يا جماعة بجد فكروا شوية قبل ما تحكموا على الامتحان هو مش كان بالصعوبة اللى انتو بتقولوها دى اصلا ما فيش حاجة اسمها امتحان رياضة صعب لانها شوية قوانين و بتعوض وتطبق عليها المهم توصل للفكرة
ومع احترامي بس اللى شايفه صعب و هو علمي وكان ناوى يدخل علمى رياضة يبقى يريح دماغه و يحول أدبى لأنه هيشوف أصعب من كده بكتير
بس اللى فى أدبى بقى معلش دى غلطة تعليم فاشل وحكومة مش منظمة
بس بردو الامتحان مش صعب كده زى ما كتير بيقولوا ده بس عشان احنا كنا رايحين مهيئين نفسيا انه هييجى زى بتاع تالتة و بعدين اتعودنا على الاسئلة التعبانة بتاع لامى و المعاصر اللى نفس الفكرة فى كل مسألة
وكمان لو تفتكروا زمان فى اعدادى كنا بنعرف القوانين بس وأى مسألة نقابلها بنطبق عليها ونحل
وانا طيرت بس درجتين لسوء استخدام آلة و عدم مراجعة و ده خطأ منى أنا لأنى مش اخترت اربعة بس
و حليتهم كلهم

و لا انتو رأيكو ايه ....

فى النهاية ربنا معاكو كلكم و ان شاء الله بالتوفيق
و ركزوا فى المواد التانية

انت عايزنا نقول عليك شاطر يعنى.ريحنا بقى يا عم البروفسير وتلاقيك عامل اى حاجة.....

اولا كلامك حلو بس انا عن نفسى اما اكون خارجة من امتحان ومضايقة منه محبش حد يقولى الامتحان سهل واكيد كلنا كده لان ده بيضايقك اكتر فاعتقد كلامك كده هيضايق ناس ويخليها تحس انها هى اللى قصرت وحاجات كتير جدا وده مش حلو عشان الامتحانات اللى جاية...

ثانيا فى بعض الطلبة للاسف ماشيين بمبدا غريب لاحظته وهو انه ياخد الدرس وياخد كل الافكار الممكنة للمسائل من كل الكتب ويحفظها ويمشى عليها ولو جتله اى فكرة جديدة خلاص يبقى الدنيا تتقلب وده طبعا مش ينفع فى الرياضة الرياضة المفروض مادة ابتكار سيبكم من التعليم بتاعنا بس للاسف فى ناس كتير فى علمى رياضة دخلينها علشان مجرد يدخل هندسة ويبقى اسمه طالب فى هندسة مش لحبه للرياضة وده بيزود المشكلة لانه هيبقى شايف اى فكرة جديدة تعجيز .....

عموما ربنا يوفقكم وبكرة تدخلوا الكلية وتعرفوا ان الثانوية كانت رحمة

أنت حالل زى والله اللى ضيعنى الوقت ملحقتش أراجع عشان حليت خمس أسئلة

!!!! بس لحظة!!!!

أنت بتقول مهيئين نفسنا ؟؟؟
الأول كنت متوقعه صعب بس الوزير بنفسه قال الامتحانات من كتاب المدرسة ومن امتحانات السنين اللى فاتت
فين ده يا سيدى؟؟ !!!
و كمان من المعروف إن نسبة الذكاء فى الامتحان 15 % فى الامتحان ده نسبة الذكاء 35 %
يعنى امتحاننا أصعب من امتحان 2004 اللى كان بيقولولنا اللى يحله يضمن النهائية يريتوه أصعب منه بعقل لأ أصعب منه مرة و شوية

طيب محدش من المدرسين اتكلم على عامل الوقت خالص المفروض أى امتحان رياضة واحد يتحل فى ساعة و شوية بالكتير و الخمس أسئلة كمان بزمتكوا افتحوا الكتاب حلوا كل الامتحانات اللى فاتت لو لقيتوا امتحان بنفس الطول و فيه كم الأسئلة التفكيرية يبقى ليكم كلام

على فكرة الامتحان مش صعب لكن العملية نسبية يعنى لو قارنت بين امتحاننا و أى امتحان هتلاقى نسبة الصعوبة والوقت
من واحد ونص إلى واحد و من اتنين إلى واحد
على فكرة لو كنت هحط الامتحان كنت حاطيطه صعب يمكن أكتر بس ليه منبهناش؟؟؟؟ ليه مقلش إن نسبة الذكاء علية؟؟؟؟؟
ليه مقلش الوقت ميكفيش غير أربع أسئلة بمراجعتهم؟؟؟؟ ليه الوزير يضحك علينا و يقولنا من كتاب المدرسة؟؟؟؟
و الله يعلم إن لو كنت عارف ولما دخلت الامتحان أنه صعب كنت مديت إيدى فى الحل بس كنت حاطط استراتيجية الحل على أنه سهل وخصوصاً دخلوا رؤساء اللجنة يقلولنا الحل فى ساعة و المراجعة فى ساعة ؟؟؟؟ المهم السؤال الأول حليته فى ربع ساعة
و السؤال الرابع و الخامس فى تلت ساعة اللى حاطط الامتحان ملهوش ذنب كبير و الله اللى غايظنى أن الوزير كذب علينا معرفش هى ده بقت وزارة التعليم و لاّّ وزارة المخابرات و التمويه ده لو كان فيه وزارة بالاسم ده
و الامتحان مرعاش الشعب التانية خالـــــــــــــص و لا كنا متهيأين نفسياً ولا أى حاجة من الكلام ده

كل اللى أقوله لله فى خلقه شئون و الله أعلم لعله خير