الحالة الصحية لمصر

وأنا في مرحلة بين الصحيان والنوم

سمعت منادي بينادي في الميكروفون

لا كان وقت أذان

ولا حتي قال إنا لله وإنا إلية لراجعون

كل اللي قالة -

أدعو للبلد

تفوق من التعب وتصحي من النوم

بيقول حالتها متأخرة وكل يوم بترجع لورى

وعايشة بالمحاليل والأجهزة

وعلشان تخف وتصحي محتاجة معجزة

الشاعر
عبد الحميد بدوى

مصر أمي مهما تعيا ومهمى تمرض
ليا ربي أغلى مين يحمي شرفها
ما الشرف يعني الكرامة ..
والكرامة هي راسنا
ربي في القرآن ذكرها
يعني بلدي مش هترجع للي باعها
مش هتجري وترتعش لأجل إللي صابها
فكرك أنت إن اللي خانها حب غيرها
أو خرم خرم في سفينة قلب بيتها
مصر أمي ذي أي أم فــ طبيتها
بس وثقت في الطبيب إللي عالجها
جه يثبت الجنين قام أجهضها
هي تعبت حبتين لأجل ما تحيى
مش بقولك هي تمرض ..
بس صعب يمتلك حد كفنها
بكرا تصحى وتبقى فله في غصن ورده
ريحها بيعطر سمانا للي جالنا
والله مش بصرخ في مدنى
بس بكرا مصر تصحى
دا الحبيب شافها ودعالها
وربي إللي بنعبده في ذكره ذكرها
ربي إللي بنعبده في ذكره ذكرها


جميل ما كتبت شاعرنا الجميل
وأثرت بداخلي أن أكتب تلك الكلمات
تقبل مروري وتحياتي ،،،

ذكرها فى القرءان حجة عليها لا لها

رووووووووووووووووووووووعه بجد تسلم الايادي

سلم إبداعك أستاذ حميد
تشبيهات بليغة من حضرتك حملتها كلماتك
دمت ودامت إبداعاتك

اشكركم وتحياتى للجميع