السلام عليكم ورحمة الله



أردت من هذا الموضوع أن نتناقش حول الخبرات والمهارات
والشهادات والكورسات التى ينبغى أن يحصل عليها
أى معلم لغة إنجليزية ناجح أو أى تخصص آخر
كى تثرى سيرته الذاتية وتضمن تحديث معلوماته
وتطوير مهاراته بشكل مستمر.

ما هى أهم هذه الشهادات أو الدورات؟
وكيف يحصل عليها؟
وما تكلفة هذه الكورسات أو الشهادات؟
وأى معلومات أخرى ..

كما أتمنى من أى أخ وزميل فاضل حصل على أى دورة
أو شهادة أو كورس أن يخبرنا كيف حصل عليها وكيف أفادته،
ومدة الدراسة بها، وتكلفتها حتى تعم الفائدة على الجميع ..



هيا بنا نفيد ونستفيد معاً ..

:friendsxs3:

http://shaima-edu.com/wp-content/uploads/2012/09/ICDL-core-logo.jpg (http://www.thanwya.com/vb/showthread.php?p=5081144#post5081144)

لاعغلغللاعتةغ7

بسم الله الرحمن الرحيم
بدايةً الكورسات والدوارات مش كل حاجة ولكن بتحط رجلك على اول طوبة تحت أول سلمة فى طريق اتقان اللغة الإنجليزية المتحدثة وسأحكى تجربتى ان شاء الله بالتفصيل مع الكورسات وكيف استفدت منها غدا ان شاء الله

بسم الله الرحمن الرحيم
بدايةً الكورسات والدوارات مش كل حاجة ولكن بتحط رجلك على اول طوبة تحت أول سلمة فى طريق اتقان اللغة الإنجليزية المتحدثة وسأحكى تجربتى ان شاء الله بالتفصيل مع الكورسات وكيف استفدت منها غدا ان شاء الله

فى انتظار تجربتك استاذ رضا على احر من الجمر
لك كل الود وخالص التحية

بسم الله الرحمن الرحيم
سأبدأ من الأول أرجوا ألا تملوا
تخرجت من كلية الأداب جامعة المنصورة وهى كما تعلمون دراسة اكاديمى لا تهتم بالنطق كثير المهم كان كل همى أحفظ شوية جرامر علشان شغل الدروس والتدريس وربنا وفقنى وعملت سمعة ومكانه الحمد لله ولكن أنا لست راضيا عن نفسى مدرس انجليزى مش عارف يقول كلمتين على بعض حاولت مع نفسى بس مش عارف اعمل وأبدأ ازاى وبعد حوالى 7 سنوات شغل تدريس ذهبت الى المنصورة رغم انها تبعد حوالى 45 ك عن قريتى التى أعيش فيها "الستامونى " وأخذت ليفل محادثة فى المعهد البريطانى وكانت البداية عرفت مستوايا وانا فين بالظبط وكانت المحاضرة تكبرنى بعام أو اثنين ولكن معها ماستر من الامعة الأمريكية ولما علمت انى مدرس خافت ازاى انت جاى تاخد كورس محادثة وكدة يعنى المهم تحججت انى من قرية وادرس بالعربى وليس هناك فرصة ان اتكلم انجليزى مع الطلاب ....رغم انى لم أستفد كثيرا الا انها كانت البداية لى وعرفت من اين أبدأ بدأت اخش على النت وادور وأبحث على فيديوهات وعلى صوت وسأذكر خطوات
1- فى البداية سجلت لنفسى وانا بتكلم انجليزى فى أى موضوع أى كلام فى أى كلام المهم اتكلم
2- الخطوة التانية كل يوم لازم اسمع انجليزى وخصص جزئية معينة اسمعها واسمعها واسمعها لغاية ما ودانى تورم من السمع بدأت ألقط طريقة النطق زى العيل الصغير بالظبط وهى نفس الفكرة الأستماع المهم ودانى خدت تعبيرات أصلا لا أعرف انطق غيرها الأن مثل more and more انت بتنطقها مور أند مور لالالالالالالالا قل وراى

مُر ان مور وحاجات كثير لسى ربنا يقدرنى وأذكرها بالتفصيل





يتبع

نكمل من تانى
إبدأ اتكلم حتى لو مع نفسك تخيل أى موضوع وان فى حد بيكلمك وسجل لنفسك واسمع نفسك وشوف انت نطقت ازاى هتلاقى فى البداية غلطات مش هتصدق ان انت مدرس انجليزى اصلا بس ولا يهمك كل ده ولا حاجة لما توصل لنتيجة مرضية ان شاء الله المهم انك تسمع كثيييييير جدا وتتكلم بالطريقة اللى قلت عليها أما بالنسبة لشغلك فى الفصل حتى لو الطلاب مش فاهمين انجليزى اشرح بالأنجيزى وترجم اللى انت قلته مباشرة حتى يفهم الطلاب لدرجة ان الموجه دخل حصة ليا وكان فى نص استماع وقرأته مرتين بس بطريقتى الجديدة الحلوة قراءة أنجليزى على حق زى الفراشة مش الجماعة اللى بيضغطوا على كل كل لغاية ما يخرروها دم أسف على التعبير بس دى حقيقة مثل leave it حضرتك بلاش حضرتك لاحسن تزعل منى انا كنت بقول " لييف إإتت " وعايز اتنين يضغطوا معايا لالالالالا قل ورايا " ليفيت "

المهم بقى الخيبة الثقيلة لما تيجى تشرح بالإنجلزي مش هاتعرف قل ليه لأنك لازم تحضر جميع الجمل والمفردات اللى انت محتاجة وهتخدمك فى الناحية زى مثلا عايز تقول الفعل يتبع بــــ أو يسبق بــ مثلا فلازم تذاكر شوية جرامر من كتب انجليزية الأصل مش ملخص

على فكرة يا جماعة انا بتكلم بتلقائية واللى شايف ان الكلام ده احتمال يكون خايب وان ما فيش مدرس انجليزى بالمواصفات اللى انا بقولها يا ريت ما يثبتش همتنا ولعل وعسى يكون فى مدرس خايب زى حالتى ويستفيد منها

يتبع

بعد ذلك بعد ما دربت نفسى شوية وبدأت أخد ثقة فى نفسى شويتين طبعا زملائى كانوا شموا خبر عن كورس المحادثة اللى انا أخذته وهو لا كورس ولا حاجة ده مجرد ليفل واحد لا راح ولا جه المهم جلست مع زميل دراسة ومدرس مثلى ولكن ملبوخ شوية فى الدروس ومش عايز يصرف على المادة اللى هى مصدر رزقه لا عنده كمبيوتر ولا نت ولالالا على فكرة انا مش بغتابه أه بس أنا بوضح بس والأنكت من كده ان صاحبى ده عند مرونة فى الكلام بس الأول كنت بخاف من الشوية دول وطلبت من صديقى هذا قلتله بما اننا مدرسين انجليزى تيجى نكلم بعض بالأنجليزى وكانت المفاجئة لقد شهد لى صديقى وقال ان مستوايا فى النطق والطلاقة فى الكلام تحسن كثيرا لأنى فعلا بدأت أطبق اللى انا بسمعه وتحمست أكثر وسمعت انجليزى اكثر وأكثر
يتبع

الله عليك يا استاذ رضا وعلى اسلوبك الجميل، محدش كبير على العلم والشخص الناجح هو اللى بيتعلم من اخطاءه .. متابعين مع حضرتك ....

معذرة على التأخير لأنى كنت متعب قليلاً وكنت مشغول فى الإعتذار عن تصحيح الأعدادية
نأتى بعد ذلك الى نقطة مهمة جدا هل ستتحدث أمريكى أم بريطانى ومش هتفرق كتير بس وجهتى نظر المتواضعة أنا أفضل الأمريكى لأنه الأفرب لوسائل الإعلام أفلام برامج وأشيك طبعا والغريب عندما ذهبت الى المعهد البريطانى وجدت المحاضرة تتحدث أمريكى ومن هنا بدأ تعلقى بالأمريكى وأوصت لنا بكتاب أسمه المحادثة الإنجليزية لجميع الدارسين لواحد أسمه أديب بساده لو انت من المنصورة هتلاقيه فى مكتبة الجلاء

بعد كده ذهبت الى معهد ILC أو Harvest فى المنصورة عند الجامعة وأخذت ليفل محادثة وأشترط ان المحاضر يكون أجنبى وهو بالفعل كان موجود تبع المركز وكان أسمه دافين من كندا بس العجيب فى الكورس انى عملت تيست وأجتازته بتفوق ومع ذلك لقيت نفسى مستوى واحد وحطين معايا فى الكورس طالبه تانية أعدادى وناس لسى فى الجامعة وطب بيطرى المهم هيصة يا معلم وطبعا كل ده علشان الفلوس لأن بصراحة أهم حاجة عندهم الفلوس تستفيد أو لا مش فارقة المهم الفكة بس كان معا اتنين مرسين تانين وطبعا كنا واخدين الكورس لحسابنا والباقى يا عينى غلابة وده مش ذنبى ولا ذنبهم دى غلطة المركز اللى مش فارقة معاه

ده بالنسبة للكورسات اللى أخدتها بس أرجع وأقول كله بيعتمد عليك انت تستعين بالله وتنوى وتبدأ من الأن تسمع بدايه لو هتتكلم أمريكى ودى نصيحتى شوف القناة

http://www.youtube.com/user/AccurateEnglish/videos?view=0&flow=grid
أسمع وشوف وقل رأيك

وواحد تانى أسمه a j hoge
http://www.youtube.com/user/ajhoge
ودى قناته وليه ملفات صوت غايه فى الروعة ودى اللى انا أستفدت منها أسمها power English ممكن تنزلها من النت
متشوق لسماع تجاربكم بالله عليكم لا تكتفوا بالمشاهدة جايز تقول معلومة يستفيد منها غيرك وتبقى فى ميزان حسناتك ليوم الدين وللحديث بقية بعد الردود والتفاعل مع الموضوع وشكرا والسلام عليكم فى حفظ الله

كل يوم عدد المشاهدات بيزيد ولا أحد يتفاعل مع الموضوع والناس بتكتفى بالمشاهده 260 شخص شافوا الموضوع ولا واحد عنده حتة خبرة صغيرة يقولها سبحان الله

بارك الله فيك

استاذ رضا بصراحة كلامك جميل جدا جدا وانتظر تجربتي قريبا

يا مسهل يا رب أخيرا حد هيقول تجربته متشوقين لتجربتك مستر صابر

اولا موضوع رائع جدا تسلم ايدك Beleh

ثانيا مستر رضا انت بجد انسان محترم ومثال للمدرس المجتهد وفعلا انا ناوى ادخل فى موضوع الكورسات ده عشان لاحظت ان منذ بدأت مهنة التدريس دى وانا مستوايا نزل جداااااا زيادة على ده انى بشتغل ف الازهر يعنى حتى الموجهين مستوياتهم ضايعة فلازم حاجة تسندنى قبل ما انسى الانجليزى كله
بالنسبة لل ICDL انا اخدتها واحب اقول لجميع الزملاء انها مجرد شهادة ملهاش اى لازمة انما لو عاوزين نؤسس انفسنا صح يبقى لازم نروح للمركز البريطانى او الامريكى وبالذات فى الجامعة الامريكية كورس المحادثة فيها اكثر من رائع و نعمل زى ما مستر رضا عمل امتحانات تحديد مستوى واتحدى الجميع اننا حننصدم من النتيجة عشان بجد اللى احنا بنتكلمه ده مش انجليزى خااااااالص :)


دى خبرتى المحدودة وبالتوفيق للجميع :078111rg3:

أستاذ أحمد أولا شكرا على تفاعلك مع الموضوع وعلى زوقك فى الرد
ثانياً أحيى فيك صراحتك لأن موضوع تحسين مستوى المدرس محتاج صراحة واعتراف انه يوجد مشكله
لأن مشكلتنا كلنا هى الطلاقة فى الكلام والنطق ويجد بعض الأساسيات ان عرفتها تجد ان الموضوع بسيط بس محتاجين تفاعل اكثر حتى يتم تبادل خبرات

شكرا على الموضوع
بصراحة انا اعرف قواعد كثيره للنطق تختلف كثيرا عما نتعلمة فى المدارس والجامعات لان المدارس والجامعات لاتعلم شى أصلا بل هى فقط تفتح لك الباب لتعلم نفسك وتوجد قواعد كثيرة لا يعرفها معظم المعلمين وهذا هو السبب لعدم فهم واستيعاب الكثير من المعلمين لما يستمعوا اليه اثناء الافلام والخطابات وغيرة : على سبيل المثال
nice shoes تنطق nish shoes
accidents تنطق accidens وهناك قواعد أخرى كثيرة تستطيع الحصول عليها من الكتب وهذا (من وجهة نظرى) نادر وصعب الحصول عليه واذا كنت مستمع جيد يمكنك استنباط الكثير من مثل هذه القواعد من خلال الافلام وغيرة ويجب عليك أن تستمع كثيرا حتى ولولم تفهم شىء وانا كنت استمع الى الافلام وغيره ومعى ورقة وقلم وادون كل ما اراه يستحق التدوين وكانت الفائدة والاستفادة من ذلك كبيرة جدا والحمد للة واتمنى ان افيدكم واستفيد منكم فانا معلم ولكنى ابحث عن العلم (خاصة النطق و الاستماع) بكل وسيلة

الله عليك يا مستر سيد هو ده اللى أنا عايزه تبادل خبرات واتمنى من الأخوة اللى عنده قاعده يدونها طبعا انا أقصد النطق والتحدث

والله انا في الازهر واعمل مدرس لغة انجليزية .احيانا اتحدث لنفسي باالانجليزي

بجد يامستر رضا الموقع اللي انته وضعت اسمه موقع ممتاز ممتاز جدا وانا حملت كثير من الفيديوهات الرائعة والان انا في مرحله سماعها والحقيقة اجد انني كل يوم افهم اكثر من ذي قبل ولكن المشكله عندي هي.....

عذرا مستر سيد سماع الافلام والنشرات وغيرها لن يكون مفيدا في المراحل الاولي من التعلم الذاتي وذلك لانها سريعه ولا تتعامل مع مفردات شائعة فيمكن ان تشكل صعوبه في البدايات اما بالنسبة لان تكتب قواعد للنطق من خلال الافلام فهذا غير ممكن اذا كنت لا تعرف القاعده اصلا اقصد انك اذا كنت تعرف القاعدة وسمعتها فمن السهل تدوينها ....رأيي ان نبدأ ببعض المقاطع الصغيرة فهي بداية جيدة من وجهة نظري

أنا عايز الناس تتفاعل مع الموضوع وان شاء الله هزبطكوا أه والله لا تقلقوا خد عندك
صلى على النبى كمان زيد النى صلاة
بالنسبة للأفلام الأجنبى مفيده جدا جدا جدا بس لو عرفت تتعامل معها وأقول أزاى تتعامل معها
1 / تختار فيلم مش أكشن ويا ريت يكون كرتون مثل the wild مش أطفال لا فيلم طويل
2/ وما يكونش مترجم عربى قل لى ليه لأن سيادتك هتنزل الترجمة أنجليزى وتسمعه بيها وبعدين ممكن تسمعه بالعربى وبعدين من غير وشوف الفرق أو ممكن تسمع الفيلم الأول بالعربى تفهم القصة علشان بعد كده تكون مركز فى الحوار ووقف الفيلم وكرر وراه وأدعيلى يا معلم
3 / لو مش عارف تتعامل مع الكلام اللى انا قلته ماتتكسفش وعرفنى وانا هبسط خطوة خطوة

http://www.youtube.com/user/ebabyenglish/videos?view=0
خد القناة دى كلام انجليزى ومعاه كتابة انجليزى أى خدمة بس بالله عليكم أستحلفكم بالله لا تحرمونى من دعواتكم

جزاك الله خيرا مستر رضا
بالنسبة لتجربتى انا كنت مثل مستر رضا واقل كمان بس فعلا بدأت أستمع كتير لفيديوهات الانجليزى من على اليوتيوب وفيه موقع ممتاز اسمه aUSTRALIAN iLETS وكمان ممكن تدخل على موقع اليوتيوب وتكتب LYRICS SONGS وحلاوته انك هاتشوف الكلمه او المقطع بعينك وهاتسمع النطق الامريكانى الصح وياسلام لو كل اسبوع تحفظ اغنيه وتستمر فى ترديدها وخاصة اغنية SWAY

جزاك الله خيرا مستر رضا
بالنسبة لتجربتى انا كنت مثل مستر رضا واقل كمان بس فعلا بدأت أستمع كتير لفيديوهات الانجليزى من على اليوتيوب وفيه موقع ممتاز اسمه aUSTRALIAN iLETS وكمان ممكن تدخل على موقع اليوتيوب وتكتب LYRICS SONGS وحلاوته انك هاتشوف الكلمه او المقطع بعينك وهاتسمع النطق الامريكانى الصح وياسلام لو كل اسبوع تحفظ اغنيه وتستمر فى ترديدها وخاصة اغنية SWAY
http://www.thanwya.com/vb/style12/buttons/quote.gif (http://www.thanwya.com/vb/newreply.php?do=newreply&p=5106675)

very beautiful