مشاهدة النسخة كاملة : تعالى وقول رايك عن العلاج الطبيعى


Dr norhan
22-01-2013, 12:14 AM
دكاترة فى كلية طبية او فى اى كلية تعالى قولنا رايك فى كلية العلاج الطبيعى ومجال العلاج الطبيعى وهل صادفت انك روحت لطبيب العلاج الطبيعى وهل اتحسنت وقول تجربتك بس اتمنى اننا نشارك مشاركات موضوعية بدون اهانات ويكون كلامكم بصراحة مش كلام سمعتوة واحد يقولك مدلكاتى والحاجات دى لانها قدمت اوى لان اساسا التدليك دة مش فى المجال اساسا مستنياكوا اتمنى من مشرف اتلكليات الطبية ينقل الموضوع لكل اقسام الكليات الطبية وشكرا:022yb4::022yb4:

Dr norhan
22-01-2013, 05:00 AM
اتمنى اشوف ردودكم

الشفق القرمذى
22-01-2013, 10:38 AM
هو مجال العلاج الطبيعى مجال تحفة طبعا
بس ليه اعداء كتير
و مش واخد حقه فى مصر للاسف

Dr norhan
22-01-2013, 12:32 PM
هو مجال العلاج الطبيعى مجال تحفة طبعا
بس ليه اعداء كتير
و مش واخد حقه فى مصر للاسف

شكرا على المشاركة بس الموضوع دة بدا يقل شوية بس انا معاك ان لسة فى شوية جهل عند البعض بس دة اغلبهم تلقيهم فى المحافظات البعيدة والمناطق النائية والعشوئيات ناس معندهمش ثقافة عالية لكن فى القاهرة واسكندرية الموضوع عالى شوية مرة تانية شكرا على المشاركة

الشفق القرمذى
22-01-2013, 02:03 PM
هههههههههههههههههههه
طيب ليه الغلط ده
على فكرة انا من اسوان و عندنا دكاترة العلاج الطبيعى واخدين حقهم خالص فى الشغل الحكومى
و مراكز الاطفال

Dr norhan
22-01-2013, 02:11 PM
هههههههههههههههههههه
طيب ليه الغلط ده
على فكرة انا من اسوان و عندنا دكاترة العلاج الطبيعى واخدين حقهم خالص فى الشغل الحكومى
و مراكز الاطفال


علفكرة اسوان مش منهم لان فيها مراكز متخصصة وكمان علشان الساحة كتير والسياحة العلاجية الى بيشتغلها اطباء العلاج الطبيعى وبعدين دى من اهم المحافظات مصر وجزء كبير من دخلها انا اققصد الكفور والقرى الصغيرة فى ناس وناس يعنى فى ناس فيهم اكيد فاهمة والصعيد وكدة فاهمنى مش اققصد اسوان خالص والله ولا اى محافظة اا اققصد ان ممكن علشان الخدمات مش زى القاهرة بس فالثقافة الطبية ومش قصدى اى ثقافة تانية فاهمنى

الشفق القرمذى
22-01-2013, 02:33 PM
ولا يهمك يا نورهان انا فاهمك انا كنت بهزر معاكى

Dr norhan
22-01-2013, 02:36 PM
لا ولا يهمك انا قلت علشان متفهمش غلط

Dr Elgohary
22-01-2013, 02:44 PM
انااخويا لسه متخرج من الكلية وتقدير كويس ومع ذلك مصر يدرس تانى بره مصر لانه بيقول انه مدرسش اى حاجة وان الكلية مليانة فساد وملهاش مكان فى مصر لان دكاترة طب كوشوا على كل حاجة وبيعادوهم

Dr norhan
22-01-2013, 02:49 PM
انااخويا لسه متخرج من الكلية وتقدير كويس ومع ذلك مصر يدرس تانى بره مصر لانه بيقول انه مدرسش اى حاجة وان الكلية مليانة فساد وملهاش مكان فى مصر لان دكاترة طب كوشوا على كل حاجة وبيعادوهم


بص موضوع بيعادوهم دة مش موجود وى دة فى اتنين بتوع طب طبيعى وروماتيزم اتحبسوا بسبب تتدخلهم فى العلاج الطبيعى سنتين بس من ناحية يكمل برا فدة لازم انا كمان هعمل كدة ان شاء الله بس المجال فى مصر كويس والدكتور اخوك يقدر يكمل برا وهيجيلوة عقود عمل كتير ان شاء الله ومن ناحية الفساد فالفساد فى كل حاجة وفى كل الكليات تسلم على المشاركة نورت الموضوعبس من ناحية مدرسش حاجة لا الكلية مليانة هو قصدة ان هو عايز يزيد والكلية بقت ٦ سنين وهيزودوا مواد تانية زيادة والدى بى تى قريب ان شاء الله شكرا مرة تانية

الشفق القرمذى
22-01-2013, 02:55 PM
طيب هما اللى بيسافرو برة دول بيعملو ايه و بيسافرو فين؟
و ازاى اصلا بيسافرو؟
و بيبقى على حسابهم يعنى ولا منح ولا شغل ولا ايه؟

Dr norhan
22-01-2013, 02:59 PM
طيب هما اللى بيسافرو برة دول بيعملو ايه و بيسافرو فين؟
و ازاى اصلا بيسافرو؟
و بيبقى على حسابهم يعنى ولا منح ولا شغل ولا ايه؟
بيجيلهم عقود عمل من امريكا والسعودية والكويت وقطر والامارات اكتر حاجة وبياخدوا مرتبات كبيرة جدا برة متقلش عن 15 الف جنية

الشفق القرمذى
22-01-2013, 03:04 PM
ياريت و الله
بس اظن ان ده قليل عشان قريت كلام لناس ان مرتباتهم فى السعودية قليلة اوى
و ازاى بيسافرو امريكا يعنى ازاى بيجيبو عقود العمل دى؟و هل بتبقى كفائتهم بنفس كفاءة الامريكان؟

Dr norhan
22-01-2013, 03:09 PM
ياريت و الله
بس اظن ان ده قليل عشان قريت كلام لناس ان مرتباتهم فى السعودية قليلة اوى
و ازاى بيسافرو امريكا يعنى ازاى بيجيبو عقود العمل دى؟و هل بتبقى كفائتهم بنفس كفاءة الامريكان؟
بص السعودية مجالها وحش فى العلاج الطبيعى علشان كدة هى من اكتر الدول الى بتطلبهم ثانيا 60 فى المية من خريجى العلاج الطبيعى بيشتغلوا فى امريكا ودة مش كلام من عندى كمان موضوع الكفاءة لو مكنتش زيهم او اعلى ما كنوش طلبوهم وكل واحد يقدر يثبت كفائتة يعنى الدولة الوحيدة الى لو اية حصل مرحهاش علاج طبيعى السعودية الباقى اة

الشفق القرمذى
22-01-2013, 03:17 PM
مممممممم عندك حق

Dr norhan
22-01-2013, 04:07 PM
اغسطس 2012


العلاج الطبيعى: فى مهب الريح المصدر: الأهرام اليومى
بقلم: انجى البطريق (http://digital.ahram.org.eg/makalat.aspx?eid=1705)



36 ألف خريج علاج طبيعي يزيد بمعدل 1500 خريج سنويا وكثيرا ما يشكو هؤلاء من التهميش والاقصاء بعيدا عن النقابات المهنية، ولكن اليوم هناك تعاون وثيق بين نقابة العلاج الطبيعي واتحاد المهن الطبية (بشري ـ صيدلة ـ أسنان ـ بيطري) لدرجة جعلت الاتحاد يوافق علي أن ينضم عضو نقابة العلاج الطبيعي لمشروع الرعاية الصحية للاتحاد تمهيدا للانضمام الكلي للاتحاد بعد تعديل القانون ولكن المشكلة الأساسية الآن هي الدكتوراه المهنية والتي تطرح نفسها بقوة.
أكد الدكتور مجدي احمد عرفة أستاذ العلاج الطبيعي للاعصاب وجراحاتها بجامعة القاهرة ووكيل الكلية والأمين العام لنقابة العلاج الطبيعي إنه ليس لدينا أي مشاكل مهنية بعد قانون تنظيم المهنة رقم 3 لعام 1985 حيث أصبح هناك قانون للمهنة والنقابة، حيث إن المشاكل تنشأ في المستشفيات بسبب عدم تنفيذ القانون خاصة مشكلة فصل العلاج الطبيعي عن أقسام الطب الطبيعي للمستشفيات وقد عملنا أفضل حدثين حيث حولنا عدد سنوات العلاج الطبيعي خمس سنوات وسنة امتياز وهي لائحة في طريقها للتنفيذ واعتماد الجامعة وهي ستحل المشكلة كما ساعدنا ذلك علي حل المشاكل النفسية والآن يتم تعديل القانون ليمنع تسلل الدخلاء علي المهنة مثل خريجي التربية الرياضية وبعض الأطباء لذلك وضعنا قيودا واضحة لانطباق المشاركة المهنية في مشروع قانون سيتم عرضه علي مجلس الشعب المقبل، بالاضافة الي الخدمات مثل وحدات سكنية علي مستوي عال بـ 100 ألف جنيه بالتقسيط ودون فوائد وبالنسبة للخدمات الصحية فان المشروع العلاجي للأطباء سيتم تطبيقه علي كل النقابات المهنية التي تضم حوالي 5 ملايين نقابي ممثلين لـ 20 مليون منتفع من أفراد اسرهم وسيتم تنسيق الخدمات الصحية والسكنية.
كما أكد أنه بالنسبة لمشكلة عدم السماح لخريجي العلاج الطبيعي لممارسة المهنة إلا بعد الحصول علي درجة الدكتوراه فهذا الكلام مخالف تماما لنص المادة 8 من القانون 3 لعام 1985 لمزاولة المهنة واعتبر أن هذا التصريح غير صحيح حيث إننا نسمح للأخصائي بفتح مركزين للعلاج الطبيعي.
أما الدكتور حافظ محمد شوقي الاستشاري ووكيل النقابة العام للعلاج الطبيعي فقال عندما أنشيء العلاج الطبيعي عام 1962 كانت الدرجة المؤهلة للمهنة 4 سنوات وكان يعمل الخريج في امريكا بدون معادلة وتم عمل سنة تدريبية (سنة امتياز اضافية) ولكن العالم بدأ يتطور للحصول علي دكتوراه مهنية من خلال زيادة سنوات الدراسة لمدة 7 سنوات ليصبح من حقه أن يستقبل الحالة مبدئيا وليست محولة ومن حقه كتابة الروشتة وطلب اشاعات ويوقف العلاج الطبيعي وهذا ليس هدفا في حد ذاته، فالعالم تطور ليصبح أكبر من درجة البكالوريوس، وأنا أتوقع إنه سيكون خلال عام 2020 من الضروري ان يحصل اخصائي العلاج الطبيعي علي درجة الدكتوراه المهنية حيث أن أكثر من 60% من خريجي العلاج الطبيعي المصريين يعملون في أمريكا لذلك يجب مواكبة التطور ودراسة الدكتوراه المهنية وفي عام 2025 يصبح أي خريج حديث حاصل علي الدكتواه المهنية أي 7 سنوات بعد الثانوية العامة وبذلك تختلف الدكتوراه المهنية عن الدكتوراه الأكاديمية البحثية التي تتطلب الحصول علي الماجستير قبلها.
وعن دور النقابة فهي تضمن حق الخريج في ممارسة المهنة والتوزيع العادل علي المستشفيات والمؤسسات والجهات التي تقدم خدمات العلاج الطبيعي ومحاربة الدخلاء علي المهنة والضرب بيد من حديد علي كل من يمارس المهنة بدون تراخيص حفاظا علي صحة المريض المصري.
وأضاف الدكتور ابراهيم البنداري استشاري العلاج الطبيعي بالولايات المتحدة الأمريكية وجامعة هارفارد ان المنظومة العالمية أصبحت تعتمد شهادة (الـ دي بي تي) وهي الشهادة التي تمنح لأخصائي العلاج الطبيعي بعد التخرج مباشرة ولن يعد الاكتفاء بدرجة الماجستير لممارسة المهنة لذلك لم تجد النقابة بدا من الزام خريجي العلاج الطبيعي الحصول علي شهادة (الـ دي بي تي) للانضمام للنقابة والحصول علي عضويتها وهذا شرط أساسي للعمل في أي مكان او فتح عيادة او السفر للخارج لذلك نحن في حاجة سريعة لتطوير المناهج الدراسية بكليات العلاج الطبيعي حتي يحصل الخريج علي درجة الدكتوراه المهنية اسوة بأقرانه في العالم وحتي الدول العربية وإلا سيصبح الحصول علي وظيفة أمرا مستحيلا.


الكلام دة بقالة حوالى ٩ شهور والى حصل ان تمت موضوع الخمس سنين والسمة الامتياز ودة يحسم الجدل حول لقب دكتور وتم الفصل واى تعدى من اطباء الطب الطبيعى يتم حبسهم ودة بجد حصل مع اتنين واتحبسوا سنتين وكمان دة بيوضح ان 60 % من خريجى واطباء العلاج الطبيعى فى امريكا

pt for ever
22-01-2013, 04:26 PM
اولا موضوع رائع ثانيا هو مجال من اروع المجالات فطبيب العلاج الطبيعى يعالج اغلب الامراض التى يعجز الاطباء فى التخصصات الاخرى عن علاجها وجال مميز ومستقبلة هايل خصوصا بعد تطبيق ال ٦ سنوات والدى بىتى ان شاء الله كمان قريب وكتير بقوا يلجئوا للعلاج دة علشان يبعدوا عن الادوية والجراحة ومجال ممتاز وبة دكاترة اكفاء فى مصر جزاكى الله خيرا على الموضوع

Dr norhan
22-01-2013, 04:38 PM
اولا موضوع رائع ثانيا هو مجال من اروع المجالات فطبيب العلاج الطبيعى يعالج اغلب الامراض التى يعجز الاطباء فى التخصصات الاخرى عن علاجها وجال مميز ومستقبلة هايل خصوصا بعد تطبيق ال ٦ سنوات والدى بىتى ان شاء الله كمان قريب وكتير بقوا يلجئوا للعلاج دة علشان يبعدوا عن الادوية والجراحة ومجال ممتاز وبة دكاترة اكفاء فى مصر جزاكى الله خيرا على الموضوع
اكيد طبعا نورتى الموضوع وتكيد مجال من اروع المجالات تسلمى على المشاركة

Dr.moamen
22-01-2013, 06:26 PM
انا بقا بعتقد ان مجال العلاج الطبيعى ده مجال المستقبل ولان كل الجالات الطبيه مش بتستغنى عنه بس زى مالكل موافقنى انها مش واخده حقها بس ارجع واقول لا يصح الا الصحيح هيجى الوقت الى كل حاجه هيكون ليها قيمتها فى عقول وثقافة الناس

Dr norhan
22-01-2013, 06:27 PM
انا بقا بعتقد ان مجال العلاج الطبيعى ده مجال المستقبل ولان كل الجالات الطبيه مش بتستغنى عنه بس زى مالكل موافقنى انها مش واخده حقها بس ارجع واقول لا يصح الا الصحيح هيجى الوقت الى كل حاجه هيكون ليها قيمتها فى عقول وثقافة الناس
اكيد طبعا يا دكتور كل حاجة بتاخد وقتها وهو بجد مجال رائع تسلم على المشاركة بالتوفيق ان شاء الله

Dr norhan
23-01-2013, 04:02 AM
اتمنى اشوف مشاركات تانى وتقولوا ارائكم

john99
19-07-2013, 09:24 AM
انا فى علاج طبيعى رايح سنة تانية ان شاء الله .... ادعولى ^_^
و حبيت المجال جدا و فعلا هو اصبح الان عندى افضل من اى كلية تانية مع العلم انى فى التنسيق كان جايلى علاج و صيدلة و اخترت علاج و كان اختيار موفق جدا ....
proud to be pt :D

lolo nice
20-07-2013, 11:31 AM
ربنا يوفقنا و ندخله ان شاء الله يعنى دلووقتى المشكلة الوحيدة ان احنا مينفعش نفتح عيادة بعد التخرج و لازم نشتغل فى عيادة عند دكتور كبير 5 سنين و بعد كدا بفتح ... بس ان شااء الله هتتحل
بس فى حااجة انا مش عارفة لو جامعة مصر حلووة و لا لآ انتوا ايه رأيكوا فيها

Rozal Nona
01-08-2013, 09:37 PM
بجد هو انا علشان أفتح عياده لازم اضرب خمس سنين؟؟؟