مشاهدة النسخة كاملة : حركات لا ارادية..اكيد معظمنا بيعملها......


ياسمين نصار
16-01-2013, 06:19 PM
ليه لما نيجى نمشى فى المطر لظروف إستثنائية بنروح رافعين أكتافنا لفوق ؟ هاتعمل إيه يعنى

ليه لما نحس إن إحنا دخلنا طريق غلط وإحنا سايقين العربية بنخفض صوت الكاسيت أو راديو السيارة ؟

ليه لما بتكون بطارية الريموت شبه فاضية ، بنضغط على الزراير جامد ؟

ليه لما حد بيهادينا قلم جديد .. أول حاجة وإحنا بنجربه بنكتب إسمنا ؟

ليه بنقول هدية مجانية ..؟ مش المفروض إن الهدية تكون مجانية

ليه لما نكون جوه المنزل والسماء بتمطر بنسأل هو الجو بيمطر بره ؟ هى عمرها مطرت جوه

ليه لما واحد يقولنا خلى بالك الحائط لسه الطلاء مانشفش مانصدقوش ونمد صباعنا نتأكد ؟

ليه الخدمة بتكون سريعة لما المطعم يكون مزدحم أكتر من لما يكون نص نص ؟

ليه لما الواحد بيركن السيارة فى موقف فاضى اللى جاى وراك بيركن جنبك ؟

ليه دايما لما حد بيجري يلحق الأتوبيس تلاقيه مبتسم أو بيضحك ؟

ليه بنفتكر إن لما ندوس على زرار الأسانسير كتير هاييجى بسرعة ؟ أو مثلا ليه لو واحد جه بعديك وأنت مستنى الأسانسير بيدوس على زرار الأسانسير ولا كأنك موجود ؟

ليه وإحنا بنأكل الطفل الصغير فى فمه بالملعقة .. بنفتح فمنا ؟

ليه دايما عندنا إستعداد تام إننا نصدق أى حد بيكلمنا فى ودانا .. بيوشوشنا ؟

ليه لما بنصحى من النوم دايما بنحس إن كمية النوم ناقصها عشر دقايق ؟

[COLOR=Red]ليه الشخص اللى بيشخر وهو نايم دايما بينام الأول ؟

M..osama
16-01-2013, 08:00 PM
هههههههههههههههه

صحيح بيحصل بس محدش عارف إيه السبب

حركات لاإرادية أو بحكم العادة

موضوع جميل ومميز شكرا لك

فى أمان الله وحفظه

شمس الصعيد
16-01-2013, 10:26 PM
ههههههههه هى فعلا حركات لاارادية الواحد اتعود عليها شكرا على الموضوع الجميل