لما أنت مش قد رياضة داخلها ليه ؟؟!!! [الأرشيف] - بوابة الثانوية العامة المصرية

كليوبترا@

11-06-2008, 12:55 PM

يا كباتن الامتحان ايوة صعب
بس مش للدرجة دي
عارفين انتو بتقولو كدا ليه
عشان انتو اول ماشوفتو الاسئلة اللى طبعا كلنا اول مرة نشوف زيها كان هيغمى عليكو
وبدأتو تفكرو فى حل من الاتنين يا مش حالل يا مش حالل
الاسئلة تتحل لكن محتاجة تركيز وقوة ارادة
وكل اللى طالع بيعيط وبيصوت ده داخل رياضة اصلا عشان المجموع أقل من 95% ومايجبش في حاجة علوم موش عشان بيحب رياضة
وكأن الهندسة دي خلاص بقيت كلية من ليس له كليه
مش ذنب واضع الامتحان ان الامتحان ده أول امتحان رياضة محترم يقيس مستوى الذكاء والفهم بجد
مش زي امتحانات الابتدائية بتاعة السنين اللي فاتت
ايوة صحيح انا اكتشفت درجتين طايرين بس ده الطبيعي
ده الاول على فرنسا بيجيب 80%
انا اسفة يا جماعة موش بستفزكو بس دى الحقيقة اللى مش قادرين تعترفوا بيها
ربنا معاكو جميعا بجد

EnG.BeLaL

11-06-2008, 01:00 PM

ماشي يا عبقرية بس انا عايزك تعرفي ان الامتحان كان صعب على اللي جايب اقل من 95 و اللي اعلى انا اعرف نا 99 و 99.5 و انا جايب 97.5 و الامتحان كان صعب علينا يعني على الكل

barbrosa

11-06-2008, 01:04 PM

انا مش متفقك معاكى فى الرأى ده لان الامتحان لو على كلامك جديد وبالطريقة دى كان لازم على الاقل انهم ينبههوا ويقولوا ان نظام الامتحان السنة دى جاى مختلف عن السنين اللى فاتوا زى ماعملوا فى مادة الفرنساوى من 4 سنين ثم ان الطالب مننا حل كتاب المدرسة وكتاب الدليل غير الملخصات :{ من الاخر الامتحان جديد جديد وصعب حتى على المدرسين

barbrosa

11-06-2008, 01:07 PM

ثم ان مين فينا مش قد الرياضة ؟!؟! انا من ساعة ما دخلت التعليم فيكى يا مصر وانا اجيب النهائية فى الرياضة بالذات

Ra2oF

11-06-2008, 01:48 PM

مجدي صفوت

11-06-2008, 02:17 PM

انتو عالم فاضية

mfm_91

11-06-2008, 03:03 PM

No Comment
معلش بقي اصل احنا تفكيرنا محدود موصلناش للعبقرية الفذة ديه احنا مقلناش ميجبوش امتحان صعب يجيبوا عايزين ذكاء يجيبوا بس امتحان تعجيزي ده الي لا كمان اشمعني احنا ؟؟ اشمعني وكمان يجيبوا امتحان الي عايزينوا بس ينزلوا بالتنسيق علي قد الامتحانات والمجاميع وده الي مش بيحصل

ومعلش اصل العبقرية ديه عند ناس وناس بقي

وانا من صغري بحب الرياضة ومن اول مكتبت الاستمارات وانا علمي رياضة مش عشان هندسة لا عشان بحب الرياضة

ومعلش هو انتي حليتي السؤال الثاني (ب) ولا العبقرية موصلتش للجزئية ديه

Sphinx

11-06-2008, 03:29 PM

حرااااااام عليكي ياشيخه يارب يعودلك ف ولادك ال انتي بتعمليه فينا ده

toty_toty

11-06-2008, 03:53 PM

صعب جداااااااااااااااااااااا

عاشقـــ الانمى ـــة

11-06-2008, 04:40 PM

انا بجد بصراحة مش عايزة اتكلم غير كلمتين
انتى مش قد الكلام دا يبقى مش تقوليه
على فكرة أشك إنك اصلا ثانوى من أساسه
ثم انتى مين يعنى عشان تقولى الكلام دا
انتى ولا فى علمى رياضة ولا حاجة
انتى اصل اشك حاجة من الاتنين
يا انتى مش طالبة يا مش فى ثانوى
لما يبقى ليكى اخ فى مستوى اخويا ومتميز طول عمره فى الرياضة
ال محلش حاجة فى الامتحان امبارح ابقى تعالى اتكلمى يا شاطرة

فنكوشه المنكوشه

11-06-2008, 04:44 PM

اشك اساسا انهم درجتين اللي طايرين :d

لانهم لو فعلا كدا مكنش زمانك اعده الاعده دي وكاتبه اللي انتي كاتباه

انتي عارفه اللي ببيبقوا ناقصين درجات قليله هما اكتر ناس بينقهروا:d

نبطل فزلكه احسن وكل واحد يدخل يشوف اللي وراه بدل ما احنا اعدين نولول ونصوت

ونتفزلك :dونشوف الماده اللي جايه بدل ما اللي فات واللي جاي يروح :)

منى ذكى

11-06-2008, 04:49 PM

انتى شكلك واحدة أدبى معقدة وبتحقدى على اللى واخدين رياضة وبتمثلى وعلى فكرة انا كمان ادبى بس حاسة بالناس دى عشان الامتحان كان صعب جدا زى ما بيقولوا.

hosam sabry

11-06-2008, 04:53 PM

والله عندك حق انا طول عمرى مدرسين الرياضيات يشهدوا بتفكيرى الرائع والمتميز فى الرياضيات واصحابى يقولولى هتقفلى ال50 اقوم ادخل الامتحان ضامنه ال 15 درجه قال ايه اخرج ضامنه ضياعهم
والله العظيم حرام كده
ان شاء الله هدخل هندسه المنصوره غصب عن عين اتخن تخين فى الدوله حتى لو مجموعى ما جبش
هيه عافيه بقى اصل مش هينفع معاهم الا كده
والا يعيدوا الامتحان زى ماعملوا قبل كده
والا احنا مش زى العالم

hosam sabry

11-06-2008, 05:03 PM

بصى يا كليوباترا شكلك يا اما عبيطه يا بتستهبلى واطالب باعاده تأهيلك نفسيا وعقليا لانو باين عليكى ضربتى خالص

arabSquad

11-06-2008, 06:17 PM

يا جماعه خلاص هدوا اعصابكم شويه

على فكره كلامك فيه جزء صح يا كليوباترا , بس المفروض الاسئله اللي بتعتمد على الذكاء سؤال او اتنين بالكتير جداً , إنما معظم الامتحان يجي تعجيزي بالشكل ده ... فده شيء تاني خالص

كليوبترا@

11-06-2008, 06:17 PM

شكرا أوي لكل الناس المحترمة اللى قالت كلام محترم
وشكرا أكتر لكل الناس المحترمة اللى قالت كلام مش محترم
أولا انا بجد علمي رياضة والحمد لله انا مش بتفزلك ولا بستعبط
انا الحمد لله حليت كويس في الامتحان بفضل ربنا سبحانه وتعالى
ثم بفضل تركيزي ومجهودي طول السنة
ثانيا انا طبعا زعلانة انى هانقص درجتين بس قدر الله وماشاء فعل والحمد لله انها جات على قد كدا
واللي مصبرني بجد ان مصر كلها بتصرخ من الامتحان الا انا
ثالثا انا راجعت فعلا الامتحان مع مدرس الرياضيات اللى كنت باخد عندو درس فى مجموعة مش خصوصي يعنى ولا حاجة
رابعا الامتحان ايوة كان صعب بس والله العظيم اى حد من اللى بيتكلم وبيشتم وبيصرخ ده كان ممكن يحلو بشوية تركيز وصبر وقوة ايمان بجد
انا فعلا اول ماشوفت الامتحان كنت هاعيط زيكو وماكنتش عارفة احل السؤال الاول والله
بس سيبتو ورجعتله تانى والحمد لله ربنا وفقني
يا جماعة بجد اسهل جاحة اننا نقول الامتحان صعب ونطلع نصرخ
بجد اجمل حاجة انك وانت في اللجنة تفكر فى أبوك واد ايه صرف عليك وأد ايه أملو فيك وأد ايه انت عيل أوي أما تقعد تعيط وماتفكرش أصلا انك تحل

يارب اقف جنبي طوال الامتحانات لحد ماأحقق أمل ابويا فيا وأحقق اللى طول السنة بتعب عشانه
يارب زي ماقوتني في امتحان التفاضل قويني في بقية الامتحانات
يارب سامحني اني كلمت الناس دي وضيعت فعلا وقتي في الرد على اتفه طلاب في مصر
ا انا مش اسفة
ويارب وفقهم كلهم وقويهم وأكرمهم

EnG.BeLaL

11-06-2008, 06:34 PM

حسبي الله و نعم الوكيل انتي فعلا يا بنتي معقدة عشان تعملي موضوع زي ده و تقولي علينا اتفه طلاب . لان لما حد ربنا بيكرمه بيشكر ربنا مش يقعد يتكبر و يغيظ في الناس . مش هاقولك غير ربنا يسامحك لانك بتزودي التعب النفسي عند طلبة كتير قروا الموضوع ده . وانا على فكرة راجعت و لقيت نفسي ناقص بالكتير قوي 3 درجات كنت ممكن اعمل زيك بس انا مقدر شعور كتير من زمايلي و غير كده انا كنت عايز اقفل الرياضة و كنت ضامنها . و خللي بالك كل الطلبة اللي بتشتكي هي دي الطلبة اللي تعبت بجد لان اللي متعبش مش فارقة معاه .

0o03aneda0o0

11-06-2008, 07:03 PM

مالها دي
اتفه طلاب في مصر
بصي انا هقولك حاجه
لما تقفليه ابقي تعالي كلمينا لكن مادام ناقصه ولو نص درجه يبقي تسكتي كده زي الشطوره لأنك مش من العباقره الي قفلوا
ثانيا لو كنتي عبقرية زي ما انتي بتقولي يبقي ابشرك اول سنة هندسه تاني سنة هتحولي تجاره
لأن ثانوية عامة مقياس غباء والمدرس بتاعك وشطارته لكن كطالب عبقري عمر ما كانت امتحانات ثانوية عامة مقياس ليه
بلاش تتكلمي بغرور كده علشان ربنا مينزلكيش الأرض
وايه هندسه بتلم دي وكلية من ليس له كلية انا اعرف ان في حاجه اسمها ربنا كاتبلي الخير في حاجه فموفقنيش ف حاجه تانية ده الي عرفته ف حياتي
فوق 90% ده طالب متميز
وبعدين لو هتتكلمي عن العباقره فأنا مسمعتش عن حد كان ناجح وهو صغير وكبر ناجح بردو لكن كلنا شفنا عباقره ياما كانوا فشله وهما صغيرين وبعد كده فادوا العالم كله
وبعدين انتي متولدتيش عبقرية
قال تعالي 'وكذلك كنتم من قبل فمن الله عليكم'
اتق الله ولو عندك كلمة حلوة قوليها ولو معندكيش يبقي التزمي الصمت يا عبقرية

عاشقـــ الانمى ـــة

11-06-2008, 07:40 PM

يارب سامحني اني كلمت الناس دي وضيعت فعلا وقتي في الرد على اتفه طلاب في مصر

ماشى يا ست الكتكوتة
ابقى اتكلمى مع العباقرة ال زيك
اصل بصراحة الواحد لما كلمك حسه انك عبقرية اوى
سلام يا ست الكتكوتة

reda_mafia50

11-06-2008, 07:41 PM

حظاهم وحش ما الامتحانات سننين لفتت كنت اسهل من ده على ما اسمع ام الامتحانات السنادى فى تانيه و تالته د ه توصيه بقى بفلفل
الحار وشطه الولعه يلا ربنا يستر واسيبكم ع
لشان الامتحان الانجليزى

sh2awa _ 91

11-06-2008, 07:51 PM

سبحان الله على الشعب المصري لما بيتمكن من حاجة اولا انا 2 ثانوي بس انا عارفة اية الي حصل كويس اوي في امتحان 3 وشوفت الانهيار الي حصل , كلللللللللللللل المدرين قالوا ان الامتحان صعب ياريت بلاش نتفلسف على خلق الله .. حرام الناس اعصابها تعبانة ,يمكن انتي حليتي الامتحان وكان سهل عليكي بس احمدي ربنا لأن ناس كتيييييييييييير اوي مش حلوا في الامتحان دة !! تقومي تدخلي تستفزيهم بالكلام
حرام عليكي بجد !!! انتي شوفتي منظر ااهالي والطلاب كانوا عاملين ازاي .
ارحمو من في الارض يرحمكم من في السماء , انا ليا ناس اصحابي متفوقيييييين جداااااااااااااا والسنة الي فاتت كانت مجاميعهم ماشاء الله بجد والسنادي الامتحان حطمهم جامد

وبعدين ممكن افهم الكلام دة
يارب اقف جنبي طوال الامتحانات لحد ماأحقق أمل ابويا فيا وأحقق اللى طول السنة بتعب عشانه
يارب زي ماقوتني في امتحان التفاضل قويني في بقية الامتحانات
يارب سامحني اني كلمت الناس دي وضيعت فعلا وقتي في الرد على اتفه طلاب في مصر
ا انا مش اسفة
ويارب وفقهم كلهم وقويهم وأكرمهم

اية اتفة طلاب في مصر دي !! وانتي بتتكلمي زي ما يكون كللل الناس مش حاسيين باهاليها الا انتي
والنبي تبقي تاخدي بالك من كلامك عشان الحالة مش ناقصة وكفاية غرووووووووووووووووووووووووووووور
لو انتي حليتي كويس احمدي ربنا مش تطلعي تترسمي على الناس !!!!!! حرام عليكي بجد اتقي اللع في البشر الي تعبانة عشان ربنا يكرمك في باقي الامتحانات وتحققي احلامك !!

sh2awa _ 91

11-06-2008, 07:54 PM

ماشى يا ست الكتكوتة
ابقى اتكلمى مع العباقرة ال زيك
اصل بصراحة الواحد لما كلمك حسه انك عبقرية اوى
سلام يا ست الكتكوتة

يا حبيبت قلبي انتي مش واخدة بالك ولا اية !! احنا اتفة طلاب في مصر :D
يعني ينفع يعني لما هي تكلم اتفة طلاب في مصر !! عيب اوي يعني . احنا بردوا مش قد المستوى
والناس مقامات بردوا ومش كل الناس تتساوا ببعضها :huh:
يارب ارحمنا من الي الناس بتعمله دة ....

shimagad_91

11-06-2008, 08:23 PM

Ra2oF

11-06-2008, 08:38 PM

اه انا في حاجة نسيتها يا كليوبترا ان الامتحان اسئلتوا جاية من بره المنهج يعني احنا حلينا كتاب المدرسة و مفنطينوا _مع العلم ان الوزير قال مفيش حاجة هتيجي من النماذج وكلوا من كتاب المدرسة _ و ذاكرنا النماذج كمان و جالنا امتحان هيروغليفي انا معاكي ان فيه مسائل عايزة تركيز و هتتحل بس اليغيز ان يبقي فيه اكتر من نوصوا الغاااااااااز شوفي امتحانات 1980 لحد دلوقتي هتلاقي هتلاقي مسألة مسألتين الفوق العادي و بيبقوا غالبا معادلات زمنية او تطبيقات قيم عظمي و صغري :::::::::: يعني بليييييييييييز مش عايزين كلام و خلاص و زي ما قلتلك لو كنا في فرنسا هبقي معاكي في كلامك بس انا ليه عتاب عليكي في كلمة اتفه طلاب علشان الغرور وحش و ربنا معاكي و ان شاء الله تحققي أملك

هند2006

11-06-2008, 08:41 PM

الله يسامحك ياكيلوبترا احنا سبنا الذكاء لكى ربنا يبارك لك ياستى واحنا اتفه طلاب مصر فعلا ان احنا قرأنا موضوعك

abom

11-06-2008, 09:47 PM

ما شاء الله
متهيألى أنا شفت الاسم ده من يومين فى خبر أنه خد جائزة نوبل فى الرياضيات !
أولاً : مفيش مدرس فى مصر شرح الشرح اللى يخلى الطالب يخش يحل الإمتحان ده و الطلبة كل اللى بتعمله هى و الاساتذه أنهم يحلو كتاب الوزارة و النماذج و كان الله يحب المحسنين .
ثانياً : التعليم الثانوى لا يمت بأى صله بذكاء الطالب أو حتى غباءه مش عبقريته !
ثالثاً : احنا طلبة تافهين فعلاً إن احنا ردينا عليكى و مفيش واحد بيحل و يجى يقول أنا حليت و عملت و من السهل قوى أنى أكذب النت مليان بالأشكال دى
و السلام

stop

11-06-2008, 10:39 PM

dياجماعة حرام عليكوا انتوا اقمتوا علية لية كدة ؟ بس انا عندى سوال يا كيلوبترا هو انتى ادبى ولا اية؟
ولا سياتك جيبة كام طلام احنا مش قد رياضة ودخلنة عشان المجموع على فكرة لو حتى الامتحان مش صعب فى الوقت قليل و ابقى اقرى جرايد يا مولبورة

delphrose

12-06-2008, 08:38 AM

Hob

12-06-2008, 12:27 PM

أولا ميرسي ليكي جدا علي الموضوع المستفز ده
بس في حاجات انتي ما اخدتيش بالك منها انتي
والمهندس delphrose (http://www.thanwya.com/vb/member.php?u=89971) ده لو حقيقي مهندس
الامتحان ده لو اتفقت معاكي انه ممكن يتحل
هو فعلا ممكن
بس علشان طلبة في ثانوية عامة
قدامهم وقت ساعتين ولازم يخلصوا فيه الإجابة
ده غير طبعا الوقت اللي بيضيع في اللجنة في البداية
الامتحان ده محتاج ضعف وقته علشان يتحل
ده غير انه فيه مسائل غامضة محتاجة مجهود علشان توصلي لفكرتها
يعني مش بمجرد ما هنشوفها هنحلها
شوفي بقى لما كل سؤال تفكري فيه
وتبدأي تكتبي اجابته وبالمناسبة لو دخلتي علي الموضوع اللي فيه الإجابة
هتشوفي الإجابة طولها قد ايه
يعني عمرها بأي طريقة ما تخلص في ساعتين
وبعدين المدرسين نفسهم قالوا انهم علشان يحلوا الامتحان ده
محتاجين علي الاقل اربع ساعات
ده غير بقى الأخطاء الفنية اللي في ورقة الإجابة
زي السؤال الرابع بتاع الإثبات
لأن السؤال ده موجود بالنص في امتحان قديم
بس الطرف الأول قبله نص
يعني استحالة الطرف التاني هيساوي الأول ونصه في نفس الوقت
وكمان المفروض وده اللي موجود في أي امتحان محترم
انه لما يكون في قوانين تراكمية ومش مشهورة قوي زي حجم الكرة ومساحتها
انه هو يذكرها تحت السؤال خاصة لو انه معتمد عليها
ولأن السؤال أصلا المفروض انه بيختبرنا في منهجنا مش في قوانين السنين اللي فاتت
ده غير ان السؤال الخامس في المعادلتين أصلها تكعيب واتكتبت تربيع
ده غير كمان انك لو جبتي أي كتاب من أي حتة
وشفتي أسئلة القيم العظمي والصغرى فيه
عمرك ما هتلاقي سؤال فيها للدوال المثلثية
وبرضه أي سؤال بيذكر فيه دالة من الدرجة الثالثة ولو انها نادرة أصلا
بيكتب الدالة مش بيحذفها دي كمان
وكلمة أخيرة بالنسة للمهندس اللي معانا ده
انا اخويا مهندس اتصالات وكان جايب 50 في رياضة 2 وعارف منهجي كويس قوي
لانه بيتابعني فيه دايما وشاف الامتحان
بس الفرق انه ما نسيش انه كان طالب في يوم من الأيام في نفس موقفنا
لكن الواضح ان طول مدتك في الهندسة ولو انها مش طويلة قوي
انا اخويا من قبلك
بس الواضح انها نستك الفرق بين منهج الثانوية اللي صعب عليه ان يكون امتحانه بالشكل ده
ومنهج الهندسة اللي يخليك تحله بسهولة
وده كان رأيي واسفة لو كنت طولت عليكم

No WaY

12-06-2008, 12:42 PM

[شكرا أوي لكل الناس المحترمة اللى قالت كلام محترم
وشكرا أكتر لكل الناس المحترمة اللى قالت كلام مش محترم
أولا انا بجد علمي رياضة والحمد لله انا مش بتفزلك ولا بستعبط
انا الحمد لله حليت كويس في الامتحان بفضل ربنا سبحانه وتعالى
ثم بفضل تركيزي ومجهودي طول السنة

برافو عليكي يا شاطرة ولما تحلي حلو لازم تدخلي تعقدينا احيانا الصمت افضل من الكلام يا كتكوتة يا شاطرة ولا ايه !!
ثانيا انا طبعا زعلانة انى هانقص درجتين بس قدر الله وماشاء فعل والحمد لله انها جات على قد كدا
واللي مصبرني بجد ان مصر كلها بتصرخ من الامتحان الا انا

اصل انتي شاطرة وعبقرية وملكيش حل ومن عالم تاني مش عوزاني نقول كدا ولا عوزانا نقول ايه يعني !!

ثالثا انا راجعت فعلا الامتحان مع مدرس الرياضيات اللى كنت باخد عندو درس فى مجموعة مش خصوصي يعنى ولا حاجة

برافو برافو
رابعا الامتحان ايوة كان صعب بس والله العظيم اى حد من اللى بيتكلم وبيشتم وبيصرخ ده كان ممكن يحلو بشوية تركيز وصبر وقوة ايمان بجد

كمان بتقولي شعارات
انا فعلا اول ماشوفت الامتحان كنت هاعيط زيكو وماكنتش عارفة احل السؤال الاول والله
بس سيبتو ورجعتله تانى والحمد لله ربنا وفقني

قلتلك قبل كدا انتي شطورة وكتكوتة وتعبانة نفسيا :d

يا جماعة بجد اسهل جاحة اننا نقول الامتحان صعب ونطلع نصرخ
بجد اجمل حاجة انك وانت في اللجنة تفكر فى أبوك واد ايه صرف عليك وأد ايه أملو فيك وأد ايه انت عيل أوي أما تقعد تعيط وماتفكرش أصلا انك تحل

قمة التضحية

يارب اقف جنبي طوال الامتحانات لحد ماأحقق أمل ابويا فيا وأحقق اللى طول السنة بتعب عشانه
يارب زي ماقوتني في امتحان التفاضل قويني في بقية الامتحانات
يارب سامحني اني كلمت الناس دي وضيعت فعلا وقتي في الرد على اتفه طلاب في مصر
ا انا مش اسفة
ويارب وفقهم كلهم وقويهم وأكرمهم

صدقيني مش حتدخلي هندسة لانك مريضضضضضضضضضضضة نفسيا ومعقدة وتعبانة من جوا وان دخلتي فاي كلية تانية افضل ليكي سلام يا كليوباترا

M.H.Seadawy

12-06-2008, 01:31 PM

يارب اقف جنبي طوال الامتحانات لحد ماأحقق أمل ابويا فيا وأحقق اللى طول السنة بتعب عشانه
يارب زي ماقوتني في امتحان التفاضل قويني في بقية الامتحانات
يارب سامحني اني كلمت الناس دي وضيعت فعلا وقتي في الرد على اتفه طلاب في مصر
ا انا مش اسفة
ويارب وفقهم كلهم وقويهم وأكرمهم

انا مش هتكلم كتير بس مع إحتراماتي ليكي يا ...
اولا لو إحنا أتفه طلاب في مصر يبقى إنتي أتفه مننا لأنك إنتي الي كاتبه المووع الي إحنا المفروض نتناقش فيه
ثانيا لو إنتي عارفه ربنا وبتعي ومقدره تعب أهلك معاكي , يعني أهلك بس هما الي تعبوا معاكي وإحنا لأ؟
تقومي تتكلمي بالطريقة دي ؟
إحمدي ربنا وأشكرية إنه وفقك في الإمتحان على عكس ناس كتيرة إمتحنت وأظن يعني مش محتاجة فهم إن الناس مضايقة تقومي تغيظيهم وتستفزيهم أصلا
وما كانش لازم تكتبي الموضوع ده بدل ربنا مديكي الصحه والذكاء وخليهم لنفسك
مش عايزين نشاركك بدل إحنا تافهين _زي ما بتقولي _
بس عايز أقول حاجة
إنك أتفه مننا في نظرك إنتي لأنك نزلتي لمستوانا التافه
تقبلي أسفي يا أستاذه عبقرينوا ........
ولا إله إلا الله ولا حول ولا قوة إلا بالله العلي العظيم...
ربنا لا تؤاخذنا بما فعل السفهاء فينا ...

abom

12-06-2008, 01:45 PM

M.H.Seadawy

12-06-2008, 01:52 PM

I am really sorry but i have to put a comment on this. first I was in "3elmy reyada" 7 years ago, I am now a communication engineer graduated from cairo university, have done my masters and am doing my PhD. I know quite well the Math2 course, because I am teaching it to my cousines. I have seen the exam, am sorry but really if some students couldn't answer it they really shouldn't be an engineers.

An engineer needs to think, it is not just getting high marks and then failing in the faculty.
And I am really surprised from those who are saying it should be from namazeg el wezara or something like what they no. I am sorry but that's not Math2

I am totaly with u kilipatra, and hope for u the best isa
يا بشمهندس ما حدش قال إن الإمتحان ما يتحلش بس في وقت وفي إستنتاجات لازم تتعمل عشان الواحد يعرف يحل الإمتحان ده بالكامل والوقت مش مكفي
وبالنسبة ليك ماشاء الله حضرتك مخلص هندسة ومتخرج
يعني لما حضرتك تشوفه أكيد هتحل معظمه لأن حضرتك بقى عندك خبرة وأكيد درست الحاجات دي بتوسع
يعني حط نفسك مكانا وقل كنت هتعمل إيه
لو كنت بدل الإمتحان الي إمتحنته أيامك إمتحنت إمتحان السنة دي
إنت ما شوفتش الي حصل في اللجان
دلوقتي بقولك آه
إحنا عايزين نجيب مجاميع عالية عشان اهالينا بأي طريقه كانت
وكل ده بيتعمل عشان الكليات الخاصه تشتغل أصلا
امال هتقعد فاضية
أصل الرياضه 2 الي داخلها مش داخلها غير عشان الهندسة وربنا يوفقنا كلنا

الموضوع قابل للنقض

M.H.Seadawy

12-06-2008, 02:40 PM

وحضرتك يا عبقرية (اللهم لا حسد) جبتي كام السنة الي فاتت

العندليب الحزين

12-06-2008, 02:59 PM

ايه ياجماعة انتو نزالين فى البنت بهدلة ليه كده
هى قالت وجهة نظرها مش جريمة يعنى وهى حرة

بس بصراحة الامتحان باين عليه كان صعب (أنا مش شفته ) بس كل صحابى اللى فى عام رياضة (أنا أزهر )قفلين موبلايتهم ومحدش برد عليا حتى البنات يعنى الدح كله مبرودش برده ربنا يستره دا أقل واحد فى العيال دى كان جايب 95 السنة اللى فاتت
بجد أنا قلقان أوى

كليوبترا@

12-06-2008, 03:02 PM

شكرا لكل الناس اللي شاركت في الموضوع
رغم اني كنت متوقعة أسلوب أرقى من كدا في الحوار
أول حاجة أعتقد اننا كلنا متفقين ان أى حد يدخل يقول ( أنتي عبيطة ولا بتستعبطي ) ده يبقى تافه فعلا ويستحق أكتر من كدا
أنا لو ماكنتش بقدر الموقع والناس الللي عليه ماكنتش دخلت اصلا وبعدين انتو كلكو زمايلي ويمكن في يوم من الايام نتقابل في هندسة ان شاء رب العالمين
اثانيا ... انا اسفة بجد اني اقولكم والله العظيم انا اعرف ولدين زمايلي راجعو الامتحان مع المستر وههيجيبوا 15 في التفاضل والله العظيم ده بجد
أنا أول ماكتبت قولت اني مش بستفزكو ولا عايزة ابكتكو ولا عايزة يتقال عليا عبقرية لأن رحم الله امرء عرف قدر نفسه وأنا الحمد لله عارفة نفسي كويس ومش مستنية تريقة من حد
وربنا الذي لا اله الا هو أنا كنت بكتب الموضوع ده عشان تفوقوا من اللى انتو فيه
واوتحاولو تعوضو في اللي جاي وتاخدوها بجد بقى وربنا أعلم منكم بكل الي كل قلب

ويارب وفقكم وقويكم ويكرمكم
و

sh2awa _ 91

12-06-2008, 03:10 PM

I am really sorry but i have to put a comment on this. first I was in "3elmy reyada" 7 years ago, I am now a communication engineer graduated from cairo university, have done my masters and am doing my PhD. I know quite well the Math2 course, because I am teaching it to my cousines. I have seen the exam, am sorry but really if some students couldn't answer it they really shouldn't be an engineers.

An engineer needs to think, it is not just getting high marks and then failing in the faculty.
And I am really surprised from those who are saying it should be from namazeg el wezara or something like what they no. I am sorry but that's not Math2

I am totaly with u kilipatra, and hope for u the best isa

طبعا دي حرية شخصية واختلاف رأي وكلام لذييييييييييييييذ اوي لكن بيتهيقلي ان الاسلوب بتاع التعليم غير مؤهل نهائي للي انتا بتقوله دة !! يعني لما يبقى احنا بنشحت الدرجات من الي بيحطالامتحان ويطلع عينا في النماذج وكتاب الوزارة عشان نجيب درجات يبقى مش عيب ولا حرام ولا جهل وعموما انا 2 ثانوي بس شفت الي حصل معاهم وليا اصحاب كتيييييير اوي اتبهدلوا في الموضوع دة .
ومعلش ف الجملة الي جاية دي .. على كلامك دة
تقدر تحل الامتحان دة في ساعتين !!!
والي لفت انتباهي حاجة جمييييييييييلة جدا !!
ان
انتا مخلص جامعة
وجديد في المنتدى
والمشاركة الاولى والوحيدة ليك في الموضوع دة
وشكرا عموما بس لو هي حلت كويس مش ينفع خالص تدخل تتباهى على الناس !! .

احمد لطفى

12-06-2008, 07:06 PM

بس يا طلاب رياضة محدش يرد على كليوباترا تانى دى شكلها ثانوى بالالا

herkl77

13-06-2008, 02:28 AM

ممكن لو سمحتو ا افكركم بحاجة حصلت السنة الماضية 2007 كل الطلبة طلعت منهارة من امتحان الفيزياء وكلهم قالوا الفيزياء ضيعتنا ولكن عندما ظهرت النتيجة نسبة كبيرة جدا حصلت على الدرجة النهائية والباقون حصلوا على درجات عالية فى الفيزياء فعلا عايز اقولكم ان المادة عدت وخلاص والطالب اللى حاسس انه عمل اللى عليه يسيب اللى على ربنا لربنا هوه يدبرها بمعرفته وننتبه للمواد اللى جاية ونفكر فيها وننسى التفاضل ده خالص ونخللى املن فى ربنا كبير وربنا معاكم جميعا بأذن الله وشكرا

lovely-girl

13-06-2008, 02:31 AM

eng_soma91

13-06-2008, 02:48 AM

خالوا بالكم يا شباب انها ممكن يكون الامتحان كان عندها قبل ما تخل اللجنه واللى له ظهر مابيضرب على بطنه

herkl77

13-06-2008, 02:48 AM

عايز اقول لحضراتكم حاجة تانية ان المشكلة مش فى الامتحان ولا فى الطلبة المشكلة ان السادة الافاضل المدرسين الخصوصى اصبحوا الايام ده لايشرحون للطلبة المادة لأ ال ايه بيقوللهم على (التكات ) اللى بتيجى فى الامتحانات واصبحت شطارة المدرس الخصوصى لاتقاس بمدى مهارته فى فهم المادة وشرحها وتوصيلها للطالب بل اصبحت تقاس بمدى توقعاته للأمتحان واصبحوا يشرحوا للطلبة ازى يحصدوا الدرجات بفن بعيدا عن الهدف الاساسى وهو شرح المادة وساعدهم على ذلك الاسلوب العقيم والغبى فى وضع الامتحانات فلا تلوموا على الطالب الان انتم اللى عملتوا فى اولادنا كده على فكرة انا بيجى لى فى الشغل مهندسين معينين جدد ومش عايز اقولكم ان الطالب اللى واخد ثانوية عامة أو دبلوم صنايع فى السبعينات وأوائل الثمنينات أفضل منهم بكتير وده بسبب سياسة التعليم ليس لعيب فيهم وربنا يوفقكم جميعا

abom

13-06-2008, 04:02 AM

0o03aneda0o0

13-06-2008, 05:24 PM

نفسي اعرف انتي جايبه كام
وبعدين متقوليش نتقابل ف هندسه لأنك كده بوشين ده انتي فرحانة فينا علشان هندسة كلية من ليس له كلية !!

modymody2020

13-06-2008, 06:53 PM

انتي واحدة جاية تتمنظري

M.H.Seadawy

13-06-2008, 09:13 PM

غلطتنا الوحيدة إن إحنا بقينا تافهين فعلا عشان ردينا عليها وعلى موضوعها
أرجوا إن ما حدش يرد بعد كده

tana

14-06-2008, 09:45 AM

كليوباترا انتى غلطى فى حق اصحابك الى فى المنتدى مش معنى انك حليتى كويس توصفيهم بانهم اغبياء انتى ربنا كرمك وقدرتى تحلى هما ربنا ما وفقهمش وفعلا الامتحان كان صعب

معلش ولية راى اخر ماكنش لية لازم الهجوم دة كلة شباب ما تفكروا بشىء ما يهمكش وربنا معاكم وتتعوض فى الى احسن واكيد ربنا شايلكم الخير على قد ما تعبتوا فى مثل يقول(خير الرد على السفيةالصمت ) ركزوا فى الى جاى والى راح خلاص الحمد لله علية

مهاب ايمن محمد

15-06-2008, 12:25 AM

يا جماعه الامتحان كان صعب وغى مستوى الطالب الممتاز وانا مدرس رياضيات
والموضوع مش ليكم ده بين مستشار الرياضيات وبعض مدرسى الدروس الحصوصيه
هو والوزير وفال بكل فخر ان الامتخان محدش عرف يخمنه
يعنى ده خرام انكم ترحوا فى الرحلين
والله حرام
بس اطمنو اكيد الجبر والفراغيه هتيحى ميه
علشان نسبه النحاخ فى الماده

stop

19-06-2008, 07:04 AM

انا موصلتش لحاجة ملى حلمت بية

stop

19-06-2008, 07:10 AM

على العموم يا كيلوبترا دة رائيك ودى حرية بس كان ممكن تكون بااسلوب احسن من الى انتى قولتية احنا مش تفهين ولا اغبية بس احنا اتصدمنا اوى انا كنت بطلع الاولى على الدرس بتاعى وجيبة 50 فى الرياضة فى تانية ولاقت نفسى اعد فى اللجنة مش عرفة احل والمرقبة بتقول فاضل تلت ساعة والم الورق وانتى لسة فضلك سؤالين اتخيلى شعورك هيبقى اية ؟
يارب ما حد يجربة وعلى العموم الحمد اللة على كل شئ
اللهم ملا اعتراض

هبة الله عبدالهادى

20-06-2008, 01:43 AM

كليلوباترا انت معقدة وانت اما الامتحان فممكن تكون غشة الامتحان رشوة يعنى

gonog

20-06-2008, 01:48 AM

2na mota2ked 2n 2nty mo3akada we mosh 3arfa te7ily 2y 7aga ya 3abkaria

eslam123

20-06-2008, 05:52 PM

على اساس انك حتخشى هندسة بترول انا مجموعى 79.6 وداخل رياضة بمزاجى بس فعلا الامتحان صعب وبعدين بلاش فزلكة ع الناس من فضلك لاان فعلا الامتحان صعب

Helstakov

20-06-2008, 10:21 PM

79 ؟ ولا 97
عموما بالنسبه للأخت دي :
ربنا يسهلك ويفتح علينا وعليكي

وحوح العظيم

21-06-2008, 11:55 AM

على فكرة انتى غبية قوى لان الاحياء اصلا المفروض اللى يدرسها بتوع الادبى وخلى بالك الذكاء مش بالمجموع واذكى ناس بتوع الرياضة
وبعدين ليه مقولتيش على امتحانات الاحياء السنين اللى فاتت من الابتدائى هه لانها تقليدية جدا حففففففففففففففظ تحت المتوسط انا جايب 98 ودخلت رياضة حبا فيه وذكاء لان مبحبش الغباء (الحفظ)

_mariom_

21-06-2008, 01:06 PM

ازيكم اولا انا طالبه فى كليه الاداب جامعه القاهره مش فى ثانوى بس بنت خالتى منهاره من امتحان الجبر و هى شاطره جدا و كانت جايبه فى الرياضه السنه اللى فاتت 49.5 و بتحب الرياضه جدا و النهارده منهاره من الامتحان
بس ممكن طلب من كيلوبترا عاوزة اعرف اسمك بالكامل عشان ابقى اجبلك النتيجه و خصوصا درجات الرياضه عشان بس اشوف العبقاريه اللى انت فيها و انك تشتمى الطلبه و تقولى عليهم تفهين
و ع فكره مفيش حد محترم يشتم زمايله و بعدين مصر كلها بتشتكى من الامتحان الا انت يااااااااااااريت يوم النتيجه تدخلى تقولى جبتى كام دا لو هتقولى الحقيقه اصلا
و واضح انك فعلا معقده وصدقينى مفيش حد تافه غيرك

أسيل رزق

21-06-2008, 01:15 PM

والله مش عارفة أقولك إيه

أنا لاحترامى لقوانين المنتدى واللى موجودين فيه مش عارفة كنت قلت لحضرتك إيه

حضرتك حليتى كويس أو وحش قولى الحمد لله وخلاص وارفعى من معنويات زمايلك مش تقولى لما انت مش قد رياضة داخلها ليه؟؟!!!

انتى لو مكان اى حد من زمايلك اكيد ماتحبيش تسمعى الكلام ده

لا يدخل الجنة من كان فى قلبه مثقال ذرة من كبر‏

وبعدين انا ليا اصحابى مش هقول جايبين 98 % لا دول بسم الله ماشاء الله مخهم آله حاسبة و ادايقوا من الامتحان

يا ريت تراعى شعور زمايلك

وأنصحك تشوفيلك دكتور نفسانى كويس

_mariom_

21-06-2008, 01:37 PM

يا بنتى انت معقده بس امانه يا شيخه عاوزة اعرف اسمك باكامل عشان ابقى اجبلك النتيجه و اشوف درجه الرياضه او انت ابقى اطبعى الشهاده بتاعتك و وزعيها ع النت عشان نشوف درجاتك يا ست العبقريه انا مش فى ثانوى انا فى كليه الاداب بس بنت خالتى ممتازه لكن طالعه منهاره النهارده يعنى معلش يا كليوبترا انت مش هتيجى اشطر من بنت خالتى معلش يعنى بس اظاهر انت من صدمه الامتحان شوفتى سهل او انت مش كنتى بتمتحنى رياضه 3 اصلا يمكن كنتى ف لجنه الدبلومات ما هما بيمتحنوا هما كمان روحى يا كتكوته شوفى الامتحان الاول ومش تردى تانى عشان انت انسانه مستفزه اصلا و مفيش بنوته محترمه تشتم الطلبه الا اذا كانت هى اصلا اتفه طالبه ف مصر

BES0oo0

21-06-2008, 01:51 PM

no comment

(الدنيا ساعة فاجعلها طاعة)

21-06-2008, 01:53 PM

لا تعليق
حسبنا الله ونعم الوكيل
يعنى هو انتى مثلا عايزة تتشهرى بموضوعك ده ولا ايه
خالف تعرف يعنى
لاحول ولا قوة إلا بالله

(الدنيا ساعة فاجعلها طاعة)

21-06-2008, 01:56 PM

انتى تبع الريس ولا ايه
يا نفرتيتى
قصدى ياكيلو باترا

Alexander.plus

21-06-2008, 02:29 PM

حاجه تانيه نسيتها حتشبسوت ولا كليوباترا اللي بتتكلم دي
ان ابو 80% في فرنسا ده امتحانه ما بيبقاش ساعتين

احنا ماقولناش الامتحان صعب .. بالعكس. . الامتحان حلو بس عايز شوية تركيز و شويتين وقت
يعني اقله 4 ساعات دا لو ماكانش 6

يعني يا دكتورة كليوباترا صحصحي شوية و فكك من الحوارات اللي مش جايبه همها دي
ولا عشان حليتي الامتحان دوت هتعمليلنا فيها راس وزة

طيب عملتي ايه في الفيزياء و في التفاضل

(الدنيا ساعة فاجعلها طاعة)

21-06-2008, 03:28 PM

بصي أنا مش هقدر أقوللك غير
قال رسول الله صلي الله عليه وسلم
(من كان يؤمن بالله واليوم الأخر فليقل خيرا أو ليصمت)
صدق رسول الله صلي الله عليه وسلم

nonog

21-06-2008, 03:49 PM

يا جماعة والله عيب اللى انتوا بتعملوا ده انتوا ناس كبيرة متجرحوش بعض بالطريقة ده وعلى فكرة المسالة مسالة توفيق من عند ربنا ممكن واحد يحل الامتحان كله وميجبش درجة حلوة وممكن واحد ميحلش كويس وربنا يكرمه ادعوا لبعض احسن
وربنا يوفقناكلنا

Ahmed_lolita

21-06-2008, 08:39 PM

Bane2adma mareda walahy.

abdo911

21-06-2008, 08:47 PM

انا اتكلمت معاكي ووضحتلك قبل كيده بس مش مهم::: بش انا عندي سؤال انتي طالبة ؟! علشان انا مظنش نهاءي لان البيقول كلام كتير هتلاقيه داخل هندسة وجلهم امتحان عبيــــــــــــط زي امتحانات السنين الفاتت و فاكر نفسوا البيرت انشتاين يعني التنسيق كان زمان صغير و الامتحانات سهلة ::: لا حول و لا قوة الا بالله

ههههههههههههههههههههههههههههه

انا فى هندسه وقولت ان الامتحان رخم وصعب بس ده المفروض يحصل

يعنى امتحان الرياضه المفروض ميتحلش كله :D

عشان الواحد ميفتكرش نفسه انشتاين لما يخرج من الامتحان وهو حله كله :p

ويتصدم لما يدخل هندسه ويعرف الفرق بين مستوى الدراسه ومستوى الامتحانات

وساعتها ممكن يكره نفسه

عشان هو مش قد هندسه ويقولك انا جبت 99 % فى ثانويه وتلاقيهم فشله ومش عارفين يكملوا

امتحان الرياضه صعب على الكل والى كان المفروض يحصل انهم يقولوا ان الامتحانات هتصعب

لكن عملوا زى 2006 لما جابوا امتحان تفاضل صعب وباقى الامتحانات سهله (فروع الرياضه)

عالعموم ربنا يوفقك وتدخل الكليه الى انت عاوزها

تسابيح

21-06-2008, 08:50 PM

السلام عليكم ورحمة الله وبركاته

نعم الامتحان يوصف بالسهل الممتنع
يحتاج وقت منا
وكان يجب على واضعه أن يراعي نقطة الوقت والحالة النفسية

ولكنه في مجمله طوال العام ونحن نتمرن على اصعب أضعاف مرات الامتان
ولكن أين الرحمة
لايوجد منا من دخل ثانوية ويريد اللعب إلا من رحم ربي
سبحان الله

تعب
يكفي الدروس
ثم تقارني بفرنسا

شتان الفرق بين الثرى والثريا

لا مناهج مثلها ولا ضغوط والله تكفي الدروس الخصوصية

احنا نحمل ضعف أضعاف ما يحمله الطالب العادى وكأنا أصبحنا آالة نحفظ ولانفهم
تقولي هذا الكلام وهل استفدتي من الامتحان أو المنهج
لا أظن

وفي الأخير يكون الغش سمة أبناء الأكابر
الذين لايعرفون أصابع أيديهم
=======================

الحمد لله وكفي

يعني ليس الطلبة فقط هم >>المطحونين <<

gonog

21-06-2008, 08:54 PM

leave alll this now and go to www.moe.gov to have the mechanics ttests

gonog

22-06-2008, 09:25 PM

tgggggggggggggg

محمود خاطر

23-06-2008, 04:22 AM

انا داخل علمي رياضة علشان انا واعود بالله من كلمة انا بكرة الرياضة كرة العمى بس انا رخم بقة و على فكرة انتي لسة شكلك يعني في ابتدائي او اعدادي

الطالب المسلم

23-06-2008, 11:55 AM

لما انت مش قد رياضة داخلها ليه؟؟!!!

اهه غلاسة بقى بعيد عنك...لا انا بحب التاريخ ولا بحب الاحياء لكن بموت في حاجة اسمها رياضة

طب كويس انك حليتي كويس في التفاضل
عقبال باقي المواد ان شاء الله

nadeen

23-06-2008, 01:02 PM

بصى والله مافى اتفه منك ومين انتي اصلا انتي شكلك عندك عقدة
روحى شوفيلك دكتور يعالجك اصل ده خطر على صحتك ونهايتة وحشة

عاشق الرياضيات

23-06-2008, 02:33 PM

انا مش فاهم ايه الاساطير اللى بتقولوا عليها والاعلام مصورها للناس دى ؟؟ الامتحانات صعبه اه لكن مش للدرجة دى !! صعوبة معقولة .. انا مش فاهم ليه ده كله !!

molhm

23-06-2008, 02:39 PM

أنا أقدر أحل امتحانات الرياضيات ..خارج اللجنة ..و أجيب 50 من 50 ؟..!

لكن الامتحان شيء تاني ..الوقت و التوتر ..الموضوع مش موضوع ذكاء

و على فكرة الثانوية اساسا نظام غبي يعني إيه ساعتين يتقيم فيهم مستواك؟..@

مش فاهم ...!

مش فاهم

لكن اللى أعرفهم اني فى الامتحانات محلتش رغم اني قادر اني اوصل للأفكار وأحل تمام وبعد ما بخرج من اللجنة من كل فرع

بلاقي نفسي عارف اللى محلتوش

او ملحتقتش احله

الله يحرقهم دمرونا

مها 1984

23-06-2008, 02:45 PM

انت ممكن فعلا تحله بره اللجنه وتجيب 50 .. غيرك يحله جوه اللجنه ويجيب 50 .. يبقى الفرق هنا فى الفروق الفردية والمهارات والثبات الانفعالى و .... و ...... والعوامل دى مش متوفره عند كل انسان بنفس الدرجه .
ده كلام علماء النفس مش كلامى انا .! وانا اتفق معاك فى ضيق الوقت .. ازاى امتحان ميكانيكا ساعتين زى امتحان القومية اللى هو كلام فاضى وامتحان مستوى رفيع من 10 درجات وقته 3 ساعات علشان 5 درجات هتتضاف او اقل !!!!!