aboyoussef
20-01-2013, 07:10 PM
أرسل المستشار طلعت عبد الله، النائب العام، خطابًا، للمستشار مصطفى خاطر المحامى العام لنيابات شرق القاهرة، للاستعلام عن القرار الصادر من نيابة شرق القاهرة بوقف تنفيذ حكم محكمة جنح مستأنف مدينة نصر، الصادر لصالح الإعلامية رضا الكرداوى بحبس طليقها توفيق عكاشة 6 أشهر مع النفاذ بتهمة السب والقذف.
وكانت الكرداوي قد تقدمت بشكوى للنائب العام، أمس السبت ضد نيابة شرق القاهرة بعدما فوجئت بقرار صادر من النيابة، يفيد بإيقاف تنفيذ حكم المحكمة الصادر لصالحها استنادًا للمادة 525 من قانون العقوبات، والذى يتيح للنيابة العامة فى حالة إصابة المتهم بعد الحكم عليه بالجنون إيقاف تنفيذ الحكم، طبقا لتفسير تلك المادة فى مادة أخرى من قانون العقوبات، وهو الأمر غير المتوافر فى هذه الحالة.
http://www.almesryoon.com/permalink/82983.html (http://www.almesryoon.com/permalink/82983.html)
أ / طارق عتمان
20-01-2013, 08:26 PM
طيب با جماعة
إذا كان اللي بيتكلم مجنون.. يبقى المستمع إيه؟
ا/توفيق عزت
21-01-2013, 12:18 AM
ربنا يكرمه و يتجنن او يدعى الجنون
من هى اللجنة الطبية التى كشفت عليه و قالت ذلك ؟؟؟؟
و هل هى اللجنة التى قالت زمان عن حسنى : انه يحتضر .. انقلوه الى شرم الشيخ !!!
Dr norhan
21-01-2013, 12:34 AM
مجنون دى كلمة قليلة علية دى بس لو دة بجد لازم يتحط فى مستشفى العباسية ههه ويتمنع من العمل الاعلامى لانة خطر ربنا يهدية والله الراجل دة شكرا جدا وجزاك الله خيرا على الخبر تقبل مرورى
a7med bondok
21-01-2013, 12:39 AM
ربنا يهديه ويهدي كتير زيه سواء ليبراليين او اسلاميين
د.عبدالله محمود
21-01-2013, 12:43 AM
ده جنون إضافى غير القديم اللى عنده ؟
يعنى جنون أوفر تايم ؟
يا لأطماع الفلول التى لاتنتهى , حتى فى الجنون , يخص الرجل منهم نفسه بصنفين:d
أ/رضا عطيه
21-01-2013, 01:28 AM
مجنون مجنون بس يفك من الحبس والسجن
يعنى جابوا له تهمه جديده
ماهو مجنون
شكرا على الخبر
*تائبة فى رحاب الله*
21-01-2013, 10:53 AM
لا مش دلوقتى يبقى مجنون
عشان القضايا اللى عليه ميتحاكمش فيها ؟.!!
لا القضاء عاوز يلعبها بقى ..!!
مجنون وبتطلعوه ع الفضائيات لييييه؟؟
المصري أشرف
21-01-2013, 11:03 AM
مجنون مجنون بس يفك من الحبس والسجن
يعنى جابوا له تهمه جديده
ماهو مجنون
شكرا على الخبر
----------------------------------------------
لعيب ياعوكشة ... والله
طيب وده يبقي تفكير مجنون ..
صحيح خدوا الحكمة من أفواه وتفكير المجانين
صوت العقل
21-01-2013, 02:04 PM
هههههههههههههههه
شاطر فعلا .. ليه مش يبقى مجنون
ما هو من زمان مش بيهتم باللى يقال عليه
جت على دى يعنى .. فساد فى فساد
مش مهم اتعودنا ..
جزاكم الله خيرا ..
darch_99
21-01-2013, 02:10 PM
للمستشار مصطفى خاطر المحامى العام لنيابات شرق القاهرة
هو المستشار القانوني السابق لمستر شفيق الهارب
وهذا تحايل علي القانون وعلي القضاء المفروض ينفذ الحكم وبعدين ينظر في مسألة جنونة من عدمة
وبعدين ممكن يوضع في متشفي الامراض العقلية كمدان بحكم قضائي ويعين حراسة علية
وكمان كيف يسمح لمجنون بالخروج علي الفضائيات يبث جنونه علي الملايين اليس هذا تهديدا للامن والسلم ان يأخذ الناس افكارهم من مجنون ؟!
اية التناقض دة يا فلول !
شكرا لكم
المصري أشرف
21-01-2013, 07:31 PM
؟!
اية التناقض دة يا فلول !
شكرا لكم
----------------------------------------------------------------
حتي أنت يادرش ..
أنا علقت للإحترام الذي أكنه لك .. وأعلم أن تلك التصنيفات ليست في قاموسك .. فهناك الكثيرين ممن تحاورت معهم .. وغلبوا طائفيتهم علي مواضيعهم .. ومن يومها إنقطع كل حوار بيننا .. وهم يعرفون نفسهم جيدا .. وأنا أربأ بك أن تنزلق لتلك التصنيفات الطائفية التي لاتصدر إلا عن مهزوز أو موتور .. وأعلم أنك لست كذلك ...خالص إحترامي إن تقبلت مني .. وأيضا خالص إحترامي وأعتذر لك مسبقا إن لم تتقبل ..
ابونرمين
21-01-2013, 08:25 PM
إستعلام...لسه.....وتصارعنا؟؟؟؟؟لكى اللهُ يا مصرُ
أ/رضا عطيه
21-01-2013, 10:11 PM
----------------------------------------------
لعيب ياعوكشة ... والله
طيب وده يبقي تفكير مجنون ..
صحيح خدوا الحكمة من أفواه وتفكير المجانين
اللى يركب قطر البدرشين أويقف أمام سريع أرض اللواء أويسكن فى عمارة المعمورة
يبقى أكيد مجنون
وعكاشة عمل التلاته مع بعض فى نفس الوقت
تخيل لو عاش الإعلامى الوديع والمذيع اللميع واللغوى البديع
وبعد عن الواقع المرير والبط والجرجير ومدح مع فرقة إنشراح
بالله عليك يا أميرمش كان زمانه وزير والمهليلاتيةبيقيموا له الافراح
المهم والأهم والهام جدا : أين موقعك من إعراب السلطة ؟!!
واللى ينكر إن اللى قال له هذا المجنون
والشعب كله فيه دلوقتى مسجون
أنا أسف يبقى هو المجنون ؟
فلول بطعم طبق الفول وبصلاية وشطة
أفضل من منافق بطعم الكباب والكفته
شكرا جزيلا