان هقولهالك بس موضوعك جميل بجد

Ra2oF

01-07-2008, 05:28 AM

عندك حق فعلا ((((ويا اسفاه على بلدى ))))
لكن برده انا مش مقتنعة بامريكا
ودا طبعا ليه سبب
انت بتقول ان امريكا مبتفرقش بين مسلم ومسيحى ...........انت مقتنع بكدا
للاسف احنا شايفين امريكا دى من ظاهرها بس عمرنا مفكرنا نشوف امريكا دى من الباطن
احنا ..........احنا بالنسبه لامريكا شويه رعاع (((همج ))) ود مش كلامى على فكرة
بجد انتو فاهمين امريكا غلط امريكا دى معندهاش لاحضاره ولا دين ولا اى حاجة كل اللى عندها شويه تقدم هم اه شوية كتير لكن هى عماله تبهرنا بكدا عشان انت وانا وكل الشباب يسافرولها وطبعا كل دا عشان نصنعلها تقدم وحضارة ولما نعملها دا ولما كل الشباب هيعملها دا طبعا ومن كتر حبهم لامريكا هتقدر امريكا تصنع لها جواسيس فى كل مكان وتقدر تحتل اى مكان هى عاوزاة بكل سهولة مطبعا احنا مش هنقدر نقاومها لان للاسف احنا مبهورين بيها وعاوزين نعيش فيها وعاوزين نسيب ارضنا
وبعدين انت بتقول ان شعبها حر رافض سياسه بوش
وايه بقا اللى عمله شعبها دا مجرد كلام وايه الجديد اللى شعبها انجزه مكل يوم بنسمع عن ضحايا اكتر واكتر وبرده لسه معجبين بيها
امريكا دخلت القدس واحتلت ارضنا ودمرت فلسطين وبرده معجبين بيها امريكا دى دخلت العراق وقتلوا اهلها بدون اى وجة حق وبردة معجبين بيها
للاسف اميريكا نجحت فى ابهارنا وعلى فكرة انا اسفة جدا على طريقتى واسفة لو كنت اتكلمت معاك جامد وطبعا الكلام دا كله لو مش عجبك ((((فاختلاف الراى لا يفسد للود قضيه))))
وبجد اتمنى انك متزعلش منى وطبعا انا اتمنى لك ان ربنا يحققلك امنياتك (((اسفة بجد )))

لا زعل و لا حاجة بس انا عايز اقلك ان في اكتر من حزب في امريكا ضد سياسة بوش و الله :: في منهم الوحش و في منهم الكويس بس ليه منخدش منهم الحلو ::::::::::::
و بعدين الواحد يروح امريكا احسن ما يروح اسرائيل ::!:!!!!:::
و بالنسبة ان احنا رعاع همج ::: احنا الخلناهم ينظروا لينا النظرة ديه ::::: مش اي حد :::::::::

:::::::::::::::::::::::::::::::اختلاف الرأي لا يفسد في الود قضية ::::::::::::::::::::::::::::::

emy_alex

01-07-2008, 01:11 PM

حلم حياتى امسك شهاده تقدير مكتوب فيها تم تخرج الطالب احمد وحصوله على الماجيستير من كليه الاداب قسم الاجتماع

ان شاء الله يحققلك حلمك

emy_alex

01-07-2008, 01:14 PM

أنا نفسي في حسن خاتمة

ان شاء الله حسن الخاتمة لينا جميعا
وميرسى علىمرورك بس يا ترى هى دى امنيتك بس

emy_alex

01-07-2008, 01:21 PM

emy_alex

01-07-2008, 01:24 PM

لا زعل و لا حاجة بس انا عايز اقلك ان في اكتر من حزب في امريكا ضد سياسة بوش و الله :: في منهم الوحش و في منهم الكويس بس ليه منخدش منهم الحلو ::::::::::::
و بعدين الواحد يروح امريكا احسن ما يروح اسرائيل ::!:!!!!:::
و بالنسبة ان احنا رعاع همج ::: احنا الخلناهم ينظروا لينا النظرة ديه ::::: مش اي حد :::::::::

:::::::::::::::::::::::::::::::اختلاف الرأي لا يفسد في الود قضية ::::::::::::::::::::::::::::::

طيب ممكن اسالك سؤال

انت ليه مفكرتش تسافر اى بلد عربيه (((قطر _الامارات )))مثلا
اشمعنا امريكا بالذات

Ra2oF

01-07-2008, 04:09 PM

طيب ممكن اسالك سؤال

انت ليه مفكرتش تسافر اى بلد عربيه (((قطر _الامارات )))مثلا
اشمعنا امريكا بالذات

, و الله انا مش فارقة معايا بجد رزقي يكون فيين :::
بس انا حابب اروح امريكا او اي بلد اوروبية ::::::: لسبب النظام هناك احسن من اي بلد عربية ::: غير الجو صحي ::: و العيشة حلوة و مناظر و كل الوسائل متاحة ::: لكن في الامارات او الكويت او قطر :: لو انا رايح تبع كفيل هيزلني : غير كيده لو عملت حاجة هناك او اي حد استفزني هيقولي هسفرك و ارجع بلدي و بعدين هناك بيكرهوا المصرييين :: مش كلهم بس فيهم كتير و مثال بسيط :: لما كنا في السعودية واحد مصري ركن العربية بتاعتوا في مكان ميعرفش انه بتاع واحد سعودي :: السعودي جيه و اعد يقول المصري الجوعان الفقير يركن مكاني و اعد يزعق و يقول انزل يا مصري يا جعان ::::: و الراجل نزل مسك فيه :::::
لاكن في اوروبا ::: او امريكا ::: مفيش حد هيعملني المعاملة ديه :: هتقوليلي و انت عرفت ازاي :: هقولك والدي كان في امريكا و راح المانيا و فرنسا و دول كتير و حكيلي و انا عندي ناس اعرفهم بقلهم كتير في امريكا و بيقولولي :::
بس بصراحة البلد ال انا بجد عايز اروحها ::: استراليا :::::::::: علشان بتعامل الانسان علي اساس انوا مورد و بتقدره جدااااا:::::::::

اتمني انك تكوني عرفتي اسبابي ::::::::

وفاء البحر

01-07-2008, 06:31 PM

emy_alex

01-07-2008, 08:12 PM

نفسي اشوف كل الناس كويسه علشان اقدر اعيش معاهم
نفسي ربنا ما يفرقناش انا واصحابي ابدا لان عمري ما حلاقي اصحاب زيهم
ونفسي اشوف اليوم اللي اختي حتتخرج فيه من الكليه واشوفها دكتوره قد الدنيا
وبعدين اشوف يوم تخرجي
ونفسي اروح احج ربنا يكتبها لينا جميعا
ونفسي ادخل الجنه واشوف الحبيب المصطفي صلي الله عليه وسلم وربنا يجعلنا ممن نظل بظله
sorry علي التطويل يا ايمي وشكرا ع الموضوع الجميل ده

على فكرة مطولتيش علينا خالص وكلامك جميل اوووووووووووى وامنياتك اجمل وبجد امانى من حقك وربنا يوعدنا كلنا بزيارة الحبيب المصطفى ودخول الجنة
ان شاء الله وميرسى على مرورك

biob

02-07-2008, 10:54 AM

emy_alex

02-07-2008, 02:59 PM

, و الله انا مش فارقة معايا بجد رزقي يكون فيين :::
بس انا حابب اروح امريكا او اي بلد اوروبية ::::::: لسبب النظام هناك احسن من اي بلد عربية ::: غير الجو صحي ::: و العيشة حلوة و مناظر و كل الوسائل متاحة ::: لكن في الامارات او الكويت او قطر :: لو انا رايح تبع كفيل هيزلني : غير كيده لو عملت حاجة هناك او اي حد استفزني هيقولي هسفرك و ارجع بلدي و بعدين هناك بيكرهوا المصرييين :: مش كلهم بس فيهم كتير و مثال بسيط :: لما كنا في السعودية واحد مصري ركن العربية بتاعتوا في مكان ميعرفش انه بتاع واحد سعودي :: السعودي جيه و اعد يقول المصري الجوعان الفقير يركن مكاني و اعد يزعق و يقول انزل يا مصري يا جعان ::::: و الراجل نزل مسك فيه :::::
لاكن في اوروبا ::: او امريكا ::: مفيش حد هيعملني المعاملة ديه :: هتقوليلي و انت عرفت ازاي :: هقولك والدي كان في امريكا و راح المانيا و فرنسا و دول كتير و حكيلي و انا عندي ناس اعرفهم بقلهم كتير في امريكا و بيقولولي :::
بس بصراحة البلد ال انا بجد عايز اروحها ::: استراليا :::::::::: علشان بتعامل الانسان علي اساس انوا مورد و بتقدره جدااااا:::::::::

اتمني انك تكوني عرفتي اسبابي ::::::::

الاول احب اعتزر عن تاخرى فى الرد
وعلى فكرة انا بشكرك على منقشتك انا فعلا استفدت حاجات ولاقيت انك عندك حق
لكن بصراحة انا لما عرفت انك بتتمنى انك تسافر امريكا هى دى الحاجة اللى نرفزتنى
لانى متتصورش انا بكره امريكادى قد ايه
وطبعا اسبابك مقنعة
واسفة انى طولت عليك

uoua

09-07-2008, 06:59 PM

انا جربت احكى قصة بتعتى ع المنتدى مرة بس حاست انى هظلم الشخص قالى بحبه احكلكم من الاول اول مرة عرفته انا كلمته عن طريق الشات والحورات دى ولد ده ف كلية طب عيش ف محافظة غير محافظة القاهرة جى يتعلم هو و اخته و هيسفروا تانى الكويت انا كلمته مرة واحدة ع نت بعد كده خدنا ارقام الموبيل عشان نتعرف ع بعض اكتر كان بيتصل مش برد فات 3 شهور و كلمته قالتله ع اسمى الحقيق كانت واخداه كصاحب نحكى انا كانت ساعتها معجبة بى ولد هو كمان حتى اتقدم انا رفضة بعد شهر جيه قالى بحبك اقلتله انت زى اخوية و متصلش لى مدة اسبوع كلمته انا عرفة انوا عايز يبعد لانى جرحته بعد شهر قالى انوا بيحبنى انا قالتله انا كمان حصل مشاكل عندى ف البيت موبيلى اتسحب بسبب وحد كلمت من موبيلى صاحبها اتصل بليل موبيل كان جنب بابا فرد قالوا انوا عايزنى فانا اتروات فضل ولد ده جنبى حصلى كذه مشكلة بسبب اصحابى كانت ببهدلوا و بعدين وقف جنبى بردو انا فعلن حابته كنا عيشين احلى عيشة فات سنة و حكاية لى اخوية هددنى قالى انوا هيقول لى بابا لزم انهى معاه الموضوع لم قالتله جالوا انهيار كانت لزم اسيبه عشان خيفة علي لكن مقدرتش حكايةهى نصاحتنى انها مراهقة و هتعدى سبت الموضوع زى ما هو ماشى بكلموا اخوية افشنى كام مرة خمس مرات المهمة ولد ده كلم ماما ع اساس انه هيجى يخطبنى بعد سنة رابعة كلية بتاعته هو بصارحة اكتر واحد شاجعنى ع مذاكرة قالى اخش علم رياضة انا قالتله امنية حياتى اكون مهندسة فضل يشاجعنى ويصاحينى ف فجر عشان اذاكر كانت بقوم وذاكر مكناش بنكلم بعض اثناء مذاكر هو من النوع يكره انك تكلمى ولد غيره حتى ف حدود المذاكرة انا مدرستى مشتركة يعنى ف اولاد عرفنى اصحابى من هنا بدات المشاكل كل ما اجى اكلموا ولد يكلمنى مرة واحد عايز ملزمة مرة واحد يسالنى ع حاجة مش عرفها بقى كل يوم زعل وخناق جاه ف مرة عاملت علية لعبة عشان يبطل الغيرة خليته ع الوتنج كانت بكلم صاحبتى انا كانت قاصدها راح اتصل بيه قالى كانتى بتتكلمى مع مين اقلتله مع واحد معايا فى المدرسة زعل انا كانت اقصده بعد قترة الامتحانات قالى خالينة ناخد راحة من بعض قالتله خلاص كل واحد يروج لى حاله قالى لا انا بحبك بس نلخد راست بعض فترة هو سافر اه صح يا جماعة انا قالت لى بابا معملش اى حاجة ادنى نصايح بس اخوية قالوا لا نرجع لى موضعنا بعد ما سافر يعنى الايام ديه كنا بنكلم عادى مفيش حاجة بس انا ناهردة كانت عند دكتور عندى نبض قالبى عادى عاملت 2 تحليل مقلوش ف حاجة بس دكتور شاك انى يكون عاندى حاجة ف القلب بكرة هعرف انا مقلتش لىانى تعبنا و لا اى حاجة لانى عيذاه يبسط من الاجازة اسيبوه و لا اكمل معاه اقلةا ولا لا انا طولت عليكم بس عايزة رايكم

bosy .. mostafa

09-07-2008, 10:13 PM

بسم الله الرحمن الرحيم

أسمحولي أتكلم و أقول اللي جوايا , لإني بجد تعبانه اوي , و محدش حاسس بيا
مبدئياً أنا حلم حياتي , و اللي بيراودني من و أنا طفله , هو إني أدخل كلية الطب , و أبقى دكتوره ناجحه , مش عشان الناس بيشوفوا اللي دخل طب ده حاجه مهمه , لأ , لإن عمتي و اللي ربتني في صغري و اللي كانت أكتر واحده بتحبني , ماتت بمرض خبيث كلنا عارفينه , و كان نفسي يومها أساعدها , بس أنا مش دكتوره ولا أفهم حاجه في الطب , فمن يوم ما ماتت و انا املي الوحيد إني ابقى دكتوره متخصصه في الأورام , عشان أساعد الناس , لإني مش قدرت أساعدها
فللأسف أجد الإمتحانات و المجموع و خلافه حائل بيني و بين الهدف ده , مع إني والله بشتغل عشان أحققه و عمري ما حسيت بالتعب و انا بشتغل عشان أحققه , و أنا بدعي ربنا و واثقه انه هيحققه , بس أنا خايفه اوي اني مش احققه , بس ربنا يقدم اللي فيه الخير

و اللي تاعبني أوي اليومين دول , هو إني بحب واحد و متعلقه بيه لدرجة الجنون , و حاسه إنه لو مش بقى ليا انا ممكن اموت أو أتجنن أو يحصل لي حاجه , لإني حاولت أبعد عنه مره , كنت هموت و شوفت الموت بعيني , و المشكله إن نسبة الأمل ضعيفه في الحب ده , و كل يوم قبل ما أنام بقعد أفكر فيه و كتير أوي بلاقي نفسي بعيط عشان هو مش معايا و بيتملكني هم عطيم , و بحاول دايماً إني اكتم مشاعري دي عنه , لإن هو لما صارحته بيها في مره - وندمت بعدها- رد عليا رد غريب جداً و قالي ان اخويا يبقى صاحبه الأنتيم و هو مش يقدر يخون صحبه , فمش راح يقدر يكمل الموضوع , مش فهمت قصده ايه , بس انهرت بعدها اوي اوي اوي , و حسيت إن روحي بتروح مني و اتنقلت المستشفى , و هو مش عرف حاجه عن كده , و اخويا قاله ان حالة الإنهيار ده بسبب الإمتحانات و اتحجج له بكلام غريب , و اصلاً اخويا مش كان يعرف إني رحت و صارحته , بس انا والله مش كان قصدي أبداً إني اتكلم معاه بعدها , كنت بس نفسي اعرف هو بيحبني ولا لأ , لإني مش كنت قادره أكتم مشاعري جوه قلبي أكتر من كده , لإني كنت هموت , بس انا والله بموت من غيره في اليوم أكتر من مليون مره , بحاول أكتم حزني بسبب الحب و التعلق ده عن الناس كلها , و بحاول أنساه بإني املا وقتي , بضاعف وقتي و مجهودي في شغلي في صناع الحياه , و بحضر دروس في المسجد , إني أنساه , مش قادره , أنا فعلاً بحبه ومش متخيله حياتي من غيره أبداً , و للأسف هو مش حاسس بيا , انا والله بحس بيه دايماً , و لو حسيت مره انه متضايق بيبقى متضايق فعلاً , لإنه لما بيتضايق بيكلم أخويا و يطلب منه انهم يخرجوا يتمشوا مع بعض , أنا مش عارفه هو اللي بقى يحب بجد , تبقى نهايته الموت و الجنون !!

انا آسفه إني طولت و نكدت عليكم
بس سامحوني مش قادره استحمل

uoua

10-07-2008, 05:12 PM

احنا كلنا وقعين ف الحب هو احسن حاجة ف الدنيا الحب بس بيبقى وحش لم يكون من ترف واحد مفرود تفرحى انه وافى لى اخوكى مش عايز يضحك عليكى بجد دنيا فيها حاجات كتير ولزم نتعلم من اخطا حاولى تنسى انا زيك بحاول انسى عشان اسعده انا نهردة عاملت بقيت التحليل طلع مش كويس انا قولته قالى فيا و قالتله انى مش عيذاه بس انا بحبوااااااااااا جدا حب 3 سنين يعنى مش قليل

( لؤلؤة الإسلام )

10-07-2008, 08:01 PM

بجد الموضوع جامد أوي
و أنا فعلا محتاجة أفضفض و اتكلم
أنا أصلا لسه جاية مصر من سنتين و كنت خايفة اني ما ألاقيش صحاب كويسين ....بس الحمد لله لقيتهم ....و ده كان أول حلم ليه
و بعدين دلوقتي نفسي أخش كلية كويسة و أنجح في المجتمع و أصنع حياة و أبقى سعيدة
و أفيد بلدي و طبعا ألاقي واحد كويس يحبني بجد .........و بقية الحدوتة معروفة
و طبعا أخش الجنة ..أنا و كل اللي موجودين يااااااااااااااااااااارب
و يارب تحققوا أحلامكم

emy_alex

12-07-2008, 03:23 PM

اولا يا ايمان انا احب اقولك ان الموضوع كويس بس بعد اللى شفناه فى الامتحانات مفيش حد عاد بيفكر فى المستقبل
انا عن نفسى لو قدرت اهرب منه ههرب
لكن انا كان حلمى انى ارضى امى الله يرحمها واطلع دكتور
هى ما كانتش فارقه معاها بصراحه اى تخصص لكن انا افتكر انى بحب كليه العلاج الطبيعى او الطب البطرى

انا فى الاول بعتذر عن تاخرى فى الرد لكن معلش
اما بالنسبه لموضوع الثانويه العامه فدى للاسف بقت ماساه فى مصر اتمنى انها تنتهى وان شاء الله تبقى دكتورة مشهورة
وميرسى على مشاركتك

emy_alex

12-07-2008, 04:11 PM

uoua

12-07-2008, 05:09 PM

'طبعا يا ريت نكون اصحاب ايوة هحكيلك اكيد بحبه بس ف مشاكل كتير بتقابلنا انا اكيد بحبه بصى انا و هو كنا متفائين انى بعد مخلص ثانوية عامة هنطخطب هو كل طموحوا انوا يفتح مستشفى خيرية ف مصر لانى صعبان عليه ناس انا بفتخر بيه لو اقولك انا بحبه اد ايه مش هدصدقى انا عايزة اقولك انوا كلم ماما عشان يتفىء انى انا ليه لانى قريبى كان عايز يخطبنى مكنش ينفع يكلم بابا لانه مسافر بره انا باقلك انا خيفة من الفراق لانى انا بردوا احتمال كبير اسافر كمان احنا بنحب بعد دخلين ع 3 سنين انا اصلا حسة لو بعت عنوا انا ممكن اموت انا بجد احب تكونى صاحبتى وانتيمى كمان ممكن بس نحاول نكلم بعض طريقة تانية متخفش انا بنت واللللللهى عايزة اسمع نصحتك بس بجد انا بحححححححححححبه اوى

uoua

15-07-2008, 04:02 PM

انا صدممممممة ف النتيجة

هدي اشرف

17-07-2008, 12:58 AM

بصي انا نفسي فعلا اني مكنتش اعمل اللي عملته هو ايه مقدرش اقولكم كنت هعيش بقيت حياتي عاديه خالص لو معملتش اللي عملته بس معلش انا والله كل يوم بعيط من اللي عملته ونفسيتي تعبانه وماثر علي دراستي خالص انا عاوزه اقولكم علي حاجه قبل ما اي حد يعمل اي حاجه غلط فكر فيها شوف يا تري هيبقي لمصلحتك ولأ ضدك حتي لو كان اثرها في المستقبل البعيد صدقوني انا ندمانه الف مره بسسب اللي عملته واديني موش عارفه احل الموضوع موش عاوزاكم تفهموا غلط انا موش بنت بايظه لأ هي حاجه بس مالهاش حل ومعلش ربنا ان شاء الله يسهلهالي ويبعدكم عن الغلط

هدي اشرف

17-07-2008, 01:18 AM

بصي يا بوسي هقولك علي حاجه صحبتي كانت زيك بس هي اشجع منك بس انا عاوزه اقولك علي حاجه انتي اللي يتمناكي الراجل موش انتي اللي تتمني الراجل لأ خليكي دايما كدا جامده ميهمكيش اي حد موش لما شفتي واحد مثلا محترم وكويس وبن ناس احبه علي طول واروح اصارحه بحبي ليه لأ طبعا يا بوسي خليكي انتي اللي يترغب فيكي انتي عارفه اختي قالتلي قبل كده هي متجوزه دلوقتي من واحد ربنا يحميه يارب قالتلي انها كانت بتحب واحد بجنون ساعه ما كانت في ثانوي بس هي كانت كاتمه الحب دا جواها دايما وعمرها ما قالت الكلام دا لحد بس هو مكنش عاوزها خد واحده تانيه منهارتش ولا حاجه لأ ايوه هي زعلت قوي ساعتها بس بسرعه استعادت نفسها وشوفي اهي عايشه مع واحد والله بيموت فيها ميقدرش يبعد عنها ثانيه دي ساعه ماتيجي تعض معانا لوحدها الاقي رسايل من جوزها بالهبل حب وغرام فدا نصيب يا بوسي كمان وموش اخر الدنيا استني لما تكبري وتدخلي في سن الجواز وشوفي ربنا كاتبلك ايه ما جايز يتقدملك واحد ابن حلال يقدرك ويسعدك وتحبيه اكتر ما بتحبي دا لأ والاكتر من كدا كمان هيبقي حب حلال انتي تقدري تنسيه بس انا بقولك هتاخدي وقت طويل في كده معلش استحملي وربنا ان شاء الله هيرزقك بالاحسن والافضل لان محدش عارف الخير فين انتي بس انوي انك تشيليه من دماغك وعادي لو اتقابلتوا مثلا انا قصدي يعني جه البيت مثلا عندكم وشفتيه عادي خالص فيها ايه اعتبريه واحد زي اي واحد تاني صلي ادعي ربنا انك تنسيه متعضيش تقولي انا بحبه ومقدرش ابعد عنه لأ قولي انا بحبه زي اخويا وربنا يسترها معاكي

كيمي يو

17-07-2008, 08:48 PM

موضوع جميل جدا كان نفسي أحكي فيه وافضفض فيه مع مع حد ،بصراحة أنا زهقت نفسي من كتر ماتمنيت من الدنيا دي
وفي الأخر ما بخدش منها حاجة والله اتمنيت انى اجيب مجموع كبير في الثانوية العامة أدخل فيه الكلية الى انا عيزها وأفرح
كمان بابا وماما بالمجموع بتاعى لكن للأسف ماحالفنيش الحظ وما قدرتش احقق حلمى الى أنا عايزاه معنى في سنة تانية
وطالعة تالتة وجبت 80% من غير مستوى رفيع وعرفت نتيجتي وانا في المصيف، بالظ عليا المصيف بعد ما عرفت النتيجة وصممت
على انى اروح البيت نفسيتى اتسدت من كل حاجة وبقيت انسانة كئيبة وكل ما أقعد مع نفسي اقعد اعيط اعيط لغاية ما ازهق
وانا بصراحة ماقصرتش في المذاكرة وحليت كويس جد في الكيمياء وكنت فاكرة نفسي هجيب 47 فجبت 40 وفي الانجليري كنت المفروض اجيب 22.5 فجبت 21 ومشكيلتى اننا بكون مذاكرة وانا بصراحة ذكية من غير تفاخر بس نساية جدا بنسى بسرعة وباجى وقت الأمتحان ومبعرفش أحل الأسئلة الى فيها نسبة تذكر فا بغلط فيها بس انا لغاية دلوقتى مدايقة جدا حسيت حلمى اتحطم وان الدنيا أطربقت فوق راسي أرجوكو ادعولى وانا اسفة لانى طولت عليكو
ومرسي على الموضوع ده يا إيمي

uoua

21-07-2008, 05:21 PM

ادعى لو انت مظلوم ادعوا لو حد مظلوم او حد ذاكر و ملقاش

emy_alex

22-07-2008, 07:59 PM