مشاهدة النسخة كاملة : *اعصابى*


*ساسُّو*
11-06-2008, 06:19 AM
لو سمحتم يا جماعة عايزة حل بجد
انا عندى زميلة كانت صحبتى ولكن كل يوم كانت بتؤذينى بشك جديد فمامتى قالتلى انى اسيبها
عادى سيبتها............ لكن
بوظتلى حاجات كتير اوى فى حياتى انا بالذات
كل مااجى اخد درس تبوظلى الدنيا لحد ما اقول مش عايزةخالص تيجى تورينى التقديرات اللى اخدتها فى الدرس
كنت رايحالها مرة ومامتا - سامحها الله - طردتنى وقلت معلش علشان كنت وعدتها انى هروحلها
تانى مرة كلمنا طنط وهى اللى حددت الساعة ولما رحنا وكان معايا صحبتنا تالتة طردتنا احنا الاتنين علشان زميلتى مش موجودة
كل يوم تضغط على اعصابى وخاصة انى بامتحن الشهادة الاعدادية ولسة مخلصتش وبرجع احيانا اعيط لحد اخر النهار وامسك الكتاب وانا اعصابى تعبانة واحل زى ما تيجى وخلاص
المشكلة انها جاتلى فى الحلم واذيتنى لدرجة انى اغمى عليا مرتين فى الحلم والحقيقة
كل شوية كانت تقيس ذاكرت ايه وعملت واساسا كانت بتؤذينى من غير ما اعرف انها هى ولما كشفتها بقينا بنقعد انا وهى فى الفصل لوحدنا مش بنقول حاجة لانها لو قالت هى عارفة انى خلاص اتاكدت منها فبقيت بتؤذينى علنى
طبعا فيه بنات غيرها بيؤذونى بس مش كتير والحمد لله عرفت اخليهم زميلاتى بالاحترام
لكن انا عايزة حل
انا كل يوم تقريبا فى وشها ولما بشوفها بحاول انسى كل الكلام اللى قالته على لكن مش بقدر
حاولت نكون زميلات بس يكون بينا احترام - مامتى علمتنى ازاى انى افرض احترامى على الناس الفوضوية - مش قادرة برده
معلش طولت عليكم بس بجد عايزة حل لان كل الدنيا بيقلولى بلاش منها وانا عايزاها تكون كويسة
انا بجد اعصابى خلاص
كسرت مبدأى لانها بحرف الميم يعنى قادة جنبى وتقول لطوب الارض غش
عايزة اوقف كل العند ده منى ومنها
معلش لو حد عنده نصيحة لاختكم الازهرية يقولها
معلش طولت عليكم
السلام عليكم ورحمة الله وبركاته
*مريم*

goda2
11-06-2008, 10:08 AM
بصى يا مريم انا هقولك على حاجة
انتى دلوقتى فى وقت الامتحانات يعنى لازم تركزى فى مزاكرتك ومستقبلك اهم
لما تتعبى اعصابك علشانها هى مش هتستفاد من تعبك واعصابك ولا انتى هتستفادى
يعنى حاولى تتجنبيها فى فترة الامتحانات دى لا تعطى لها اى اهتمام ولا فرصة انها تأذيكى
لانك كده بتأذى نفسك
ولو عاوزة تغيريها ممكن بس بعد الامتحانات
وده من خلال اصحابها لانها ممكن تقبل التغيير منهم هما مش منك انتى
ونصحتى ليكى الاولى والاخيرة انك تزاكرى وتجيبى مجموع عالى وبكده هتحققى حلمك وبعدين اهلك مش ليهم ذنب
اكيد نفسهم يفرحم بعد تعبهم طول السنة وعلشان كده طلعى الموضوع ده خالص من دماغك
وبتمنى ليك التوفيق والنجاح باذن الله

فاعــ خير ــل
11-06-2008, 11:19 AM
انا معاكي يا منى
بس انا هضيف حاجه .....
الشخصيات اللي زي صاحبتك دي كترو الايام دي وكتير منهم مش بيجو بالحسنى طيب نعمل معاهم ايه بصي يا ستي الظاهر كده انها هي ووالدتها نفس الشخصيه طيب لما تكون متربيه في بيت اساسا شخصيتو مش سويه انتي منتظره منها ايه فانا من رايي ان النوع ده مبيتغيرش والحل المناسب معاها انك تنعزلي عنها ده في رايي

goda2
11-06-2008, 12:49 PM
اوك يا عاشق انا معاك
بس برده لازم نحاول ان احنا نغيرهم وزى ماانتى بتقول كترم لو سبناهم كده هيازوا كل الناس
متزعليش يامريم ربنا يسامح ممتهاعلشان طردتك بس هيه المفروض مكنتش تعمل كده
بس يلا ربنا يسمحها
وانا معاكى يا مريم ان احنا لازم نحاول نغيرهم للاحسن مهما عاملول فينا
واستمرى فى المحوله لكن بعد الامتحان
وان شاء الله هتنجحى وتغيريهم

SharpShooter
11-06-2008, 06:06 PM
انتى لازم لما تيجى تخدى قرار
1- لازم يكون بالك مش مشغول ( يعنى بعد الامتحانات )
2- يكون موقفك قوى ( درجاتك عالية )
وبعدين حاولى معاها وشوفى الصفة المذمومة دى وخرجيها منها
ولو منفعشى صارحيها بانك هتبعدى عنها
ولو منفعشى اتركيها
ونصايح منى وعاشق جمال جدا وعقلهم كبيير

زياد سامى

goda2
11-06-2008, 06:44 PM
شكرا ليك يا زياد
بجد والله انته نصحتك كويسه جدا
ويارب تقدرى يا مريم وفعلا تغيريه الى الاحسن

*ساسُّو*
12-06-2008, 06:34 AM
مش قادرة اكلمها تانى.................................. احسن اسيبها....صح؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟

goda2
12-06-2008, 09:20 AM
لا يا مريم حاولى تغيريها عن طريق صحبها لو ليها
لو مقدرتيش اوك سبيها

*ساسُّو*
12-06-2008, 10:05 AM
لا يا مريم حاولى تغيريها عن طريق صحبها لو ليها
لو مقدرتيش اوك سبيها

للاسف صحبتى الانتيم كنت باحكيلها على الموضوع بس مبعرفش اقول حاجة من ورا حد رحت قلتيلها انا قلت عليك كدة علشان متبقاش نميمة فصحبتى الانتيم افتكرتنى صاحبتها ومش عايزة اصاحبها هى راحت سيبانى وراحت لها
...................... مش هقدر استحمل لانها هتكون معايا فى علمى
*مريم*

*ساسُّو*
12-06-2008, 10:09 AM
شكرا لنصيحتك يا منى ........... هحاول
على فكرة يازياد مينفعش مفكرش لاننا بنمتحن كل يوم فى نفس اللجنة وهى قعدة جنبى
يا عاشق لو تجاهلتها بتحرض صحباتى عليا ........... مش عارفة اعمل لها حاجة للاسف

SharpShooter
12-06-2008, 10:11 AM
شكرا لنصيحتك يا منى ........... هحاول
على فكرة يازياد مينفعش مفكرش لاننا بنمتحن كل يوم فى نفس اللجنة وهى قعدة جنبى
يا عاشق لو تجاهلتها بتحرض صحباتى عليا ........... مش عارفة اعمل لها حاجة للاسف
أخر كلمة قلتيها اللى هى بتحرض صحباتها عليكى
دى مش صاحية لازم تسيبها ولو اتصلحتوا هيبقى مظهر من بره وصدقينى
وكمان أنصحك تحاولى متفكريش انت أقوى من كده
ويا جبل مايهزك ريح !!

*ساسُّو*
12-06-2008, 10:17 AM
هي عارفة انى كشفتها انها اللى بتعمل كدة فيا ولما بنبقى لوحدنا بتعترف انها هى من باب التكبر عليا.............او بنقعد ساكتين لانى لو اتكلمت مش هعرف اقول حاجة ولو اتكلمت هى هتكون متاكدة انى مش مصدقاها
........................... مقدرش اصاحبها او اكلمها تانى اساسا

goda2
12-06-2008, 10:26 AM
لا يامريم
مامتك كان عندها حق ابعدى عنها احسن
ويارب يصلحلها وترجع عن الطريق الى هيه ماشيه فيه ده
وحاولى مش طعتى لها اهتمام خالص يا مريم
علشان تفتكر انها بالنسبه ليكى عادى
وبكده هتبعد عنك علشان مفيش فائده

*ساسُّو*
14-06-2008, 09:37 PM
شكلى هعمل كدة فعلا

thesailor
22-06-2008, 12:59 PM
الباب اللي يجيلك منه الريح سده واستريح

ahmed anwer
30-06-2008, 07:50 PM
انصحك بالابتعاد عنها فوراااااااااااا

*ساسُّو*
05-07-2008, 07:12 PM
الله اعلم.......................... بس يارب تسيبنى فى حالى