مصطفى الاسيوطى
15-01-2013, 10:20 PM
السلام عليكم ورحمه الله وبركاته
هدخل فى الموضوع على طول انا من اسيوط والنهارده كان امتحان التاريخ للصف الثانى الثانوى
وانا مدرس الماده بمعهد الفتيات وجه حوالى 5 نقاط من بره هتقولى بره ايه هقولك بره المنهج
المشكله انى اتفاجئت بحاجات كتير منها
ان فيه معاهد فى اسيوط استلمت كتاب التاريخ طبعه حديثه ومعهدنا استلم القديم
وتوزيع المنهج مكتوب فيه الكتاب المقرر طبعه عام 2011 وما بعدها
اذن الكتاب صحيح ويدرس منه
النقاط اللى جت دى من الكتاب الجديد اللى مش شرحته ولا موجود عندى
وللاسف بعض المعاهد اللى وصلها الكتاب القديم جاوبوا للطلبه النقاط الجديده وعدوا الموضوع وكانه اتشرح واتاخد
السوال هنا انه اكتب فيا مذكره بخصوص الموضوع ده لان الطلبه مش حلوا النقاط دى وقالوا مش اخدناها
فانا موقفى القانونى ازاى دلوقتى وهل انا مخطى
منتظر اجابتكم على وجه السرعه اخوانى وبارك الله فيكم
أ/مصطفى محمود
15-01-2013, 10:59 PM
شوف اخي
أولا ألوم عليك في عدم رجوعك لتوزيع المنهج من اي طريق آخر مثلا الرجوع الى توزيع منهج التربية و التعليم و الذي ان كان المنهج واحدا فسيكون التوزيع 100% هو نفس التوزيع ، أو توزيع المنهج من خلال بعض الزملاء في الازهر في محافظات اخرى من خلال مواقع الانترنت أو من خلال هذا الموقع فانا اتذكر ان احد الزملاء قد وضع جميع التوزيعات الخاصة ب 2012/2013 لجميع المراحل و الصفوف ، بل و الاستعانة بملخصات أو كتب خارجية أو حتى بتصوير الكتاب المدرسي من احدى زملاءك في التربية و التعليم و لكن طبعة حديثة في الشرح للطلاب .
و طلبك من شيخ المعهد انك تريد توزيع منهج 2012/2013 فكل عام تتبدل الامور و المتغيرات
و انت تعلم ان ادارات الازهر و المعاهد نيام وفي سبات عميق و في النهاية يأتي اللوم عليك
و قد حدث اكثر من مرة ان تكون توزيعة المنهج شئ و الكتب المسلمة للطلاب شئ اخر ، حتى لو طالب واحد لدي استلم طبعة نسخة للعام الماضي اذهب به لمندوب صرف الكتب و اخبره بانه عليه تسليم الطالب نسخة حديثة ، و كانت في مرة من المرات جميع الكتب المسلمة طبعة قديمة و قد تأخرت توزيعة المنهج لاكثر من شهر من بدء العام الدراسي كنا قد بدءنا الشرح لكني اعتمدت على توزيعة التربية و التعليم و اخبرت شيخ المعهد بأن عليه اعادة جميع الكتب للمخزن و اعطاء نسخ حديثة للطلاب و فقا للتوزيع الجديد و طلبت من الطلاب رفض استلام كتاب المادة الا اذا رأيت عليه من الداخل السنة الدراسية الحالية .
عموما فكرة المسؤولية صعب تحديدها لكن بالتأكيد سيلومك الجميع في عدم ابلاغك ، و هناك بعض الاسئلة ستحدد مدى تأثرك بالشكوى المقدمة
1- هل توزيعة المنهج الحالية هي التي استلمها مندوب المعهد هذا العام و سلمها اليك أم اعطى لك توزيعة المنهج القديمة لتأخر التوزيع الجديد؟
2- هل توزيعات جميع المناهج المستملة تحمل نفس السنة الدراسية 2011/2012 أم فقط مادتك ؟
3- هل وقع موجه مادتك و شيخ المعهد و الوكيل الثقافي على هذه التوزيعة و اخبرته انها توزيعة العام الماضي ؟
لو كل ما مضى تم فانت في خطى صحيحة
4- هل تطابق التوزيعة القديمة الكتاب الذي شرحت منه أم لا ؟
5- هل جميع الكتب المسلمة لمندوب صرف الكتب بمعهدك تحمل العام الماضي ام فقط كتاب مادتك ؟
انتظر ردك
مصطفى الاسيوطى
15-01-2013, 11:23 PM
اولا اشكرك اخى الحبيب مصطفى على اهتمامك بشكواى وسارد على اسئلتك
اولا توزيعه منهج العام الحالى 2012- 2013 هى اللى معاى وجايه بس المنهج اللى فيها القديم
1- هل توزيعة المنهج الحالية هي التي استلمها مندوب المعهد هذا العام و سلمها اليك أم اعطى لك توزيعة المنهج القديمة لتأخر التوزيع الجديد؟
لا التوزيعه الجديده وصلت واستلمتها واظن انك اعتقدت انى اتحدث عن التوزيعه القديمه بتاعه السنه الماضيه توزيع منهج السنه دى هى اللى مكتوب فيها ان الكتاب المقرر طبعه 2011 وما بعدها
2- هل توزيعات جميع المناهج المستملة تحمل نفس السنة الدراسية 2011/2012 أم فقط مادتك ؟
جميعها جديده بتاعت السنه دى
3- هل وقع موجه مادتك و شيخ المعهد و الوكيل الثقافي على هذه التوزيعة و اخبرته انها توزيعة العام الماضي ؟
نعم مضى عليها الوكيل الثقافى والشيخ والموجه
لو كل ما مضى تم فانت في خطى صحيحة
4- هل تطابق التوزيعة القديمة الكتاب الذي شرحت منه أم لا ؟
5- هل جميع الكتب المسلمة لمندوب صرف الكتب بمعهدك تحمل العام الماضي ام فقط كتاب مادتك ؟
نعم جميع الكتب اللى استلمتها الطالبات نسخه قديمه
وفوجئت اليوم ان بعض المعاهد استلمت الكتب الجديده بنفس تزويعه المنهج اللى جت لى
واخيرا احب ان اوكد لك انى سرت على توزيعه المنهج لعام 2012 - 2013 وهى بعينها بتاعه السنه الماضيه
بلا تغيير
منتظر راى حضرتك بعد ان وضحت
وجزاك الله خيرا
مصطفى كوته
16-01-2013, 01:10 AM
اعتقد ان دى مسئولية الموجة لانه هو المنوط بمراجعة نشرات توزيع المنهج وبيان اى تعديل للمدرسين واقراره للمنهج وتوقيعة علية ووجود كلمة طبعة 2011 يعفيك من اى مسئولية قانونية وخصوصا ان جميع الكتب مع الطلاب تحمل طبعة 2011
مصطفى الاسيوطى
16-01-2013, 09:33 PM
جزاك الله خيرا يااستاذ مصطفى واراح بالك كما ارتاح بالى بهذا الكلام
أ/مصطفى محمود
16-01-2013, 10:35 PM
اذن المسؤولية لا تقع عليك تماما
انت التزمت بتويعة منهج 2012/2013 و هي التي بها الخطأ و بالتالي مهما حدث فقط قم بتصوير هذه التوزيعة و احتفظ بنسخة منها و انس الامر فلا عليك شئ
هذا بسبب العشوائية في كل شئ في الازهر
تحياتي//
مصطفى الاسيوطى
16-01-2013, 11:16 PM
جزاك الله خيرا اخى وحبيبى فى الله استاذ مصطفى وبارك الله فى عملك ووقتك
ربنا يرحمنا من هذه العشوائيه
ايوطه
16-01-2013, 11:41 PM
ربنا يصلح حال ادارة الازهر