عمرى ما كنت اتوقع اكون كده:حلمى خلاص اتدمر [الأرشيف]

مشاهدة النسخة كاملة : عمرى ما كنت اتوقع اكون كده:حلمى خلاص اتدمر

ĦAĜОo

15-01-2013, 06:36 PM

السلام عليكم و رحمة الله وبركاته
صباح الخير ........مساء الخير
أهو كلو خير و السلام

نظرا لسوء الأحوال النفسية و العقلية و البتنجانية
فمكنش جاى فى بالى أى خيار و لا حتى طماطم
الا انى اتشرف بالكتابة هنا
عايزة اكلم حد معرفهوش و لا يعرفنى
ده لو معندكوش مانع

معلش رغيت كتير
المهم بقا
أنا اللى كنت طالبة متفوقة فى صغرى و بطلع من الأوائل و مجتهدة
خرجت من الابتدائية و الاعدادية بمجموع حلو
و بتفوق
و الحياة بقا بالنسبالى وردى
و أنا بقا شايفاه انى هاحقق حلمى
انى أبقى دكتورة
أسرتى و عيلتى و جرانى و كل اللى يعرفنى
كان شايف انى اقدر احقق حلمى و أبقى دكتورة قد الدنيا
بس للأسف كل حاجة اتغيرت مرة واحدة
من ساعت ما دخلت تانية ثانوى
و كل حاجة اسودت فى وشى
بقيت اروح الدروس و انا قاعدة فى الحصة مبقتش مركزة و بسرح كتير
لحد ما المدرسين لاحظوا فيا كده
و اتصلوا ببابا عشان عارفين انى اصلا مش كده
عشان يعرفوا فيا ايه
للاسف انا ذات نفسى مكنتش اعرف مالى
و ايه اللى انا بقيت فيه
مش عارفة
المدرسين حاولوا يفوقونى بس انا زى ما انا
حتى مدرس قالى لولا انى عارف انك شاطرة جدا مكنتش عرفت انتى مالك بس انا عارفى انك كويسة
بس فضلت زى ما انا
كنت بنام اكتر من 12 ساعة متواصلة
زى ما اكون بهرب من الواقع اللى انا عايشة فيه
كان عندى لامبالاة
كل ما بقعد على الكتاب مبعرفش ازاكر
يا ريتنى كنت بضيع وقتى فى لعب و لا كده
لا خالص
متهيألى كنت محتاجة دكتور نفسانى
و لا اللى كنت فيه حسد
معرفش
و المصيبة انى كنت علمى
و ال ايه ناوية على علمى علوم
و فضلت طول السنة نايمة
و كله مستغرب الللى انا فيه
بس مفقتش الا اخر شهر
كنت ضايعة تقريبا فى كل المواد
بس بقيت احاول الم فى المواد بس مع التوتر اللى انا كنت فيه
كنت بحس ان قدامى هم ما اتلم
لدرجة انى فى امتحان من الامتحانات
قطعت الملازم و قلت مش هاروح الامتحان و كنت ناوية على كده
و اتخانقت معاهم فى البيت
بس رحت
و كنت فى الامتحانات اعصابى بتشد
و بتوتر فى اللى اللجنة
مع انى عمرى ما كنت كده
المهم خلصت امتحانات
و جات النتيجة
متوقعين منى ايه
كنت طول السنة نفسيتى فى الارض
فى الاخر جبت 78.5% اتساويت بحد فاشل حد مفتحش كتاب
طبعا انتوا دلوقتى بتقولوا تستاهلى ما انتى فاشلة
يعنى كنتى مستنية تجيبى 99%
هاقولكوا

كان كلوا بيقولى انى هاتدخلى طب بصاروخ
حتى مستر قال لبابا بنتك لو كانت جابت 95 علىى مجهودها و مستواها الحقيقى
كنت هاقول مظلومة
بس للاسف مفقتش الا اما حلمى اتدمر
خلاص فات الاوان
المدرسين قالولى سيبك من السنة اللى فاتت
ابدأى صفحة جديدة فى 3 ثانوى و اثبتنى نفسك
ان انتى اصلا كويسة و الظروف خانتك
و ابقى حققى ذاتك فى الكلية
بس انا عارفة انى حتى لو جبت 99 عمرى ما هادخل كلية بحبها

و اضطريت احول ادبى
مع انى عمرى ما اتخيلت نفسى فى ادبى
لانى بكره المواد الادبية
بس حاجة مش باختيارى اضطريت احول ادبى
مع انى بموت فى المواد العلمية و شاطرة فيها
لدرجة ان صحبتى اللى بتاخد فزياء ممكن اشرحلها حاجات هيا مش فاهماها
انا بتمنى انى يارتنى مكنتش شاطرة اصلا عشان محدش يشمت فيا
و يقول ديه كانت بتطلع من الاوائل و جابت مجموع وحش فى اكثر سنة مهمة فى حياتها
على الاقل كان ده هايبقى مجهودى و خلاص
انا ماما بتقلى لو انتى مستواكى اصلا كده زى المجموع مكنتش زعلت
بس انا عارفة انى مستواكى مش كده
اما بابا يكلمنى اقوله خلاص انا مجبتش مجموع حلو
فى غيرى من اخواتى شطار و هايجيبوا مجموع و يفرحوك
انا عارفة انى رغيت كتير و قلت حاجات ملهاش لازمة بس كنت عايزة اخرج حاجة جوايا
انا حاسة انى محتارة
حاسة ضايعة و تايهة
انا عارفة انى خلاص حلمى ضاع
بس هو ممكن يكون ربنا عمل فيا كده لاسباب
ممكن ده يكون فى خير ليا و لا لأ

SwOrD OF JusTice

15-01-2013, 06:57 PM

ĦAĜОo

15-01-2013, 07:04 PM

~ Smile 4 Life ~

15-01-2013, 07:18 PM

انا حاسة من كلامك انك زي ما يكون خلاص حياتك انتهت؟؟؟!!
وواضح من سؤالك هو ده ممكن يكون خير ليا ولا لا؟؟..
هل انتي ممكن تتخيلي بعقلك ان ربنا أراد بكده يضرك او ان يكتبلك حاجة متنفعكيش؟!!
حبيبة قلبي لازم تتأكدي وتثقي تماما ان ربنا كاتبلك اللي فيه الخير ولما بيمنع عنك شئ
او بيحرمك من حاجة الا عشان يديكي الافضل منها والمناسب ليكي..
انتي مش عليكِ غير انك تاخدي بالأسباب وتذاكري وتشدي حيلك السنة دي
وبعدين توكلي علي ربنا وارضي باللي كاتبهولك
ولازم تحسي بقناعة تامة من جواكي ان ربنا هو اللي بايده كل شئ
وهو اللي عارف فين الخير ليكي
بالتوفيق يا قمر:)

ĦAĜОo

15-01-2013, 07:21 PM

ĦAĜОo

15-01-2013, 07:26 PM

شكرا ليكى يا مريومة على الرسالة الحلوة زيك
و بجد شجعتنى أوى
و هابقى أرد عليكى أما أقدر عشان مشاركتى موصلتش ل50 فمش عارفة ارد عليكى

..: Pink rose :..

15-01-2013, 09:33 PM

النيك نيم بتاعك زيي تقريبا؟؟:)
اما بالنسبة لموضوعك حطي في بالك دايما ان ربنا له حكمة في كده و ان ده الخير ليكي و ان دي سنة عدت بحلوها و مرها و قدامك فرصة تانية السنادي تحسني مجموعك (سدقيني لو فكرتي كده هتحسي براحة نفسية اكتر و رضا باللي ربنا كتبهولك)
و كويس انك حولتي ادبي كده فرصتك انك تجيبي كلية حلوة اكبر بكتير من العلمي و متفكريش في كلام اللي حواليكي كده بتحبطي نفسك عالفاضي لان رضا الناس غاية لاتدرك و خلي عندك هدف جديد حطيه قدامك
و ربنا يوفقك و يوفقنا جميعا...

دراكو مالفوى

16-01-2013, 04:51 AM

الموضوع بسيط

1- تدخلى اى كليه مجموعك يجيبها (ده بعد ما تشدى حيلك طبعا فى 3)
وساعتها انتى هتدخلى كليه مستوى الطلبة اللى فيها مش قد كده
يعنى انتى هتبقى مستواكى اعلى منهم بكتير
وساعتها تفرمى نفسك وتفرمى الكتب وتاخديها حياة او موت
وتطلعى الاولى على الدفعة
كده
1- هتبقى اسمك دكتورة فلانة
2-هتبقى احسن من اى دكتورة بشرى
3-هيبقى ليكى بريستيج ميه ميه
4-هتحمدى ربنا انك جبتى مجموع وحش فى 2
5-هتكونى قدوة للى عايز يثبت تفوقه فى اى مكان يروحه
6-باباكى ومامتك هيبقى شايفين بنتهم دكتورة فى الجامعة مفيش احسن من كده
7-حاجة حلوة
8- حاحة حلوة بردو

71- حاجة حلوة بردو :022yb4::022yb4:

شدى حيلك
اما لو عايزة تندمى حظك وتكرهى عمرك
فانتى متذاكريش السنادى وادخلى معهد وحش وافشلى فيه وخلى الزعل يفيدك ساعتها

ĦAĜОo

16-01-2013, 08:14 AM

ĦAĜОo

16-01-2013, 08:18 AM

To Be Is To Do

16-01-2013, 09:13 AM

:frown:

انا عندى حل ليكى بس محتاج شغل ومذاكره من الاول

وهو انك ..

متدخليش الامتحانات السنادى وتعيدى السنه وتروحى تطلبى انك تاخدى على النظام الجديد وساعتها هتبدا اكنك لسه داخله ولا امتحنتى ولا جبتى 78 وتاخدى موادك الجديده الى تدخلك لحلمك

ملحوظه :-
الاثار السلبيه حاجه وحده بس
1- هتتاخرى سنه عن زمايلك

الموضوع بسيط

1- تدخلى اى كليه مجموعك يجيبها (ده بعد ما تشدى حيلك طبعا فى 3)
وساعتها انتى هتدخلى كليه مستوى الطلبة اللى فيها مش قد كده
يعنى انتى هتبقى مستواكى اعلى منهم بكتير
وساعتها تفرمى نفسك وتفرمى الكتب وتاخديها حياة او موت
وتطلعى الاولى على الدفعة
كده
1- هتبقى اسمك دكتورة فلانة
2-هتبقى احسن من اى دكتورة بشرى
3-هيبقى ليكى بريستيج ميه ميه
4-هتحمدى ربنا انك جبتى مجموع وحش فى 2
5-هتكونى قدوة للى عايز يثبت تفوقه فى اى مكان يروحه
6-باباكى ومامتك هيبقى شايفين بنتهم دكتورة فى الجامعة مفيش احسن من كده
7-حاجة حلوة
8- حاحة حلوة بردو

71- حاجة حلوة بردو :022yb4::022yb4:

شدى حيلك
اما لو عايزة تندمى حظك وتكرهى عمرك
فانتى متذاكريش السنادى وادخلى معهد وحش وافشلى فيه وخلى الزعل يفيدك ساعتها

كنت داخل اساعد بصراحه
بس بعد ما لقيت الحل الاولانى ده قلت خلاص انا معنديش كلام يتقال
الحل الأولانى ده لو انتى مصره على تحقيق هدف وانك تطلعى دكتوره وانك حتحاربى الدنيا كلها واولهم نفسك عشان تبقى دكتوره

ولما نزلت لقيت الحل التانى بصراحه إقتنعت جدا بيه
الحل التانى لو انتى عايزه تحققى مكانه معينه وتثبتى نفسك بغض النظر عن كونك دخلتى كليه قمه او مش قمه
بصراحه الكلام اللى كنت داخل اقوله لقيته مكتوب
بس اهم حاجه لازم تكونى متأكده منها إن :
ربنا بيختار لينا الأحسن الأفضل دايما حتى لو كنا إحنا مش مقتنعين بيه
وساعات إللى احنا شايفينه وحش بيبقى خير لينا بعد كده
انتى ممكن تستخيرى ربنا بأى وسيله إنه يهديكى للطريق الصح من الطريقيين دول

وأولا وأخيرا شوفى إنتى عايزه إيه ونفسك فى إيه ومشى نفسك على الأساس ده

وربنا معاكِ إن شاء الله وبإذن الله تكونى نويتى تاخدى خطوه إيجابيه فى إنك تكونى أحسن
وننسى إللى فات ننسى إللى فات ننسى إللى فات
ده أهم حاجه دلوقتى كأنه لم يكن

ربنا يوفقك إن شاء الله

فطوم والبسمه تدوم

16-01-2013, 09:16 AM

انا زيك بالظبط بس انا له في تالته وجايبه 97 في تا نيه وكلامك شجعنى انا قايمه ازاكر شكراا ياقمر

ĦAĜОo

16-01-2013, 09:20 AM

كنت داخل اساعد بصراحه
بس بعد ما لقيت الحل الاولانى ده قلت خلاص انا معنديش كلام يتقال
الحل الأولانى ده لو انتى مصره على تحقيق هدف وانك تطلعى دكتوره وانك حتحاربى الدنيا كلها واولهم نفسك عشان تبقى دكتوره

ولما نزلت لقيت الحل التانى بصراحه إقتنعت جدا بيه
الحل التانى لو انتى عايزه تحققى مكانه معينه وتثبتى نفسك بغض النظر عن كونك دخلتى كليه قمه او مش قمه
بصراحه الكلام اللى كنت داخل اقوله لقيته مكتوب
بس اهم حاجه لازم تكونى متأكده منها إن :
ربنا بيختار لينا الأحسن الأفضل دايما حتى لو كنا إحنا مش مقتنعين بيه
وساعات إللى احنا شايفينه وحش بيبقى خير لينا بعد كده
انتى ممكن تستخيرى ربنا بأى وسيله إنه يهديكى للطريق الصح من الطريقيين دول

وأولا وأخيرا شوفى إنتى عايزه إيه ونفسك فى إيه ومشى نفسك على الأساس ده

وربنا معاكِ إن شاء الله وبإذن الله تكونى نويتى تاخدى خطوه إيجابيه فى إنك تكونى أحسن
وننسى إللى فات ننسى إللى فات ننسى إللى فات
ده أهم حاجه دلوقتى كأنه لم يكن

ربنا يوفقك إن شاء الله

شكرا لحضرتك على كلامك
و بجد فادنى جدا و أنا خلاص ابتديت صفحة جديدة
و شكرا لكل الاعضاء اللى أفادونى اذا كان هنا فى الموضوع و أو رسايل
و بجد رجعتوا ليا الامل و التفاؤل
و اللى حصل السنة اللى فاتت خلاص مش نهاية حياتى
و ربنا يوفقكوا كلكوا

T!to

16-01-2013, 09:31 AM

احب اضيف على كلام الناس اللى قبلى الجميل .. لانهم لخصوا حاجات كتير ..
ان ربنا فعلا هو اللى بيختار .. والانسان برضه ..
يعنى لولا تاخرك وحصلك دروب فى حياتك مكنتيش وصلتى للمرحلة ده ..
بس احب اقول ان بيل جيتس ومخترع الكمبيوتر واللى انشىء الفيس بوك مش فاكر اسمهم ايه مش متعلمين اصلا و عباس العقاد وغيرهم ..
يعنى عايز اقول لحضرتك ان فيه ناس مش متعلمة اصلا ومكملتش .. وبارغم من كده اثبتوا قدراتهم واتشهروا وبقوا معروفين ..
لكن انتى لسه عندك امل وقداامك الفرصة كبيرة فى التعليم .. ليه الياااس بقى ؟
وماحدش يعرف الخير فين وربنا مخبى ايه للانسان ..
وممكن تكملى بعد كده مراحل اخرى فى التعليم .. الدنيا مابتوقفش خاااالص ..
وربنا يوفقك ان شاء الله ..:)

ĦAĜОo

16-01-2013, 09:35 AM

بحر_الامل

16-01-2013, 07:24 PM

http://www.youtube.com/watch?v=dXF1esO11f4&feature=player_embedded

aly_sha3ban

18-01-2013, 04:59 PM

Bassant222

26-01-2013, 01:43 AM

بصى انتى ممكن تقدمى على امتحانات الثانوية نظام جديد هتبقى فى مدرسة خاصة او منازل بس هتوصلى ده لو انتى مصرة انا اعرف واد فضل يحارب 7 سنين بعد الانوية عشان يدخل هندسة وللاسف ده بسبب انه ملحقهاش على نص درجة دخل معاهد واخد كورسات وعمل معادلة وحاجات كتير جدا لحد ما وصل بعد 7 سنين
اما لو مش هتقدرى تعيدى فركزى انتى جيبة قريب من ال80 يعنى تقدرى تشدى حيلك السنة دى وفى ادبى بتحصلى درجات اكتر من علمى بكتير يعنى علمى ممكن صفر يضيعلك مسألة فيزياء او رياضية او كيمياء فى ادبى الموضوع مختلف ومعاكى مستوى رفيع كمان
وكمان التنسيق بتاعكم السنة دى هينزل لانكو اخر دفعة نظام قديم وامتحاناتكو بأذن الله هتيجى سهلة لان هيبقى صعب جدا يجيبو امتحانات صعبة لان اللى هيسقط هيبقى لازم يعيد سنتين تانية وتالتة نظام جديد وده مش هينفع وهيبقى شبه مستحيل فانتى ركزى وهتيجبى فوق ال95% بأذن اله ومعاكى على الاقل 3% مستوى رفيع مجموعك الكلى هيبقى فى حدود 88 او 89 /90 مثلا هيبقى قدامك كليات كويسة زى اعلام فنون جميلة لو عندك موهبة اداب بأقسامها او السن خاص او تربية English او فرنش حسب اللغة كل دى مؤهلات عالية جدا اهم حاجة تقدرى تثبتى نفسك ومتزعليش عشان متضيعيش نفسك زى تانية ثانوى كدة وربنا معاكى ومعانا يا رب